Bakı Şəhəri Nəsimi Rayon Məhkəməsi Qərardad — İş №2(006)-1010/2021

Azərbaycan Respublikası adından QƏRARDAD Bakı şəhəri İş № 2(006)-1010/2021 10.02.2021 BAKI ŞƏHƏRİ NƏSİMİ RAYON MƏHKƏMƏSİ Nəsimi Rayon Məhkəməsinin hakimi Xəlilov Ramin Adilxan oğlunun sədrliyi, Şahverdiyev Xandəmir Elman oğlunun katibliyi, İddiaçı müstəqil tələb irəli sürməyən üçüncü şəxs qismində Azərbaycan Respublikasının Dövlət Şəhərsalma və Arxitektura Komitəsini cəlb etməklə cavabdehlər Cavabdeh1nə və Bakı şəhəri Cavabdeh2nə qarşı «təmir xərcinin fərqinin ödənilməsi, aylıq kirayə haqqının ödənilməsi üzrə götürülmüş öhdəliyin vaxtında təmin edilməsi və tikintinin eskiz layihəyə uyğun aparılması» tələbinə dair iddia ərizəsi üzrə mülki işə açıq məhkəmə iclasında baxaraq, MÜƏYYƏN ETDİ: İddiaçı müstəqil tələb irəli sürməyən üçüncü şəxs qismində Azərbaycan Respublikasının Dövlət Şəhərsalma və Arxitektura Komitəsini cəlb etməklə cavabdehlər Cavabdeh1nə və Bakı şəhəri Cavabdeh2nə qarşı «təmir xərcinin fərqinin ödənilməsi, aylıq kirayə haqqının ödənilməsi üzrə götürülmüş öhdəliyin vaxtında təmin edilməsi və tikintinin eskiz layihəyə uyğun aparılması» tələbinə dair iddia ərizəsi ilə məhkəməyə müraciət etmişdir. Məhkəmə iclasının vaxtı və yeri barədə tərəflər məlumatlandırılmalarına baxmayaraq, məhkəmə iclasına gəlməmişlər və gəlməmələrinin səbəbləri barədə məhkəməyə məlumat verməmişlər. Məhkəməyə İddiaçı tərəfindən ərizə ünvanlanmış və mülki işin baxılmamış saxlanılaraq iddia ərizəsinin və ona əlavə edilmiş sənədlərin geri qaytarılmasını xahiş etmişdir. Məhkəmə ərizəni mülki işin materialları ilə birlikdə araşdırıb hesab edir ki, ərizə təmin edilməli və iddia ərizəsi baxılmamış saxlanılmalıdır. Belə ki, Azərbaycan Respublikası Mülki Prosessual Məcəlləsinin 259.0.11-ci maddəsində göstərilir ki, iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə, məhkəmə ərizəni baxılmamış saxlayır. Belə olan halda Məhkəmə hesab edir ki, ərizə təmin edilməli, iddia ərizəsi baxılmamış saxlanılmalı, iddia ərizəsi və ona əlavə edilmiş sənədlər geri qaytarılmalıdır. Ərizə baxılmamış saxlanıldıqda məhkəmə baxışı qərardad qəbul edilməklə başa çatdırılır. İddianın baxılmamış saxlanılması həmin iddia ilə məhkəməyə yenidən müraciət etməni istisna etmir. Qeyd olunanlara əsaslanaraq və Azərbaycan Respublikası Mülki Prosessual Məcəlləsinin 259.0.11, 263-264, 266-268-ci maddələrini rəhbər tutaraq, QƏRARA ALDİ: İddiaçı tərəfindən verilmiş ərizə təmin edilsin. İddiaçı müstəqil tələb irəli sürməyən üçüncü şəxs qismində Azərbaycan Respublikasının Dövlət Şəhərsalma və Arxitektura Komitəsini cəlb etməklə cavabdehlər Cavabdeh1nə və Bakı şəhəri Cavabdeh2nə qarşı «təmir xərcinin fərqinin ödənilməsi, aylıq kirayə haqqının ödənilməsi üzrə götürülmüş öhdəliyin vaxtında təmin edilməsi və tikintinin eskiz layihəyə uyğun aparılması» tələbinə dair iddia ərizəsi və ona əlavə edilmiş sənədlər iddiaçıya geri qaytarılsın. Qərardaddan 10 (on) gün müddətində Nəsimi Rayon Məhkəməsinə şikayət verilə bilər. Hakim Ramin Xəlilov