Azərbaycan SSR Nazirlər Sovetinin «Xidməti yaşayış sahələri verilməsi və onlardan istifadə edilməsi qaydası haqqında Əsasnamənin təsdiq olunması barədə» 1984-cü il 2 mart tarixli 88 nömrəli qərarına əlavə edilməsi haqqında
Azərbaycan Respublİkası Nazİrlər KabİnetİnİN QƏrarı
«Konstitusiya Məhkəməsi haqqında» Azərbaycan Respublikası Qanununun tətbiq edilməsi barədə Azərbaycan Respublikası Prezidentinin 1997-ci il 24 noyabr tarixli 645 nömrəli Fərmanının icrası ilə əlaqədar Azərbaycan Respublikasının Nazirlər Kabineti qərara alır:
1. Azərbaycan SSR Nazirlər Sovetinin 1984-cü il 2 mart tarixli 88 nömrəli qərarı ilə təsdiq edilmiş «Xidməti yaşayış sahələri verilməsi və onlardan istifadə edilməsi qaydası haqqında Əsasnamə»nin 1 nömrəli əlavəsinə aşağıdakı redaksiyada yeni 24-cü bənd əlavə edilsin:
«24. Bakı və Sumqayıt şəhərlərində, habelə Abşeron rayonunun hüdudlarında mənzili olmayan Konstitusiya Məhkəməsinin hakimləri».
2. Bu Qərar imzalandığı gündən qüvvəyə minir.
Azərbaycan Respublikasının Baş naziri A. RASİZADƏ
Bakı şəhəri, 11 mart 1998-ci il