Abşeron Rayon Məhkəməsi Qətnamə — İş №2(012)-126/2023

Azərbaycan Respublikası adından QƏTNAMƏ Xırdalan şəhəri İş № 2(012)-126/2023 07.06.2023 ABŞERON RAYON MƏHKƏMƏSİ Hakim Məmmədov Elman Tofiq oğlunun sədrliyi, Məmmədov Mirabbas Seyidxan oğlunun katibliyi, Ərizəçi Azərbaycan Respublikasının Əmək və Əhallinin Sosial Müdafiəsi Nazirliyinin tabeliyində Sosial Xidmətlər Agentliyinin 2 saylı Sağlamlıq İmkanları Məhdud Uşaqlar üçün Sosial Xidmət Müəssisəsi publik hüquqi şəxsinin nümayəndəsi X1 iştirakı ilə, Ərizəçi Azərbaycan Respublikasının Əmək və Əhallinin Sosial Müdafiəsi Nazirliyinin tabeliyində Sosial Xidmətlər Agentliyinin 2 saylı Sağlamlıq İmkanları Məhdud Uşaqlar üçün Sosial Xidmət Müəssisəsi publik hüquqi şəxsinin maraqlı şəxs Abşeron rayon Qeydiyyat şöbəsinə qarşı «doğum faktıın müəyyən edilməsi» tələbinə dair mülki işə Abşeron Rayon Məhkəməsinin binasında açıq məhkəmə iclasında baxaraq, müəyyən etdi: Ərizəçi Azərbaycan Respublikasının Əmək və Əhallinin Sosial Müdafiəsi Nazirliyinin tabeliyində Sosial Xidmətlər Agentliyinin 2 saylı Sağlamlıq İmkanları Məhdud Uşaqlar üçün Sosial Xidmət Müəssisəsi publik hüquqi şəxsi ərizə ilə məhkəməyə müraciət edərək, müəssisələrində xx.xx.2008-ci il tarixdən məskunlaşan təxmini 1999-cu il təvəllüdlü Könülün doğum faktının müəyyən edilməsi barədə qətnamə qəbul edilməsini xahiş etmişdir. Ərizəçi Azərbaycan Respublikasının Əmək və Əhallinin Sosial Müdafiəsi Nazirliyinin tabeliyində Sosial Xidmətlər Agentliyinin 2 saylı Sağlamlıq İmkanları Məhdud Uşaqlar üçün Sosial Xidmət Müəssisəsi publik hüquqi şəxsi məhkəməyə tələbin dəqiqləşdirilməsinə dair ərizə göndərərək, doğum haqqında şəhadətnamədə soyadın-Abbasova, adın-Könül, ata adının-Ramiz, doğum tarixinin xx.xx.1999-cu il, doğulduğu yerin-Bakı, ata qrafasında-atasının X9, ana qrafasında-anasının X6, valideynlərinin milliyətinin azərbaycanlı kimi qeyd edilməsi barədə qətnamə çıxarılmasını xahiş etmişdir. Ərizəçi Azərbaycan Respublikasının Əmək və Əhallinin Sosial Müdafiəsi Nazirliyinin tabeliyində Sosial Xidmətlər Agentliyinin 2 saylı Sağlamlıq İmkanları Məhdud Uşaqlar üçün Sosial Xidmət Müəssisəsi publik hüquqi şəxsinin nümayəndəsi X3 məhkəmə iclasında izahatında bildirdi ki, 2 saylı Sağlamlıq İmkanları Məhdud Uşaqlar üçün Sosial Xidmət Müəssisəsində tam dövlət təminatında olan vətəndaşlar təxmini 1999cu il təvəllüdlü Könülün doğumu indiyə qədər qeydiyyata alınmamışdır və şəxsiyyətini təsdiq edən sənəd yoxdur. Azərbaycan Respublikası Ədliyyə Nazirliyinin Abşeron rayon Qeydiyyat şöbəsinə ərizə ilə müraciət edərək 1999-cu il təvəllüdlü Könülün doğum haqqında şəhadətnaməsinin alınmasına köməklik göstərilməsini xahiş etmişlər. Lakin Azərbaycan Respublikası Ədliyyə Nazirliyinin Abşeron rayon Qeydiyyat Şöbəsinə etdikləri müraciətin cavabı olaraq Könülün doğum haqqında akt qeydləri “Vətəndaşlıq vəziyyəti aktları” avtomatlaşdırılmış qeydiyyat informasiya sistemində aşkar edilməmiş və müraciətlərini təmin etməkdən imtina etmişdir. Buna görə də ərizədə adı qeyd olunan onların müəssisələrində məskunlaşan 1999-cu il təvəllüdlü Könülün doğum faktının müəyyən edilməsinə görə məhkəməyə müraciət etmək məcburiyyətindədirlər. Göstərilənlərə əsasən o, ərizənin təmin edilməsini xahiş etdi. Maraqlı şəxs Abşeron rayon Qeydiyyat şöbəsinə məhkəmə iclasının vaxtı və yeri barədə lazımi qaydada məlumat verilməsinə baxmayaraq, həmin qurumun nümayəndəsi məhkəmə iclasına gəlməmiş və gəlməmə səbəbləri barədə məlumat verməmişdir. Azərbaycan Respublikası MPM-nin 185.6-cı maddəsinə əsasən məhkəmə işə maraqlı şəxsin nümayəndəsinin iştirakı olmadan baxılmasını mümkün sayır. Məhkəməyə şahid qismində cəlb edilmiş X4 ifadəsində göstərdi ki, o, 30 ildir ki, Azərbaycan Respublikasının Əmək və Əhallinin Sosial Müdafiəsi Nazirliyinin tabeliyində Sosial Xidmətlər Agentliyinin 2 saylı Sağlamlıq İmkanları Məhdud Uşaqlar üçün Sosial Xidmət Müəssisəsində tərbiyəçi işləyir. Könül 2008-ci ildə müəssisəyə yerləşdirilmişdir və İndiyənədək uşaqla heç kəs maraqlanmamışdır. Könülün danışığında və hərəkətlərində qüsur vardır. Könülün 24-25 yaşı olar. Müəssisədə uşağa şərti olaraq X8 adı verilmişdir. Məhkəməyə şahid qismində cəlb edilmiş X2 ifadəsində bildirdi ki, o, 2007-ci ildən Azərbaycan Respublikasının Əmək və Əhallinin Sosial Müdafiəsi Nazirliyinin tabeliyində Sosial Xidmətlər Agentliyinin 2 saylı Sağlamlıq İmkanları Məhdud Uşaqlar üçün Sosial Xidmət Müəssisəsində işləyir. Könül 2008-ci ildə müəssisəyə yerləşdirilmişdir. Müəssisədə uşağa şərti olaraq X8 adı verilmişdir. İş materiallarında olan Azərbaycan Respublikasının Əmək və Əhallinin Sosial Müdafiəsi Nazirliyinin tabeliyində Sosial Xidmətlər Agentliyinin 2 saylı Sağlamlıq İmkanları Məhdud Uşaqlar üçün Sosial Xidmət Müəssisəsi publik hüquqi şəxsi tərəfindən verilmiş 13 yanvar 2022-ci il tarixli, 12 №-li arayışdan görünür ki, 1999-cu il təvəllüdlü Könül xx.xx.2008-ci il tarixdən “Ümid yeri” Uşaq sığınacağı və Reabilitasiya Mərkəzindən daxil olmuş və hal-hazıra kimi həqiqətən 2 saylı sağlamlıq imkanları məhdud uşaqlar üçün sosial xidmət müəssisəsi publik hüquqi şəxsdə (Saray 7 saylı ağıldankəm uşaqlar üçün internat evi) “Debillik dərəcəsində ağıl zəifliyi nitqin pozuntusu” diaqnozu ilə yaşayır. İş materiallarında olan “Ümid yeri” Uşaq sığınacağı və Reabilitasiya Mərkəzi tərəfindən 7 saylı ağıldankəm uşaqlar üçün internat evinə göndərilmiş 03 may 2008-ci il tarixli, 61 №-li məktubdan görünür ki, “Ümid yeri” Uşaq sığınacağı və Reabilitasiya Mərkəzi 10 ildən artıqdır ki, fəaliyyət göstərir. Bu illər ərzində 1000-ə yaxın valideyn himayəsindən məhrum, küçə həyatı yaşamağa məcbur uşağı səfil həyatından uzaqlaşdıraraq öz himayəsinə almışdır. Eyni zamanda uşaqların təhsil problemlərinin həlli, sağlamlıq və hüquqi sənədlərinin bərpasına çalışırlar. Bu qəbil uşaqlardan biri də xx.xx.2008-ci il tarixində adını bildirməyən bir vətəndaş tərəfindən təxminən 9 yaşlı özünü Könül adlandıran qız uşağı sığınacağa təhvil verilmişdir. Vətəndaşın sözünə görə uşaq 28 May metro stansiyasının çıxışında tək tənha dayanmışdır. Uşaq haqqında heç bir məlumat əldə edilməmişdir. Uşağın qeyri-adekvat davranışını və xüsusi qayğıya ehtiyacı olması səbəbindən uşağın onların müəssisəsində yaşaması mümkün deyildir. Yuxarıdakıları nəzərə alaraq, bu uşağın 7 saylı ağıldankəm uşaqlar üçün internat evinə qəbul edilməsi xahiş edilmişdir. Məhkəmə ərizəçi orqanın nümayəndəsini və şahidləri dinləyib, iş materiallarını tədqiq edərək hesab edir ki, ərizə qismən təmin edilməlidir. Belə ki, məhkəmə araşdırılması zamanı müəyyən edilmişdir ki, şərti olaraq 1999-cu il təvəllüdlü Könül adlı qız uşağı “Ümid yeri” Uşaq sığınacağı və Reabilitasiya Mərkəzindən xx.xx.2008-ci il tarixdə Azərbaycan Respublikasının Əmək və Əhallinin Sosial Müdafiəsi Nazirliyinin tabeliyində Sosial Xidmətlər Agentliyinin 2 saylı Sağlamlıq İmkanları Məhdud Uşaqlar üçün Sosial Xidmət Müəssisəsinə daxil olmuş və hal-hazıradək Könülə doğum haqqında şəhadətnaməsinin alınması mümkün olmamışdır.Mülki işin məhkəmə gedişatında təxmini 1999-cu il təvəllüdlü kimi məhkəməyə təqdim olunan Könülün yaşının müəyyən edilməsi üçün ekspertiza təyin edilmiş və Azərbaycan Respublikası Səhiyyə Naziriyi “Məhkəmə Tibbi Ekspertiza və X5” Publik Hüquqi tərəfindən verilmiş xx.xx.2023-cü il tarixli, 696 saylı rəydən görünür ki, Könülün müəyyən edilmiş sümük yaşı 20-25 ilə uyğun gəldiyi göstərilmişdir.Məhkəmə işin xüsusi faktiki hallarını və ərizədə xahiş olunanların məhkəmədən kənar müəyyən edilməsinin qeyri mümkünlüyünü nəzərə alaraq hesab edir ki,1999-cu il təvəllüdlü Könülün doğum faktının müəyyən edilməli, Könülə doğum haqqda şəhadətnamənin verilməsinin mümkünlüyü üçün şərti olaraq doğulduğu yerin-Bakı, ata qrafasında-atasının X9, ana qrafasında-anasının X6 yazılması göstərilməlidir. Bundan başqa Azərbaycan Respublikası vətəndaşlarının şəxsiyyət vəsiqəsinin rekzivitlərində “milliyət” qrafası olmadığından, məhkəmə hesab edir ki, ərizə şəhadətnamədə Məmmədyarova İlahənin valideynlərinin milliyətinin azərbaycanlı kimi qeyd edilməsi hissəsində rədd edilməlidir. Azərbaycan Respublikası Mülki Prossesual Məcəlləsinin 307.2.3-cü maddəsinə əsasən məhkəmə doğumun, övladlığa götürmənin, nikahın, boşanmanın, ölümün qeyd edilmə faktının müəyyən edilməsi barədə işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Həmin Məcəllənin 311-ci maddəsinə əsasən məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. Göstərilənlərə əsasən və Azərbaycan Respublikası MPM-in 216-220, 305, 307, 311 maddələrini rəhbər tutaraq, məhkəmə qət etdi: Ərizə qismən təmin edilsin. 1999-cu il təvəllüdlü Könülün doğum faktı müəyyən edilsin,doğum haqqında şəhadətnamədə soyadı- “Abbasova”, adı-“Könül”, ata adı-“Ramiz” doğum tarixi,1999-cu il”, doğulduğu yer-“Bakı”, ata qrafasında atası-“X9”, ana qrafasında anası-“X6” kimi qeyd edilsin. Qətnamə rəsmi qaydada verildiyi gündən 1 (bir) ay müddətində Abşeron Rayon Məhkəməsi vasitəsi ilə Sumqayıt Apellyasiya Məhkəməsinə apellyasiya şikayəti verilə bilər. Hakim: Elman Məmmədov