“Traktorlara, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatından keçirilməsi və dövlət qeydiyyatı üzrə uçota alınması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”ın və “Traktorlara, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinə dövlət texniki baxışının keçirilməsi, dövlət texniki baxışının nəticələrinin sənədləşdirilməsi və hesabatının aparılmasına dair Təlimat”ın təsdiq edilməsi barədə (Kənd Təsərrüfatı Nazirliyi, 01.03.2018)

“Yol hərəkəti haqqında” Azərbaycan Respublikası Qanununun 27-ci və 30-cu maddələrini, Azərbaycan Respublikası Prezidentinin 2019-cu il 21 may tarixli 701 nömrəli Fərmanı ilə təsdiq edilmiş “Azərbaycan Respublikasının Kənd Təsərrüfatı Nazirliyi yanında Aqrar Xidmətlər Agentliyi haqqında Əsasnamə”nin müddəalarını və Azərbaycan Respublikası Prezidentinin 2005-ci il 20 aprel tarixli 226 nömrəli Fərmanı ilə təsdiq edilmiş “Azərbaycan Respublikasının Kənd Təsərrüfatı Nazirliyi haqqında Əsasnamə”nin 12.2-ci bəndini rəhbər tutaraq Azərbaycan Respublikası Kənd Təsərrüfatı Nazirliyinin Kollegiyası qərara alır:

1. “Traktorlara, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatından keçirilməsi və dövlət qeydiyyatı üzrə uçota alınması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat” təsdiq edilsin (əlavə olunur).

2. “Traktorlara, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinə dövlət texniki baxışının keçirilməsi, dövlət texniki baxışının nəticələrinin sənədləşdirilməsi və hesabatının aparılmasına dair Təlimat” təsdiq edilsin (əlavə olunur).

3. Kənd Təsərrüfatı Nazirliyi Aparatının Hüquq, kadr və yerli orqanlarla iş şöbəsi (Xudayət Həsənli) bu qərarın Azərbaycan Respublikasının Hüquqi Aktların Dövlət Reyestrinə daxil edilməsi üçün üç gün müddətində Azərbaycan Respublikasının Ədliyyə Nazirliyinə təqdim edilməsini təmin etsin.

4. Bu qərarın icrasına nəzarət kənd təsərrüfatı nazirinin müavini İlham Quliyevə tapşırılsın.

Azərbaycan Respublikasının

kənd təsərrüfatı naziri

Azərbaycan Respublikası Kənd Təsərrüfatı Nazirliyinin Kollegiyasının 2018-ci il 1 mart tarixli Q-02-18 nömrəli qərarı ilə təsdiq edilmişdir.

1.1. Bu Təlimat “Yol hərəkəti haqqında” Azərbaycan Respublikası Qanununun 27-ci maddəsinin və Azərbaycan Respublikası Prezidentinin 2019-cu il 21 may tarixli 701 nömrəli Fərmanı ilə təsdiq edilmiş “Azərbaycan Respublikasının Kənd Təsərrüfatı Nazirliyi yanında Aqrar Xidmətlər Agentliyi haqqında Əsasnamə”nin müddəalarına uyğun olaraq hazırlanmışdır.

1.2. Bu Təlimat regionlarda Azərbaycan Respublikasının Kənd Təsərrüfatı Nazirliyi yanında Aqrar Xidmətlər Agentliyi (bundan sonra - Agentlik) tərəfindən Azərbaycan Respublikası Kənd Təsərrüfatı Nazirliyi dövlət aqrar inkişaf mərkəzləri (bundan sonra - DAİM) vasitəsilə nəqliyyat vasitələrinin və onların qoşqularının dövlət qeydiyyatı, təkrar qeydiyyatı, uçota alınması və uçotdan çıxarılması, nəqliyyat vasitəsinin texniki-uçot göstəricilərinin dəyişdirilməsi xidmətlərinin göstərilməsi və bu sahədə kargüzarlıq işinin təşkili, habelə qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanması və onlara nəzarətin həyata keçirilməsi ilə bağlı məsələləri müəyyən edir;

1.3. Traktorlar, həmçinin meşə və kənd təsərrüfatında istifadə edilən, Azərbaycan Respublikası Nazirlər Kabinetinin 2008-ci il 14 avqust tariхli 187 nömrəli qərarı ilə təsdiq edilmiş “Azərbaycan Respublikasının Kənd Təsərrüfatı Nazirliyi tərəfindən dövlət qeydiyyatı aparılan nəqliyyat vasitələrinin Siyahısı” ilə müəyyən edilən mexaniki nəqliyyat vasitələrinin və onların qoşqularının (bundan sonra - nəqliyyat vasitəsi) dövlət qeydiyyatından keçirilməsi, uçota alınması və onlara qeydiyyat şəhadətnaməsinin və dövlət qeydiyyat nişanının verilməsi DAİM tərəfindən həyata keçirilir.

1.4. Azərbaycan Respublikası Nazirlər Kabinetinin 1999-cu il 15 mart tarixli 39 nömrəli qərarı ilə təsdiq edilmiş “Mexaniki nəqliyyat vasitələrinin və onların qoşqularının müəyyən edilmiş qaydada dövlət qeydiyyatından keçirilməsi və dövlət qeydiyyatı üzrə uçota alınması haqqında Əsasnamə”nin 1.3-cü bəndinin ikinci abzasına əsasən nəqliyyat vasitəsinin qeydiyyatı sahibinin (hüquqi və ya fiziki şəxslərin) adına, kollektiv mülkiyyətdə olan nəqliyyat vasitələri isə yalnız bir şəxsin adına aparılır. Qeydiyyat üzrə daimi uçota alınan nəqliyyat vasitəsinin dövlət qeydiyyat şəhadətnaməsi və dövlət qeydiyyat nişanları (traktor və qoşqulara bir ədəd) verilir.

1.5. Hüquqi və ya fiziki şəxslər nəqliyyat vasitəsinin əldə edildiyi, fiziki şəxsin yaşayış yeri və hüquqi şəxsin olduğu yer dəyişildiyi, nəqliyyat vasitəsinin ipoteka müqaviləsinin bağlandığı, xarici dövlətlərdən gətirildikdə gömrük rəsmiləşdirilməsi keçdiyi vaxtdan, nəqliyyat vasitəsinin mühərrik, ban, şassi nömrələrinin, habelə rənginin dəyişdirildiyi və ya qeydiyyat məlumatlarının dəyişdirilməsini tələb edən digər halların yarandığı vaxtdan on gün ərzində onlara məxsus olan nəqliyyat vasitəsini hüquqi ünvan və ya yaşayış yeri üzrə DAİM-də qeydiyyata aldırmalıdırlar.

1.6. Nəqliyyat vasitələrinin dövlət qeydiyyatı üzrə uçota alınması işi ilə bağlı Agentlik aşağıdakıları həyata keçirir:

1.6.1. nəqliyyat vasitələrinin qeydiyyat şəhadətnaməsinin, dövlət qeydiyyat nişanlarının və digər xüsusi məhsul və avadanlıqların istehsal və ya sifariş edilməsini;

1.6.2. nəqliyyat vasitələrinin qeydiyyatını, özgəninkiləşdirilməsinin sənədləşdirilməsini, nəqliyyat vasitəsinin ipotekası haqqında müqavilənin və sonrakı ipoteka haqqında müqavilənin dövlət qeydiyyatının, habelə qanunla müəyyən edilmiş hallarda ipotekanın əlavə dövlət qeydiyyatının aparılmasını, nəqliyyat vasitəsinin qeydiyyat şəhadətnaməsinin və dövlət qeydiyyat nişanlarının verilməsini;

1.6.3. qeydiyyata alınmış nəqliyyat vasitələrinin regionlar üzrə və mərkəzləşdirilmiş uçotunun aparılmasını və bunun təşkili üçün lazımi məlumatların hazırlanmasını;

1.6.4. nəqliyyat vasitələri üçün dövlət qeydiyyat nişanının seriyalar üzrə rayonlar arasında bölüşdürülməsini;

1.6.5. DAİM-in nəqliyyat vasitəsinin qeydiyyat şəhadətnaməsi blankları, dövlət qeydiyyat nişanı, eləcə də digər xüsusi məhsul və avadanlıqla təchiz edilməsini;

1.6.6. DAİM-ə məxaric olunmuş nəqliyyat vasitəsinin dövlət qeydiyyat nişanı, qeydiyyat şəhadətnaməsi və digər xüsusi məhsulların sərfinə nəzarətin həyata keçirilməsini və onların vaxtaşırı təftiş edilməsini;

1.6.7. nəqliyyat vasitələrinin dövlət qeydiyyatının və daimi uçota alınmasının, qeydiyyat şəhadətnaməsi və dövlət qeydiyyat nişanının verilməsinin “bir pəncərə” prinsipi əsasında təşkil edilməsini.

1.7. Azərbaycan Respublikasının ərazisində dövlət qeydiyyatından keçməyən və yaxud nəqliyyat vasitəsinin geri qaytarılması barədə gömrük öhdəçiliyi olmayan, dövlət qeydiyyat nişanı və ya onlardan biri yerində olmayan, eləcə də saxta və ya başqa nəqliyyat vasitələrinə verilmiş və ya dövlət standartına uyğun olmayan dövlət qeydiyyat nişanları ilə nəqliyyat vasitələrinin idarə edilməsi qəti qadağandır.

1.8. Bu Təlimatda nəzərdə tutulmuş dövlət rüsumu, habelə nəqliyyat vasitəsinin sahibi və ya sərəncam vermək hüququ olan digər şəxs barəsində qanuni qüvvəyə minmiş və icrası təxirə salınmamış və ya icrasına möhlət verilməmiş yol hərəkəti, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xəta haqqında iş üzrə tətbiq edilən cərimə yalnız bank, poçt, plastik kart, elektron ödəmə sistemləri və ya internet vasitəsilə ödənilə bilər.

1.8-1. Nəqliyyat vasitəsinin dövlət qeydiyyatının aparılması və daimi uçota alınması, nəqliyyat vasitəsinin qeydiyyat şəhadətnaməsinin və dövlət qeydiyyat nişanının verilməsi zamanı Azərbaycan Respublikası İnzibati Xətalar Məcəlləsinin 57.1-57.4-cü və 97.4-cü maddələrində nəzərdə tutulmuş qaydada çatdırılması mümkün olmayan yol hərəkəti, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xətalar haqqında işlər üzrə sənədlərin çatdırılması təmin edilməlidir.

1.9. Bu Təlimatda nəzərdə tutulmayan məsələlər “Yol hərəkəti haqqında” Azərbaycan Respublikasının Qanununa, Azərbaycan Respublikası Nazirlər Kabinetinin 1999-cu il 15 mart tarixli 39 nömrəli qərarı ilə təsdiq edilmiş “Mexaniki nəqliyyat vasitələrinin və onların qoşqularının müəyyən edilmiş qaydada dövlət qeydiyyatından keçirilməsi və dövlət qeydiyyatı üzrə uçota alınması haqqında Əsasnamə”yə və “Nəqliyyat vasitəsinin özgəninkiləşdirilməsi və girov qoyulması Qaydası”na uyğun olaraq tənzimlənir.

2.1. Nəqliyyat vasitələri 18 yaşına çatmış fiziki şəxslərin (vərəsəlik üzrə alınan nəqliyyat vasitələrinin qeydiyyatı istisna olmaqla) adına yaşayış yeri üzrə DAİM tərəfindən dövlət qeydiyyatına alınır.

2.2. Nəqliyyat vasitəsi yetkinlik yaşına çatmamış vərəsənin adına qeydiyyata alınarkən, qeydiyyat sənədində onun valideyninin, övladlığa götürənin və himayəçinin soyadı, adı, atasının adı göstərilir və belə nəqliyyat vasitəsinin qəyyumluq və himayəçilik orqanının (himayədar ailəyə verilmiş uşaqlara, habelə Azərbaycan Respublikasının Ailə Məcəlləsinə uyğun olaraq yerləşdirilənədək – valideyn himayəsindən məhrum olmuş uşaqlara münasibətdə Azərbaycan Respublikasının Əmək və Əhalinin Sosial Müdafiəsi Nazirliyinin, digər hallarda isə uşaq hüquqlarının müdafiəsi üzrə komissiyaların) icazəsi olmadan qeydiyyatdan çıxarılması qadağan olunur.

Nəqliyyat vasitəsinin qeydiyyatdan çıxarılmasına icazə verilməsi ilə əlaqədar qəyyumluq və himayəçilik orqanlarının (himayədar ailəyə verilmiş uşaqlara, habelə Azərbaycan Respublikasının Ailə Məcəlləsinə uyğun olaraq yerləşdirilənədək – valideyn himayəsindən məhrum olmuş uşaqlara münasibətdə Azərbaycan Respublikasının Əmək və Əhalinin Sosial Müdafiəsi Nazirliyinin, digər hallarda isə uşaq hüquqlarının müdafiəsi üzrə komissiyaların) qərarları bir iş günü ərzində himayədar ailəyə verilmiş uşaqlara, habelə Azərbaycan Respublikasının Ailə Məcəlləsinə uyğun olaraq yerləşdirilənədək – valideyn himayəsindən məhrum olmuş uşaqlara münasibətdə Azərbaycan Respublikası Əmək və Əhalinin Sosial Müdafiəsi Nazirliyinin Mərkəzləşdirilmiş elektron informasiya sisteminə, digər hallarda isə Azərbaycan Respublikası Rəqəmsal İnkişaf və Nəqliyyat Nazirliyinin “Rəqəmsal İcra Hakimiyyəti” portalına daxil edilir.

2.2-1. Bu Təlimatın 2.2-ci bəndində göstərilən qərarların Elektron Hökumət İnformasiya Sistemi vasitəsilə müvafiq dövlət orqanından (qurumundan) əldə edilməsi mümkün olduqda, həmin sənədlər və ya məlumatlar ərizəçidən tələb edilmir. Belə sənədlərin və ya məlumatların Elektron Hökumət İnformasiya Sistemi vasitəsilə əldə edilməsi mümkün olmadığı hallarda onların təqdim edilməsi ərizəçinin razılığı ilə sorğu əsasında müvafiq dövlət orqanından (qurumundan) tələb olunur və ya ərizəçi tərəfindən təmin edilir. Həmin sənədlər “İnzibati icraat haqqında” Azərbaycan Respublikasının Qanununun 32.4-cü maddəsinə uyğun olaraq kağız daşıyıcıda və ya elektron sənəd formasında təqdim edilə bilər.

2.3. Fiziki şəxslərin nəqliyyat vasitələri onların daimi, yaxud müvəqqəti (daimi qeydiyyat olmadıqda) yaşayış yeri üzrə qeydiyyata alınır.

2.4. Hüquqi şəxslərin nəqliyyat vasitələri onların yerləşdiyi yer üzrə DAİM tərəfindən dövlət qeydiyyatına alınır. İdarə, müəssisə və təşkilatların hüquqi şəxs olmayan filiallarının (bölmələrinin) istifadəsində olan nəqliyyat vasitələrinin qeydiyyatı onların yerləşdikləri ərazilər üzrə aparılır və nəqliyyat vasitəsinin qeydiyyat şəhadətnaməsində hüquqi şəxsin-mülkiyyətçinin adı, ünvanı ilə bərabər nəqliyyat vasitəsini istifadə edən filialın (bölmənin) ünvanı da göstərilir.

2.5. DAİM nəqliyyat vasitəsinin sahibi və ya sərəncam vermək hüququ olan digər şəxs tərəfindən müvafiq sənədlər verildiyi (bu Təlimatın 2.13-1-ci bəndinin tələbləri nəzərə alınmaqla), onun barəsində qanuni qüvvəyə minmiş və icrası təxirə salınmamış və ya icrasına möhlət verilməmiş yol hərəkəti, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xəta haqqında iş üzrə tətbiq edilən cərimə ödənildiyi və nəqliyyat vasitəsinin mühərrik, ban və şassi nömrələri, habelə rəngini tutuşdurmaq məqsədilə müayinəyə təqdim edildiyi vaxtdan 30 dəqiqə, sənədlərin həqiqiliyinin şübhə doğurduğu müstəsna hallarda bir gün ərzində nəqliyyat vasitəsinin dövlət qeydiyyatının aparılmasını və onun daimi uçota alınmasını, nəqliyyat vasitəsinin qeydiyyat şəhadətnaməsinin və dövlət qeydiyyat nişanının verilməsini həyata keçirir.

2.6. Təqdim olunmuş sənədlərdə çatışmazlıqlar aşkar edildikdə (bu Təlimatın 2.13-1-ci bəndinin tələbləri nəzərə alınmaqla) ərizəçiyə məlumat verilir və bunlar aradan qaldırıldıqdan sonra nəqliyyat vasitəsinin dövlət qeydiyyatı aparılır.

2.7. Nəqliyyat vasitəsi dövlət qeydiyyatından keçirilməsi və daimi uçota alınması üçün mühərrik, ban və şassi nömrələrini, habelə rəngini tutuşdurmaq məqsədi ilə müayinə edildikdən sonra texniki baxışdan keçirilir.

2.8. Aşağıdakı hallarda dövlət qeydiyyatının aparılması və daimi uçota alınması ilə əlaqədar nəqliyyat vasitəsi texniki baxışdan keçirilmir:

2.8.1. Azərbaycan Respublikasında ilk dəfə dövlət qeydiyyatına alınan nəqliyyat vasitəsinin istehsal olunduğu vaxtdan “Yol hərəkəti haqqında” Azərbaycan Respublikası Qanununun 30-cu maddəsinin VI-II hissəsində nəzərdə tutulmuş müddət keçməmişdirsə;

2.8.2. Azərbaycan Respublikası ərazisində dövlət qeydiyyatına alınmış nəqliyyat vasitəsi “Yol hərəkəti haqqında” Azərbaycan Respublikası Qanununun 30-cu maddəsinin VI hissəsində nəzərdə tutulmuş müddətdə texniki baxışdan keçirilmişdirsə.

2.9. Texniki baxış zamanı nəqliyyat vasitəsinin “Yol hərəkəti haqqında” Azərbaycan Respublikası Qanununa 1 saylı Əlavənin I və II hissələrində göstərilən nasazlıqlar aşkar edildikdə, ərizəçiyə məlumat verilir və bunlar aradan qaldırıldıqdan sonra nəqliyyat vasitəsi dövlət qeydiyyatından keçirilir və daimi uçota alınır.

2.10. Qeydiyyat hərəkətlərinin aparılması üçün nəqliyyat vasitəsinin təqdim edilməsi texniki nasazlıq və digər səbəblərdən mümkün olmadıqda, nəqliyyat vasitəsinin sahibi ərizədə həmin səbəbləri qeyd edir və DAİM tərəfindən ona göstəriləcək xidmət üçün əlavə rüsum ödəyir. Rüsumun ödənilməsi barədə sənəd təqdim edildikdən sonra beş gün ərzində DAİM-in işçiləri nasaz nəqliyyat vasitəsini olduğu yer üzrə onun mühərrik, ban və şassi nömrələrini, habelə rəngini tutuşdurmaq məqsədi ilə müayinədən keçirirlər.

2.11. Nəqliyyat vasitəsinin dövlət qeydiyyatına alınmasına və digər qeydiyyat hərəkətlərinin aparılmasına dair müraciətlər və müvafiq qeydiyyat hərəkətlərin aparılmasına dair sənədlər aşağıdakılardır:

2.11.1. nəqliyyat vasitəsinin dövlət qeydiyyatının aparılması və daimi uçota alınması, nəqliyyat vasitəsinin qeydiyyat şəhadətnaməsinin və dövlət qeydiyyat nişanının verilməsi üzrə:

2.11.1.2. Azərbaycan Respublikası vətəndaşının şəxsiyyət vəsiqəsi (müvafiq olaraq Azərbaycan Respublikasının ərazisində əcnəbinin şəxsiyyətini təsdiq edən sənəd və ya Azərbaycan Respublikasının hüdudlarında istifadə edilməsi üçün vətəndaşlığı olmayan şəxsin şəxsiyyət vəsiqəsi);

2.11.1.3. hüquqi şəxslərin dövlət reyestrindən çıxarışın surəti;

2.11.1.4. Azərbaycan Respublikasının qanunvericiliyi ilə müəyyən edilmiş qaydada onun sahibliyini təsdiq edən müvafiq sənəd və ya məhkəmənin qərarı;

2.11.1.5. Azərbaycan Respublikasının qanunvericiliyi ilə müəyyən edilmiş rüsumların (nəqliyyat vasitələrinin təkrar qeydiyyatı istisna olmaqla) ödənilməsi barədə sənəd;

2.11.1.6. Xarici dövlətlərdən alınaraq Azərbaycan Respublikasının ərazisinə hüquqi və fiziki şəxslər tərəfindən gətirilmiş nəqliyyat vasitəsi üçün gömrük orqanlarının verdiyi icazə sənədi, nəqliyyat vasitəsinin əvvəl qeydə alındığı dövlətin daimi qeydiyyatından çıxarıldığına dair sənədi, onun qeydiyyat və ya tranzit nişanları.

2.11.2. nəqliyyat vasitəsinin təkrar dövlət qeydiyyatına alınması üzrə:

2.11.2.1. fiziki şəxsin yaşayış yeri və ya hüquqi şəxsin olduğu yer dəyişdiyi hallarda nəqliyyat vasitələrinin təkrar qeydiyyatı sahibinin ərizəsi əsasında 2.11.1-ci yarımbənddə göstərilən qaydada aparılır.

2.11.2.2. nəqliyyat vasitəsinin sahibi dəyişdikdə təkrar qeydiyyat mülkiyyətçinin ərizəsi və aşağıda sadalanan müvafiq sənədlərdən birinin əsasında 2.11.1-ci yarımbəndə müvafiq qaydada aparılır:

2.11.2.2.1. istehsalçı zavodun, yaxud nəqliyyat vasitəsinə xüsusi avadanlıq quraşdırmış zavodun təhvil-təslim aktı və nəqliyyat vasitəsinin satılması barədə istehsalçı müəssisənin verdiyi arayış-hesab. Təhvil-təslim aktı itirildikdə aşağıda sadalanan sənədlərdən biri təqdim edilə bilər;

2.11.2.2.2. nəqliyyat vasitəsinin həmin müəssisəyə daşınması barədə dəmir yolunun verdiyi qaimə, istehsalçı zavod tərəfindən verilmiş (nəqliyyat vasitəsinin şassisinin, banının nömrələri yazılmış) arayış, pasport, istehsalçı zavodun sertifikatı;

2.11.2.2.3. komisyon və ticarət təşkilatlarının verdiyi arayış-hesab;

2.11.2.2.4. qanunvericiliklə müəyyən olunmuş qaydada təsdiq edilmiş bağışlama və ya ləğv etmə müqaviləsi, yaxud nəqliyyat vasitəsinə mülkiyyət və vərəsəlik hüququ verilməsi barədə şəhadətnamələr;

2.11.2.2.5. nəqliyyat vasitəsinin mülkiyyətçisi və alıcı arasında yazılı şəkildə tərtib edilmiş və DAİM-də təsdiq olunmuş alqı-satqı (5 nömrəli Əlavə), yaxud dəyişmə müqaviləsi (6 nömrəli Əlavə). Bağlanmış müqavilənin doğruluğunun təkzibedilməz şərti DAİM-də satıcı və alıcının (onların vəkil etdikləri şəxslərin) iştirakıdır. Hüquqi şəxslərin nəqliyyat vasitələri satılıb-alındıqda əlavə olaraq təhvil-təslim aktı və nəqliyyat vasitəsinin dəyərinin ödənilməsi haqqında sənəd və ya onun surəti tələb edilir;

2.11.2.2.6. müvafiq qanunvericiliklə nəzərdə tutulmuş digər sənədlər.

2.11.2.3. mülkiyyətçinin soyadı, adı, atasının adı dəyişdikdə nəqliyyat vasitəsinin təkrar qeydə alınması nikah şəhadətnaməsi (onun surəti), yaxud Ədliyyə Nazirliyinin qeydiyyat şöbələri və ya Azərbaycan Respublikası Xarici İşlər Nazirliyinin xaricdəki konsulluq idarələri tərəfindən verilmiş digər sənədlər əsasında 2.11.1-ci yarımbənddə göstərilən qaydada yerinə yetirilir.

2.11.2.4. Avadanlıqla təchiz edilmiş və yenidən yığılmış, yaxud aqreqatları dəyişdirilmiş nəqliyyat vasitələrinin təkrar qeydiyyata alınması aşağıdakı əsaslarla aparılır:

2.11.2.4.1. avadanlıqla təchiz edilməsi və yenidən yığılması haqqında DAİM-in verdiyi icazə;

2.11.2.4.2. təmir zavodunda (müəssisədə) avadanlıqla təchiz edilməsi və yenidən yığılması barədə müvafiq qeyd aparılmış texniki pasport, qeydiyyat şəhadətnaməsi (yenidən quraşdırmanın tarixi, qoyulmuş banın, şassinin, mühərrikin nömrələri göstərilir);

2.11.2.4.3. nəqliyyat vasitəsinin avadanlıqla təchiz edilib yenidən yığılması və qəbulu haqqında təhvil-təslim aktı;

2.11.2.4.4. nəqliyyat vasitəsinin avadanlıqla təchiz edilməsi və yenidən yığılmasının yerinə yetirilməsini təsdiq edən sənəd və görülmüş işin ödənilmə qaiməsi;

2.11.2.4.5. həmçinin 2.11.1-ci yarımbənddə göstərilmiş digər müvafiq sənədlər.

2.11.3. yararsız vəziyyətə düşmüş qeydiyyat şəhadətnaməsinin və dövlət qeydiyyat nişanın dəyişdirilməsi üzrə:

2.11.3.1. Azərbaycan Respublikası vətəndaşının şəxsiyyət vəsiqəsi (müvafiq olaraq Azərbaycan Respublikasının ərazisində əcnəbinin şəxsiyyətini təsdiq edən sənəd və ya Azərbaycan Respublikasının hüdudlarında istifadə edilməsi üçün vətəndaşlığı olmayan şəxsin şəxsiyyət vəsiqəsi);

2.11.3.2. hüquqi şəxslərin dövlət reyestrindən çıxarışın surəti;

2.11.3.3. dövlət rüsumunun ödənilməsi barədə sənəd;

2.11.3.4. dövlət qeydiyyat nişanı və qeydiyyat şəhadətnaməsinin əsli.

2.11.4. nəqliyyat vasitəsinin qeydiyyat şəhadətnaməsi və dövlət qeydiyyat nişanı itdiyinə görə yeni qeydiyyat şəhadətnaməsinin və dövlət qeydiyyat nişanının verilməsi üzrə:

2.11.4.1. Azərbaycan Respublikası vətəndaşının şəxsiyyət vəsiqəsi (müvafiq olaraq Azərbaycan Respublikasının ərazisində əcnəbinin şəxsiyyətini təsdiq edən sənəd və ya Azərbaycan Respublikasının hüdudlarında istifadə edilməsi üçün vətəndaşlığı olmayan şəxsin şəxsiyyət vəsiqəsi);

2.11.4.2. hüquqi şəxslərin dövlət reyestrindən çıxarışın surəti;

2.11.4.3. dövlət rüsumunun ödənilməsi barədə sənəd;

2.11.4.4. Azərbaycan Respublikası Daxili İşlər Nazirliyinin Bakı şəhər Baş Polis İdarəsinin Tapıntılar bürosundan arayış.

2.11.5. nəqliyyat vasitəsinin müvəqqəti dövlət qeydiyyatının aparılması və müvəqqəti uçota alınması üzrə:

2.11.5.1. nəqliyyat vasitəsinin qeydiyyat şəhadətnaməsi;

2.11.5.2. Azərbaycan Respublikası vətəndaşının şəxsiyyət vəsiqəsi (müvafiq olaraq Azərbaycan Respublikasının ərazisində əcnəbinin şəxsiyyətini təsdiq edən sənəd və ya Azərbaycan Respublikasının hüdudlarında istifadə edilməsi üçün vətəndaşlığı olmayan şəxsin şəxsiyyət vəsiqəsi);

2.11.5.3. Azərbaycan Respublikasının qanunvericiliyi ilə müəyyən edilmiş rüsumların və ya vergilərin ödənilməsi barədə sənəd;

2.11.5.4. gömrük orqanlarının müvəqqəti icazə sənədləri.

2.11.6. nəqliyyat vasitəsinin daimi uçotdan çıxarılması üzrə:

2.11.6.1. Azərbaycan Respublikası vətəndaşının şəxsiyyət vəsiqəsi (müvafiq olaraq Azərbaycan Respublikasının ərazisində əcnəbinin şəxsiyyətini təsdiq edən sənəd və ya Azərbaycan Respublikasının hüdudlarında istifadə edilməsi üçün vətəndaşlığı olmayan şəxsin şəxsiyyət vəsiqəsi);

2.11.6.2. hüquqi şəxslərin dövlət reyestrindən çıxarışın surəti;

2.11.6.3. qanunvericiliklə müəyyən olunmuş qaydada təsdiq edilmiş bağışlama, pay və ya ləğv etmə müqaviləsi, yaxud nəqliyyat vasitəsinə mülkiyyət və vərəsəlik hüququ verilməsi barədə şəhadətnamələr;

2.11.6.4. nəqliyyat vasitəsinin çıxdaş edilməsi barədə sənəd.

2.11.7. nəqliyyat vasitəsinin ipotekasının dövlət qeydiyyatının aparılması üzrə:

2.11.7.2. ipoteka müqaviləsinin notariat qaydasında təsdiq edilmiş surəti;

2.11.7.3. qeydiyyat üçün dövlət rüsumunun ödənilməsini təsdiq edən sənəd.

2.11.8. nəqliyyat vasitəsinin ipotekasının dövlət qeydiyyatının ləğv edilməsi üzrə:

İpoteka saxlayanın ərizəsi və ya məhkəmənin qərarı.

2.11.9. nəqliyyat vasitəsinə dair daşınar əmlakın rəsmi reyestrindən məlumatın alınması üzrə:

2.11.9.2. fiziki şəxslərin şəxsiyyətini təsdiq edən sənədin surəti;

2.11.9.3. hüquqi şəxsin dövlət qeydiyyatına alınmasını qanunvericiliyə uyğun olaraq təsdiq edən sənədin surəti;

2.11.9.4. ərizə nümayəndə tərəfindən verilirsə, nümayəndənin səlahiyyətlərini təsdiq edən etibarnamə.

2.11.10. nəqliyyat vasitəsinə dair məlumatların daşınar əmlakın rəsmi reyestrindən silinməsi üzrə:

2.11.10.1. Azərbaycan Respublikası vətəndaşının şəxsiyyət vəsiqəsi (müvafiq olaraq Azərbaycan Respublikasının ərazisində əcnəbinin şəxsiyyətini təsdiq edən sənəd və ya Azərbaycan Respublikasının hüdudlarında istifadə edilməsi üçün vətəndaşlığı olmayan şəxsin şəxsiyyət vəsiqəsi);

2.11.10.2. hüquqi şəxslərin dövlət reyestrindən çıxarışın surəti;

2.11.10.3. nəqliyyat vasitəsinə dair məhkəmənin qərarı;

2.11.10.4. nəqliyyat vasitəsinin çıxdaş edilməsi barədə sənəd;

2.11.10.5. nəqliyyat vasitəsinin daimi olaraq Azərbaycan Respublikasından kənara çıxarılmasına dair sənəd.

2.12. Nəqliyyat vasitəsinin sahibi və ya ona sərəncam vermək hüququ olan digər şəxs nəqliyyat vasitəsinin dövlət qeydiyyatı və daimi uçota alınması, qeydiyyat şəhadətnaməsinin və dövlət qeydiyyat nişanının alınması ilə bağlı Agentliyə internet vasitəsilə elektron formada müraciət edə bilər. Agentlik müraciət etmiş şəxslərin qəbul edilməsi ardıcıllığının tənzimlənməsi üçün “Elektron növbə” idarəetmə sistemi vasitəsilə həmin şəxslərin növbəsini müəyyən edir və bu barədə (tarix və vaxt göstərilməklə) onlara eyni qaydada məlumat verir.

2.13. Agentliyin rəsmi internet informasiya ehtiyatında yaradılmış elektron xidmət bölməsində dövlət qeydiyyatının həyata keçirilməsi üçün tələb olunan sənədlərin dəqiq siyahısının və müvafiq sənədlərin (ərizə və digər) elektron formasının yerləşdirilməsi, habelə sənədlərin elektron formada qəbul edilməsi təmin edilir.

2.13-1. Bu Təlimatın 2.11-ci bəndində göstərilən sənədlərin Elektron Hökumət İnformasiya Sistemi vasitəsilə müvafiq dövlət orqanından (qurumundan) əldə edilməsi mümkün olduqda, həmin sənədlər və ya məlumatlar ərizəçidən tələb edilmir. Belə sənədlərin və ya məlumatların Elektron Hökumət İnformasiya Sistemi vasitəsilə əldə edilməsi mümkün olmadığı hallarda onların təqdim edilməsi ərizəçinin razılığı ilə sorğu əsasında müvafiq dövlət orqanından (qurumundan) tələb olunur və ya ərizəçi tərəfindən təmin edilir. Həmin sənədlər “İnzibati icraat haqqında” Azərbaycan Respublikasının Qanununun 32.4-cü maddəsinə uyğun olaraq kağız daşıyıcıda və ya elektron sənəd formasında təqdim edilə bilər.

2.14. İstehsalçı müəssisənin və təmir zavodlarının texniki şərtlərinə müvafiq olaraq nəzarət sınağı keçən nəqliyyat vasitələrinə bir ildən çox olmayan müddətə üzərində “Sınaq” işarəsi yazılmış qeydiyyat şəhadətnaməsi və dövlət qeydiyyat nişanı verilir.

2.15. Əvvəllər qeydiyyata alındığı dövlətin daimi uçotundan çıxarılmadan Azərbaycan Respublikasına gətirilmiş nəqliyyat vasitəsi gömrük orqanlarının verdiyi icazə sənədi əsasında sahibinin adına müvəqqəti qeydiyyata alınaraq, qeydiyyat şəhadətnaməsi və nişanları ilə təmin olunur.

2.16. Azərbaycan Respublikasının ərazisində müvəqqəti və daimi yaşayan əcnəbilərin və vətəndaşlığı olmayan şəxslərin, habelə xarici hüquqi şəxslərin nümayəndəlik və filiallarının nəqliyyat vasitələri ümumi əsaslarla qeydiyyata alınır.

2.17. Dövlət qeydiyyat nişanının verilməsi nəzərdə tutulan və yaxud tutulmayan aqrar-sənaye komplekslərində, meşə və ekologiya sahələrində, su-meliorasiya təsərrüfatlarında və digər kənd təsərrüfatı üzrə xidmət sahələrində istifadə edilən asma-qoşma mexanizmlər və stasionar avadanlıqlar (bundan sonra - asma-qoşma mexanizmlər və stasionar avadanlıqlar) bu Təlimatın 2.11.1-ci yarımbəndinin tələbinə uyğun olaraq dövlət qeydiyyatına alınır.

2.18. Azərbaycan Respublikası ərazisində dövlət qeydiyyatına alınmış nəqliyyat vasitəsini başqa regionda təkrar dövlət qeydiyyatından keçirmək üçün müraciət edildikdə, nəqliyyat vasitəsinin yeni regionda qeydiyyata alınması əvvəlki region üzrə dövlət qeydiyyatını ləğv edir.

2.19. Nəqliyyat vasitələrinin avadanlıqla təchiz edilib yenidən yığılması və aqreqatların dəyişdirilməsinin xüsusiyyətləri:

2.19.1. nəqliyyat vasitəsinin markasının dəyişdirilməsi ilə nəticələnən avadanlıqla təchiz edilməsi və yenidən yığılması qadağandır;

2.19.2. bir markadan olan nəqliyyat vasitələrinin başqa modelə avadanlıqla təchiz edilib yenidən yığılması nəqliyyat vasitəsinin təmiri ilə məşğul olan müəssisələrdə həyata keçirilir;

2.19.3. bu Təlimatın 2.19.2-ci yarımbəndində göstərilmiş müəssisələr və nəqliyyat vasitəsinin mülkiyyətçisi tərəfindən eyni modeldən olan nəqliyyat vasitələrinin banı və aqreqatları dəyişdirilə bilər;

2.19.4. eyni markadan olan nəqliyyat vasitələrinin mühərrikini və çərçivəsini texniki şərtlər daxilində sərbəst qoymağa icazə verilir, digər hallarda isə dəyişdirilmə istehsalçı zavodun məsləhəti əsasında həyata keçirilir;

2.19.5. Avadanlıqla təchiz edilmə və yenidən yığılma, yaxud təmir vaxtı nəqliyyat vasitələrinin azad olmuş aqreqatları (banı, mühərriki, çərçivəsi, mühərrikin bloku) mülkiyyətçilərinin sərəncamında qalır və onlardan istədikləri kimi istifadə edə bilərlər. Nəqliyyat vasitəsinin sahibi həmin aqreqatları, DAİM-in müvafiq arayışı əsasında komisyon ticarət mağazası vasitəsi ilə başqa şəxsə və ya texniki xidmət stansiyasına sata, notarial qaydada bağışlaya bilər.

2.20. Nəqliyyat vasitəsi avadanlıqla təchiz edilib yenidən yığıldıqda yeni model, şassi, çərçivə, ban və mühərrikin nömrəsi göstərilməklə onun mülkiyyətçisinə yeni qeydiyyat şəhadətnaməsi verilir. “Qeydiyyat üçün əsas” bölməsində əvvəlki modeldən (köhnənin adı yazılır) avadanlıqla təchiz edilib yenidən yığılması, həmçinin əvvəlki qeydiyyat sənədinin nömrəsi və seriyası göstərilir. Qeydiyyat şəhadətnaməsinin “Buraxılış ili” bölməsində nəqliyyat vasitəsinin avadanlıqla təchiz edilib yenidən yığılması ili yazılır.

2.21. Nəqliyyat vasitəsi modeli, yaxud modifikasiyası dəyişmədən banı, mühərriki və çərçivəsi dəyişdirilərkən, onların qeydiyyat əlamətləri yeni qeydiyyat şəhadətnaməsi verilməklə uçot göstəricilərində əks etdirilir, dəyişmənin tarixi, zavod markalanması və yaxud sənədlərlə təsdiq olunarsa, aqreqatın buraxılış ili göstərilir.

2.22. Maye qazla işləmək üçün dəyişiklik edilmiş nəqliyyat vasitələri mülkiyyətçinin, nəqliyyat vasitəsinin texniki şərtlərə uyğun olması barədə təqdim etdiyi akt və bu Təlimatda nəzərdə tutulmuş digər sənədlər əsasında təkrar qeydiyyata alınır.

2.23. Mülkiyyətçisi dəyişən və DAİM-in xidmət ərazisindən çıxarılıb kənara aparılan nəqliyyat vasitələri təkrar qeydiyyata yeni uçot sahəsində alınır.

2.24. Əgər bağışlama müqaviləsində, yaxud vərəsəlik hüququ şəhadətnaməsində bir neçə şəxs göstərilmişdirsə, bağışlanmış, yaxud vərəsəliyə görə alınmış nəqliyyat vasitəsi mülkiyyətçilərin hamısının yazılı razılığı ilə onlardan birinin adına qeydə alınır.

2.25. Ər və arvad arasında nəqliyyat vasitələrinin birinin adından çıxarılıb digərinin adına keçirilməsinə, onların birgə ərizələri və ümumi mülk qisminə mülkiyyət hüququ verən notariat kontorunun şəhadətnaməsi əsasında icazə verilir.

2.26. Nəqliyyat vasitəsi sahibinin soyadı, adı, atasının adı dəyişdirildikdə, ona verilmiş nəqliyyat vasitəsinin qeydiyyat şəhadətnaməsi itdikdə və ya yararsız hala düşdükdə, “Yol hərəkəti haqqında” Azərbaycan Respublikası Qanununun 28-ci maddəsinin III hissəsində nəzərdə tutulmuş qaydada onlara verilmiş nəqliyyat vasitəsinin qeydiyyat şəhadətnaməsi dəyişdirilir. Qeydiyyat şəhadətnaməsinin dublikatını almaq üçün, onun sahibi və ya sərəncam vermək hüququ olan digər şəxs əvvəlki şəhadətnamənin itirilməsi barədə Azərbaycan Respublikasının Kənd Təsərrüfatı Nazirliyinə müraciət edir.

2.27. Nəqliyyat vasitəsinin dövlət qeydiyyat nişanı yararsız hala düşdükdə nəqliyyat vasitəsinin sahibi və ya sərəncam vermək hüququ olan digər şəxs nəqliyyat vasitəsinin həmin dövlət qeydiyyat nişanının yenisi ilə (rəqəmlərin və hərflərin kombinasiyası saxlanılmaqla) əvəz edilməsi barədə Azərbaycan Respublikasının Kənd Təsərrüfatı Nazirliyinə müraciət edir. Həmin dövlət qeydiyyat nişanının yenisi ilə əvəz edilməsi “Yol hərəkəti haqqında” Azərbaycan Respublikası Qanununun 29-cu maddəsinin II hissəsində nəzərdə tutulmuş qaydada həyata keçirilir.

2.28. Dövlət qeydiyyat nişanı itdikdə və ya oğurlandıqda, dövlət qeydiyyat nişanı itmiş və ya oğurlanmış nəqliyyat vasitəsinin sahibi və ya sərəncam vermək hüququ olan digər şəxs nəqliyyat vasitəsinə yeni dövlət qeydiyyat nişanının alınması üçün “Yol hərəkəti haqqında” Azərbaycan Respublikası Qanununun 29-cu maddəsinin II hissəsində nəzərdə tutulmuş qaydada Azərbaycan Respublikasının Kənd Təsərrüfatı Nazirliyinə müraciət edir. İtmiş və ya oğurlanmış dövlət qeydiyyat nişanı tapıldıqda, həmin dövlət qeydiyyat nişanı ilk olaraq onun sonuncu sahibinə və ya sərəncam vermək hüququ olan digər şəxsə təklif edilir.

2.29. Yararsız hala düşmüş qeydiyyat şəhadətnaməsi və dövlət qeydiyyat nişanı Agentliyin aparatı tərəfindən tərtib edilmiş akta əsasən balansdan silinir.

2.30. Nəqliyyat vasitəsi dövlət qeydiyyatı üzrə daimi uçotdan aşağıdakı hallarda çıxarılır:

2.30.1. nəqliyyat vasitəsi sahibinin yaşayış yeri dəyişdikdə və onun yeni yaşayış yeri nəqliyyat vasitəsini qeydiyyata almış DAİM-in fəaliyyət göstərdiyi ərazinin hüdudlarından kənarda olduqda, habelə qeydiyyat yerinin dəyişməsi ilə bağlı olan digər hallarda;

2.30.2. nəqliyyat vasitəsinə mülkiyyət hüququ xitam edildikdə və ya nəqliyyat vasitəsi başqasına verildikdə;

2.30.3. nəqliyyat vasitələri çıxdaş edildikdə.

2.30-1. “Tullantılar haqqında” Azərbaycan Respublikasının Qanunu ilə müəyyənləşdirilmiş qaydada utilizasiyaya verilməzdən əvvəl nəqliyyat vasitəsi dövlət qeydiyyatı üzrə daimi uçotdan çıxarılmalıdır. Bu məqsədlə nəqliyyat vasitəsinin sahibi və ya sərəncam vermək hüququ olan digər şəxs tərəfindən DAİM-ə müraciət edilir. Müraciət qəbul edildikdən sonra 3 (üç) iş günü müddətində həmin orqan tərəfindən araşdırma aparılaraq nəqliyyat vasitəsinin dövlət qeydiyyatı üzrə daimi uçotdan çıxarılması və ya aşağıdakı hallardan hər hansı biri mövcud olduqda səbəbləri göstərilməklə dövlət qeydiyyatı üzrə daimi uçotdan çıxarılmasından imtina barədə qərar qəbul edilir və müraciət edən şəxsə bu barədə yazılı məlumat verilir:

2.30-1.1. nəqliyyat vasitəsinin inzibati tənbeh etmə qismində müsadirə edilməsi və ya cinayət-hüquqi tədbir qismində xüsusi müsadirə edilməsi barədə qanuni qüvvəyə minmiş məhkəmə qərarı olduqda;

2.30-1.2. nəqliyyat vasitəsinin sahibi və ya sərəncam vermək hüququ olan digər şəxs barəsində icrası təxirə salınmamış və ya icrasına möhlət verilməmiş yol hərəkəti, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xətalar haqqında iş üzrə səlahiyyətli orqanın (vəzifəli şəxsin) və ya məhkəmənin qanuni qüvvəyə minmiş və icra edilməmiş yekun qərarı olduqda;

2.30-1.3. nəqliyyat vasitəsinin sahibi və ya sərəncam vermək hüququ olan digər şəxs barəsində hərəkət təhlükəsizliyi və nəqliyyat vasitələrinin istismarı qaydaları əleyhinə olan cinayətlər üzrə cəza və ya digər cinayət-hüquqi tədbirlər qismində cərimənin tətbiq edilməsi barədə məhkəmənin qanuni qüvvəyə minmiş və icra edilməmiş yekun qərarı olduqda;

2.30-1.4. nəqliyyat vasitəsi üzərində həbs və ya yüklülük olduqda;

2.30-1.5. dövlət müəssisə, idarə və təşkilatlarına, habelə nizamnamə kapitalında dövlətin payı olan hüquqi şəxslərə məxsus olan nəqliyyat vasitələrinin silinməsinə dair normativ hüquqi aktlarla müəyyən edilmiş hallarda və qaydada rəy verilmədikdə.

2.30-2. Nəqliyyat vasitələri utilizasiyaya “Tullantılar haqqında” Azərbaycan Respublikası Qanununun 14-7-ci maddəsinin birinci hissəsinin üçüncü abzasına uyğun olaraq DAİM tərəfindən verildikdə, bu Təlimatın 2.30-1.1-ci, 2.30-1.4-cü və 2.30-1.5-ci yarımbəndlərinin tələblərinə əməl olunmaqla, həmin orqanın qərarı ilə dövlət qeydiyyatı üzrə daimi uçotdan çıxarılır. Bu zaman bu Təlimatın 2.30-1.2-ci və 2.30-1.3-cü yarımbəndlərində nəzərdə tutulan ödənilməmiş cərimələrin olması nəqliyyat vasitəsinin dövlət qeydiyyatı üzrə daimi uçotdan çıxarılmasına mane olmur.

2.31. Dövlət və bələdiyyə mülkiyyətində olan nəqliyyat vasitələrinin silinməsi barədə tərtib edilmiş akt həmin mülkiyyətçilər tərəfindən təsdiqlənməlidir. Satışa yararlı olan material qiymətlilərinə dair qəbul-təhvil qaimələri akta əlavə edilir.

2.32. Xüsusi mülkiyyətdə olan silinmiş nəqliyyat vasitələri DAİM ilə nəqliyyat vasitəsinin mülkiyyətçisinin (ümumi və paylı mülkiyyətdə olan nəqliyyat vasitəsinə dair aktı isə nəqliyyat vasitəsinin mülkiyyətçilərinin razılaşması əsasında yalnız mülkiyyətçilərdən biri öz imzası ilə təsdiqləyir) təsdiq etdikləri akt əsasında uçotdan silinir.

2.33. Dövlət qeydiyyat nişanının təhvil verilməsi, uçotdan çıxmanın səbəbi və “tranzit” nişanlarının verilməsinə (2.30.3-cü yarımbənddə göstərilən hal istisna olmaqla) dair nəqliyyat vasitəsinin qeydiyyat şəhadətnaməsində və “Nəqliyyat vasitəsi üzərində hüquqların qeydiyyatına dair reyestr kitabı”nda (bundan sonra - Reyestr kitabı) (2 nömrəli Əlavə) müvafiq qeydlər aparılır.

2.34. Nəqliyyat vasitələri çıxdaş edilməklə əlaqədar uçotdan çıxarıldıqda qeydiyyat şəhadətnaməsi və dövlət qeydiyyat nişanları DAİM-ə təhvil verilir.

2.35. Nəqliyyat vasitələri məhkəmələrin, yaxud mövcud qanunvericilik aktlarına müvafiq olaraq digər səlahiyyətli dövlət orqanlarının vəzifəli şəxslərinin cinayət, yaxud başqa qanun pozuntusu törədilməsinə görə qəbul etdiyi qərar əsasında uçotdan çıxarıla bilər. Nəqliyyat vasitələrinin uçotdan çıxarılmasına, nəqliyyat vasitəsinə mülkiyyət hüququnun dəyişdirilməsinə müvəqqəti məhdudiyyətlər göstərilən orqanların, vəzifəli şəxslərinin qərarı ilə qoyula bilər.

2.36. Nəqliyyat vasitələri texniki xidmət stansiyalarına və nəqliyyat vasitələrinin təmiri ilə məşğul olan digər müəssisələrə verilməsinə görə uçotdan çıxarıldıqda dövlət qeydiyyat nişanı və qeydiyyat şəhadətnaməsi DAİM-ə təhvil verilir, mülkiyyətçiyə isə DAİM tərəfindən arayış verilir.

2.37. Mülkiyyətçinin dəyişməsi ilə əlaqədar nəqliyyat vasitəsi uçotdan çıxarıldıqda, qeydiyyat şəhadətnaməsində onun getdiyi yer, yeni mülkiyyətçinin soyadı, adı, atasının adı göstərilir.

2.38. Dövlət qeydiyyatına alınmış nəqliyyat vasitələrinin reyestri kağız və elektron daşıyıcılar üzərində aparılır. Reyestrin kağız üzərində və elektron daşıyıcısındakı yazılar bir-birinə uyğun gəlmədikdə, kağız üzərindəki məlumata üstünlük verilir. Reyestrdəki yazılarla hüquqların qeydiyyatı üçün əsas olan sənədlər arasında uyğunsuzluq olduqda sənədlərə üstünlük verilir.

2.39. Reyestr kitabı möhkəm üz səhifəsi ilə əhatələnmiş (tikilmiş) vərəqlərdən ibarət olan (vərəqlərinin yalnız cırmaq və ya kəsmək yolu ilə çıxarılması mümkün olan) cildlərdən təşkil edilir. Reyestr kitabının hər bir cildinin üzərinə həmin cildə daxil olan ilk və sonuncu bölmələrin və vərəqlərin nömrələri əks etdirilir.

2.40. Hər bir cildə daxil olan bölmələrin və vərəqlərin sayı özlərindən əvvəl gələn cildə daxil olan bölmələrin və vərəqlərin sayını davam etdirir.

2.41. Reyestr kitabına daxil edilmiş məlumatlarda yol verilən dəyişikliklərin və düzəlişlərin edildiyi vərəqlər bu dəyişikliklərin və düzəlişlərin aid olduğu məlumatların əks etdirildiyi vərəqlərdən sonra gəlir. Dəyişikliklərin və düzəlişlərin edildiyi vərəqlər onların aid olduğu vərəqlərin nömrəsi ilə nömrələnir.

2.42. Dəyişikliyin və ya düzəlişin aid olduğu məlumatın əks etdirildiyi vərəqdə “Xüsusi qeydlər” qrafasına dəyişikliyin və ya düzəlişin edilməsi barədə forması Agentlik tərəfindən müəyyən edilən xüsusi ştamp (3 nömrəli Əlavə) vurulur. Ştampda dəyişikliyin və ya düzəlişin edilmə tarixi, DAİM-in müvafiq vəzifəli şəxsinin adının baş hərfi və soyadı, vəzifəsi göstərilir və imzası qoyulur. Bu qayda yeni dəyişiklik və ya düzəliş edilməsi hallarına da şamil olunur.

2.43. Nəqliyyat vasitəsinin qeydiyyatının aparılması ilə bağlı Reyestr kitabında verilən qeydiyyat nömrəsi (bundan sonra - qeydiyyat nömrəsi) hüquqların dövlət qeydiyyatı üçün verilmiş ərizənin DAİM-ə daxil olma nömrəsi əsasında formalaşdırılır.

2.44. Nəqliyyat vasitəsinin sahibi və ya sərəncam vermək hüququ olan digər şəxs tərəfindən təqdim edilmiş ərizə “Hüquqların qeydiyyatı üzrə ərizə jurnalı”nda (1 nömrəli Əlavə) qeydiyyata alınır və ərizənin aşağı sağ küncündə ştamp vurularaq qeydəalınma nömrəsi və tarixi göstərilir. Hüquqların qeydiyyatı ərizələrin qəbul edilmə ardıcıllığı ilə aparılır.

2.45. Nəqliyyat vasitəsi uçota alınarkən Agentlikdə nəqliyyat vasitələrinin texniki göstəriciləri və nəqliyyat vasitələrinin sahibi və ya sərəncam vermək hüququ olan digər şəxslərə dair məlumatlar Avtomatlaşdırılmış İnformasiya Sistemi “Dövlət Texniki Nəzarət” proqramı vasitəsilə Reyestr kitabına daxil edilir.

2.46. “Nəqliyyat vasitəsinin qeydiyyat şəhadətnaməsinin və dövlət qeydiyyat nişanının nəqliyyat vasitəsinin sahibinə və ya sərəncam vermək hüququ olan digər şəxsə verilməsinə dair qeydiyyat kitabı”nda (4 nömrəli Əlavə) qeydiyyat aparıldıqdan sonra nəqliyyat vasitəsinin qeydiyyat şəhadətnaməsi və dövlət qeydiyyat nişanı nəqliyyat vasitəsinin sahibinə və ya sərəncam vermək hüququ olan digər şəxsə təqdim edilir.

2.47. Reyestr kitabı, qeydiyyat jurnalları (kitabları) və nəqliyyat vasitəsinin qeydiyyatı haqqında elektron (elektron daşıyıcılarda) məlumat bazası daimi, qeydiyyat hərəkətlərinin aparılması üçün əsas olan arxiv sənədlər isə beş il müddətində Agentlikdə mühafizə olunur. Bu müddət bitdikdə Agentlik həmin sənədlər barədə “Milli arxiv fondu haqqında” Azərbaycan Respublikasının Qanununa uyğun olaraq tədbirlər həyata keçirir.

3.1. Nəqliyyat vasitələrinin özgəninkiləşdirilməsi və girov qoyulmasına dair əqdlər Azərbaycan Respublikasının mövcud qanunvericiliyinə uyğun olaraq bağlanır.

3.2. Nəqliyyat vasitəsinin özgəninkiləşdirilməsi və girov qoyulması zamanı DAİM tərəfindən nəqliyyat vasitəsinin müayinədən keçirilməsi barədə akt (7 nömrəli Əlavə) tərtib edilir və arayış (8 nömrəli Əlavə) hazırlanır.

3.3. Arayış DAİM-in məsul şəxsi tərəfindən imzalanır və möhürlə təsdiq edilərək qeydiyyata alınır.

3.4. Nəqliyyat vasitələrinin müayinədən keçirilməsi onların axtarışda olub-olmaması faktının, məhkəmə orqanları, yaxud digər səlahiyyətli dövlət orqanları, vəzifəli şəxslər tərəfindən mövcud qanunvericilik aktlarına müvafiq olaraq cinayət, yaxud başqa qanun pozuntusu törədilməsinə görə nəqliyyat vasitələrinin özgəninkiləşdirilməsinə və girov saxlanmasına müvəqqəti məhdudiyyətlərin qoyulmasının mövcudluğunun yoxlanılması, həmçinin cinayətkarlığa və digər hüquqpozmalara qarşı mübarizə aparılması və insan hüquqlarının təmin edilməsi məqsədilə həyata keçirilir.

3.5. İpoteka müqaviləsinin notariat qaydasında təsdiq edilmiş surəti və qeydiyyat üçün dövlət rüsumunun ödənilməsini təsdiq edən sənəd əsasında DAİM tərəfindən ipoteka müqaviləsinin dövlət qeydiyyatına alınması ilə əlaqədar daşınar əmlakın rəsmi reyestrindən (bundan sonra - reyestr) çıxarış verilir. Qeyd edilən sənədlərin Elektron Hökumət İnformasiya Sistemi vasitəsilə müvafiq dövlət orqanından (qurumundan) əldə edilməsi mümkün olduqda, həmin sənədlər ərizəçidən tələb edilmir. Belə sənədlərin Elektron Hökumət İnformasiya Sistemi vasitəsilə əldə edilməsi mümkün olmadığı hallarda onların təqdim edilməsi ərizəçinin razılığı ilə sorğu əsasında müvafiq dövlət orqanından (qurumundan) tələb olunur və ya ərizəçi tərəfindən təmin edilir.

3.6. İpoteka ilə yüklü olan nəqliyyat vasitəsi haqqında Reyestrdə (kağız üzərində və elektron sistemdə qeydiyyat aparılır) və qeydiyyat şəhadətnaməsində onun yüklü olmasına dair məlumatlar göstərilir.

3.7. Reyestrdən çıxarış Agentlik tərəfindən hazırlanaraq məsul şəxsin möhür və imzası ilə təsdiq edilir və ipoteka saxlayana təqdim olunur.

3.8. Qeydiyyat üçün təqdim edilən sənədlər tam olmadıqda (bu Təlimatın 3.5-ci bəndinin tələbləri nəzərə alınmaqla), habelə ipoteka qoyan şəxs həmin əşyaya sərəncam vermək səlahiyyətinə malik olmadıqda və ya bu hüquq qanunvericiliyə müvafiq qaydada məhdudlaşdırıldıqda nəqliyyat vasitəsinin ipotekasının dövlət qeydiyyatına alınmasından imtina edilir.

3.9. “Daşınar əmlakın reyestrindən çıxarışların verilməsinə dair qeydiyyat kitabı”nda (9 nömrəli Əlavə) aşağıdakı məlumatlar göstərilir:

3.9.2. nəqliyyat vasitəsinin ipotekası haqqında müqavilə üzrə ipoteka qoyan şəxsin tam adı və ünvanı;

3.9.3. nəqliyyat vasitəsinin markası, dövlət qeydiyyat nişanı, yerləşdiyi inzibati ərazi vahidinin adı;

3.9.4. nəqliyyat vasitəsinin ipotekası haqqında müqavilə üzrə ipoteka saxlayan şəxsin tam adı və ünvanı;

3.9.5. nəqliyyat vasitəsinin ipotekası haqqında bağlanmış müqavilənin nömrəsi, tarixi və yeri;

3.9.6. ipoteka haqqında müqavilənin qüvvədə olma müddəti;

3.9.7. Reyestrdən verilən çıxarışın nömrəsi və tarixi, Reyestr kitabının cildinin və vərəqinin nömrəsi;

3.9.8. Reyestrdən çıxarışı təqdim edilən fiziki şəxsin adı, soyadı, atasının adı, FİN kodu, hüquqi şəxsin adı, VÖEN-i, (etibarnamənin №-si və tarixi), imza və tarix.

4.1. Nəqliyyat vasitələrinə verilən qeydiyyat şəhadətnaməsi, dövlət qeydiyyat nişanı və digər xüsusi məhsullar “Dövlət satınalmaları haqqında” Azərbaycan Respublikası Qanununun tələblərinə uyğun olaraq Agentliyin sifarişi əsasında hazırlanır.

4.2. DAİM nəqliyyat vasitəsinin qeydiyyat şəhadətnaməsi blankları, dövlət qeydiyyat nişanı, eləcə də digər xüsusi məhsullarla Agentliyin aparatı tərəfindən təchiz edilir.

4.3. Agentlik nəqliyyat vasitələrinin seriya nömrələrinin Azərbaycan Respublikasının regionları üzrə kodları əlifba sırası ilə təyin olunduğunu nəzərə alaraq, nəqliyyat vasitələri üçün dövlət qeydiyyat nişanının seriyalar üzrə rayonlar arasında bölüşdürülməsini və verilməsini aşağıdakı cədvələ uyğun olaraq təşkil edir:

4.4. Nəqliyyat vasitələrinin seriya nömrələrinin region kodları əlifba sırası ardıcıllığı ilə təyin olunur. İstisna olaraq “13”, “69”, “73-84”, “86-97” və “99” rəqəmləri regionlar üzrə təyin olunmamışdır. “98” kodu isə ümumölkə kodu hesab edilərək Abşeron Dövlət Aqrar İnkişaf Mərkəzi tərəfindən nəqliyyat vasitələrinə verilir. DAİM tərəfindən rayonlar üzrə “TG” və “TY” seriyalı dövlət qeydiyyat nişanları ancaq qoşqu və yedəklərin dövlət qeydiyyatına alındığı hallarda verilir.

4.5. Nəqliyyat vasitəsinin qeydiyyat şəhadətnaməsi nəqliyyat vasitəsi və onun sahibi haqqında məlumatları təsdiq edən vahid sənəddir. Qeydiyyat şəhadətnaməsi üz tərəfi açıq bənövşəyi və mavi rəngin qarışığı olmaqla üzərində Azərbaycan Respublikasının xəritəsi və təkərli traktorun təsviri, arxa hissəsi isə açıq yaşıl-mavi fonda olmaqla Azərbaycan Respublikasının gerbinin təsviri olan qiloş (qoruyucu tor) şəbəkəsindən ibarət ölçüləri 86x54 mm olan plastik kart formasında hazırlanır (10 nömrəli Əlavə). Ellips işarəsi daxilində Azərbaycan Respublikasının beynəlxalq yol hərəkətində fərqlənmə nişanı—“AZ”, bu sənədi verən orqanın adı, onun verilmə tarixi və aşağıdakı məlumatlar göstərilir:

4.5.1 nəqliyyat vasitəsinin qeydiyyat nömrəsi;

4.5.2. nəqliyyat vasitəsinin buraxılış ili və ya ilk qeydiyyatının tarixi;

4.5.3. nəqliyyat vasitəsi sahibinin soyadı, adı, atasının adı və yaşayış yeri, hüquqi şəxsin adı;

4.5.4. nəqliyyat vasitəsi istehsalçısının adı və ya markası;

4.5.5. nəqliyyat vasitəsinin mühərrik, ban və şassi nömrələri, rəngi;

4.5.6. nəqliyyat vasitəsinin qeydiyyat şəhadətnaməsinin etibarlılıq müddəti və seriya nömrəsi;

4.5.7. məsul şəxsin imzası;

4.5.8. xüsusi qeydlər.

4.6. Nəqliyyat vasitəsinin qeydiyyat şəhadətnaməsindəki yazılarda dəqiqsizliyə yol verilmişdirsə, nəqliyyat vasitəsinin qeydiyyat şəhadətnaməsi nəqliyyat vasitəsinin sahibindən dövlət rüsumu alınmadan Agentliyin hesabına dəyişdirilir.

4.7. Agentlik nəqliyyat vasitələrinə verilmiş qeydiyyat şəhadətnamələrindəki məlumatların mərkəzləşdirilmiş uçotunun aparılmasını təmin edir.

4.8. Dövlət qeydiyyat nişanı Azərbaycan Respublikası Standartlaşdırma, Metrologiya və Patent üzrə Dövlət Komitəsinin 2015-ci il 27 oktyabr tarixli 150111500009 nömrəli qərarı ilə təsdiq edilmiş “Nəqliyyat vasitələri və onların qoşqularının dövlət qeydiyyat nişanları. Tipləri və əsas ölçüləri. Texniki tələblər”ə dair AZS 599-2015 Azərbaycan Respublikasının Dövlət Standartının tələblərinə uyğun olaraq hazırlanır.

4.9. Dövlət qeydiyyat nişanının verilməsi nəzərdə tutulan və yaxud tutulmayan yedək, asma-qoşma mexanizmlər və stasionar avadanlıqların qeydiyyata alınması ilə əlaqədar verilən qeydiyyat şəhadətnaməsindəki məlumatlar 10 nömrəli Əlavə ilə eynilik təşkil edir (ban nömrəsi əvəzinə zavod nömrəsi qeyd olunur, 11 nömrəli Əlavə).

4.10. Dövlət qeydiyyat nişanının, qeydiyyat şəhadətnaməsinin, sürücülük vəsiqələrinin verilməsinin və nəqliyyat vasitəsinin dövlət texniki baxışından keçməsi barədə elektron talonun qeydiyyatı kağız üzərində və paralel olaraq Avtomatlaşdırılmış İnformasiya Sistemi “Dövlət Texniki Nəzarət” elektron proqram vasitəsi ilə aparılır.

4.11. DAİM-də nəqliyyat vasitələrinin dövlət qeydiyyat nişanının saxlanılmasının uçotu və inventarizasiyası başqa qiymətli materiallar üçün müəyyən olunmuş qaydada aparılır. Hər hesabat ilinin dekabr ayının 15-dək yeni hesabat ili üçün tələb olunan xüsusi məhsullara dair sifariş, nəqliyyat vasitələrinin dövlət qeydiyyat nişanının mədaxili və məxarici haqqında məlumatlar illik hesabatla birlikdə Agentliyə təqdim olunur.

4.12. Nəqliyyat vasitələrinin qeydiyyat şəhadətnaməsinin, dövlət qeydiyyat nişanının və digər xüsusi məhsulların hazırlanması, sərfi və saxlanması üzrə uçot Agentlik tərəfindən ölkə ərazisində illər üzrə mərkəzləşdirilmiş formada aparılır.

4.13. Nəqliyyat vasitəsinə dair qeydiyyat hərəkətlərinin aparılması prosesində xarab olmuş blanklar növbəti inventarizasiya vaxtı onların təkrar istifadə edilməsinin mümkünlüyünü aradan qaldıran vasitələr və üsullarla ləğv edilir və bu barədə müvafiq akt tərtib edilir.

4.14. Agentliyin aparatına daxil olmuş xüsusi məhsulların uçotu―dövlət qeydiyyat nişanlarının (12 nömrəli Əlavə), qeydiyyat şəhadətnamələrinin seriyalar üzrə blanklarının (13 nömrəli Əlavə), nəqliyyat vasitələrinin yüklülüyünə dair reyestrdən çıxarış blanklarının (14 nömrəli Əlavə), inzibati xəta haqqında protokol və qərar blanklarının (15 nömrəli Əlavə), nəqliyyat vasitələrini idarə etmək üçün verilən sürücülük vəsiqəsinin blanklarının (16 nömrəli Əlavə) məxaric kitablarında aparılır.

4.15. DAİM-ə məxaric edilən xüsusi məhsulların uçotu―“Rayon (şəhər) üzrə nəqliyyat vasitələrinin dövlət qeydiyyat nişanlarının, qeydiyyat şəhadətnamələrinin seriyalar üzrə, nəqliyyat vasitələrinin yüklülüyünə dair reyestrdən çıxarış, inzibati xəta haqqında protokol və qərar, nəqliyyat vasitələrini idarə etmək üçün verilən sürücülük vəsiqəsinin blanklarının mədaxil uçotu kitabı”nda (18 nömrəli Əlavə) onların seriya və nömrələrinin artan ardıcıllığı ilə qeydiyyatı aparılır.

4.16. Nəqliyyat vasitəsinin dövlət qeydiyyat nişanı, qeydiyyat şəhadətnaməsi, nəqliyyat vasitəsinin yüklülüyünə dair reyestrdən çıxarış, inzibati xəta haqqında protokol və qərar, nəqliyyat vasitələrini idarə etmək üçün verilən sürücülük vəsiqəsi blankları ciddi hesabat sənədləri hesab edilir və seyflərdə saxlanılır.

4.17. Nəqliyyat vasitələrinə dövlət qeydiyyat nişanının verilməsi, onların aqreqatlarının dəyişdirilməsi, qeydiyyata alınması və uçotdan çıxarılması, eləcə də ciddi hesabat blanklarının mədaxili, məxarici və uçot kitabları daimi saxlanılır.

4.18. Agentliyin aparatı DAİM-ə nəqliyyat vasitələrinin qeydiyyat hərəkətləri ilə bağlı kağız üzərində və elektron daşıyıcılarda reyestrinin aparılması və təqdim edilmiş sənədlərin qanunvericiliyin tələblərinə uyğunluğunun yoxlanılması, aşkar olunan çatışmazlıqların aradan qaldırılmasına dair bu sahədə müvafiq treninqlərin keçirilməsini mütəmadi olaraq təşkil edir.

4.19. Nəqliyyat vasitələrinin sahibləri və ya sürücüləri tərəfindən “Yol hərəkəti haqqında” Azərbaycan Respublikasının Qanunu ilə müəyyən edilmiş qaydada və müddətdə texnikanı dövlət qeydiyyatından və ya texniki baxışdan keçirmədən idarə etməyə və ya dövlət qeydiyyatından keçirilmiş texnika icarə və ya digər əşya hüquqlarına dair müqavilə (notarius tərəfindən təsdiq edilən müqavilələr istisna olmaqla) əsasında başqa şəxsə verildikdə onu təkrar dövlət qeydiyyatından keçirməməyə görə tərtib edilən inzibati xəta haqqında protokol və inzibati tənbeh vermə haqqında qərarın surəti DAİM tərəfindən hazırlanan aylıq, rüblük və illik hesabatlarla birlikdə Agentliyə təqdim edilir.

4.20. DAİM-ə məxaric olunmuş nəqliyyat vasitəsinin dövlət qeydiyyat nişanı, qeydiyyat şəhadətnaməsi və xüsusi məhsulların onlar tərəfindən sərf edilməsi proseduru hər hesabat ilinin dekabr ayında Agentliyin aparatının işçiləri tərəfindən təftiş edilir, istismara yararlı olmayan nəqliyyat vasitəsinin dövlət qeydiyyat nişanı, qeydiyyat şəhadətnaməsi və xüsusi məhsullar mühasibat uçotu haqqında qanunvericiliyin tələblərinə uyğun olaraq silinir və bu barədə Reyestrdə müvafiq qeydlər aparılır.

4.21. Aylıq, rüblük və illik hesabatlar kağız üzərində və elektron daşıyıcılarda 2018-ci ilin may ayının 1-dək, 2018-ci ilin may ayının 1-dən isə ancaq elektron daşıyıcılarda Agentliyin aparatına təqdim edilir.

Traktorların, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatından keçirilməsi və dövlət qeydiyyatı üzrə uçota alınması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”a 1 nömrəli Əlavə

Ərizə jurnalında “___” _________ 20___ il

tarixdən “___” _________20___ il tarixədək

Traktorların, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatından keçirilməsi və dövlət qeydiyyatı üzrə uçota alınması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”a 2 nömrəli Əlavə

İlk bölmənin №-si “____”,

Sonuncu bölmənin №-si “____”

Vərəqlərin №-si “____”-dən “_____”-dək

Başlanma tarixi: “__” _______20__ il

“___” №-li cildə keçid tarixi:

“____” ____________20___il

1. Bölmənin nömrəsi ----------------------- Qeydiyyat nömrəsi, tarixi--------------

2. Nəqliyyat vasitəsinin adı, növü və onun (tərkib hissələrinin) fərdi nömrəsi (nömrələri):

Nəqliyyat vasitəsinin adı:

Mühərrikin markası, modeli:

Nəqliyyat vasitəsinin növü:

Mühərrikin gücü (kvt):

Zavod (şassi) nömrəsi:

Traktorların, həmçinin meşə və kənd təsərrüfatında istifadə edilən siyahısı, Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatından keçirilməsi və dövlət qeydiyyatı üzrə uçota alınması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”a 3 nömrəli Əlavə

Dəyişikliyin və ya düzəlişin edilmə tarixi “_” “___”20-il

(rayonun (şəhər) adı)

DAİM-in vəzifəli şəxsi

________________________________________________________

(adının baş hərfi, soyadı, vəzifəsi və imzası)

Traktorların, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatından keçirilməsi və dövlət qeydiyyatı üzrə uçota alınması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”a 4 nömrəli Əlavə

Bu kitabda “___”_________20___ il tarixdən

“___”______20___il tarixədək qeydiyyat

Traktorların, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatından keçirilməsi və dövlət qeydiyyatı üzrə uçota alınması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”a 5 nömrəli Əlavə

Biz Satıcı__________________________________________________________________________

(fiziki şəxs, şəxsiyyət vəsiqəsinin seriya və nömrəsi, nə vaxt və kim tərəfindən verilib, yaşadığı ünvan)

__________________________________________________________________________________

Alıcı______________________________________________________________________________

(fiziki şəxs, şəxsiyyət vəsiqəsinin seriya və nömrəsi, nə vaxt və kim tərəfindən verilib, yaşadığı ünvan)

__________________________________________________________________________________

aşağıda göstərilən müqaviləni bağladıq:

1. “Satıcı” özünə məxsus olan nəqliyyat vasitəsini satır: markası__________________________ dövlət qeydiyyat nişanı _____________buraxılış ili _____________mühərrik N-si _______

şassi N-si________________________ Ban N-si________________________________________

“___”_____20___ildə_____________________________ Agentlik tərəfindən verilmiş

__________ seriyalı ____________________________________ N-li qeydiyyat şəhadətnaməsi

2. Nəqliyyat vasitəsi ____________________ manatla satılıb və bu məbləği satıcı alıcıdan alıb.

3. Bu müqavilənin bir nüsxəsi ______________________ Agentlikdə saxlanılır və

bir nüsxəsi isə satıcı və alıcının istəyindən asılı olaraq onlara verilir

__________________________________________________________________________________

4. Müqavilədə göstərilənlər Agentliyin əməkdaşı _______________________________

tərəfindən yoxlanıldı və təqdim edilmiş sənədlərə uyğun gəlir.

5. Nəqliyyat vasitəsinin dövlət qeydiyyatı üçün rüsum “______”____________20__ il tarixli

______________ N-li sənədlə və ya elektron ödəmə sistemləri, o cümlədən internet vasitəsilə ödənildikdə, müvafiq ödəmə sistemindən çıxarışla _______________ məbləğində ödənilib.

M.Y_______________________

“___”___________20 ____il

Traktorların, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatından keçirilməsi və dövlət qeydiyyatı üzrə uçota alınması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”a 6 nömrəli Əlavə

Biz______________________________________________________________________________

aşağıda göstərilən müqaviləni bağladıq:

1.__________________________ özünə məxsus olan markalı __________________________

(fiziki və ya hüquqi şəxsin adı)

dövlət qeydiyyat nişanlı _________________buraxılış ili ________mühərrik N-si ___________şassi N-si

_______Ban N-si _____“___”_____ 20___ ildə___ Agentlik tərəfindən verilmiş_________

seriyalı _____________N-li qeydiyyat şəhadətnaməsi

dəyəri __________ manat olan nəqliyyat vasitəsini _________________________məxsus olan

(fiziki və ya hüquqi şəxsin adı)

markası__________ dövlət qeydiyyat nişanlı___________ buraxılış ili ___________________

mühərrik N-si _______________şassi N-si__________________ Ban N-si________________

“__”________20___ ildə ______________ Agentlik tərəfindən verilmiş____________

____seriyalı_____________ N–li qeydiyyat şəhadətnaməsi dəyəri ____________manat olan

nəqliyyat vasitəsi ilə dəyişdirir.

2. Bu müqavilə bir nüsxəsi ______________________________ Agentlikdə saxlanılır və

Dəyişən tərəflər də istəyindən asılı olaraq hərəsi bir nüsxə alır.

________________________________________________________________________________

3. Müqavilədə göstərilənlər Agentliyin əməkdaşı ________________________________

Tərəfindən yoxlanıldı və bu təqdim edilmiş sənədlərə uyğun gəlir.

4. Nəqliyyat vasitəsinin dövlət qeydiyyatı üçün rüsum “___” _____20__ il tarixli ____N-li sənədlə

və ya elektron ödəmə sistemləri, o cümlədən internet vasitəsilə ödənildikdə, müvafiq ödəmə sistemindən çıxarışla _________ məbləğində ödənilib.

M.Y ___________________________________________________________________

“__”______________20_il

Traktorların, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatınıdan keçirilməsi və dövlət qeydiyyatı üzrə uçota aparılması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”a 7 nömrəli Əlavə

______________ “__”___________201_ -il

(rayonun (şəhərin) adı)

Mən _________________DAİM-in __________________________________________________

(rayonun (şəhərin) adı)

________________________________________________________________________________________________________________________

Nəqliyyat vasitəsinin sahibi və ya sərəncam vermək hüququ olan digər şəxsin _______________________________________________________________________________

iştirakı ilə _________________________________ nəqliyyat vasitəsinin müayinəsini keçirdik.

(nəqliyyat vasitəsinin adı və markası)

Nəqliyyat vasitəsinin sahibi və ya sərəncam vermək hüququ olan digər şəxsin ünvanı: _________________________________________________________________________________

Nəqliyyat vasitəsi barədə məlumat:

Nəqliyyat vasitəsinin adı:

Mühərrikin markası, modeli:

Nəqliyyat vasitəsinin novü:

Mühərrikin gücü (kvt):

Zavod (şassi) nömrəsi:

Şassi nömrəsi Buraxılış ili:

Qeydiyyat şəhadətnaməsinin seriyası və nömrəsi

Dövlət qeydiyyat nişanı

Nəqliyyat vasitəsinə baxış keçirilərkən aşkar edilmişdir:_______________________________

________________________________________________________________________________________________________________________

________________________________________________________________________________

________________________________________________________________________________

________________________________________________________________________________

_______________________________________________________________________________________

Nəqliyyat vasitəsinin sahibi və ya sərəncam vermək hüququ olan digər şəxs: __________________________________________________

(imzası, adı və soyadı)

_____________DAİM-in____________________ ___________________________________

(rayonun (şəhərin) adı)

__________________________________________________________________________________

Müayinə aktı iki nüsxədə tərtib edilir, bir nüsxəsi nəqliyyat

vasitəsinin sahibinə və ya sərəncam vermək hüququ olan

digər şəxsə təqdim edilir.

Traktorların, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatınıdan keçirilməsi və dövlət qeydiyyatı üzrə uçota aparılması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”a 8 nömrəli Əlavə

(arayışın qeydiyyat nömrəsi, verilmə tarixi)

Verilir_______________________________________________________________________

(nəqliyyat vasitəsi sahibinin-fiziki şəxsin adı, soyadı, atasının adı və yaşayış yeri, hüquqi şəxsin adı və hüquqi ünvanı)

_______________________________________________________________________________________________________________

___________________________________________________________________________

(nəqliyyat vasitəsinin markası, dövlət qeydiyyat nişanı, qeydiyyat şəhadətnaməsi,

_______________________________________________________________________________________________________________

mühərrik, ban və şassi nömrələri, rəngi və buraxılış ili)

_______________________________________________________________________________________________________________

(keçirilmiş müayinənin nəticəsi)

Arayış on gün müddətinə verilir və müddəti bitmiş arayış etibarsız sayılır.

______________________________________________

(Məsul şəxsin imzası, adı və soyadı)

Traktorların, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatından keçirilməsi və dövlət qeydiyyatı üzrə uçota alınması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”a 9 nömrəli Əlavə

Qeydiyyat kitabında “___” _________ 20___ il

tarixdən “___” _________ 20___ il tarixədək

qeydiyyat aparılmışdır

Nəqliyyat vasitəsinin ipotekası haqqında müqavilə üzrə ipoteka qoyan şəxsin tam adı və ünvanı

Nəqliyyat vasitəsinin markası, dövlət qeydiyyat nişanı, yerləşdiyi inzibati ərazi vahidinin adı

Nəqliyyat vasitəsinin ipotekası haqqında müqavilə üzrə ipoteka saxlayan şəxsin tam adı və ünvanı

“Traktorların, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatından keçirilməsi və dövlət qeydiyyatı üzrə uçota alınması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”a 10 nömrəli Əlavə

“Traktorların, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatından keçirilməsi və dövlət qeydiyyatı üzrə uçota alınması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”a 11 nömrəli Əlavə

Traktorların, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatından keçirilməsi və dövlət qeydiyyatı üzrə uçota alınması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”a 12 nömrəli Əlavə

Başlanıb: “__”________201__- il

Traktorların, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatından keçirilməsi və dövlət qeydiyyatı üzrə uçota alınması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”a 13 nömrəli Əlavə

Başlanıb: “__”________201__- il

Qurtarıb: “__”________201__- il

Traktorların, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatından keçirilməsi və dövlət qeydiyyatı üzrə uçota alınması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”a 14 nömrəli Əlavə

Başlanıb: “__”________201__- il

Qurtarıb: “__”________201__- il

Traktorların, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatından keçirilməsi və dövlət qeydiyyatı üzrə uçota alınması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”a 15 nömrəli Əlavə

Başlanıb: “__”________201__- il

Qurtarıb: “__”________201__- il

Traktorların, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatından keçirilməsi və dövlət qeydiyyatı üzrə uçota alınması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”a 16 nömrəli Əlavə

Başlanıb: “__”________201__- il

Qurtarıb: “__”________201__- il

Traktorların, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinin dövlət qeydiyyatından keçirilməsi və dövlət qeydiyyatı üzrə uçota alınması ilə bağlı kargüzarlıq işinin təşkili, qeydiyyat şəhadətnaməsinin, dövlət qeydiyyat nişanlarının və xüsusi məhsulların hazırlanması, sərfi, saxlanılması və onlara nəzarətin təmin olunmasına dair Təlimat”a 18 nömrəli Əlavə

Başlanıb: “__”________201__- il

Qurtarıb: “__”________201__- il

Azərbaycan Respublikası Kənd Təsərrüfatı Nazirliyinin Kollegiyasının 2018-ci il 1 mart tarixli Q-02-18 nömrəli qərarı ilə təsdiq edilmişdir.

1.1. Bu Təlimat “Yol hərəkəti haqqında” Azərbaycan Respublikası Qanununun 30-cu maddəsinə və Azərbaycan Respublikası Prezidentinin 2019-cu il 21 may tarixli 701 nömrəli Fərmanı ilə təsdiq edilmiş “Azərbaycan Respublikasının Kənd Təsərrüfatı Nazirliyi yanında Aqrar Xidmətlər Agentliyi haqqında Əsasnamə”nin müddəalarına uyğun olaraq hazırlanmışdır.

1.2. Bu Təlimat regionlarda Azərbaycan Respublikasının Kənd Təsərrüfatı Nazirliyi yanında Aqrar Xidmətlər Agentliyi (bundan sonra - Agentlik) tərəfindən Azərbaycan Respublikası Kənd Təsərrüfatı Nazirliyi dövlət aqrar inkişaf mərkəzləri (bundan sonra - DAİM) vasitəsilə traktorlara, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinə və onların qoşqularına (bundan sonra - nəqliyyat vasitəsi) dövlət texniki baxışının keçirilməsi və nəqliyyat vasitələrinin dövlət texniki baxışından keçməsi barədə elektron talonun tərtib olunması, uçotunun aparılması, dövlət texniki baxışının nəticələrinin sənədləşdirilməsi və hesabatın aparılması məsələlərini müəyyən edir;

1.3. Azərbaycan Respublikasının ərazisində yol hərəkətində iştirak edən nəqliyyat vasitələrinin texniki vəziyyəti və avadanlığı yol hərəkətinin təhlükəsizliyi və ətraf mühitin mühafizəsi baxımından “Yol hərəkəti haqqında” Azərbaycan Respublikasının Qanununa 1 nömrəli əlavə ilə müəyyən olunmuş tələblərə uyğun olmalıdır. Texniki cəhətdən nasaz olan nəqliyyat vasitələri yol hərəkətinə buraxılmır.

1.4. Dövlət texniki baxışının əsas məqsədi aşağıdakılardır:

1.4.1. nəqliyyat vasitələrinin texniki vəziyyətinin qüvvədə olan hərəkətin təhlükəsizliyi qaydalarının, normativlərinin, standartlarının tələblərinə müvafiq olmasına nəzarət edilməsi;

1.4.2. nəqliyyat vasitələrinin mənsubiyyətinin və digər qeydiyyat məlumatlarının dəqiqləşdirilməsi;

1.4.3. nəqliyyat vasitələri ilə bağlı cinayət tərkibli hadisələrin və inzibati hüquqpozmaların qarşısının alınması;

1.4.4. dövlət texniki baxışı keçirilərkən sürücülərin müvafiq kateqoriyalı sürücülük vəsiqələrinə və nəqliyyat vasitəsinə sərəncam hüququ verən müvafiq sənədə malik olmalarına, sürücülük vəsiqəsinin etibarlılıq müddətinə, nəqliyyat vasitələrinin sahiblərindən alınan dövlət texniki baxışının keçirilməsi ilə əlaqədar “Dövlət rüsumu haqqında” Azərbaycan Respublikasının Qanunu ilə müəyyən edilmiş məbləğdə dövlət rüsumunun və “Tullantılar haqqında” Azərbaycan Respublikasının Qanununa uyğun olaraq müəyyən edilən utilizasiya haqqının ödənilməsi barədə sənədlərin olmasına nəzarətin təmin olunması.

1.5. DAİM nəqliyyat vasitələrinin ildə bir dəfə dövlət texniki baxışından keçirilməsini təşkil edir.

1.5-1. Növbəti texniki baxışın keçiriləcəyi gün müəyyən edilərkən bu Təlimatın 1.5-ci bəndində nəzərdə tutulmuş müddət əvvəlki texniki baxışın keçirildiyi gündən hesablanır. Nəqliyyat vasitəsinin növbəti texniki baxışının keçiriləcəyi gündən 20 gün ərzində texniki baxışdan keçirilməməsi Azərbaycan Respublikasının İnzibati Xətalar Məcəlləsi ilə müəyyən edilmiş qaydada məsuliyyətə səbəb olunur.

1.6. Nəqliyyat vasitələri istehsal olunduğu vaxtdan bir il müddətində və bu müddətin qurtardığı il də daxil olmaqla, dövlət texniki baxışına cəlb olunmurlar.

1.7. Dövlət texniki baxışının keçirilməsi üçün dövlət rüsumu, “Tullantılar haqqında” Azərbaycan Respublikasının Qanununa uyğun olaraq müəyyən edilən utilizasiya haqqı, habelə nəqliyyat vasitəsinin sahibi və ya sərəncam vermək hüququ olan digər şəxs barəsində qanuni qüvvəyə minmiş və icrası təxirə salınmamış və ya icrasına möhlət verilməmiş yol hərəkəti, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xəta haqqında iş üzrə tətbiq edilən cərimə yalnız bank, poçt, plastik kart, elektron ödəmə sistemləri və ya internet vasitəsilə həyata keçirilir.

1.7-1. Nəqliyyat vasitəsinə texniki baxışın keçirilməsi zamanı Azərbaycan Respublikası İnzibati Xətalar Məcəlləsinin 57.1-57.4-cü və 97.4-cü maddələrində nəzərdə tutulmuş qaydada çatdırılması mümkün olmayan yol hərəkəti, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xətalar haqqında işlər üzrə sənədlərin çatdırılması təmin edilməlidir.

1.8. Bu Təlimatda nəzərdə tutulmayan məsələlər Azərbaycan Respublikası Nazirlər Kabinetinin 1999-cu il 15 mart tarixli 40 nömrəli qərarı ilə təsdiq edilmiş “Nəqliyyat vasitələrinə və onların qoşqularına dövlət texniki baxışının keçirilməsi qaydaları haqqında nümunəvi Əsasnamə”yə uyğun olaraq tənzimlənir.

2.1. Nəqliyyat vasitələrinin dövlət texniki baxışına təqdim edilməsi qaydaları haqqında mediada qabaqcadan məlumat verilir.

2.2. Nəqliyyat vasitələrinin dövlət texniki baxışı növbələrin yaranmasını istisna edən şəraitdə xüsusi avadanlıqlarla təchiz olunmuş yerlərdə DAİM və ya səyyar ölçü cihazları vasitəsi ilə Agentliyin səyyar xidmət göstərən qrupunun işçiləri tərəfindən həyata keçirilir.

2.3. Nəqliyyat vasitələrinin sahibləri (səlahiyyətli olan şəxs) onlara məxsus nəqliyyat vasitələrini dövlət texniki baxışına texniki cəhətdən saz vəziyyətdə təqdim etməyə borcludur.

2.4. Nəqliyyat vasitələrinə dövlət texniki baxışı, nəqliyyat vasitəsinin sahibi və ya nəqliyyat vasitəsinə sərəncam vermək hüququ olan və qanunvericiliklə müəyyən edilmiş qaydada təsdiq olunmuş etibarnaməsi olan şəxs tərəfindən DAİM-ə və ya Agentliyin səyyar xidmət göstərən qrupunun işçilərinə aşağıdakı sənədlər təqdim edildikdən sonra həyata keçirilir:

2.4.1. nəqliyyat vasitəsini idarə etməyə hüquq verən sənəd;

2.4.2. nəqliyyat vasitəsinin qeydiyyat şəhadətnaməsi;

2.4.4. “Dövlət rüsumu haqqında” Azərbaycan Respublikasının Qanunu ilə müəyyən edilmiş məbləğdə dövlət rüsumunun və “Tullantılar haqqında” Azərbaycan Respublikasının Qanununa uyğun olaraq müəyyən edilən utilizasiya haqqının ödənilməsi barədə sənəd.

2.4-1. Nəqliyyat vasitələri “İcbari sığortalar haqqında” Azərbaycan Respublikasının Qanununa uyğun olaraq sahiblərinin mülki məsuliyyəti icbari qaydada sığortalandıqda texniki baxışa buraxılır. Bu halda müvafiq icbari sığorta müqaviləsinin mövcudluğu “İcbari sığortalar haqqında” Azərbaycan Respublikasının Qanununda nəzərdə tutulan elektron informasiya sistemi vasitəsi ilə yoxlanılır.

2.5. Bu Təlimatın 2.4-cü bəndində qeyd olunan sənədlərdən başqa digər sənədlərin tələb edilməsi qadağandır.

2.6. Nəqliyyat vasitəsinin sahibi və ya nəqliyyat vasitəsinə sərəncam vermək hüququ olan digər şəxs texniki baxışın keçirilməsi üçün internet vasitəsilə elektron formada müraciət edə və münasib vaxtı seçə bilər. Həmin şəxsə texniki baxışın keçirilməsi vaxtı və tarixi barədə məlumat verilir.

2.7. Agentliyin rəsmi internet informasiya ehtiyatında yaradılmış elektron xidmət bölməsində texniki baxışın keçirilməsi üçün tələb olunan sənədlərin dəqiq siyahısı və müvafiq sənədlərin (ərizə və digər) elektron formasının yerləşdirilməsi, habelə sənədlərin elektron formada qəbul edilməsi təmin edilir. Bu Təlimatın 2.4-cü bəndində göstərilən sənədlərin Elektron Hökumət İnformasiya Sistemi vasitəsilə müvafiq dövlət orqanından (qurumundan) əldə edilməsi mümkün olduqda, həmin sənədlər və ya məlumatlar ərizəçidən tələb edilmir. Belə sənədlərin və ya məlumatların Elektron Hökumət İnformasiya Sistemi vasitəsilə əldə edilməsi mümkün olmadığı hallarda onların təqdim edilməsi ərizəçinin razılığı ilə sorğu əsasında müvafiq dövlət orqanından (qurumundan) tələb olunur və ya ərizəçi tərəfindən təmin edilir. Həmin sənədlər “İnzibati icraat haqqında” Azərbaycan Respublikasının Qanununun 32.4-cü maddəsinə uyğun olaraq kağız daşıyıcıda və ya elektron sənəd formasında təqdim edilə bilər.

2.8. Hər bir nəqliyyat vasitəsinə dövlət texniki baxışının keçirilməsi həmin nəqliyyat vasitəsinin sahibi və ya sərəncam vermək hüququ olan digər şəxs barəsində qanuni qüvvəyə minmiş və icrası təxirə salınmamış və ya icrasına möhlət verilməmiş yol hərəkəti, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xəta haqqında iş üzrə tətbiq edilən cərimə ödənildikdən sonra nəqliyyat vasitəsinin tipinin, modelinin, dövlət qeydiyyat nişanının, eləcə də şassi (rama), ban və mühərrik nömrələrinin, rənginin nəqliyyat vasitələrinin qeydiyyat şəhadətnaməsində göstərilən qeydlərə uyğunluğunun yoxlanılması və axtarışda olan nəqliyyat vasitələrinin qeydiyyat sənədlərinin siyahısının tutuşdurulması ilə başlanır.

2.9. Nəqliyyat vasitəsində “Yol hərəkəti haqqında” Azərbaycan Respublikası Qanununun 1 saylı Əlavəsində nəzərdə tutulmuş nasazlıqlar aşkar edildikdə nəqliyyat vasitəsinin sahibinə həmin nasazlıqlar barədə bildiriş verilir. Bildirişdə qeyd edilən nasazlıqlar aradan qaldırıldıqdan sonra nəqliyyat vasitəsinin həmin hissələrinə yenidən texniki baxış keçirilir. Bildirişdə qeyd edilən nasazlıqlar müəyyən edilmədikdə Agentliyin mərkəzi informasiya sistemi vasitəsilə nəqliyyat vasitəsinin dövlət texniki baxışından keçməsi barədə elektron talon tərtib olunur.

2.9-1. Agentliyin mərkəzi informasiya sistemi nəqliyyat vasitəsinin dövlət texniki baxışından keçirilməsi barədə elektron talon tərtib olunduğu anda onu dərhal elektron qaydada Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “ASAN ödəniş” sisteminə göndərir. Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “ASAN ödəniş” sistemi texniki baxış haqqında elektron talonu hər bir nəqliyyat vasitəsinin istifadəçisi üçün internet informasiya resursunda yaradılmış elektron kabinetə yerləşdirir və onu şəxsin elektron ünvanına (olduğu halda) göndərir.

2.11. Dövlət qeydiyyat şəhadətnaməsində, nəqliyyat vasitəsini istifadə və idarəetmə hüququ verən sənədlərdə saxtakarlıq əlamətləri, mühərrik, zavod və şassi nömrələrinin, habelə rənginin nəqliyyat vasitələrinin qeydiyyat sənədlərindəki yazılarla uyğunsuzluq, aqreqat və qovşaqların nömrələrinin silinməsi, yaxud onlara saxta nömrələrin vurulması halları aşkar edildikdə, sənədlər götürülür və nəqliyyat vasitəsi müəyyən edilmiş qaydada saxlanılır. Aşkar edilmiş faktı sənədləşdirmək üçün şahidlərin iştirakı ilə akt tərtib edilir, sürücüdən (nəqliyyat vasitəsinin sahibindən) izahat alınır. Müəyyən edilmiş faktla bağlı toplanmış ilkin materiallar baxılması üçün aidiyyəti hüquq-mühafizə orqanlarına göndərilir.

2.12. Traktor yedəkləri və digər qoşquların texniki vəziyyəti traktora (dartqıya) qoşulmuş vəziyyətdə yoxlanılır.

2.13. Konservasiyaya (saxlanmaya) qoyulmuş nəqliyyat vasitələrinə dövlət texniki baxışı keçirilərkən onların komplektliyi yoxlanılır. Nəqliyyat vasitəsinin sazlığına şübhə olduqda, təkərləri yük altında saxlamamaq üçün qoyulmuş dayaqlar çıxarılmadan, mühərrik və ötürücü aqreqatların texniki vəziyyəti yoxlanılır.

2.18. Nəqliyyat vasitələrinin dövlət texniki baxışından keçirilməsinə nəzarət Agentlik tərəfindən aşağıdakı formalarda həyata keçirilir:

2.18.1. nəqliyyat vasitələrinin dövlət texniki baxışın keçirilməsi müddətinə və qaydalarına riayət olunmasının yoxlanılması;

2.18.2. dövlət texniki baxışından keçmiş nəqliyyat vasitələrinin texniki vəziyyətinin və qeydiyyat məlumatlarının müəyyən edilmiş tələblərə uyğunluğunun seçmə yolu ilə (müəssisənin ərazisində nəqliyyat vasitələri xəttə çıxarkən, qayıdarkən, həmçinin istismar prosesində) yoxlanılması;

2.18.3. nəqliyyat vasitələrinə dövlət texniki baxışın nəticələri haqqında təsdiq edilmiş məlumatların DAİM-in kartotekalarında uçotu aparılan nəqliyyat vasitələrinin sayı və qeydiyyat məlumatları ilə tutuşdurulması;

2.18.4. nəqliyyat vasitələrinin dövlət texniki baxışından yayınma səbəblərinin araşdırılması;

2.18.5. dövlət texniki baxışının keçirilməsinə dair məlumatların avtomatlaşdırılmış informasiya sistemində elektron daşıyıcılarda tam yerləşdirilməsi.

3.1. Nəqliyyat vasitələrinə keçirilən dövlət texniki baxışın nəticələrinə görə hüquqi şəxslər tərəfindən Agentliyin təsdiq etdiyi bu Təlimata 2 nömrəli Əlavədə göstərilən “Nəqliyyat vasitəsinə texniki baxış aktı” blankları doldurulur və tələb olunan digər sənədlərlə birlikdə (nəqliyyat vasitələrinin sayı, dövlət texniki baxışının keçirilməsi ilə əlaqədar “Dövlət rüsumu haqqında” Azərbaycan Respublikasının Qanunu ilə müəyyən edilmiş məbləğdə dövlət rüsumunun ödənilməsi barədə sənəd və s.) bu Təlimatın 2.7-ci bəndinin tələbləri nəzərə alınmaqla DAİM-ə təqdim edilir.

3.2. Dövlət texniki baxışın nəticələrinə görə nəqliyyat vasitələrinin texniki vəziyyəti DAİM-i tərəfindən təhlil olunaraq nəqliyyat vasitələrinin hazırlıq səviyyəsi, onların istismar üçün yararsız olmasının və texniki baxışdan keçirilməməsinin səbəbləri araşdırılır və çatışmazlıqların aradan qaldırılmasına dair tədbirlər həyata keçirilir.

3.3. Dövlət texniki baxışından keçirilmiş nəqliyyat vasitələri haqqında aşağıdakı məlumatlar bu Təlimata 3 nömrəli Əlavədə göstərilən “Nəqliyyat vasitələrinə və onların qoşqularına dövlət texniki baxışının keçirilməsinin nəticələrinə dair rayon (şəhər) üzrə qeydiyyat kitabı”na daxil edilir və elektron daşıyıcılara köçürülür:

3.3.1. texniki baxışdan keçirilmiş nəqliyyat vasitələri və onların qoşqularının sayı;

3.3.2. nəqliyyat vasitəsinin adı və markası, dövlət qeydiyyat nişanı, şassi nömrəsi, mühərrik nömrəsi, rəngi, buraxılış ili;

3.3.3. nəqliyyat vasitəsinin sahibinin (sərəncam vermək hüququ olan digər şəxs) adı, soyadı, atasının adı, hüquqi şəxsin adı, (səlahiyyətli nümayəndəsinin adı, soyadı, atasının adı);

3.3.4. nəqliyyat vasitəsinin texniki vəziyyətinə dair məlumat (saz, nasaz və ya yararsız), dövlət qeydiyyat nişanının çıxarılması və sürücülük vəsiqəsinin alınmasına dair qeyd;

3.3.5. texniki baxışın keçirilmə tarixi (gün, ay, il), nəqliyyat vasitəsinə verilən nəqliyyat vasitəsinin dövlət texniki baxışından keçməsi barədə elektron talonun nömrəsi.

3.4. “Nəqliyyat vasitələrinə və onların qoşqularına dövlət texniki baxışının keçirilməsinin nəticələrinə dair rayon (şəhər) üzrə qeydiyyat kitabı”nın səhifələri nömrələnərək qaytanlanır və beş il müddətində Agentlikdə saxlanılır.

3.5. Agentlik dövlət texniki baxışın nəticələri üzrə illik hesabat hazırlayaraq növbəti ilin yanvar ayının 15-dən gec olmayaraq Azərbaycan Respublikasının Kənd Təsərrüfatı Nazirliyinə təqdim edir.

3.6. Texniki baxışın yekun hesabatı respublika üzrə ümumiləşdirildikdən sonra Azərbaycan Respublikasının Kənd Təsərrüfatı Nazirliyi tərəfindən 1 ay müddətində Azərbaycan Respublikasının Nazirlər Kabinetinə və Dövlət Statistika Komitəsinə təqdim edilir.

Traktorlara, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinə dövlət texniki baxışın keçirilməsi, dövlət texniki baxışın nəticələrinin sənədləşdirilməsi və hesabatının aparılmasına dair Təlimat”a 2 nömrəli əlavə

“___” ________20___il

____________ DAİM-in vəzifəli şəxsinin ___________________________________

rayonun (şəhər) adı (adı, soyadı və vəzifəsi)

_____________________________________________balansında olan nəqliyyat vasitələrinə

(hüquqi şəxsin adı və VÖEN-i)

_______________________________________________________________iştirakı ilə texniki baxış keçirdim.

(hüquqi şəxsin nümayəndəsinin vəzifəsi, soyadı və adı)

“__” ədəd nəqliyyat vasitəsi texniki baxışa təqdim edildi. Texniki baxış zamanı aşağıdakılar aşkar olundu:

Texniki baxışın nəticəsinə görə “___” ədəd nəqliyyat vasitəsindən “___” ədəd nəqliyyat vasitəsi sazdır, “____” ədəd cari təmirdədir, “___” ədəd əsaslı təmirdədir, “___” ədəd yol hərəkəti qaydalarının tələblərinə cavab vermir, “____”ədəd texniki baxışa təqdim edilmədi və “___”ədəd nəqliyyat vasitəsi silinmişdir.

___________________________________________________________________________________

___________________________________________________________________________________

Traktorlara, həmçinin meşə və kənd təsərrüfatında istifadə edilən, siyahısı Azərbaycan Respublikasının Nazirlər Kabineti tərəfindən müəyyən edilən mexaniki nəqliyyat vasitələrinə dövlət texniki baxışın keçirilməsi, dövlət texniki baxışın nəticələrinin sənədləşdirilməsi və hesabatının aparılmasına dair Təlimat”a 3 nömrəli əlavə

Başlanıb: “__”________20__- il

Qurtarıb:“__”________20__- il

1. 9 aprel 2018-ci il tarixli Q-04-18 nömrəli Azərbaycan Respublikası Kənd Təsərrüfatı Nazirliyinin Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15201804090418, Hüquqi Aktların Dövlət Reyestrinə daxil edildiyi tarix 20 aprel 2018-ci il)

2. 5 sentyabr 2018-ci il tarixli Q-07-18 nömrəli Azərbaycan Respublikası Kənd Təsərrüfatı Nazirliyinin Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15201809050718, Hüquqi Aktların Dövlət Reyestrinə daxil edildiyi tarix 20 sentyabr 2018-ci il)

3. 23 oktyabr 2018-ci il tarixli Q-10-18 nömrəli Azərbaycan Respublikası Kənd Təsərrüfatı Nazirliyinin Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15201810231018, Hüquqi Aktların Dövlət Reyestrinə daxil edildiyi tarix 8 noyabr 2018-ci il)

4. 15 aprel 2019-cu il tarixli Q-05-19 nömrəli Azərbaycan Respublikası Kənd Təsərrüfatı Nazirliyinin Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15201904150519, Hüquqi Aktların Dövlət Reyestrinə daxil edildiyi tarix 26 aprel 2019-cu il)

5. 19 aprel 2019-cu il tarixli Q-07-19 nömrəli Azərbaycan Respublikası Kənd Təsərrüfatı Nazirliyinin Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15201904190719, Hüquqi Aktların Dövlət Reyestrinə daxil edildiyi tarix 30 aprel 2019-cu il)

6. 12 sentyabr 2019-cu il tarixli Q-13-19 nömrəli Azərbaycan Respublikası Kənd Təsərrüfatı Nazirliyinin Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15201909121319, Hüquqi Aktların Dövlət Reyestrinə daxil edildiyi tarix 24 sentyabr 2019-cu il)

7. 24 avqust 2021-ci il tarixli Q-05-21 nömrəli Azərbaycan Respublikası Kənd Təsərrüfatı Nazirliyinin Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15202108240521, Hüquqi Aktların Dövlət Reyestrinə daxil edildiyi tarix 6 sentyabr 2021-ci il)

8. 25 aprel 2022-ci il tarixli MİHO/1.2-3.2-2022-3 nömrəli Azərbaycan Respublikası Kənd Təsərrüfatı Nazirliyinin Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15202204250223, Hüquqi Aktların Dövlət Reyestrinə daxil edildiyi tarix 29 aprel 2022-ci il)

9. 23 fevral 2023-cü il tarixli 3-22/3-3-1/2023 nömrəli Azərbaycan Respublikası Kənd Təsərrüfatı Nazirliyinin Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15202302232331, Hüquqi Aktların Dövlət Reyestrinə daxil edildiyi tarix 9 mart 2023-cü il)

10. 3 aprel 2023-cü il tarixli 3-22/3-3-6/2023 nömrəli Azərbaycan Respublikası Kənd Təsərrüfatı Nazirliyinin Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15202304032336, Hüquqi Aktların Dövlət Reyestrinə daxil edildiyi tarix 13 aprel 2023-cü il)

11. 5 iyun 2023-cü il tarixli 3-22/3-3-9/2023 nömrəli Azərbaycan Respublikası Kənd Təsərrüfatı Nazirliyinin Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15202306052339, Hüquqi Aktların Dövlət Reyestrinə daxil edildiyi tarix 12 iyun 2023-cü il)

12. 7 avqust 2023-cü il tarixli 3-22/3-3-13/2023 nömrəli Azərbaycan Respublikası Kənd Təsərrüfatı Nazirliyinin Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15202308073313, Hüquqi Aktların Dövlət Reyestrinə daxil edildiyi tarix 15 avqust 2023-cü il)

13. 21 noyabr 2023-cü il tarixli 3-22/3-3-18/2023 nömrəli Azərbaycan Respublikası Kənd Təsərrüfatı Nazirliyinin Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15202311213318, Hüquqi Aktların Dövlət Reyestrinə daxil edildiyi tarix 5 dekabr 2023-cü il)

14. 19 dekabr 2023-cü il tarixli 3-22/3-3-21/2023 nömrəli Azərbaycan Respublikası Kənd Təsərrüfatı Nazirliyinin Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15202312193321, Hüquqi Aktların Dövlət Reyestrinə daxil edildiyi tarix 26 dekabr 2023-cü il)

15. 29 iyun 2024-cü il tarixli 3-22/3-2-4/2024 nömrəli Azərbaycan Respublikası Kənd Təsərrüfatı Nazirliyinin Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15202406292324, Hüquqi Aktların Dövlət Reyestrinə daxil edildiyi tarix 10 iyul 2024-cü il)

16. 16 fevral 2026-cı il tarixli 3-22/3-2-1/2026 nömrəli Azərbaycan Respublikası Kənd Təsərrüfatı Nazirliyinin Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15202602162321, Hüquqi Aktların Dövlət Reyestrinə daxil edildiyi tarix 25 fevral 2026-cı il)

17. 28 iyul 2026-cı il tarixli 3-22/3-2-2/2026 nömrəli Azərbaycan Respublikası Kənd Təsərrüfatı Nazirliyinin Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15202607282322, Hüquqi Aktların Dövlət Reyestrinə daxil edildiyi tarix 18 avqust 2026-cı il)