9.1. Məktəbəqədər təhsil proqramı (kurikulum) məktəbəqədər təhsilin dövlət standartları və məktəbəqədər təhsilin məzmununa dair bu Qanunla müəyyən olunan ümumi tələblər nəzərə alınmaqla, müvafiq icra hakimiyyəti orqanı tərəfindən təsdiq edilir.
9.2. Məktəbəqədər təhsil proqramına (kurikuluma) aşağıdakılar daxildir:
9.2.1. məktəbəqədər təhsil üzrə ümumi təlim nəticələri;
9.2.2. məktəbəqədər təhsilin məzmununu əhatə edən inkişaf sahələri və hər sahə üzrə ümumi təlim nəticələri;
9.2.3. yaş qrupları nəzərə alınmaqla hər bir inkişaf sahəsi üzrə məzmun standartları;
9.2.4. təhsil nailiyyətlərinin qiymətləndirilməsi meyarları;
9.2.5. təlim strategiyaları, metodik təminatla bağlı tövsiyələr.
9.3. Məktəbəqədər təhsil proqramının yerinə yetirilmə müddəti müvafiq icra hakimiyyəti orqanı tərəfindən müəyyən edilir.