Bakı Şəhəri Səbail Rayon Məhkəməsi Qətnamə — İş №2(009)-948/2021

Azərbaycan Respublikası adından QƏTNAMƏ Bakı şəhəri İş № 2(009)-948/2021 19.03.2021 BAKI ŞƏHƏRİ SƏBAİL RAYON MƏHKƏMƏSİ Hakim İlkin Şahin oğlu Rüstəmlinin sədrliyi, Deputat Süleyman oğlu Tomayevin katibliyi, Ərizəçi iştirakı ilə, Ərizəçi “ölümün qeyd edilmə faktının müəyyən edilməsi” barədə Bakı şəhəri, Səbail Rayon Qeydiyyat Şöbəsinin maraqlı şəxs kimi qeyd edildiyi ərizəsinə dair mülki işə Bakı şəhəri Səbail Rayon Məhkəməsinin inzibati binasında açıq məhkəmə iclasında baxaraq MÜƏYYƏN ETDİ: Ərizəçi “ölümün qeyd edilmə faktının müəyyən olunması” barədə Bakı şəhəri Səbail Rayon Qeydiyyat Şöbəsinin maraqlı şəxs kimi qeyd edildiyi ərizə ilə məhkəməyə müraciət edərək, xx.xx.1986-cı il təvəllüdlü, Bakı şəhərində anadan olmuş Nəcəf-X3 xx xxxxxx 2021-ci il tarixdə Bakı şəhərində ölümünün qeyd edilməsi faktının müəyyən edilməsi barədə qətnamə çıxarılmasını xahiş etmişdir. Ərizəçi ərizəsini onunla əsaslandırmışdır ki, xx.xx.1986-cı il təvəllüdlü X4 oğlu onun oğludur. Ülvi xx.xx.2021-ci il tarixdə qardaşı Müzəffərin evində qəfil ürəktutması nəticəsində ölmüşdür. Ərizəçinin qohumları oğlunun yas mərasimlərində iştirak etmişlər. O, ölüm haqqında şəhadətnamə almaq üçün Səbail Rayon Qeydiyyat şöbəsinə müraciət etmiş, lakin ona tibbi şəhadətnaməni təqdim edə bilmədiyi səbəbindən məhkəməyə müraciət edilməsi məsləhət görülmüşdür. Məhkəmə iclasında iştirak etmiş ərizəçi ərizəsinə uyğun məzmunda izahat verərək ərizənin təmin olunmasını xahiş etmişdir. Maraqlı şəxs Bakı şəhəri Səbail rayon Qeydiyyat Şöbəsi məhkəmə iclasının vaxtı və yeri barədə lazımı qaydada xəbərdar olmasına baxmayaraq məhkəmə iclasında nümayəndəsinin iştirakını təmin etməmişdir. Məhkəmə Azərbaycan Respublikası MPM-nın 185.5-ci maddəsinə əsaslanaraq maraqlı şəxsin nümayəndəsinin iştirakı olmadan işə baxılmasını mümkün hesab etmişdir. Məhkəmə ərizəçinin izahatını dinləyib, iş materiallarını araşdıraraq hesab edir ki, ərizə əsaslı olduğundan təmin edilməlidir. Belə ki iş materiallarında olan: AZE seriyalı 09406346 nömrəli şəxsiyyət vəsiqəsinin surətindən görünür ki, X4 oğlu xx.xx.1986-cı ildə Bakı şəhərində anadan olmuşdur. TTS 12 saylı Yardım Stansiyası tərəfindən verilmiş arayışdan aydın olur ki, xx.xx.2021-ci il tarixdə saat 14:38-də ünvan 1 ünvanında Nəcəf-X3 meyiti aşkar edilmişdir. Məzar fotoşəkilindən görünür ki, qəbir daşının üzərində həmin yerdə dəfn edilmiş xx.xx.1986-cı il təvəllüdlü Nəcəf-X3 xx.xx.2021-ci il tarixdə vəfat etdiyi qeyd olunmuşdur. Azərbaycan Respublikası Mülki Prosessual Məcəlləsinin 307.1-ci maddəsinin tələbinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Azərbaycan Respublikası MPM-nın 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımı sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Azərbaycan Respublikası MPM-nın 307.2.3-cü maddəsinə əsasən məhkəmə ölümün qeyd edilmə faktının müəyyən edilməsi barədə işlərə baxır. Məhkəmə iş üzrə təqdim edilmiş sübutlara əsasən hesab edir ki, Nəcəf-X3 xx.xx.2021ci il tarixdə Bakı şəhərində vəfat etməsini təsdiq etmək üçün kifayət qədər sübut vardır. Göstərilənlərə əsaslanaraq və Azər. Resp. MPM-nın 216-220 və 305-311-ci maddələrini rəhbər tutaraq məhkəmə QƏT ETDİ: Ərizə təmin edilsin. Nəcəf-X3 xx.xx.2021-ci il tarixdə Bakı şəhərində vəfat etməsi faktı müəyyən edilsin. X4 oğlu barədə ölüm haqqında şəhadətnamənin verilməsi Bakı şəhəri Səbail Rayon Qeydiyyat Şöbəsinə həvalə edilsin. Qətnamədən rəsmi qaydada verildiyi və ya alındığı gündən 1 (bir) ay müddətində Səbail Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Hakim: İlkin Rüstəmli