Bakı Şəhəri Xəzər Rayon Məhkəməsi Qərardad — İş №2(003)-867/2021

Azərbaycan Respublikası adından QƏRARDAD Bakı şəhəri İş № 2(003)-867/2021 27.04.2021 BAKI ŞƏHƏRİ XƏZƏR RAYON MƏHKƏMƏSİ Hakim Tağıyev Zaur Müzəffər oğlunun sədrliyi, Eyvazlı Məhəmməd Asəf oğlunun katibliyi ilə İddiaçı Əlicanova Zemfira İlyas qızının cavabdeh Qurbanov İlham Şirindil oğluna qarşı bağ sahəsindən çıxarılma, inşa edilmiş özbaşına tikilinin sökülməsi torpaq sahəsinin qanuni sahibinə qaytarılması barədə iddiası üzrə mülki işə məhkəmənin inzibati binasında açıq məhkəmə iclasında baxaraq müəyyən etdi: İddiaçı Əlicanova Zemfira İlyas qızı iddia ərizəsi ilə məhkəməyə müraciət edərək, cavabdeh Qurbanov İlham Şirindil oğlunun ünvan ünvanda yerləşən 0,12 ha bağ (torpaq) sahəsindən çıxarılması, həmin torpaq sahəsində cavabdehin inşa etdirdiyi özbaşna tikilinin (yaşayış sahəsinin) onun hesabına sökülməsi, torpaq sahəsinin qanuni sahibliyinə qaytarılması tələbinə dair iddia ərizəsi ilə məhkəməyə müraciət etmişdir. 01.04.2021-ci il tarixə və 22.04.2021-ci il tarixə təyin edilmiş məhkəmə iclasının vaxtı və yeri haqqında tərəflərə lazımi qaydada məlumat verilməsinə baxmayaraq, tərəflər məhkəmə iclasına gəlməmişlər və gəlməmələrinin səbəbi barədə məhkəməyə məlumat daxil olmamış, işə isə onların iştirakı olmadan baxılmasını xahiş etməmişlər. Azərbaycan Respublikası Mülki Prossesual Məcəlləsinin 259.0.6-cı maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə ərizə baxılmamış saxlanır. Göstərilən qanunvericilik aktı normasına əsasən məhkəmə hesab edir ki, tərəflər göstərilən tarixdə məhkəməyə gəlmədiklərindən, işə onların iştirakı olmadan baxılmasını məhkəmədən xahiş etmədiklərindən, iddia ərizələri baxılmamış saxlanmalıdır. Məhkəmə həmçinin qeyd edir ki, Azərbaycan Respublikası Mülki Prossesual Məcəlləsinin 260.0.4-cü maddəsinə əsasən iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Qeyd olunanlara əsaslanaraq və Azərbaycan Respublikası Mülki Prossesual Məcəlləsinin 259, 263-264 və 266-268-ci maddələrini rəhbər tutaraq, məhkəmə qərara aldı: İddiaçı Əlicanova Zemfira İlyas qızının cavabdeh Qurbanov İlham Şirindil oğluna qarşı cavabdeh Qurbanov İlham Şirindil oğlunun ünvan ünvanda yerləşən 0,12 ha bağ (torpaq) sahəsindən çıxarılması, həmin torpaq sahəsində cavabdehin inşa etdirdiyi özbaşna tikilinin (yaşayış sahəsinin) onun hesabına sökülməsi, torpaq sahəsinin qanuni sahibliyinə qaytarılması tələbi barədə iddia ərizəsi baxılmamış saxlansın. Qərardaddan 10 (on) gün müddətində Bakı şəhəri Xəzər Rayon Məhkəməsinə şikayət verilə bilər. Sədrlik edən: Zaur Tağıyev