İxtira, faydalı model və sənaye nümunəsi barədə iddia sənədi müvafiq icra hakimiyyəti orqanının müəyyən etdiyi orqana (quruma) verildikdən sonra xarici dövlətdə patentləşdirilə bilər.
İxtira, faydalı model və sənaye nümunəsi barəsində iddia sənədinin müvafiq icra hakimiyyəti orqanının müəyyən etdiyi orqana (quruma) daxil olduğu tarixdən etibarən 3 ay ərzində həmin orqan (qurum) patent alınması üçün iddia sənədinin xarici dövlətə verilməsinin mümkünlüyü haqqında müvafiq qərar qəbul edir və iddiaçıya bildiriş göndərir.
Müvafiq icra hakimiyyəti orqanının müəyyən etdiyi orqanın (qurumun) qərarı ilə əlaqədar mübahisələrə inzibati qaydada və məhkəmədə baxılır.