Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, “Dövlət məhkəmə ekspertizası fəaliyyəti haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2019-cu il 29 noyabr tarixli 1709-VQD nömrəli Qanununun tətbiqi və “Dövlət məhkəmə ekspertizası fəaliyyəti haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2000-ci il 15 yanvar tarixli 252 nömrəli Fərmanında dəyişiklik edilməsi haqqında” Azərbaycan Respublikası Prezidentinin 2019-cu il 18 dekabr tarixli 883 nömrəli Fərmanının 1.1.5-ci yarımbəndinin icrasını təmin etmək məqsədilə Azərbaycan Respublikasının Nazirlər Kabineti qərara alır:
1. “Məhkəmə ekspertizası idarələrində aparılan məhkəmə ekspertizalarının siyahısı və məhkəmə ekspertizası fəaliyyəti ilə əlaqədar göstərilən xidmətlərə görə ödənilən haqqın məbləği” təsdiq edilsin (əlavə olunur).
2. Bu Qərarda dəyişiklik Azərbaycan Respublikası Prezidentinin 2023-cü il 6 oktyabr tarixli 2328 nömrəli Fərmanı ilə təsdiq edilmiş “İcra hakimiyyəti orqanlarının normativ hüquqi aktlarının layihələrinin hazırlanması, razılaşdırılması, qəbul edilməsi və dərc edilməsi qaydası haqqında Əsasnamə”nin 3.5-ci bəndinə uyğun edilə bilər.
Azərbaycan Respublikasının Baş naziri
Bakı şəhəri, 19 mart 2026-cı il
Məhkəmə-xətşünaslıq ekspertizası
Məhkəmə-müəllifşünaslıq ekspertizası
Sənədlərin məhkəmə-texniki ekspertizası
Audio və videoyazıların məhkəmə ekspertizası
Məhkəmə-linqvistik ekspertizası
Məhkəmə-trasoloji ekspertizası
Məhkəmə-ballistik ekspertizası
Məhkəmə partlayış-texniki ekspertizası
Məhkəmə-portret ekspertizası
Məhkəmə-fototexniki ekspertizası
Materialların məhkəmə ekspertizası
Məhkəmə-bioloji ekspertizası
Məhkəmə maliyyə-mühasibat ekspertizası
Məhkəmə-əmtəəşünaslıq ekspertizası
Yol-nəqliyyat hadisələrinin məhkəmə ekspertizası
Məhkəmə texniki-təhlükəsizlik ekspertizası
Məhkəmə tikinti-texniki ekspertizası
Məhkəmə yerquruluşu ekspertizası
Məhkəmə kompüter-texniki ekspertizası
Məhkəmə-sənətşünaslıq ekspertizası
Məhkəmə-psixoloji ekspertizası
Əqli mülkiyyət obyektlərinin məhkəmə ekspertizası
Kontrafakt məhsulların məhkəmə ekspertizası
Məhkəmə-daktiloskopik eskpertizası
Məhkəmə-tibbi ekspertiza (meyitin müayinəsi)
Məhkəmə-tibbi ekspertiza (ekshumasiya ilə meyitin müayinəsi)
Məhkəmə-tibbi ekspertiza (sənədlər əsasında meyitin müayinəsi)
Canlı şəxsin məhkəmə-tibbi ekspertizası
Canlı şəxsin məhkəmə-tibbi ekspertizası (tibbi sənədlər əsasında)
Məhkəmə tibbi-psixoloji ekspertiza
Məhkəmə-psixiatrik ekspertiza
Məhkəmə-tibbi bioloji ekspertiza (müayinə)
Məhkəmə-tibbi sitoloji ekspertiza
Məhkəmə molekulyar-genetik ekspertiza
Məhkəmə-tibbi kimyəvi ekspertiza (müayinə)
Məhkəmə-tibbi histoloji ekspertiza (müayinə)
Məhkəmə tibbi-kriminalistik ekspertiza (müayinə)
Məhkəmə tibbi-rentgeneoloji ekspertiza
Məhkəmə tibbi-arxeoloji ekspertiza
1. Məhkəmə ekspertizası idarələrində məhkəmə ekspertizası fəaliyyəti ilə əlaqədar göstərilən xidmətlərə görə ödənilən haqqın məbləği ekspertizanın prosessual növlərinə görə aşağıdakı kimi müəyyən edilir:
1.1. ilkin məhkəmə ekspertizasının aparılmasına görə ödənilən haqqın məbləği – cədvəllə təsdiq edilmiş məbləğin 100%-i həcmində;
1.2. əlavə məhkəmə ekspertizasının aparılmasına görə ödənilən haqqın məbləği – ilkin ekspertizaya görə müəyyən edilmiş məbləğin 50%-i həcmində;
1.3. təkrar məhkəmə ekspertizasının aparılmasına görə ödənilən haqqın məbləği – ilkin ekspertizaya görə müəyyən edilmiş məbləğin 120%-i həcmində;
1.4. kompleks məhkəmə ekspertizasının aparılmasına görə ödənilən haqqın məbləği – təyin (sifariş) olunmuş ekspertizalar üçün müəyyən edilmiş ilkin ekspertizaların hər birinin məbləğlərinin cəmi;
1.5. komission məhkəmə ekspertizasının aparılmasına görə ödənilən haqqın məbləği – təyin (sifariş) olunmuş ekspertizanın aparılmasına cəlb edilmiş hər bir ekspertə müəyyən edilmiş ilkin ekspertizanın məbləğinin 50%-i miqdarında əlavənin hesablanması.
2. Məhkəmə-tibb, o cümlədən məhkəmə psixiatr (psixoloq) ekspertinin məhkəmə iclasında iştirakına (həmin şəhər və ya rayonda) görə ödənilən haqqın məbləği – 50 manat.
3. Məhkəmə-tibb, o cümlədən məhkəmə psixiatr (psixoloq) ekspertinin məhkəmə iclasında iştirakına (digər şəhər və ya rayonda) görə ödənilən haqqın məbləği – 100 manat.
4. Məhkəmə ekspertizası idarələrində məhkəmə ekspertizası fəaliyyəti ilə əlaqədar meyitlərə gigiyenik qulluq və onların formalinlə fiksasiyasına görə sanitara ödənilən haqqın məbləği – 100 manat.
5. Məhkəmə ekspertizası idarələrində məhkəmə ekspertizası fəaliyyəti ilə əlaqədar meyitlərin quru buzla təmin edilməsinə görə sanitara ödənilən haqqın məbləği – 100 manat.