«Əhaliyə tibbi yardımın göstərilməsi, virusologiya məsələləri üzrə elmi tədqiqatların aparılması və virus preparatlarının istehsalı ilə məşğul olan işçilərin öz xidməti vəzifələrinin yerinə yetirilməsi zamanı insanın immunçatışmazlığı virusunun törətdiyi xəstəliyə (AIDS) tutulma, habelə bununla əlaqədar baş vermiş əlillik, 18 yaşınadək sağlamlıq imkanlarının məhdudluğu və ölüm hadisələrinin dövlət icbari sığortası qaydaları haqqında» Əsasnamənin təsdiq edilməsi barədə» Azərbaycan Respublikası Qanununun tətbiq olunması haqqında
Azərbaycan RESPUBLİKASI Prezİdentİnİn Fərmanı
«Əhaliyə tibbi yardımın göstərilməsi, virusologiya məsələləri üzrə elmi tədqiqatların aparılması və virus preparatlarının istehsalı ilə məşğul olan işçilərin öz xidməti vəzifələrinin yerinə yetirilməsi zamanı insanın immunçatışmazlığı virusunun törətdiyi xəstəliyə (AIDS) tutulma, habelə bununla əlaqədar baş vermiş əlillik, 18 yaşınadək sağlamlıq imkanlarının məhdudluğu və ölüm hadisələrinin dövlət icbari sığortası qaydaları haqqında» Əsasnamənin təsdiq edilməsi barədə» Azərbaycan Respublikası Qanununun qüvvəyə minməsi ilə əlaqədar həmin Qanunun tətbiq edilməsini təmin etmək məqsədi ilə qərara alıram:
yuxarıda adı çəkilən Əsasnamənin I bölməsinin 3-cü bəndində, III bölməsinin 3-cü bəndində, IV bölməsinin 2-ci bəndində və V bölməsinin 2-ci bəndində nəzərdə tutulmuş «müvafiq icra hakimiyyəti orqanı»nın səlahiyyətlərini Dövlət Sığorta Kommersiya Şirkəti həyata keçirir;
Həmin Əsasnamənin V bölməsinin 1-ci bəndində nəzərdə tutulmuş «müvafiq icra hakimiyyəti orqanı»nın səlahiyyətlərini Azərbaycan Respublikasının Səhiyyə Nazirliyi həyata keçirir;
Həmin Əsasnamənin V bölməsinin 3-cü bəndinin «b» yarımbəndinin üçüncü abzasında nəzərdə tutulmuş «müvafiq icra hakimiyyəti orqanı»nın səlahiyyətlərini Azərbaycan Respublikasının Əmək və Əhalinin Sosial Müdafiəsi Nazirliyi həyata keçirir;
Həmin Əsasnamənin III bölməsinin 3-cü bəndində nəzərdə tutulmuş sığorta haqlarının Dövlət Sığorta Kommersiya Şirkətinin hesabına köçürülməsi, habelə Əsasnamənin V bölməsinin 2-ci bəndində nəzərdə tutulmuş sənədlərin rəsmiləşdirilməsi və onların Dövlət Sığorta Kommersiya Şirkətinə təqdim olunması Azərbaycan Respublikasının Səhiyyə Nazirliyi tərəfindən həyata keçirilir.
Azərbaycan Respublikasının Prezidenti
Bakı şəhəri, 29 may 1997-ci il.
1. 8 iyul 2008-ci il tarixli 794 nömrəli Azərbaycan Respublikası Prezidentinin Fərmanı(Azərbaycan Respublikasının Qanunvericilik Toplusu, 2008-ci il, №7, maddə 612)