Bakı Şəhəri Nərimanov Rayon Məhkəməsi Qərardad — İş №2(005)-2829/2021

Azərbaycan Respublikası adından QƏRARDAD Bakı şəhəri İş № 2(005)-2829/2021 08.05.2021 BAKI ŞƏHƏRİ NƏRİMANOV RAYON MƏHKƏMƏSİ Mən, Bakı şəhəri Nərimanov Rayon Məhkəməsinin hakimi Əmirxanova Kəmalə Fərman qızı, Ərizəçi maraqlı şəxs İqtisadiyyat Nazirliyi yanında Əmlak Məsələləri Xidmətinin Daşınmaz Əmlakın Dövlət Reyestr Xidmətinin Bakı şəhər Ərazi İdarəsinə qarşı mülkiyyət hüququ üzrə sahiblik, ondan istifadə etmək və sərəncam vermək faktının müəyyən edilməsi barədə iddia ərizəsini nəzərdən keçirib, MÜƏYYƏN ETDİM Ərizəçi maraqlı şəxs İqtisadiyyat Nazirliyi yanında Əmlak Məsələləri Xidmətinin Daşınmaz Əmlakın Dövlət Reyestr Xidmətinin Bakı şəhər Ərazi İdarəsinə qarşı mülkiyyət hüququ üzrə sahiblik, ondan istifadə etmək və sərəncam vermək faktının müəyyən edilməsi iddia ərizəsi ilə məhkəməyə müraciət etmişdir. İddia ərizəsini və əlavə olunmuş sənədləri araşdırıb hesab edirəm ki, iddiaçı Ərizəçi iddia ərizəsi ilə aidiyyət qaydalarına riayət etməməklə Bakı şəhəri Nərimanov Rayon Məhkəməsinə müraciət etdiyindən iddia ərizəsinin icraata qəbul edilməsindən imtina edilməlidir. Belə ki, iddia ərizəsindən müəyyən olunur ki, iddiaçı daşınmaz əmlakın dövlət reyestrində qeydin aparılması və mülkiyyət hüququna dair çıxarışın verilməsi xahiş edir. Azərbaycan Respublikasının İnzibati Prosessual Məcəlləsinin 2.2.-ci maddəsinə əsasən inzibati məhkəmə icraatı qaydasında aşağıdakı iddialara baxılır: 2.2.1. şəxsin hüquq və vəzifələri ilə bağlı inzibati orqan tərəfindən qəbul edilmiş inzibati aktın mübahisələndirilməsinə (ləğv olunmasına və ya dəyişdirilməsinə) dair iddialara (mübahisələndirmə haqqında iddia); 2.2.2. inzibati orqanın üzərinə inzibati aktın qəbul edilməsi ilə bağlı müvafiq öhdəliyin qoyulmasına dair iddialara və ya inzibati orqanın hərəkətsizliyindən müdafiəyə dair iddialara (məcburetmə haqqında iddia); 2.2.7. inzibati mübahisələrin həlli ilə bağlı əmlak tələbinə, habelə inzibati orqanların qanunsuz qərarları (inzibati aktları) və ya hərəkətləri (hərəkətsizliyi) nəticəsində vurulmuş ziyana görə kompensasiyanın ödənilməsi tələbinə dair iddialara Yuxarıda göstərilən prossesual normanının tələbindən müəyyən olunur ki, inzibati orqanın üzərinə inzibati aktın qəbul edilməsi ilə bağlı müvafiq öhdəliyin qoyulmasına dair iddia tələblərinə inzibati məhkəmələr tərəfindən baxılmalıdır. Aidiyyət qaydalarının pozulmasına yol verilmir. Əgər ərizəyə məhkəmə qaydasında baxılmalı deyildirsə, iddia ərizəsinin icraata qəbul edilməsindən imtina edilməlidir. (MPM-nin 153.2.1-ci mad.) Şərh olunanlara əsasən Azərbaycan Respublikası MPM-nin 153-cü maddələsinin tələblərini rəhbər tutaraq QƏRARA ALDİM Ərizəçi maraqlı şəxs İqtisadiyyat Nazirliyi yanında Əmlak Məsələləri Xidmətinin Daşınmaz Əmlakın Dövlət Reyestr Xidmətinin Bakı şəhər Ərazi İdarəsinə qarşı mülkiyyət hüququ üzrə sahiblik, ondan istifadə etmək və sərəncam vermək faktının müəyyən edilməsi iddia ərizəsinin qəbulundan imtina edilsin. İddiaçıya hazırkı iddia tələbi ilə aidiyyəti üzrə Bakı İnzibati Məhkəməsinə müraciət etmək hüququ izah olunur. Qərardaddan 10 gün müddətində Bakı şəhəri Nərimanov Rayon Məhkəməsinə şikayət verilə bilər. Hakim Kəmalə Əmirxanova