Bakı Şəhəri Nərimanov Rayon Məhkəməsi Qərardad — İş №2(005)-4855/2021

Azərbaycan Respublikası adından QƏRARDAD Bakı şəhəri İş № 2(005)-4855/2021 07.10.2021 BAKI ŞƏHƏRİ NƏRİMANOV RAYON MƏHKƏMƏSİ Hakim Quliyev Vüqar Şahbaz oğlunun sədrliyi ilə, İddiaçı Azərbaycan Respublikası Milli X1 Birliyinin Nərimanov üzrə sədri İddiaçı1 Cavabdeh qarşı pul tələbinə dair iddia ərizəsinə və ona əlavə edilmiş sənədlərə baxaraq, məhkəmə MÜƏYYƏN ETDİ: İddiaçı Azərbaycan Respublikası Milli X1 Birliyinin Nərimanov üzrə sədri İddiaçı1 Cavabdeh qarşı pul tələbinə dair iddia ərizəsi ilə məhkəməyə müraciət edərək, Cavabdeh tərəfindən aldadaraq ələ keçirdiyi 315 manat nağd pul, yararsız kondisionerin daşınmasına sərf edilmiş 20 manat nəqliyyat xərci, kondisionerin yerində quraşdırılmasına sərf edilmiş 60 manat olmaqla, cəmi 395 manat və bu müddət ərzində birliyin əməkdaşları qarşısında keçirdiyi iztirab, əzab-əziyyətlə bərabər işgüzar nüfuzunun, etibarının zəifləməsi, əzablar nəticəsində depressiya vəziyyətinə düşdüyündən ona 1000 manat mənəvi ziyan olmaqla, ümumilikdə 1395 manat pulun alınıb ona verilməsi barədə qətnamə qəbul edilməsini xahiş etmişdir. Məhkəmə hesab edir ki, iddia ərizəsi və ona əlavə edilmiş sənədlər geri qaytarılmalıdır. Belə ki, “AZEMİS” elektron informasiya sistemindən əldə edilmiş məlumatlardan görünür ki, cavabdeh ünvan 1 ünvanında qeydiyyatdadır. Bundan başqa iddia ərizəsindən görünür ki, cavabdehdən pul tələbi Azərbaycan Respublikası Milli X1 Birliyi üçün deyil, İddiaçı1 özü üçün tutulmasını xahiş etmiş, bununla belə öz qeydiyyatda olduğu ünvanı deyil, Azərbaycan Respublikası Milli X1 Birliyinin hüquqi ünvanını ərizəsində qeyd etməklə müraciət etmişdir. Bununla da iddiaçı iddia ərizəsinin forma və məzmununa riayət etməmişdir. Azərbaycan Respublikası MPM-nin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Həmin Məcəllənin 152.2-ci maddəsinə görə iddia ərizəsinin qaytarılması haqqında hakim qərardad çıxarır. Həmin Məcəllənin 152.3-cü maddəsinə görə iddia ərizəsinin qaytarılması haqqında qərardaddan şikayət verilə bilər. Həmin Məcəllənin 152.4-cü maddəsinə görə iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Məhkəmə belə hesab edir ki, ərizə geri qaytarılmalı və iddiaçıya izah edilməlidir ki, o, qeyd olunan nöqsanları aradan qaldırdıqdan sonra müvafiq ərizə ilə məhkəməyə müraciət edə bilər. Şərh olunanlara əsasən və Azərbaycan Respublikası MPM-in 152, 268-269-cu maddələrini rəhbər tutaraq, məhkəmə QƏRARA ALDİ: İddiaçı Azərbaycan Respublikası Milli X1 Birliyinin Nərimanov üzrə sədri İddiaçı1 Cavabdeh qarşı pul tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya göstərilən nöqsan aradan qaldırıldıqdan sonra müvafiq ərizə ilə məhkəməyə müraciət etmək hüququ izah edilsin. Qərardaddan 10 gün müddətində Bakı şəhəri Nərimanov Rayon Məhkəməsinə şikayət verilə bilər. Hakim Vüqar Quliyev