Bakı Şəhəri Nəsimi Rayon Məhkəməsi Qərardad — İş №2(006)-5083/2020

Azərbaycan Respublikası adından QƏRARDAD Bakı şəhəri İş № 2(006)-5083/2020 01.10.2020 BAKI ŞƏHƏRİ NƏSİMİ RAYON MƏHKƏMƏSİ Nəsimi Rayon Məhkəməsinin hakimi Səmədov Rəşid Əfraim oğlu, X1 cavabdeh «X7» MMC-yə qarşı «əmək haqqının və ödənişnin gecikdirilməsinə görə kompensasiyanın tutulması tələbi»nə dair iddia ərizəsinə baxaraq, MÜƏYYƏN ETDİ: X2 cavabdeh «X7» MMC-yə qarşı «əmək haqqının və ödənişnin gecikdirilməsinə görə kompensasiyanın tutulması tələbi»nə dair iddia ərizəsi ilə məhkəməyə müraciət etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsi və ona əlavə olunmuş sənədlər iddiaçıya geri qaytarılmalıdır. Belə ki, iddia ərizəsindən və ona əlavə edilmiş sənədlərdən görünür ki, iddiaçı aidiyyət normalarına riayət etməmişdir. Azərbaycan Respublikası Mülki Prosessual Məcəlləsinin 35.1-ci maddəsinə əsasən, qanunla başqa hal nəzərdə tutulmamışdırsa, ərizə cavabdehin rəsmi qeydə alındığı yerin məhkəməsinə verilir. Belə ki, iş materiallarına əlavə olunmuş sənədlərdən görünür ki, iddia ərizəsində cavabdeh «X7» MMC-nin ünvanı ünvan 1 ünvanı qeyd edilsə də, kommersiya qurumlarının dövlət reyestri vasitəsi ilə əldə olunmuş məlumatlara əsasən, iddia ərizəsində cavabdeh qismində çıxış etməli olan «X7» MMC-nin hüquqi ünvanının ünvan 2 olduğu müəyyən edilmişdir. Göründüyü kimi cavabdehin yerləşdiyi ünvan Nəsimi rayonunun ərazisinə aid deyildir. Azərbaycan Respublikası Mülki Prosessual Məcəlləsinin 152.1.3-cü maddəsinin tələbinə əsasən əgər iş aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri iddiaçıya geri qaytarır. Belə olan halda məhkəmə hesab edir ki, yuxarıda göstərilən nöqsanlar aradan qaldırıldıqdan sonra yenidən, ümumi qaydada məhkəməyə müraciət etmək hüququ izah olunmaqla, ərizə və ona əlavə olunmuş sənədlər iddiaçıya geri qaytarılmalıdır. Qeyd olunanlara əsasən və Azərbaycan Respublikası Mülki Prosessual Məcəlləsinin 35.1, 152.1.3, 152.1.5 və 263-264-cü maddələrini rəhbər tutaraq, məhkəmə QƏRARA ALDİ: X1 cavabdeh «X7» MMC-yə qarşı «əmək haqqının və ödənişnin gecikdirilməsinə görə kompensasiyanın tutulması tələbi»nə dair iddia ərizəsi və ona əlavə edilmiş sənədlər iddiaçıya geri qaytarılsın. İddiaçıya izah edilsin ki, göstərilən nöqsanlar aradan qaldırıldıqdan sonra yenidən, ümumi qaydada məhkəməyə müraciət etmək hüquqları vardır. Qərardaddan 10 (on) gün müddətində Bakı şəhəri Nəsimi Rayon Məhkəməsinə şikayət verilə bilər. Sədrlik edən Rəşid Səmədov