Azərbaycan Respublikası Nazirlər Kabinetinin 2000-ci il 13 iyul tarixli 124 nömrəli qərarı ilə təsdiq edilmiş "Azərbaycan Respublikası ərazisinə gətirilən, əlavə dəyər vergisindən azad olunan malların siyahısı"na əlavələr edilməsi barədə
AZƏRBAYCAN RESPUBLİKASI NAZİRLƏR KABİNETİNİN QƏRARI
Azərbaycan Respublikasının Nazirlər Kabineti qərara alır:
1. Azərbaycan Respublikası Nazirlər Kabinetinin 2000-ci il 13 iyul tarixli 124 nömrəli qərarı ilə təsdiq edilmiş "Azərbaycan Respublikası ərazisinə gətirilən, əlavə dəyər vergisindən azad olunan malların siyahısı"nda "10" mal qrupunda 1-ci sütunda "100300100" mal mövqeyindən və 2-ci sütunda onun adından əvvəl müvafiq olaraq "1001" mal mövqeyi və "Buğda və meslin:" sözləri əlavə edilsin.
2. Bu qərar 2003-cü il oktyabrın 1-dən qüvvəyə minir və bir il müddətində qüvvədədir.
Azərbaycan Respublikası Baş nazirinin birinci müavini A.Rasİzadə
Bakı şəhəri, 17 sentyabr 2003-cü il № 118