Bakı Şəhəri Nərimanov Rayon Məhkəməsi Qərardad — İş №2(005)-2198/2021

Azərbaycan Respublikası adından QƏRARDAD Bakı şəhəri İş № 2(005)-2198/2021 31.03.2021 BAKI ŞƏHƏRİ NƏRİMANOV RAYON MƏHKƏMƏSİ Hakim Əsədova Gültəkin Akif qızının sədrliyi, Məhkəmə iclas katibi İbrahimova Ramilə Namiq qızının katibliyi ilə, Ərizəçi maraqlı şəxs Bakı şəhəri Maraqlı şəxsnə qarşı “uşağın atası olmadan tək anasının yanında qalması və tək ananın himayəsində olması faktının müəyyən edilməsi” tələbinə dair ərizəsinin mümkünlüyü məsələsinə baxaraq, məhkəmə MÜƏYYƏN ETDİ: Ərizəçi maraqlı şəxs Bakı şəhəri Maraqlı şəxsnə qarşı “uşağın atası olmadan tək anasının yanında qalması və tək ananın himayəsində olması faktının müəyyən edilməsi” tələbinə dair ərizəsi ilə məhkəməyə müraciət edərək, Bakı şəhərində anadan olmuş xx xxxxxx 2007-ci il təvəllüdlü X1 atası olmadan tək anası olaraq onun yanında qalması və tək ananın himayəsində olması faktının müəyyən edilməsi barədə qətnamə çıxarılmasını məhkəmədən xahiş etmişdir. Məhkəmə Ərizəçi ərizəsinin mümkünlüyü məsələsinə baxıb iş materiallarını araşdırıb hesab edir ki, ərizənin icraata qəbul edilməsindən imtina edilməli və müvafiq ərizə əlavə olunmuş sənədlərlə birlikdə geri qaytarılmalıdır. Belə ki, Azərbaycan Respublikası Mülki-Prosessual Məcəlləsinin: 153.2-ci və 153.2.1-ci maddələrinə əsasən ərizəyə məhkəmə qaydasında baxılmalı deyildirsə hakim iddianın yolverilməzliyinə görə iddia ərizəsini qəbul etməkdən imtina edir; 153.3-cü maddəsinə əsasən hakim ərizəni qəbul etməkdən imtina barədə əsaslandırılmış qərardad çıxarır. İşə məhkəmə qaydasında baxılmalı deyildirsə, iddiaçının hansı orqana müraciət etməli olmasını orada göstərir. Ərizədən görünür ki, ərizəçi şəxs uşağın atası olmadan tək anasının yanında qalması və tək ananın himayəsində olması faktının müəyyən edilməsini xahiş edir. Məhkəmə qeyd edir ki, “ərizəyə məhkəmə qaydasında baxılmalı deyildirsə” müddəası özündə, mülki işin məhkəmədə deyil, qanunun tələbinə görə başqa orqanda, yaxud iş məhkəməyə aid olsa da, mülki mühakimə icraatı qaydasında deyil, başqa məhkəmə icraatı qaydasında (cinayət, inzibati və ya inzibati xətalara dair işlər üzrə icraat) baxılmalı olmasını, habelə qanunla xüsusi mübahisələndirmə qaydası müəyyən edilmiş aktların iddia icraatı qaydasında mübahisələndirilməsinin yolverilməzliyini ehtiva edir. Məhkəmə hesab edir ki, ərizəçi şəxs ilk növbədə müvafiq inzibati orqana, yəni müvafiq qeydiyyat şöbəsinə qeyd edilən tələblə müraciət etməli, həmin orqanın qanuna müvafiq imtina cavabını aidiyyəti üzrə inzibati məhkəmədə mübahisələndirə bilər. Beləliklə, məhkəmə hesab edir ki, hazırki məsələyə məhkəmədə baxılmalı olmadığından, Ərizəçi maraqlı şəxs Bakı şəhəri Maraqlı şəxsnə qarşı “uşağın atası olmadan tək anasının yanında qalması və tək ananın himayəsində olması faktının müəyyən edilməsi” tələbinə dair ərizənin icraata qəbul edilməsindən imtina edilməli və ərizə ona əlavə edilmiş sənədlərlə birlikdə geri qaytarılmalıdır. Qeyd olunanlara əsasən Azərbaycan Respublikası Mülki Prosessual Məcəlləsinin 263-264cü maddələrini rəhbər tutaraq, məhkəmə QƏRARA ALDİ: Ərizəçi maraqlı şəxs Bakı şəhəri Maraqlı şəxsnə qarşı “uşağın atası olmadan tək anasının yanında qalması və tək ananın himayəsində olması faktının müəyyən edilməsi” tələbinə dair ərizənin icraata qəbul edilməsindən imtina edilsin. Ərizəçi maraqlı şəxs Bakı şəhəri Maraqlı şəxsnə qarşı “uşağın atası olmadan tək anasının yanında qalması və tək ananın himayəsində olması faktının müəyyən edilməsi” tələbinə dair ərizəsi ona əlavə edilmiş sənədlərlə birlikdə geri qaytarılsın. Qərardaddan rəsmi qaydada verildikdən sonra 10 (on) gün müddətində Bakı şəhəri Nərimanov Rayon Məhkəməsinə şikayət verilə bilər. Hakim: Gültəkin Əsədova