Bakı Şəhəri Nizami Rayon Məhkəməsi Qərardad — İş №2(007)-4642/2021

Azərbaycan Respublikası adından QƏRARDAD Bakı şəhəri İş № 2(007)-4642/2021 22.11.2021 BAKI ŞƏHƏRİ NİZAMİ RAYON MƏHKƏMƏSİ Bakı Şəhəri Nizami Rayon Məhkəməsinin hakimi Yusifova Ülkər Bayram qızı İddiaçı Cavabdeh qarşı “ləyaqətsiz vərəsə müəyyən olunma, soyad, ata adının dəyişdirilməsi” tələbinə dair iddia ərizəsini və ona əlavə olunmuş sənədləri nəzərdən keçirərək, MÜƏYYƏN ETDİM: İddiaçı Cavabdeh oğluna qarşı “ləyaqətsiz vərəsə müəyyən olunma, soyad, ata adının dəyişdirilməsi” tələbinə dair iddia ərizəsi ilə Bakı Şəhəri Nizami Rayon Məhkəməsinə müraciət etmişdir. İddiaçı iddia ərizəsini nəzərdən keçirərək hesab edirəm ki, ərizə və ona əlavə edilmiş sənədlər geri qaytarılmalı, həmçinin iddiaçıya cavabdehin ünvanının olduğu yerin məhkəməsinə müraciət etmək hüququ izah edilməlidir. Belə ki, iddia ərizəsində cavabdehin qeydiyyat ünvanı Bakı şəhəri, Nizami rayonu, Q.Qarayev prospekti 78 ünvanı göstərilsə də, bunun təsdiq edən MAPS arayışı iş materiallarına əlavə edilməmişdir. Azərbaycan Respublikasının Mülki Prosessual Məcəlləsinin 35.1-ci maddəsinə əsasən, qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Göründüyü kimi, qanunverici ümumi aidiyyət qaydasını məhz cavabdehin rəsmi qeydə alındığı yeri nəzərə alaraq müəyyənləşdirmişdir. Məhkəməyə təqdim olunmuş sənədlərdən cavabdehin qeydiyyat ünvanını müəyyən etmək mümkün olmadığından hazırkı tələbə ərazi aidiyyətinə görə Bakı Şəhəri Nizami Rayon Məhkəməsində baxılmalı deyil. Həmçinin, İddiaçı məhkəməyə dövlət rüsumu ödəmədən müraciət etmişdir. Azərbaycan Respublikası Mülki Prosessual Məcəlləsinin 108.1.1-ci maddəsinə əsasən iddia ərizələri verildikdə dövlət rüsumu ödənilir. Azərbaycan Respublikası Mülki Prosessual Məcəlləsinin: 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə, hakim ərizəni və ona əlavə edilmiş sənədləri geri qaytarır. 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Beləliklə hesab edirəm ki, iddia ərizəsinə MAPS arayışı əlavə edilmədiyindən və dövlət rüsumu qanunvericilikdə müəyyən edilmiş məbləğdə ödənilmədiyindən hazırkı ərizənin icraata qəbul edilməsi mümkün deyildir. Göstərilənlərə əsasən və Azərbaycan Respublikasının Mülki Prosessual Məcəlləsinin 152, 263-264 və 268-269-cu maddələrini rəhbər tutaraq, QƏRARA ALDİM: İddiaçı Cavabdeh qarşı “ləyaqətsiz vərəsə müəyyən olunma, soyad, ata adının dəyişdirilməsi” tələbinə dair iddia ərizəsi və ona əlavə olunmuş sənədlər geri qaytarılsın. İddiaçıya izah olunsun ki, dövlət rüsumu tam ödənilməklə cavabdehə qarşı həmin iddia ərizəsi ilə onun rəsmi qeydə alındığı yerin müvafiq məhkəməsinə müraciət edə bilər. Qərardaddan 10 (on) gün müddətində Bakı Şəhəri Nizami Rayon Məhkəməsinə şikayət verilə bilər. Sədrlik edən: Ülkər Yusifova