“Milli məkan məlumatlarının formalaşdırılması və inteqrasiya Qaydaları”nın təsdiq edilməsi haqqında” Azərbaycan Respublikası Prezidentinin 2018-ci il 28 dekabr tarixli 448 nömrəli Fərmanının 4.1-ci bəndinin icrasını təmin etmək məqsədilə Azərbaycan Respublikasının Nazirlər Kabineti qərara alır:
1. “Milli məkan məlumatlarının Siyahısı və Təsnifatı” təsdiq edilsin (əlavə olunur).
2. Bu Qərarda dəyişikliklər Azərbaycan Respublikası Prezidentinin 2002-ci il 24 avqust tarixli 772 nömrəli Fərmanı ilə təsdiq edilmiş “İcra hakimiyyəti orqanlarının normativ hüquqi aktlarının hazırlanması və qəbul edilməsi qaydası haqqında Əsasnamə”nin 2.6-1-ci bəndinə uyğun edilə bilər.
Azərbaycan Respublikasının Baş Naziri
Bakı şəhəri, 15 noyabr 2019-cu il
Koordinat istinad sistemləri
Məkan məlumatlarını məkanla əlaqələndirən koordinatlar və (və ya) şaquli və üfüqi geodezik əlaqəyə əsaslanan en, uzunluq məlumatları, yer səthinin dəniz səviyyəsinə görə şaquli ölçülən mövqeyi və batimetrik məlumatlar (Fasiləsiz Fəaliyyət Göstərən İstinad Stansiyaları Şəbəkəsində (AzPOS) olan məlumatlar da daxildir)
Daşınmaz əmlakın kadastrı
Torpaq sahələri, yerin təki sahələri, ayrıca su obyektləri (sututarlar), çoxmərtəbəli yaşayış binaları və qeyri-yaşayış binaları, qurğular, fərdi yaşayış və bağ evləri, yardımçı tikililər, meşələr və çoxillik əkmələr, əmlak kompleksləri barədə məlumatlar (o cümlədən mülkiyyət növü)
Yer səthinin dəqiq coğrafi istinadı olan aerofoto və peyk çəkilişləri
Təyyarə, peyk və pilotsuz uçuş aparatı vasitələrindən əldə olunmuş stereoskopik çəkilişlər, lidar və (və ya) interferometrik radar təsvirləri əsasında hazırlanmış ərazinin yüksəklik modeli
Nəqliyyat yolları şəbəkəsi (avtomobil, hava, su və dəmir yolları şəbəkəsi və infrastrukturu) barədə məlumatlar
Hidroqrafik şəbəkənin elementləri, dəniz sahələri və bütün digər su obyektləri, o cümlədən su kanalları, su anbarları, göllər, arxlar, drenajlar, dukerlər və çay hövzələri barədə məlumatlar, Xəzər dənizinin Azərbaycan Respublikasına mənsub olan bölməsinin xüsusi mühafizə zonası və fiziki vəziyyəti (axınlar, duzluluq, dövrlər üzrə dalğaların hündürlüyü və suyun temperaturu) barədə məlumatlar
Dövlət sərhədlərinin, ərazi vahidlərinin (inzibati ərazi vahidlərinin, inzibati ərazi dairələrinin), bələdiyyələrin, iqtisadi vahidlərin (o cümlədən azad iqtisadi zonalar) sərhədləri barədə məlumatlar
Daşınmaz əmlak obyektinin coğrafi koordinantları, poçt indeksi, yol/küçə adı və nömrəsinə görə təyin olunması barədə məlumatlar toplusu
Torpağın təyinatı, kateqoriyası, mülkiyyət növü, alt qatlarının geomorfologiyası, yataqları, süxurları, çöküntüləri, qüsurları, dərinliyi, tərkibi, strukturu, fiziki və kimyəvi xüsusiyyətləri, möhkəmliyi, eroziya vəziyyəti, susaxlama imkanı və yeraltı suların səviyyəsi barədə məlumatlar
Yerin mənşəyi, formalaşma tarixi, tərkibi, quruluşu, xüsusiyyətləri və proseslərinə dair coğrafi istinad məlumatları (quruda və dənizdə)
Ərazi və ərazidən istifadə
Kənd təsərrüfatı sahələri, meşələr, çəmənliklər, səhralar, yarımsəhralar, bataqlıqlar və su obyektləri daxil olmaqla ərazi barədə, ərazinin səthi və bioloji örtüyü, eləcə də ərazinin cari və gələcək üçün gözlənilən vəziyyəti və ümumi sosial-iqtisadi əhəmiyyəti (məsələn, məskunlaşma, sənaye, ticarət, kənd təsərrüfatı, meşə, turizm, rekreasiya) barədə məlumatlar
Ekoloji vəziyyət və biomüxtəliflik
Ekoloji vəziyyət, ətraf mühitin monitorinqi barədə məlumatlar, o cümlədən ətraf mühitə tullantıların atılmasının, karbon qazının buraxılmasının və ekosistem dəyişikliklərinin müəyyən edilməsi və izlənilməsi barədə məlumatlar, flora və fauna, təbii fəlakət riski olan zonalar barədə məlumatlar
Atmosfer şəraiti və meteoroloji xüsusiyyətlər
Temperatur, yağıntı, külək, küləyin sürəti, rütubətlilik və atmosfer təzyiqi ilə əlaqədar atmosferin müəyyən bir məkan və zaman üzrə vəziyyəti barədə məlumatlar
Enerji və mineral ehtiyatlar
Enerji və mineral ehtiyatların növləri, mənbələri, həmçinin neft-qaz quyuları və mədənlər barədə məlumatlar
İstehsal, sənaye və kənd təsərrüfatı obyektləri
Sənaye, istehsal, kənd təsərrüfatı müəssisələri və onların iqtisadi göstəriciləri barədə məlumatlar
Mühəndis-kommunikasiya təminatı sistemi
Telekommunikasiya, enerji, təbii qaz, su, kanalizasiya kimi resurslar, eləcə də kommunal xətlər və boru kəmərləri barədə məlumatlar (o cümlədən, resurs növlərinə uyğun olaraq onların istehsalı, daşınması, paylanması və sərfiyyatı)
Təhsil, səhiyyə, mədəniyyət və digər sosial infrastruktur obyektləri, tarix və mədəniyyət abidələri, ictimai əhəmiyyətli ərazilər və obyektlər barədə məlumatlar
Turizm və rekreasiya zonaları, ictimai iaşə obyektləri, mehmanxana, kempinq, turist bazası və ya digər bu kimi obyektlər, xüsusi mühafizə olunan təbiət əraziləri və obyektləri, turizm marşrutları barədə məlumatlar
Əhalinin bölgüsü və demoqrafiya
Əhalinin yaşayış məntəqələrinə görə yerləşmə vəziyyəti, yaşayış məntəqələrinin ekoloji şəraiti, yaşayış üçün əlverişliliyi barədə məlumatlar
Əhali tərəfindən istifadəsi qadağan olunan və istifadəsi məhdudlaşdırılan ərazilər
Daxili və beynəlxalq qanunvericilik aktları əsasında əhali tərəfindən istifadəsi qadağan olunan və istifadəsi məhdudlaşdırılan ərazilər (məsələn, tullantıların idarə olunması ilə əlaqəli ərazilər, faydalı qazıntıların geoloji kəşfiyyatının aparıldığı və hasil edildiyi ərazilər, su obyektlərinin mühafizəsi zonaları, zərərli kimyəvi maddələrlə çirklənmiş ərazilər, vibrasiya və səs-küy çirklənməsinə məruz qalan ərazilər, ərazi sularında və daxili sularda üzmə vasitələrinin keçidi üçün nəzərdə tutulmuş xüsusi ərazilər, sahilboyu zolaq barədə məlumatlar
1. 13 fevral 2024-cü il tarixli 86 nömrəli Azərbaycan Respublikası Nazirlər Kabinetinin Qərarı (Azərbaycan Dövlət İnformasiya Agentliyinin (AZƏRTAC-ın) rəsmi internet saytı, 13 fevral 2024-cü il, “Azərbaycan” qəzeti, 14 fevral 2024-cü il, № 33, Azərbaycan Respublikasının Qanunvericilik Toplusu, 2024-cü il, № 2, maddə 218)