Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, “Azərbaycan Respublikası Əmək Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında” Azərbaycan Respublikası qanununun tətbiq edilməsi barədə” Azərbaycan Respublikası Prezidentinin 1999-cu il 15 aprel tarixli 122 nömrəli Fərmanının 2-ci hissəsinin üçüncü abzasına uyğun olaraq Azərbaycan Respublikasının Nazirlər Kabineti qərara alır:
1. “İşçilərə pulsuz müalicə-profilaktik yeməklərin, süd və ona bərabər tutulan məhsulların verilməsi üçün zərərli, ağır və yeraltı əmək şəraitli istehsalatların Siyahısı” təsdiq edilsin (1 nömrəli əlavə).
2. “İşçilərə pulsuz müalicə-profilaktik yeməklərin, süd və ona bərabər tutulan məhsulların verilməsi Qaydaları” təsdiq edilsin (2 nömrəli əlavə).
3. Azərbaycan Respublikasının Səhiyyə Nazirliyi bir ay müddətində “Pulsuz müalicə-profilaktik yeməklərin rasionunu və vitaminli preparatların tərkibi”ni təsdiq etsin.
Azərbaycan Respublikasının Baş naziri Artur Rasi-zadə
Bakı şəhəri, 14 dekabr 2017-ci il
1. Aşağıdakı siyahıda göstərilən istehsalat sahələrində çalışan işçilərə iş yerlərinin attestasiyasının nəticələri əsasında müalicə-profilaktik yeməklər verilir:
a) qeyri-üzvi məhsullar
tünd azot turşusunun istehsalı: a) birbaşa sintez üsulu ilə, b) konsentrasiya üsulu ilə
sulfat turşusu istehsalı
Denitrləşdırılmış turşudan qatılaşdırılmış azot turşusunun alınması
işlənmiş turşunun denitrasiya və depikrasiya olunması
termik üsulla və ya ekstraksiya üsulu ilə fosfor turşusunun istehsalı
xlorlu-sulfuril istehsalı
xlorlu tionilin istehslalı
xlor və kaustik soda (maye, quru) istehsalında diafraqment üsulu ilə elektroliz ayırmaları
xlor və kaustik soda (maye, quru) istehsalında civə üsulu ilə elektroliz ayırmaları
maye xlor istehsalı, bəyazın istehsalı və qablaşdırılması
xlorlu əhəng istehsalı
xlorlu alüminium istehsalı
dəmirli xlorid istehsalı
bertolet duzunun istehsalı
karbon-sulfid istehsalı: kükürdəritmə, retort, karbon sulfidinin distillə edilməsi sahələri
sarı və qırmızı fosforun istehsalı
beşkükürdlü fosfor istehsalı
üçxlorlu fosforun və xloroksidli fosforun istehsalı
superfosfat istehsalı
silisiumflüorlu natrium istehsalı
flüorlu natrium istehsalı
flüorlu hidrogen istehsalı
tetraflüorborat kalium istehsalı
kriolit və flüorlu alüminium istehsalı
sian ərintisi istehsalı
kalsium sianamid istehsalı
kalsium karbid istehsalı
karbitol və onun duzlarının istehsalı
sianlı natrium və sianlı kalium istehsalı
azot turşulu qurğuşun istehsalı
qurğuşun ferrosianid istehsalı
qurğuşun peroksidi istehsalı
arsenli duz istehsalı: paris göyərtisi, natrium arsenatı, protars, arsenit və arsenatlı kalsium
üçxlorlu mərgümüş istehsalı
sink fosfid istehsalı
dördxlorlu silisium istehsalı
perhidrol xinon üsulu ilə istehsal
metallik kalium və natrium istehsalı
selen tərkibli şlamı saflaşdıran selen istehsalı: yandırma üsulu ilə, nəm üsulla və arsenli selen tərkibli şlakların duz turşusu ilə işlənməsi
sink tozunun istehsalı
manqan tərkibli katalizatorların istehsalı
xrom tərkibli katalizatorların istehsalı
azot turşusu və barium karbonatı, hidratoksidi və barium peroksidi istehsalı
barium xloru istehsalı
süni manqan iki oksid istehsalı
nefelin koaqulyantı istehsalı
xrom anhidridi, kalium xrompiki, natrium və xrom oksidi istehsalı
talliumun tətbiqi ilə monokristalların istehsalı
regenerativ maddələrin istehsalı
texniki məmulatlar istehsalı
b) üzvi məhsulların istehsalı
xlorbenzol, dixlorbenzol, trixlorbenzol, tetraxlorbenzol, qeksaxlorbenzol istehsalı
epixlorhidrin istehsalı
indofenol və indotoluidin istehsalı
benzatron, brombenzatron, dibenzatronil istehsalı
arilidlər asetosirkə turşusu istehsalı (anilid və xloranilid)
anilin, ksilidin, anilinin və toluidinin duzlarının istehsalı
anilinin kontakt üsulu ilə istehsalı
orto- və paratoluid, 2,6,-dixlorparanitroanilin, 2 xlor-, 4-nitroanilin (qırmızı azoamin 2S), xloranilin, paraxloranilin, metaxloranilin, 2,5 dixloranilin, ortoxloranilin istehsalı
paranitroanilin, metanitroanilin, ortonitroanilin, dinitroanilin, metanitroparatoluidin, paronitroorto-toluidin, paranitrodietilanilin istehsalı
benzidin, dianizidin, tolidin, dixlorbenzidin, benzidin disulfoturşu istehsalı
alfa-naftilamin istehsalı
anizidinlər (ortoanizidin, paraanizidin, parafenotol, orto-fenotol, 4-nitro-2-amin-anizol (azomin qırmızı K) istehsalı
aminfenol (paraaminfenol, ortoaminfenol, paraxlorortoa-minfenol və paranitroortoaminfenol) istehsalı
naftionat və sulfaniat istehsalı
aminoazobenzol və aminoazotoluol istehsalı
diazodimetilanilin, diazodinitrobenzol, diazoaminbenzol istehsalı
metatoluilendiamin, parafenilendiamin, nitrofenilendia-min, paraaminodimetilanilin, 2,4-diaminoanizol, xlorfeni-len-diamin, metafenilendiamin istehsalı
dinitrobenzol, nitrobenzol və nitroksilol istehsalı
paranitroxlorbenzol, ortonitroxlorbenzol və dinitroxlorbenzol istehsalı
paranitrotoluol və ortonitrotoluol istehsalı
dinitro- və trinitrofenol istehsalı
selinon (dinitroortokrezol) istehsalı
monoetilanilin, monometilanilin, dimetilanilin, dietilanilin, etilortotolundin, etilbenzilanilin, metilbenzilanilin istehsalı
monometilamin, etilamin, dimetilamin istehsalı
ekstralin istehsalı: manqan duzu əsasında katalizator və əsas istehsal sahələri
fenilləşdirilmiş və toluidiləşdirilmiş məhsulların istehsalı
fenil-metil-pirazolon tətbiqi mərhələsində anilin və fenilhidrozin istehsalı
kaptaks, tiuram istehsalı
difenilquanidin istehsalı (qurğuşunla işləmə ərəfəsində)
Sulfenamid-BT istehsalı
difenilamin, neozonlar “A” və “D” alnaft istehsalı
dimetilamin duzu, merkaptobenzotiazol və tetrame-tildiamino-difenilmetan istehsalı
bisetilksantogen istehsalı
paraoksidifenilamin istehsalı
paraminodifenilamin istehsalı
metanil turşusu istehsalı
2,4-dixlorfenoksirkə turşusu istehsalı
nerolov turşusu istehsalı
pranitroxlorbenzolortosulfoturşu istehsalı
aminfenilparamin turşusu istehsalı
alfa-natrol istehsalı
fenol-aseton istehsalı
benzoldan və xlorbenzoldan fenolun istehsalı
sentralit, “leykonat” yapışqanı istehsalı
mixler ketonu və aloy turşusu istehsalı
leykotrop “O” istehsalı
ftal anhidridi, təmiz vanadium beş oksidi (konsentrləşdirilmiş katalizatorda) istehsalı
antraxinon, etilantrixinon, xlorantrixinon istehsalı
asenaftenxinon istehsalı
azoboya maddəsi, benzidin, dianizidin və alfa-naftilamin istehsalı
dinitroxlorbenzol və dinitrotoluolla əlaqədar boyalar istehsalı
bənövşəyi “K” əsaslı açıq yaşıl, işıqlı, mavi “Z” turşusu istehsalı
fuksin, pararozanilin istehsalı
niqrozin və indulin istehsalı
göy metilen rəngləyicinin istehsalı
yaşıl piqment ftalosion istehsalı
yaşıl turşu və göy-qara antaxinon rəngləyici istehsalı
azotol (A,OA,PA,OT,ANF,MNA,XA və s.) istehsalı
qioindiqod rəngləyiciləri istehsalı
kubozol və indiqozol istehsalı
rəngli kinoplyonka üçün komponent istehsalı
tetraxlorkarbon istehsalı
trixloretan istehsalı
heksaxloretan istehsalı
xlorlu metilin və metilxloridin istehsalı
sovola,rematol,xlornaftalin istehsalı
xlorkerosin istehsalı
fenilmetiluretan istehsalı
parafeniluratilan-sulfaxlorid istehsalı
bromlu metil və bromlu metilen istehsalı
bromlu etil istehsalı
etil xlorid, trixloretil və izopropil spirti istehsalı
diizosianat istehsalı
etilen oksidi, propilen oksidi və onların törəmələri, etilselikoz, xloreks, etilenqlikol və propilenqlikol istehsalı
benzinin, kerosinin pirolizi, piroqazın ayrılması və təmizlənməsi; etilenin polimerləşməsi, polietilen istehsalı
feniletil spirti istehsalı
dietanolanilin istehsalı
aminoenant turşusu istehsalı
sirkə anhidridi, fosgen istehsalı
sirkə anhidridi istehsalı
civə üsulu ilə asetaldehid istehsalı
etilenbenzol istehsalı
herbisidlər istehsalı
sikloheksanın nitrovaniya və oksidləşmə üsulu ilə kaprolaktam istehsalı
heksaxloran istehsalı
tiofos və merkaptofos istehsalı
etil mayesi istehsalı
qum üzvi birləşmələr istehsalı (metil-, etil-, fenil-, xlorsilan)
qranozan və merkuran istehsalı
etilensianhidrin istehsalı
asetonsianhidrin istehsalı
efir metakril turşusu, üzvi şüşə və nitrilakril turşusu istehsalı
B.F. məhsulu istehsalı
xlorlu benzol və peroksid benzolun istehsalı
xlorparafin istehsalı
hidrazin hidrat istehsalı
etil spirtindən sintetik kauçuk SKB istehsalı
divinil nitril kauçukunun istehsalı (SKN)
stirol, alfametilstirol, divinilstirol kauçuku və lateksi, divinilmetilstirol kauçukunun istehsalı
xloropen kauçuk istehsalı (sevanit və nairit)
poliizobutilen istehsalı
butilkauçuk istehsalı (xlormetil mühitində)
xlorvinil və polixlorvinil qətranı istehsalı
perxlorvinil qətranı istehsalı
fenolformaldehid və anilinformaldehid qətranı istehsalı
sıxılmış ovuntu və plastmas əsaslı fenolformaldehid və anilinformaldehid qətranı istehsalı
lifli kətan və asbestli sıxışdırılmış material istehsalı
* (2.112-ci bəndə Azərbaycan Respublikası Nazirlər Kabinetinin 2026-cı il 8 sentyabr 267 nömrəli Qərarı ilə edilmiş dəyişiklik 2027-ci il iyulun 1-dən qüvvəyə minir.)
iondəyişdirən qətran istehsalı
flüortörəməli etilen istehsalı
plastik qat və dolama məmulatı istehsalı
qara plastik kütlə məmulatı, qurğuşun qleti, stearit və silikat qurğuşun, azot turşu qurğuşunu və qurğuşunun belili istehsalı
bloklu polistirol və emulsiyanın istehsalı
polikarbonat istehsalı
vanilin istehsalı: nitrozodimetilanilin və benzol ekstrasiya alınma etapı
bromundikan turşusu istehsalı
makrotsiklik laktonlar və eksalakton istehsalı
texniki benzin spirti istehsalı
difeniloksid istehsalı
təbii və sintetik lif istehsalı
karboksilmetilselliloza, metilselliloza istehsalı
əhəng südü (kalsium hidroksid) istehsalı
ferroxrominqosulfonat istehsalı
çirkli suların bioloji və kimyəvi təmizlənməsi sahəsi
qurğuşun qlet və sülükən boyası istehsalı
qurğuşun kron istehsalı
qurğuşunlu ağ boya istehsalı
vertil sinkli ağ boya istehsalı
toksinlər artmayan tərkiblər, NİVK istehsalı
apatit-nefelin filizinin çıxarılması
apatit-nefelin filizinin istehsalı (konsentratın alınması)
arsen filizinin çıxarılması
arsen filizinin istehsalı (ağ və metal arsenin alınması)
d) kimyəvi reaktivlər
sianid birləşmələr əsasında alınan reaktivlər istehsalı (benzoinoksimalfa (kupron), benzil, rubeanhidrogen turşusu, fenilsirkə turşusu, benzoin, nitroprussid natrium, asetonitril, geteroauksin, 2-furilaldehid, 2-furildioksin, furil, furoin, mindal turşusu, nitroprussid kalium)
göyümtül kalium və göyümtül natrium reaktivi istehsalı
texniki və reaktiv qırmızı qan duzu istehsalı
arsenlə birləşmə əsasında alınan reaktivlər istehsalı (arsanil turşusu, anpraxas, benzol-2-arson turşusu, 1-azo-2-oksinaftalin, 3,6-disulfoturşu, bromlu metilen, yodlu metilen, fenilarson turşusu, paradimetilaminoazofenilar-sen turşusu, ortonitrofenilarsen turşusu, paranitro-fenilarsen turşusu, fenantrolin ortosolyanoturşu, fenantrolan ortosernoturşusu, ferroin, toron, uranon)
flüor tərkibli duz reaktivlərinin istehsalı (silisium-flüorluhidrogenli alüminium, flüorlu alüminium, silisiumflüorluhidrogenli kalium, titanlıflüorlu-ammonium, titanlıflüorluhidrogenli kalium, flüorlu maqnezium, silisiumflüorluhidrogenli natrium, flüorlu litium, flüorlu natrium və flüorlu kalium)
fosfortərkibli duz reaktivləri istehsalı (ammonium fosfor oksidi, barium fosfor oksidi, beşxlorlu fosfor)
berilltərkibli reaktiv duzlar istehsalı (berilazot turşusu, berill oksidi, berill kükürd turşusu, berill karbonu, berillsirkə turşusu, xlorlu berill)
karbon sulfidi birləşməsi əsasında alınan reaktiv istehsalı (dietilditokarbonat natrium, dizoton, difenilkarbozon)
qurğuşun duzu-reaktiv istehsalı (xlorlu qurğuşun, qurğuşun -2 oksidi, metal çubuqşəkilli qurğuşunlar, yodlu qurğuşun, azot turşulu qurğuşun, kükürd turşulu qurğuşun və s.)
Tula, Rorbax, Nesler və ağır maye məhsulları istehsalı
civəli azot turşusu-reaktiv istehsalı
xrom duzları-reaktiv istehsalı (azotturşuluxrom, hidrat oksidi, kükürd turşusu, xlorlu sirkə turşusu)
manqan duzu-reaktivlər istehsalı
bariumun əriyən duzları-reaktivlər istehsalı (azot turşusu, karbon hidrooksidi)
tərkibində mərgümüş, selen, berillium və manqan olan lüminofor istehsalı
QAP (aktiv pirolyuzid) istehsalı
natrium hidrofosfit və kalium hidrofosfit istehsalı
selenli turşu istehsalı
silikat qurğuşun və stearat qurğuşun istehsalı
aeroflot istehsalı (ksilen, krezol, kalie butil)
amin məhsulları reaktivinin istehsalı (p-aminasetofenon, aminazobenzol-cüt, amidol, aminofenol-cüt əsaslı, aminfenol-meta və orto, anizidin buxarı, anilin duz turşulu, antrazo, anilid tioqlikol turşusu, asetil-difenilamin, benzilamin, butilamin, diazoamin benzol buxarı, orto-dianidin, dimetilaminoazobenzol-buxarı, dimetilamino-benzoldekid-buxarı, dimetilparafenilen-diamin duz turşusu, dimetilianilin duz turşulu, dipikrilamin, dietilanilin duz turşulu, dipikrilamin, dietianilin, 2.6-dixlorfenolindofenolin, dietilamin və onun duzları, nitrodifenilamin, propilamin, sulfanil turşusu, stilbazo, tolundin, tionalid, triptoran, fenilkirozin əsaslı, duzturşulu fenilgidrazin, fenilin-diamin buxarı və onun duzları, duzturşulu etilamin, ditioanilin, azobenzol, anilin, kükürdturşulu anilin, sirkə turşulu anilin, kükürdturşulu aminfenol-buxarı, dimetilanilin, difenilli sidik cövhəri, duz turşulu dimetiamin, duz turşulu metilamin, alga-naftilamin, beta-natroxinon, alfa-naftoxinon, tolidinorta, toluidin-, orto-, meta-, cüt, tolunlendiamid-meta, duz turşulu fenilgidrozin, tolundin, xlorhidrat, stilben, asetnaftalidalfa, asetofenon, benzo-xlor-2,4-dixlor anilid, dimetilqoşa-fenilendiamin sulfat, barium və natrium difenilaminosulfonat, difenilkarbazit, dietilparafenilendi-amin sulfat, 2,6-dibromfenolindofenol, dibromfenilhidrazin, dibutilamin, dimetil oksid, fenilhidroksilamin, kupferon)
nitroməhsul reaktivləri istehsalı (2,4-dinitrofenilhidrazin, dinitrobenzol-meta, dinitrofenol beta və qamma, paranitrobenzolazoalfanafta (maqnezon-II), nitrobenzolil-xlorid-para, nitrofenol-meta-, para və orto, nitrotoluol-meta, para və orto, nitroanilin-orto, meta və para, nitrobenzol-para-azorezorsin (maqnezon-I), ninhidrin, nitron, nitrobenzol, nitrobenzolid-para, meta və orto, nitroazoalfanaftol-beta, nitroazobeta-naftol-alfa)
xinolin, ortooksixinolin, fenatralin-orto, naftoxinolin-beta reaktivləri istehsalı
karbohidrogen hallogentörəməli-reaktivləri istehsalı (benzoxlorid, benzoüçxlorid, dixlorbenzol-meta, bromto-luol-2 bromtoluol yodlu metil, bromlu, metil xlorlu, xlorlu tetrametilammonium, bromlu, yodlu)
uran, tiriumun radioaktiv duzlarının istehsalı
e) kimya - əczaçılıq istehsalı
fenilsetamid istehsalı
benzil sianist istehsalı
civəli preparatlar istehsalı: amidoxlor, sirkə turşulu, ikixlorlu, yodlu, təkxlorlu, sianist oksidi, salisilov turşulu, civəli sianist və civəli bromlu
gistidin və civə mazı istehsalı
merkuzal turşusu istehsalı
nitrooksifenilarson turşusu istehsalı
osarsol, novarsenol, miarsenol istehsalı
sulfodiamin istehsalı
fenasetin istehsalı (etoksilirovan, bərpa etmə, vakuumdistillə edilməsi, asetilirovan və regenerasiya şöbələri)
aminazin, propazin istehsalı
nitroxlorakridin istehsalı
fosfakol, armin və miotiki vəsait məhlulu istehsalı
paranitroasetofenon istehsalı
duotal və ditrazinfosfat istehsalı
naqanin, karboxalin, prozerin istehsalı: a) fosgenin alınması və fosgenləşdirmə, b) parapolundinin sianirləşdirilməsi (naqanın istehsalı), c) texniki karboxalin və prozerinin alınması, ç) göstərilən istehsalın ümumi peşələri
ampulalarda tibbi xloretil istehsalı
fosfor anhidridi istehsalı
sintetik ətirli maddələr istehsalı (civə tərkibli kremlər: yaz, metamorfoz, təmizbədənli, b) üçfülorlu bor və onun əsasında məhsullar)
II. Pikkerinq sobalarında neftin emalı istehsalında kerosinin pirolizi
III. Əlvan metallurgiya istehsalı
qurğuşun və qalay istehsalı: a)qurğuşun və qalay filizlərinin əridilməsi, konsantrantların (aqlomeratlar), təmizlənmiş qurğuşun, qalay və qurğuşun tərkibli, b) qurğuşun-lehim filizinin zənginləşdirilməsi
loparit konsentratı istehsalı (a) yeraltı işlər, b) yersəthi işlər, c) filizin zənginləşdirilməsi, ç) müxtəlif işlər)
loparit konsentratının işlənməsi
əridilən və mis filizi emal edilən, tərkibində qurğuşun olan, eləcə də konsentratlar (aqlomerat) və başqa materiallar
berillium istehsalı (berillium hidroksidi, berillium oksidi, berillium metalı və bilavasitə onlardan hazırlanan məhsulların istehsalı)
yeraltı mədənqazma, hazırlayıcı və təmizləyici mədən işlərində və şaxtalardan qalay çıxarma, qurğuşun-sink sənayesi, filizin və ya süxurun tərkibində 10% və daha çox sərbəst silisium iki oksidi olan hallarda
IV. Elektrotexnika və radiotexnika istehsalı
civə ilə doldurulan qazboşaldıcı cihazların istehsalı
civəli termometrlərin istehsalı
qurğuşun (turşulu) akkumulyatorların istehsalı
dəmir kadmium (qələvili) akkumulyatorların istehsalı
mis oksidi və xüsusi elementlər (civə və qurğuşunun tətbiqi ilə əlaqədar işlərdə) istehsalı
elektrik kömür məmulatı istehsalı
qalvanik elementlər və batareya istehsalı
radioaktiv maddələrlə və ionlaşdırıcı şüalanmalarla görülən işlər (I – IV bölmələrində göstərilənlər istisna olmaqla)
V. Dəniz gəmilərinə apatit yükləmə işləri
VI. Qara metallurgiya istehsalı
poladəritmə və dəmirəritmə istehsalı
yayma və boruyayma istehsalı
VII. Qida sənayesi istehsalı
çörək bişirmə istehsalı
tütün-maxorka istehsalı
tütün-maxorka tozundan nikotin istehsalı
2. Aşağıdakı kimyəvi maddələrlə bağlı iş yerlərində çalışan işçilərə iş yerlərinin attestasiyasının nəticələri əsasında pulsuz süd və ona bərabər tutulan məhsullar verilir:
2.2. alifatik və alitsiklik karbohidrogenlər (doymuş və doymamış):
2.1.1. metan sırası karbohidrogenləri: butan, izobutan, pentan, izopentan, heksan, oktan, izooktan, ionan;
2.1.2. etilen sırası karbohidrogenləri: butilenlər, amilenlər, izobutilenlər;
2.1.3. tsiklik, doymamış karbohidrogenlər: tsiklopentadiyen, ditsiklopentadiyen, tsiklopentadiyeniltrikarbonil permanqanat;
2.1.4. bir və iki nüvəli aromatik karbohidrogenlər: benzol, ksilol, toluol, etilbenzol, kumol, diizopropilbenzol, stirollar, difenil, naftalin və onların törəmələri;
2.2. yağlı karbohidrogen sırasının halogenli birləşmələri:
2.2.1. flüorlu törəmələr: flüoretilen, diflüoretilen, triflüoretilen, tetraflüoretilen, triflüorpropilen, diflüoretan, dekaflüorbutan;
2.2.2. xlorlu törəmələr: metilxlorid, metilenxlorid, xloroform, karbon-4xlorid, etilxlorid, dixloretan, trixloretan, tetraxlorpropan, tetraxlorpentan, vinilxlorid, dixloretilen, trixloretilen, tetraxloretilen, heksaxlortsiklopentadiyen, allozan, xloropren, allilxlorid, butilenxlorid, heksaxlorbutadiyen və bu sıradan digərləri;
2.2.3. bromlu törəmələri: metilenbromid, metilbromid, etilbromid, dibrometan, tetrabrometan, dibrompropan, broform və digərləri;
2.2.4. yodlu törəmələri: metilyodid, yodoform, etilyodid və digərləri;
2.3. aromatik karbohidrogen sırasının halogenli birləşmələri: xlorbenzol, dixlorbenzol, trixlorbenzol, tetraxlorbenzol, heksaxlorbenzol, benzilxlorid, bezotrixlorid, xlorstirol, brombenzol, benzilbromid və bu sıranın digər halogenli birləşmələri;
2.4. çoxnüvəli monotsiklik karbohidrogenlərin xlorlu birləşmələri: xlorlaşmış difenillər, difenilin xloroksidi, xlorindan, xlornaftalinlər, heptaxlor, DDT, heksaxlortsikloheksan, polixlorpinin, polixlorkamfen, xlorten, sinazin, artazin;
2.5.1. yağlı karbohidrogenlərin doymuş və doymamış spirtləri və qlikolları: metil spirti, allil və krotil spirtləri və digər spirtlər;
2.5.2. yağlı karbohidrogen spirtlərinin halogenli törəmələri: ortaflüoramil, tetraflüorpropil və digər spirtlər;
2.5.3. alitsiklik və aromatik sıra spirtləri: benzil spirti, tsikloheksanol və digərləri;
2.6. fenollar: fenol, xlorfenollar, pentaxlorfenol, krezollar, hidroxinon, natripentaxlorfenolyat və digərləri;
2.7. alitsiklik və alifatik sıranın efirləri və onların halogenli törəmələri: dimetil, dietil, diizopropil, dibutil, vinilbutil, divinil, monoxlordimetil, dixlordietil, tetraxlordietil, etilenqlikol, propilenqlikol, qliserin və poliqlikolların efirləri;
2.8. fenol efirləri: qvayakol, hidroxinonun monobenzil efiri, dinil və bu sıradan başqaları;
2.9. üzvi oksid və pereoksidlər: etilen, propilen oksidləri, epixlorhidrin, izopropilbenzolun hidroperoksidi, benzol, peroksid, metiletilketon, tsikloheksanon oksidləri və bu sıradan digər maddələr;
2.10. tiospirtlər, tiofenollar və tioefirlər: metil və etilmerkaptanlar, trixlorfenol və pentaxlortiofenol, 2,4-trixlorfenoksisirkə turşusunun duzları;
2.11. əvəzləyici və əvəzləyicisiz aldehid və ketonlar: asetaldehid, formaldehid, benzoldehid, akrolein, aseton, bromaseton, xloraseton, pentaxloraseton, heksaxloraseton və bu sıradan başqaları;
2.12. üzvi turşular, onların anhidridləri, amidləri və hallogenan-hidridləri: malein ftal anhidridi, turşular: qarışqa, sirkə, propion və onların anhidridləri, naften turşuları, benzoilxlorid, xlorfenoksisirkə turşusu, karbomon turşusunun birləşmələri, tio və ditikarbamid turşuları, dimetilfermamid və həmin qrupdan qalanları, həmçinin diazobirləşmələr, diazoketonlar və diazoefirlər;
2.13. mürəkkəb efirlər: nitrit, nitrat, sulfat, xlorsulfanol, qarışqa, sirkə, propion, akril, metakril turşuları, efirləri və onların halogenli törəmələri;
2.14. fosfat turşusunun mürəkkəb efirləri və amidləri: trikrezilfosfat, tiofos, metefos, metiletiltiofos, merkaptofos, metilmerkaptofos, flüorofos, tabun, zonan, zarin, oktametil, karbofos, M-81, №74 preparatları DDVF, fosfamid, dietilxlormonofosfat, metildixlortiofosfat, dimetilxlortiofosfat və digər fosfor üzvi zəhərləyici maddələr;
2.15. yağlı polietilen sırasının nitro və amino birləşmələri və onların törəmələri: nitroolefinlər, nitroetan, nitrometan, nitropropan, nitrobutan, nitrofoks, xlorpikrin, nitrosikloheksan, metilamin, dimetilamin, trimetilamin, etilamin, dietilamin, etilenimin, polietilepilin, polietilenpoliamin, heksametilendiamin, etanolamin, tsikloheksilalin və bu sıradan digərləri;
2.16. aromatik sıranın nitro və amin birləşmələri və onların törəmələri: nitrobenzollar, nitrotoluollar, nitroksilol, dinok, dinoseb, nitronaftalinlər, nitrofenollar, nitro- və aminozollar, animen, asetonamilin, xloranilinlər, finilendiaminlər, benzidin,parafenetizin;
2.17. benzoxinonlar, naftaxinon, antraxinon, benzatren, parabezoxenon və dixlornaftaxinon;
2.18. üzvi boyalar: nitroxinon, nitro və nitroazoboyalar, azoboyalar, azin boyaları, 2-metilfuran (silvan);
2.19. hetrotsiklik birləşmələr istehsalında: furan, tetrahidrofuran, furfurol, tiofen, indol, piridin, pirazalen, purin, piridin və purin əsasları, pikolinlər, nikotin turşusu, dioksanlar, piperidin, morfomen, heksogen, barturatlar;
2.20. alkaloidlər: atropin, kokain, tiryək, morfin, kodein, strixnin, pilokarpin, skopolazin, salsolin, olekopos, papaverin, nikotin, anatazin, həmçinin tərkibində bu maddələr olan xammal və hazır məhsullar (narkotik-tütün, siqaret, siqaret istehsalı, tütünün fermentləşdirilməsi);
2.21. bor karbohidrogenləri;
2.22. halogenlər və halogen törəmələri: flüor, xlor, brom, yod, xlorlu, bromlu, flüorlu hidrogen, flüor turşusu, silisiumlu hidrogen flüorid turşusu, flüor oksidi, 1 və 2 xlor oksidi, triflüoridxlor, yodxlorid, karbonxlor oksidi (fosgen);
2.23. kükürd birləşmələri: hidrogensulfid, karbonsulfid, xlorsulfon turşusu, kükürdün xlor anhidridləri, sulfid və sulfat anhidridləri;
2.24. selen və onun birləşmələri: selen anhidridi, selenit turşusu, selenat turşusu, onların duzları, selenxloroksidi, selenin üzvi birləşmələri;
2.25. tellur və onun birləşmələri;
2.26. azot birləşmələri: hidrozin və onun birləşmələri, azot oksidi, azot turşusu, natrium azit, ammonyak, natrium nitrat, azotxlorid, nitrozilxlorid, hidroksilamin;
2.27. sarı (ağ) fosfor və onun birləşmələri: fosfor anhidridi, fosfat turşusu və onun duzları;
2.28. mərgümüş (arsen) və onun birləşmələri: arsen anhidridi və ona oxşar anhidridlər, kalsium arsenit, kalsium arsenat, natrium arsenit, Paris yaşılı, asarsol, iprit;
2.29. sürmə və onun birləşmələri: sürmə anhidridi və sürməli, sürməli hidrogen, sürmə xlorid;
2.30. sianidlər: hidrogensianid, kalium və natrium sianidlər, disian, xlorsian, bromsian, kalsiumsianid, sianurxlorid, benzilsianid;
2.31. nitrollar: asetonitril, asetonsianhidrin, akrilonitril, etilensianhidrin, bezonitril və başqaları;
2.32. izosianatlar, fenilizosianit, heksametilen, diizosianat, tolyilendiizosianat və başqaları;
2.33. tərkibində 10%-dən çox sərbəst kristallik silisium 2-oksid olan aerozol şəkilli silisium birləşmələri;
2.34. civə və onun üzvi, qeyri-üzvi birləşmələri: metal-civə, civə-sianid, civə-nitrat, guruldayıcı civə, dimetilcivə, etilmerkurxlorid, etilmerkurfosfat, dietilcivə, xlorfenolcivə, merkurasetet, merkuran və civənin digər birləşmələri;
2.35. manqan və onun birləşmələri: manqan oksidi, sulfat, xlorid və manqansulfat və onun başqa birləşmələrinin aerozolları;
2.36. berillium və onun birləşmələri: berillium oksidi, berillium oksidinin hidratı, berillium karbid, berillium sulfat, berillium xlorid, berillium flüor oksidi və başqa birləşmələrinin aerozolları;
2.37. tallium və onun birləşmələri: tallium xlorid, tallium sulfat, tallium asetat, tallium nitrat, tallium karbonat və digərləri;
2.38. titan və onun birləşmələri;
2.39. vanadium və onun birləşmələri: vanadium-5 oksid və 3-oksid, ammonium, natrium və kalsium vanadatları, vanadium xloridləri;
2.40. xrom və onun birləşmələri: xrom-3 oksid, xrom oksidi, xrom zəyi, natrium bixromat və başqaları;
2.41. molibden və onun birləşmələri: molibden-3 oksid, ammonium molibdat;
2.42. nikel və onun birləşmələri: nikeloksid, nikel 3-oksid, nikel 2-oksidin hidratı;
2.44. qalay, bor və silisium üzvi birləşmələri;
2.45. qurğuşun və onun birləşmələri;
2.46. nikel, kobalt, manqan metallarının karbonilləri;
2.47. litium, sezium, rubidium və digər qələvi elementləri və onların birləşmələri;
2.48. nadir torpaq elementləri (lantanidlər) və onların birləşmələri.
2.49. Kadmium oksid və onun digər birləşmələri;
2.50. bioloji baytarlıq preparatları, heyvanların çimizdirilmə vasitələri, akarasidlər və ərazinin dezinfeksiyasında işlədilən baytarlıq preparatları; antibiotiklər: biomisin, tetrasiklin, sintomisin, levomisetin və digərləri;
2.51. mikrobioloji mənşəli komponentlər: bakterioloji toksinlər, kimya-toksikoloji, virusoloji, seroloji və radioloji maddələr, mikotoksinlər;
2.52. güclü təsir edən zəhərli maddələrin aerozolları (“A” və “B” siyahısına daxil olanlar);
2.53. bütün növ dudaların istehsalı;
2.55. birinci və ikinci dərəcəli işlərdə açıq şəkildə istifadə olunan radioaktiv maddələr.
3. Pulsuz müalicə-profilaktik yeməklər, süd və ona bərabər tutulan məhsullar verilən yeraltı əmək şəraitli iş yerləri iş yerlərinin attestasiyasının nəticələri əsasında Azərbaycan Respublikası Nazirlər Kabinetinin 2002-ci il 20 fevral tarixli 30 nömrəli qərarı ilə təsdiq edilmiş “İşləri yerin altında görülən yeraltı istehsalatların, şaxtaların, tunellərin, qurğuların və digər iş yerlərinin Siyahısı”na əsasən müəyyən edilir.
1.1. Bu Qaydalar “İşçilərə pulsuz müalicə-profilaktik yeməklərin, süd və ona bərabər tutulan məhsulların verilməsi üçün zərərli, ağır və yeraltı əmək şəraitli istehsalatların Siyahısı”na (bundan sonra - Siyahı) uyğun olaraq, işçilərə pulsuz müalicə-profilaktik yeməklərin, süd və ona bərabər tutulan məhsulların verilməsi Qaydalarını müəyyən edir.
1.2. Bu Qaydalar mülkiyyət və təşkilati-hüquqi formasından asılı olmayaraq, respublika ərazisində yerləşən bütün müəssisələrdə tətbiq edilir.
1.3. İşçilərə pulsuz müalicə-profilaktik yeməklər, süd və ona bərabər tutulan məhsullar iş yerlərinin attestasiyasının nəticələrinə əsasən həmin iş yerləri zərərli və ağır və ya xüsusilə zərərli və xüsusilə ağır qiymətləndirildikdə verilir.
Siyahının 1-ci hissəsində göstərilən istehsalat sahələrində çalışan işçilərə pulsuz müalicə-profilaktik yeməklər, 2-ci hissəsində göstərilən iş yerlərində çalışan işçilərə isə süd və ona bərabər tutulan məhsullar verilir.
1.4. Azərbaycan Respublikası Nazirlər Kabinetinin 2002-ci il 20 fevral tarixli 30 nömrəli qərarı ilə təsdiq edilmiş “İşləri yerin altında görülən yeraltı istehsalatların, şaxtaların, tunellərin, qurğuların və digər iş yerlərinin Siyahısı” ilə müəyyən edilmiş iş yerləri iş yerlərinin attestasiyasının nəticələrinə əsasən xüsusilə zərərli və xüsusilə ağır qiymətləndirildikdə, bu iş yerlərində çalışan işçilərə müvafiq rasion üzrə pulsuz müalicə-profilaktik yeməklər, həmin iş yerləri zərərli və ağır qiymətləndirildikdə isə süd və ona bərabər tutulan məhsullar verilir.
1.5. Həyata keçirilən əməyin mühafizəsi tədbirləri nəticəsində iş yerlərinin attestasiyası zamanı zərərli və ağır əmək şəraitinin aradan qaldırıldığı müəyyən edildikdə, işçilərə müalicə-profilaktik yeməklərin, süd və ona bərabər tutulan məhsulların verilməsi dayandırılır.
2.1. Əmək şəraiti zərərli və ağır qiymətləndirilən iş yerlərində çalışan işçilərə iş vaxtı (növbəsi) ərzində 0,5 litr pulsuz süd verilir.
2.2. Pulsuz müalicə-profilaktik yeməklər və süd əvəzinə işçilərə pul kompensasiyasının ödənilməsi qadağandır.
Pulsuz müalicə-profilaktik yemək verilən işçilərə süd verilmir.
2.3. Pulsuz müalicə-profilaktik yeməklər iş vaxtı (növbəsi) ərzində iş yerinə yaxın bufetlərdə və ya yeməkxanalarda istirahət və nahar fasiləsi zamanı yeyilməlidir.
Süd və ona bərabər tutulan məhsullar iş vaxtı (növbəsi) ərzində iş yerinə yaxın bufetlərdə, yeməkxanalarda və ya sanitariya-gigiyena tələblərinə cavab verən otaqlarda paylanmalı, istirahət və nahar fasiləsi və ya qısa fasilələr zamanı içilməli və ya yeyilməlidir.
2.4. Zülal hesabı ilə aşağıdakı qida məhsulları 0,5 litr südə bərabər tutulur və süd əvəzinə onların verilməsinə yol verilir:
2.4.1. qatıq məhsulları (kefir və s.) - 500 qram;
2.4.2. kəsmik, xama - 150 qram;
2.4.3. yağlılığı 24 faizindən az olmayan pendir - 60 qram.
2.5. Südün əvəzinə bu Qaydalarla müəyyən edilməyən digər qida məhsullarının verilməsinə icazə verilmir.
2.6. Qurğuşunun qeyri-üzvi birləşmələri ilə daimi təmasda olan işçilərə süd əvəzinə qatıq verilməsi tövsiyə edilir və onlara süddən və ya qatıqdan əlavə saflaşdırılmış və konservləşdirilmiş bitki mənşəli qida məhsulları, meyvə şirəli içkilər şəklində 2 qram pektin verilməlidir (pektinin faktiki miqdarı istehsalçı zavod tərəfindən malın üstündə göstərilən faizlə müəyyən edilir). Bu miqdarda pektini əvəz etmək məqsədi ilə işçilərə kələmdən, yerkökündən, ağ turpdan, qırmızı turpdan, çuğundurdan hazırlanmış salat və ya tərkibində 250-300 milliqram mət olan natural meyvə şirələri verilməsinə icazə verilir.
Tərkibində pektin olan qida məhsulları, meyvə şirələri, içkilər işə başlamazdan qabaq verilməli və iş gününün başlanğıcında içilməli və ya yeyilməlidir.
2.7. Antibiotiklərin istehsalında və emalında çalışan işçilərə süd əvəzinə qatıq və ya üzlü süd əsasında hazırlanmış kolibakterin verilməlidir.
2.8. Bu Qaydalarla müəyyən edilmiş normalar dövlət təminatının minimum normalarıdır. Bu normalar çərçivəsində işçilərə verilən pulsuz müalicə-profilaktik yeməklər, süd və ona bərabər tutulan məhsullarla bağlı xərclər buraxılan məhsulun və ya göstərilən xidmətin maya dəyəri xərclərinə aid edilir. Büdcədən maliyyələşdirilən müəssisələrdə işçilərə verilən pulsuz müalicə-profilaktik yeməklər, süd və ona bərabər tutulan məhsullarla bağlı xərclər gəlirdən çıxılan xərclərin tərkibində nəzərdə tutulmaqla ödənilir.
2.9. Kollektiv müqavilələrdə, kollektiv müqavilənin bağlanmadığı hallarda isə əmək müqaviləsində və ya işəgötürənlə həmkarlar ittifaqları arasında razılaşmalarla bu Qaydalarla müəyyən edilmiş normalardan yüksək miqdarda, habelə bu Qaydalar şamil edilməyən zərərli və ağır əmək şəraitli iş yerlərində çalışan işçilərə pulsuz müalicə-profilaktik yeməklərin, süd və ona bərabər tutulan məhsulların verilməsi nəzərdə tutularsa, normadan artıq xərclər məhsulun maya dəyərinə daxil edilmir və müəssisənin gəliri hesabına ödənilir.
1. 16 sentyabr 2025-ci il tarixli 268 nömrəli Azərbaycan Respublikası Nazirlər Kabinetinin Qərarı (Azərbaycan Dövlət İnformasiya Agentliyinin (AZƏRTAC-ın) rəsmi internet saytı, 17 sentyabr 2025-ci il, “Xalq” qəzeti, 18 sentyabr 2025-ci il, № 199, Azərbaycan Respublikasının Qanunvericilik Toplusu, 2025-ci il, № 9, maddə 868)
2. 8 sentyabr 2026-cı il tarixli 267 nömrəli Azərbaycan Respublikası Nazirlər Kabinetinin Qərarı (Azərbaycan Dövlət İnformasiya Agentliyinin (AZƏRTAC-ın) rəsmi internet saytı, 8 sentyabr 2026-cı il, “Xalq” qəzeti, 12 sentyabr 2026-cı il, № 166) (Bu Qərar 2027-ci il iyulun 1-dən qüvvəyə minir.)