Azərbaycan Respublİkası Nazİrlər KabİnetİnİN Qərarı
“Yoluxucu xəstəliklərin immunoprofilaktikası haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2000-ci il 17 iyun tarixli 353 nömrəli Fərmanının icrasını təmin etmək məqsədi ilə Azərbaycan Respublikasının Nazirlər Kabineti qərara alır:
1. “Profilaktik peyvəndlərin məcburi aparılması tələb olunan işlərin siyahısı” təsdiq edilsin (əlavə olunur).
2. Bu qərar imzalandığı gündən qüvvəyə minir.
Azərbaycan Respublikasının Baş naziri A. RASİZADƏ
Bakı şəhəri, 2 iyun 2001-ci il
İmmunizasiya işləri üzrə tibb vəzifələri (peşələri)
difteriya və B-hepatiti
Xəstələrin qanı ilə bilavasitə təmasda olan tibb vəzifələri (peşələr)
Taun əleyhinə müəssisələrdə bütün vəzifələr (peşələr)
Təbii taun ocaqları ərazisində bütün işləyənlər
Qara yara xəstəliyi törədiciləri ilə işləyən laboratoriyalarda bütün vəzifələr (peşələr)
Yun və gön-dəri xammalı emalı müəssisələrində bilavasitə emalla bağlı olan vəzifələr (peşələr)
Canlı bruselyoz kulturaları ilə işləyən laboratoriyalarda bütün vəzifələr (peşələr)
Bruselyoza görə qeyri-sağlam təsərrüfatlarda maldar, sağıcı, baytarlıq xidməti işçiləri, süd və ət məhsulları emalı ilə məşğul olan bütün vəzifələr (peşələr) — 18 yaşdan yuxarı
Patogen leptospira kulturaları ilə işləyən laboratoriyalarda bütün vəzifələr (peşələr)
Quduzluq virusu ilə işləyən laboratoriyalarda bütün vəzifələr (peşələr)