Abşeron Rayon Məhkəməsi Qərardad — İş №2(012)-6980/2021

Azərbaycan Respublikası adından QƏRARDAD Xırdalan şəhəri İş № 2(012)-6980/2021 01.12.2021 ABŞERON RAYON MƏHKƏMƏSİ Mən, Abşeron Rayon Məhkəməsinin hakimi Səfiyeva Cəmilə İbrahim qızı, Ərizəçi hüquqi əhəmiyyəti olan faktın müəyyən edilməsi barədə ərizəsini nəzərdən keçirib, MÜƏYYƏN ETDİM: Ərizəçi hüquqi əhəmiyyəti olan faktın müəyyən edilməsi barədə ərizə ilə məhkəməyə müraciət edərək, Abşeron rayon İcraiyyə Komitəsinin 257 nömrəli 14 iyun 1989-cu il tarixli qərarı əsasında Abşeron rayonlararası texniki inventarlaşdırma bürosu tərəfindən verilmiş 9032 reyestrli qeydiyyat vəsiqəsində hüquq sahibi «X1» adının Abşeron rayon Ceyranbatan İcra Nümayəndəliyi tərəfindən verilmiş AZ-İİ № 227287 nömrəli Ölüm haqqında şəhadətnaməyə uyğun olaraq «X2» olması faktının müəyyən edilməsi barədə qətnamə qəbul edilməsini xahiş etmişdir. Ərizəni nəzərdən keçirib hesab edirəm ki, ərizə Azərbaycan Respublikasının MPMnin 149-cu maddəsi müəyyən edilmiş tələblərə uyğun tərtib edilmədiyindən geri qaytarılmalıdır. Azərbaycan Respublikası Mülki Prosessual Məcəlləsinin 307.2.5-ci maddəsinə əsasən məhkəmə şəxsin sənəddə göstərilən adı, atasının adı və ya soyadı onun şəxsiyyətini təsdiq edən sənəddə göstərilən adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktının müəyyən edilməsi barədə işlərə baxır. Göründüyü kimi Ərizəçi ərizəsinin nəticə hissəsində Abşeron rayon İcraiyyə Komitəsinin 257 nömrəli 14 iyun 1989-cu il tarixli qərarı əsasında Abşeron rayonlararası texniki inventarlaşdırma bürosu tərəfindən verilmiş 9032 reyestrli qeydiyyat vəsiqəsində hüquq sahibi «X1» adının Abşeron rayon Ceyranbatan İcra Nümayəndəliyi tərəfindən verilmiş AZ-İİ № 227287 nömrəli Ölüm haqqında şəhadətnaməyə uyğun olaraq «X2» olması faktının müəyyən edilməsini xahiş etmişdir ki, bu isə qanunun qeyd etdiyi tələblərdən kənardır. Azərbaycan Respublikası Mülki–Prosessual Məcəlləsinin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Ona görə də məhkəmə hesab edir ki, ərizə və ona əlavə olunmuş sənədlər geri qaytarılmalıdır. Eyni zamanda məhkəmə qeyd edir ki, Azərbaycan Respublikası Mülki Prosessual Məcəlləsinin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 149, 150, 152,1,1, 263, 264, 267 və 268-ci maddələrini rəhbər tutaraq, QƏRARA ALDİM : Ərizəçi hüquqi əhəmiyyəti olan faktın müəyyən edilməsi barədə ərizəsi və ona əlavə edilmiş sənədlər ərizəçiyə geri qaytarılsın. Göstəərilən nöqsanlar aradan qaldırıldıqdan sonra yenidən məhkəməyə müraciət etmək olar. Qərardad tərəfə rəsmi qaydada verildiyi gündən sonra 10 gün müddətində ondan Abşeron rayon Məhkəməsinə şikayət verilə bilər. Hakim:Cəmilə Səfiyeva