Abşeron Rayon Məhkəməsi Qətnamə — İş №2(012)-2901/2021

Azərbaycan Respublikası adından QƏTNAMƏ Xırdalan şəhəri İş № 2(012)-2901/2021 24.05.2021 ABŞERON RAYON MƏHKƏMƏSİ Hakim Məmmədov Elman Tofiq oğlunun sədirliyi Mirzəzadə Şəbnəm Çingiz qızının katibliyi Ərizəçi iştirakı ilə, Ərizəçi Maraqlı şəxsnə qarşı “ölüm faktının müəyyən edilməsi” tələbinə dair mülki işə 24 may 2021-ci il tarixdə Abşeron Rayon Məhkəməsinin binasında açıq məhkəmə iclasında baxaraq, müəyyən etdi: Ərizəçi ərizə ilə məhkəməyə müraciət edərək, 25.05.1948-ci il təvəllüdlü X2 08 mart 2021-ci il tarixdə Abşeron rayonu, Xırdalan şəhəri, MD-23, A.Ələsgər küçəsində yerləşən 22 saylı evdə ölməsi faktının müəyyən edilməsinə dair qətnamə qəbul edilməsini xahiş etmişdir. Məhkəmə iclasında Ərizəçi izahatında bildirdi ki, Abşeron rayonu, Xırdalan şəhəri, H.Əliyev prospektində qeydiyyatda olan və Abşeron rayonu, Xırdalan şəhəri, MD-23, A.Ələsgər küçəsində yerləşən 22 saylı evdə yaşayan 20.05.1948-ci il təvəllüdlü X3 onun həyat yoldaşı olmuşdur. Həyat yoldaşı 08.03.2021-ci il tarixdə faktiki yaşadığı Abşeron rayonu, Xırdalan şəhəri, MD-23, A.Ələsgər küçəsində yerləşən 22 saylı evdə vəfat etmişdir. Belə ki, 08.03.2021-ci il tarixdə faktiki yaşadıqları Abşeron rayonu, Xırdalan şəhəri, MD-23, A.Ələsgər küçəsində yerləşən 22 saylı evdə həyat yoldaşının halı qəflətən pisləşdi. Onlar Təcili və X6 Stansiyasına müraciət etdilər. Evə həkim briqadası gəldi. Həkimlər həyat yoldaşına ilkin tibbi yardım göstərməsinə baxmayaraq vəfat etdi. Abşeron Rayon Mərkəzi Xəstəxanası tərəfindən ona Xəbərdarlıq vərəqəsi verildi. Həmin Xəbərdarlıq vərəqəsi əsasında o, Abşeron Rayon Mərkəzi Xəstəxanasına müraciət etmişdir. Abşeron Rayon Mərkəzi Xəstəxanası tərəfindən ona 419 nömrəli, 29.03.2021-ci il tarixli cavab məktubu göndərilmiş və ölümün səbəbi məlum olmadığına və Abşeron Rayon Poliklinikasına hər hansı bir xəstəliklə bağlı müraciət etmədiyinə görə mərhumun adına “ölüm haqqında tibbi şəhadətnamə” verilmədiyi bildirilmişdir. O, bundan sonra Maraqlı şəxsnə müraciət etdi. Maraqlı şəxs tərəfindən də ona 31.03.2021-ci il tarixli imtina məktubu verilmiş aidiyyəti üzrə məhkəməyə müraciət etməyi tövsiyə edilmişdir. Qeyd olunanları təsdiqləyən şahidləri də vardır və şahid qismində məhkəmə iclasında iştirak edə bilərlər. Odur ki, o, iddia tələbinin təmin edilməsini məhkəmədən xahiş etdi. Maraqlı şəxs məhkəmə iclasının vaxtı və yeri barədə lazımi qaydada məlumat verilməsinə baxmayaraq, həmin qurumun nümayəndəsi məhkəmə iclasına gəlməmiş və gəlməmə səbəbləri barədə məlumat verməmişdir. Azərbaycan Respublikası MPM-nin 185.6-cı maddəsinə əsasən məhkəmə işə maraqlı şəxsin nümayəndəsinin iştirakı olmadan baxılmasını mümkün sayır. Məhkəməyə şahid qismində cəlb edilmiş X5 məhkəmədə ifadəsində bildirdi ki, mərhum X3 onun qaynatasıdır. O, ölən günədək qaynatasıyla bir evdə yaşamışdır. Qaynatası 08 mart 2021-ci il tarixdə vəfat etmiş və Gədəbəy rayonunun Qaraməmmədli kəndində yerləşən Qaraməmmədli kənd qəbiristanlığında dəfn edilmişdir. Məhkəməyə şahid qismində cəlb edilmiş X1 məhkəmədə ifadəsində bildirdi ki, mərhum X3 onun atasıdır. O, atası, anası, qardaşı və gəliniylə birlikdə 2005-ci ildən Abşeron rayonu, Mehdiabad qəsəbəsində yaşamışdır. Atası xəstə olmamışdır, 08 mart 2021-ci il tarixdə dünyasını dəyişmişdir. İş materiallarında olan Maraqlı şəxs tərəfindən qeydə alınmış AZ-İİ 345910 №-li nikah haqqında şəhadətnamədən görünür ki, X3 və Ərizəçi 18 iyul 2019-cu il il tarixində nikahlarını bağlamışlar və bu barədə nikahın bağlanması haqqında akt qeydləri kitabında 100 № ilə qeyd edilmişdir. İş materiallarında olan AR İcbari Tibbi Sığorta üzrə Dövlət Agentliyi “Tibbi Ərazi Bölmələrini İdarəetmə Birliyi” X9 Abşeron Rayon Mərkəzi Xəstəxanası tərəfindən verilmiş 29 mart 2021-ci il tarixli, 419 №-li cavab məktubundan görünür ki, Azərbaycan Respublikası Səhiyyə Nazirliyinin 31.01.2018-ci il tarixli İnsanın ölüm anının müəyyən edilməsi, reanimasiya tədbirlərinin dayandırılması meyarları və qaydasi”-nın təsdiq edilməsi barədə 05 nömrəli qərarının 4.3-cü bəndinə istinad edərək "ölüm haqqında tibbi şəhadətnamə” ölümün baş vermə səbəbi məlum olan hallarda xəbərdarlıq vərəqəsi” və (və ya) tibbi sənədlər (ambulator tibbi kitabça, xəstəlik tarixindən çıxarış və s.) əsasında 4.4-cü və 4.5-ci bəndləri istisna olmaqla vəfat edən şəxsin qeydiyyatda olduğu və ya faktiki yaşadığı ərazi üzrə ambulator tibb müəssisəsi tərəfindən verilir. X2 ölümünün səbəbi məlum olmadığına və Abşeron Rayon Poliklinikasına hər hansı bir xəstəliklə bağlı müraciət etmədiyinə görə onun adına “ölüm haqqında şəhadətnamə” tərəflərindən verilmir. İş materiallarında olan AR Ədliyyə Nazirliyi Maraqlı şəxs tərəfindən verilmiş 31 mart 2021-ci il tarixli məktubunda Azərbaycan Respublikası Nazirlər Kabinetinin 2003-cü il 31 oktyabr tarixli, 145 saylı qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı Qaydası”-nın 8.5-ci bəndinə əsasən, ölüm qeydiyyatı ölüm faktını təsdiq edən tibbi şəhadətnamə və ya vətəndaşın ölmüş elan edilməsi barədə məhkəmə qətnaməsi əsasında qeydə alına bilər. İş materiallarında olan Azərbaycan Respublikası Gədəbəy rayonu İcra Hakimiyyəti Başçısının Qaraməmmədli kənd İnzibati Ərazi Dairəsi üzrə nümayəndəliyi tərəfindən verilmiş 31 mart 2021-ci il tarixli məlumatdan görünür ki, mərhum X3 həqiqətən 09 mart 2021-ci il tarixində Gədəbəy rayonunun Qaraməmmədli kəndində yerləşən Qaraməmmədli kənd qəbiristanlığında mərhumun arvadı Ərizəçi və yaxın qohumlarının iştirakı ilə dəfn edilmişdir. Məhkəmə ərizəçini və şahidləri dinləyib, iş materiallarını tədqiq edərək hesab edir ki, ərizə əsaslı olduğundan təmin edilməlidir. Belə ki, 25.05.1948-ci il təvəllüdlü X2 08 mart 2021-ci il tarixdə Abşeron rayonu, Xırdalan şəhəri, MD-23, A.Ələsgər küçəsində yerləşən 22 saylı evdə ölməsi faktı ərizəçinin izahatı, şahidlərin ifadələri və iş materiallarına əlavə edilmiş digər sənədlərlə tam təsdiq olunur. Azərbaycan Respublikası Ailə Məcəlləsinin 193.1-ci maddəsinə görə ölümün qeydə alınması ölmüş şəxsin yaşamış olduğu yerdə və ya ölümün baş verdiyi yerdə aparılır. Həmin Məcəllənin 194 və 195-ci maddələrinə görə ölümün qeydə alınması ölmüş şəxsin qohumlarının, onun qonşularının, mənzil-istismar təşkilatları işçilərinin məlumatı üzrə, habelə ölümün baş vermiş olduğu təşkilatın müdiriyyətinin və başqa şəxslərin məlumatı üzrə aparılır. Ölüm haqqında məlumat ölümün baş verdiyi və ya meyidin tapıldığı vaxtdan 10 gündən gec olmayaraq verilməlidir. Azərbayacan Respublikası Nazirlər Kabinetinin 2003-cü il 31 oktyabr tarixli, 145 nömrəli qərarı ilə təsdiq edilmiş «Vətəndaşlıq vəziyyəti aktlarının dövlət qeydiyyatı Qaydası»nın 8.5-ci bəndinə görə ölüm faktı tibb müəssisəsinin müvafiq sənədi ilə (ölüm haqqında həkim arayışı, ölüm haqqında feldşer arayışı ilə) təsdiq edilməlidir. Ölüm faktı təsdiq edən sənəd ölüm haqqında akt qeydlərinin ikinci nüsxəsinə əlavə olunmalı və onun üzərində qeydlərin nömrəsi, ölümün qeydiyyat tarixi yazılmalıdır. Ölüm haqqında həkim şəhadətnaməsi olmadıqda, ölüm faktı məhkəmə tərəfindən müəyyən edilir. Azərbaycan Respublikası MPM-nin 307.1-ci maddəsinə əsasən məhkəmə fiziki və hüquqi şəxslərin şəxsi və əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. MPM-nin 307.2.8-ci maddəsinə görə məhkəmə müvafiq icra hakimiyyəti orqanlarının imtina etdiyi hallarda, şəxsin müəyyən vaxtda, müəyyən şəraitdə vəfat etməsi faktını müəyyən edir. Azərbaycan Respublikası MPM-nin 308-ci maddəsinə əsasən məhkəmə hüquqi əhəmiyyətli olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Məhkəmə hesab edir ki, qeyd olunan faktın müəyyən olunması ərizəçinin mülki və digər hüquqlarını həyata keçirməsinə təsir göstərir. Həmçinin, ərizəçi bu faktı təsdiq edən lazımi sənədi məhkəmədən kənar başqa qaydada ala bilməz. Azərbaycan Respublikası MPM-nin 315.2-ci maddəsinə əsasən şəxsi ölmüş elan edən məhkəmə qətnaməsi müvafiq icra hakimiyyəti orqanı tərəfindən vətəndaşlıq vəziyyəti aktlarının qeydiyyatı kitabına şəxsin ölməsi barədə qeyd etmək üçün əsasdır. Göstərilənlərə əsasən və Azərbaycan Respublikası MPM-in 216-220, 315 və 360-cı maddələrini rəhbər tutaraq, məhkəmə qət etdi: Ərizə təmin edilsin. 25.05.1948-ci il təvəllüdlü X2 08 mart 2021-ci il tarixdə Abşeron rayonu, Xırdalan şəhəri, MD-23, A.Ələsgər küçəsində yerləşən 22 saylı evdə ölməsi faktı müəyyən edilsin. Qətnamə rəsmi qaydada verildiyi gündən 1 (bir) ay müddətində Abşeron Rayon Məhkəməsi vasitəsi ilə Sumqayıt Apellyasiya Məhkəməsinə apellyasiya şikayəti verilə bilər. Hakim: Elman Məmmədov