Bakı Şəhəri Yasamal Rayon Məhkəməsi Qərardad — İş №2(004)-2913/2021

Azərbaycan Respublikası adından QƏRARDAD Bakı şəhəri İş № 2(004)-2913/2021 07.04.2021 BAKI ŞƏHƏRİ YASAMAL RAYON MƏHKƏMƏSİ Hakim Əyyubov Fərid İlham oğlunun sədrliyi ilə, İddiaçı ”İddiaçı” MTK-nın cavabdehlər Cavabdeh1 və digərlərinə qarşı kommunal xidmətlərə görə yaranmış borcun tutulması tələbinə dair ərizəsinə baxaraq MÜƏYYƏN ETDİ: İddiaçı MTK cavabdehlər Cavabdeh1 və digərlərinə qarşı kommunal xidmətlərə görə yaranmış borcun tutulması tələbinə dair iddia ərizəsi ilə Yasamal Rayon Məhkəməsinə müraciət etmişdir. Azərbaycan Respublikası MPM-nin 151.1-ci maddəsinə əsasən iddia ərizəsinin bu Məcəllənin tələblərinə riayət edilməklə verilməsi yoxlanılmalıdır. Məhkəmə iddia ərizəsini nəzərdən keçirib hesab edir ki, ərizə Azərbaycan Respublikası MPM-nin 152.1.1-ci maddəsinin tələblərinə uyğun olaraq geri qaytarılmalıdır. İddiaçı iddia ərizəsini Azərbaycan Respublikası Mülki Prosessual Məcəlləsinin 149cu maddəsində nəzərdə tutulan forma və məzmununa riayət edilmədən vermişdir. Belə ki, iddiaçının iddia ərizəsində qeyd etdiyi cavabdehlərin ünvanları ilə onların poçt ünvanları arasında uyğunsuzluq mövcuddur. Bundan əlavə iddia ərizəsində qeyd edilən cavabdehlərin adları və soyadları sorğu məlumatlarında axtarıldıqda həmin ad və soyadla bir neçə şəxs çıxır ki, bu da onların poçt ünvanlarını müəyyənləşdirməkdə çətinlik yaradır. Həmçinin cavabdehlərin hamısı elektron sistem vasitəsiylə yoxlanılmış, əksəriyyətinə dair məlumatlar sistemdə aşkar edilməmiş, aşkar edilən şəxslərin ünvanları ilə qeydiyyat ünvanları arasında uyğunsuzluqlar aşkar edilmişdir. Belə olan halda tərəflərin çəkişmə prinsipinə əməl etməklə məhkəmə prosesinin təşkilinin həyata keçirilməsi mümkün deyildir. Buna əsasən məhkəmə qeyd edir ki, iddia ərizəsi Azərbaycan Respublikası MPMnin 149-cu maddəsinin tələbinə əsasən geri qaytarılmalı, iddiaçıya Azərbaycan Respublikası Mülki Prosessual Məcəlləsinin 152.4-cü maddəsinin tələbləri izah olunmalıdır. Həmin Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Göstərilənlərə əsasən və Azərbaycan Respublikası MPM-nin 152, 263-264, 268-ci maddələrini rəhbər tutaraq QƏRARA ALDİ: İddiaçı MTK-nın cavabdehlər Cavabdeh1 və digərlərinə qarşı kommunal xidmətlərə görə yaranmış borcun tutulması tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya izah olunsun ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra tərəflər 10 (on) gün müddətində işə baxan Yasamal Rayon Məhkəməsinə şikayət verə bilərlər. Sədrlik edən: Fərid Əyyubov