“Azərbaycan Respublikasında balıqçılıqla bağlı bəzi normativ hüquqi aktların təsdiq edilməsi haqqında” Azərbaycan Respublikası Nazirlər Kabinetinin 1999-cu il 6 sentyabr tarixli 146 nömrəli qərarına əlavə edilməsi barədə
“Azərbaycan Respublikasından Avropa İttifaqı ölkələrinə balıq və digər dəniz məhsullarının ixracının tənzimlənməsi haqqında” Azərbaycan Respublikası Prezidentinin 2005-ci il 1 aprel tarixli 218 nömrəli Fərmanının 2.3-cü bəndinin icrasını təmin etmək məqsədilə Azərbaycan Respublikasının Nazirlər Kabineti qərara alır:
1. Azərbaycan Respublikası Nazirlər Kabinetinin 1999-cu il 6 sentyabr tarixli 146 nömrəli qərarı ilə təsdiq edilmiş “Balıqçılıq əhəmiyyətli su obyektlərinə zərərli təsirin yol verilən normaları”na 2 nömrəli əlavə “Balıqçılıq əhəmiyyətli su obyektlərinin suyunda zərərli maddələrin yol verilən qatılıq həddinin siyahısına aşağıdakı məzmunda “Qeyd” əlavə edilsin:
“Qeyd. Avropa İttifaqı ölkələrinə ixrac ediləcək balıq və digər dəniz məhsullarının ovlandığı və yetişdirildiyi su obyektlərindəki sularda - Kadmium (CD+), Kobalt (CO+), Maqnezium (Mg+), Nikel (Ni+), Sərbəst xlor (Cl) və Sink (Zn+) yol verilən qatılıq həddi müvafiq olaraq 0,01 mq.l., 1,0 mq.l., 14 mq.l., 0,3 mq.L, 0,01 mq.l. və 0,003 mq.l. müəyyən edilir”.
2. Bu qərar imzalandığı gündən qüvvəyə minir.
Azərbaycan Respublikasının Baş naziri A. RASİZADƏ
Bakı şəhəri, 16 iyun 2005-ci il