Bakı Şəhəri Səbail Rayon Məhkəməsi Qərardad — İş №2(009)-1666/2021

Azərbaycan Respublikası adından QƏRARDAD Bakı şəhəri İş № 2(009)-1666/2021 04.06.2021 BAKI ŞƏHƏRİ SƏBAİL RAYON MƏHKƏMƏSİ Mən, Səbail Rayon Məhkəməsinin hakimi Bağırova Mədinə Ağacavad qızı, İddiaçı cavabdeh Bakı şəhəri Səbail rayon İcra şöbəsinə qarşı e68909/2021-16-13- 004 saylı,23.03.2021-ci il tarixli qərarın ləğv edilməsi və icra vərəqəsinin məhkəməyə qaytarılması barədə məzmunlu iddia ərizəsini nəzərdən keçirərək, MÜƏYYƏN ETDİM: İddiaçı iddia ərizəsi ilə məhkəməyə müraciət edərək, Səbail rayon İcra şöbəsinin e68909/2021-16-13-004 saylı,23.03.2021-ci il tarixli «icraata başlamaq haqqında» qərarın ləğv edilməsi və icra vərəqsinin onu çıxaran məhkəməyə qaytarılması barədə qərar qəbul edilməsini edilməsini xahiş etmişdir. Azərbaycan Respublikası MPM-nin 151.1-ci maddəsinə əsasən iddia ərizəsinin bu Məcəllənin tələblərinə riayət edilməklə verilməsi yoxlanılmalıdır. Hesab edirəm ki, iddiaçı tərəfindən verilmiş ərizə Azərbaycan Respublikası Mülki Prosessual Məcəllənin 149-cu maddəsi ilə müəyyən olunmuş formasına və məzmununun tələblərinə cavab vermədiyindən həmin Məcəllənin 152.1.1-ci maddəsinin tələblərinə uyğun olaraq geri qaytarılmalıdır. Belə ki, iddiaçı tərəfindən icra məmurunun hərəkətindən şikayət verildiyi halda, ərizənin forma və məzmununa əməl edilməyib, məhkəməyə iddia icraatı qaydasında müraciət olunmuşdur. Adı çəkilən Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh olunanlara əsaslanaraq və Azərbaycan Respublikası MPM-nin 152, 263,264, 267 və 268-ci maddələrini rəhbər tutaraq, Q Ə R A R A A L D İ M: İddiaçı cavabdeh Bakı şəhəri Səbail rayon İcra şöbəsinə qarşı e68909/2021-16-13- 004 saylı,23.03.2021-ci il tarixli qərarın ləğv edilməsi və icra vərəqəsinin məhkəməyə qaytarılması barədə ərizəsi geri qaytarılsın. Ərizəçiyə izah olunsun ki, qərardadda göstərilən nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ vardır. Qərardaddan 10 (on) gün müddətində Səbail rayon Məhkəməsinə şikayət verilə bilər. Hakim Mədinə Bağırova