Azərbaycan Respublikasında elektrik enerjisinin istehsalının artırılması və ölkə əhalisinin davamlı elektrik enerjisi ilə təmin edilməsi məqsədi ilə Azərbaycan Respublikası İqtisadi İnkişaf Nazirliyinin, Azərbaycan Respublikası Sənaye və Energetika Nazirliyinin, Azərbaycan Respublikası Maliyyə Nazirliyinin, Azərbaycan Respublikası Vergilər Nazirliyinin və Azərbaycan Respublikası Dövlət Gömrük Komitəsinin razılaşdırılmış təklifini nəzərə alaraq Azərbaycan Respublikasının Nazirlər Kabineti qərara alır:
1. «Azərbaycan Respublikasının ərazisinə gətirilən, əlavə dəyər vergisindən azad olunan malların siyahısı haqqında» Azərbaycan Respublikası Nazirlər Kabinetinin 2005-ci il 31 yanvar tarixli 11 nömrəli qərarına (Azərbaycan Respublikasının Qanunvericilik Toplusu, 2005-ci il, № 1, maddə 55, № 4, maddə 378, № 10, maddə 980; 2006-cı il, № 2, maddə 180, № 4, maddə 367, № 7, maddə 652; 2007-ci il, № 6, maddə 700, № 7, maddə 743, № 12, maddə 1355; 2008-ci il, № 4, maddə 325, № 7, maddələr 672, 687; 2008-ci il, № 11, maddə 1036; 2009-cu il, № 1, maddə 25) aşağıdakı məzmunda 1.15-ci yarımbənd əlavə edilsin:
«1.15. gücü 750 meqavatdan artıq olan buxar-qaz elektrik stansiyalarının tikintisi üçün məcmu dəyəri 500 (beş yüz) milyon manatadək olan 84-cü, 85-ci və digər mal qrupları üzrə gətirilən mal və avadanlıqlar».
2. Bu qərar imzalandığı gündən qüvvəyə minir.
Azərbaycan Respublikasının Baş naziri A. RASİZADƏ
Bakı şəhəri, 30 aprel 2009-cu il