Balakən Rayon Məhkəməsi Qərardad — İş №2(019)-217/2021

Azərbaycan Respublikası adından QƏRARDAD Balakən Rayonu İş № 2(019)-217/2021 01.03.2021 BALAKƏN RAYON MƏHKƏMƏSİ Hakim Tahirov Zamin Cəbrayıl oğlunun sədrliyi, Qədirov İbadullah Şamil oğlunun katibliyi, İddiaçı, onun vəkili-Zaqatala rayon Vəkil Bürosunun vəkili X3 və Cavabdeh Hüseynbala oğlunun iştirakı ilə İddiaçı Cavabdeh Hüseynbala oğluna qarşı torpaq payının naturada ayrılması və torpaq sahəsindən çıxarılma tələbinə dair mülki işə açıq məhkəmə iclasında baxaraq, m ü ə y y ə n e t d i: İddiaçı Cavabdeh Hüseynbala oğluna qarşı iddia ərizəsi ilə məhkəməyə müraciət edərək, ƏMDK yanında DƏDRX-nin Hüquqların Dövlət qeydiyyatı haqqında daşınmaz əmlakın Dövlət reyestr nömrəsi **********39-10301 olan Çıxarışa əsasən 0,17 ha həyətyanı torpaq sahəsindən paylarına düşən torpaq sahəsinin naturada ayrılması və paylarına verilmiş həmin torpaq sahəsindən cavabdehin çıxarılması barədə qətnamə qəbul edilməsini xahiş etmişdir. Məhkəmə iclasında İddiaçı məhkəməyə ərizə ilə müraciət edərək, Cavabdeh Hüseynbala oğluna qarşı ƏMDK yanında DƏDRX-nin Hüquqların Dövlət qeydiyyatı haqqında daşınmaz əmlakın Dövlət reyestr nömrəsi **********39-10301 olan Çıxarışa əsasən 0,17 ha həyətyanı torpaq sahəsindən paylarına düşən torpaq sahəsinin naturada ayrılması və paylarına verilmiş həmin torpaq sahəsindən cavabdehin çıxarılması tələbinə dair iddia ərizəsinin geri qayrarılmasını və bu əsasla ərizəsinin baxılmamış saxlanmasını xahiş etmişdir. Məhkəmə iclasında iştirak edən Cavabdeh Hüseynbala oğlu hazırki iddia ərizəsinə dair mülki işin mahiyyəti üzrə baxılmasını tələb etmədiyini, iddia ərzəsinin geri qaytarılmasına və ərizənin baxılmamış saxlanmasına etiraz etmədiyini bildirmişdir. Azərbaycan Respublikası Mülki-Prosessual Məcəlləsinin (bundan sonra Azərbycan Respublikası MPM) 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə ərizə baxılmamış saxlanılır. Azərbaycan Respublikası MPM-nin 260.4-cü maddəsinə əsasən iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Məhkəmə iş üzrə sənədləri tədqiq edib, yuxarıda şərh edilənlərə əsasən hesab edir ki, İddiaçı iddia ərizəsinin qaytarılması barəsində ərizə verdiyindən, cavabdeh X1 işin mahiyyəti üzrə həll olunmasını tələb etmədiyindən, İddiaçı Cavabdeh Hüseynbala oğluna qarşı torpaq payının naturada ayrılması və torpaq sahəsindən çıxarılma tələbinə dair iddia ərizəsi baxılmamış saxlanmalı, iddia ərizəsinə əlavə edilmiş sənədlər iddiaçıya qaytarılmalı, həmçinin iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxsin ümumi qaydada ərizə ilə məhkəməyə yenidən müraciət etmək hüququ izah edilməlidir. Göstərilənlərə əsaslanaraq və Azərbaycan Respublikası MPM-nin 259, 260, 263-264 və 266-268-ci maddələrini rəhbər tutaraq, məhkəmə, q ə r a r a a l d ı: İddiaçı Cavabdeh Hüseynbala oğluna qarşı torpaq payının naturada ayrılması və torpaq sahəsindən çıxarılma tələbinə dair iddia ərizəsi baxılmamış saxlansın; iddia ərizəsinə əlavə edilmiş sənədlər İddiaçı qaytarılsın. İddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxsin ümumi qaydada ərizə ilə məhkəməyə yenidən müraciət etmək hüququ izah edilsin. Qərardaddan surəti tərəfə rəsmi qaydada verildikdən sonra 10 (on) gün müddətində Balakən Rayon Məhkəməsinə şikayət verilə bilər. Hakim: Zamin Tahirov