Balakən Rayon Məhkəməsi Qərardad — İş №2(019)-237/2021

Azərbaycan Respublikası adından QƏRARDAD Balakən Rayonu İş № 2(019)-237/2021 02.03.2021 BALAKƏN RAYON MƏHKƏMƏSİ Hakim Tahirov Zamin Cəbrayıl oğlunun sədrliyi, Qədirov İbadullah Şamil oğlunun katibliyi, İddiaçı və onun nümayəndəsi-vəkili Vəkil, mübahisə predmeti barəsində müstəqil tələb irəli sürməyən üçüncü şəxslər X6 və X3 iştirakı ilə İddiaçı Balakən Regional ASAN Xidmət Mərkəzinin Notariat ofisinə qarşı miras payının müəyyən edilməsi tələbinə dair mülki işə açıq məhkəmə iclasında baxaraq, m ü ə y y ə n e t d i: İddiaçı, mübahisə predmeti barəsində müstəqil tələb irəli sürməyən üçüncü şəxslər X6, X7 və X5 göstərilməklə, Balakən Regional ASAN Xidmət Mərkəzinə qarşı iddia ərizəsi ilə məhkəməyə müraciət edərək, mərhum atası X1 miras qalmış ünvan 1i ünvanında yerləşən 0,0668 ha həyətyanı torpaq sahəsindən və fərdi yaşayış evindən, JN-1051 nömrəli Torpağa Mülkiyyət Hüququna Dair Dövlət Aktına əsasən ümumi birgə mülkiyyətdə olan 0,83 ha kənd təsərrüfatı təyinatlı torpaq sahəsindən, Balakən rayonu Mahamalar kəndində (Təpəçöl) ərazisində yerləşən evinin və torpaq sahəsinin, ünvan 1ində (Təpəçöl) ərazisində yerləşən metaldan ibarət talvar qurğusundan, 100 başlıq mal damından, ünvan 1ində (Təpəçöl) ərazisində yerləşən yaşayış evindən, 100 baş mal damından, 200 baş mal damından, yem talvarı 600 kv.m, 100 başlıq mal damından payının müəyyən edilməsi barədə qətnamə çıxarılmasını xahiş etmişdir. Məhkəmə iclasında İddiaçı məhkəməyə ərizə ilə müraciət edərək, Balakən Regional ASAN Xidmət Mərkəzinin Notariat ofisinə qarşı miras payının müəyyən edilməsi tələbinə dair iddia ərizəsinin geri qayrarılmasını və bu əsasla ərizəsinin baxılmamış saxlanmasını xahiş etmişdir. Məhkəmə iclasında iştirak edən mübahisə predmeti barəsində müstəqil tələb irəli sürməyən üçüncü şəxslər X6 və X7 hazırki iddia ərizəsinin geri qaytarılmasına və ərizənin baxılmamış saxlanmasına etiraz etmədiklərini bildirmişlər. Cavabdeh Balakən Regional ASAN Xidmət Mərkəzinin Notariat ofisinin nümayəndəsi və mübahisə predmeti barəsində müstəqil tələb irəli sürməyən üçüncü şəxs X5 məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, məhkəmə iclasına gəlməmiş, gəlməmələrinin səbəbləri barədə məhkəməyə məlumat verməmiş, həmçinin onlardan işin mahiyyəti üzrə həll olunmasını tələb etməsi ilə bağlı hər hansı müraciət məhkəməyə daxil olmamışdır. Ona görə də məhkəmə hazırki işə cavabdehin nümayəndəsinin və üçüncü şəxs X2 iştirakı olmadan baxılmasını mümkün hesab etmişdir. Belə ki, Azərbaycan Respublikası Mülki-Prosessual Məcəlləsinin (bundan sonra Azərbaycan Respublikası MPM) 185.5-ci maddəsinə əsasən məhkəmə iclasının vaxtı və yeri haqqında lazımi qaydada xəbərdar edilmiş cavabdehin gəlməməsinin səbəbləri haqqında məlumat olmadıqda və ya məhkəməyə gəlməməyin səbəblərini üzrsüz hesab etdikdə, yaxud məhkəmə cavabdehin icraatı qəsdən yubandırdığını aşkar etdikdə, işə baxmağa haqlıdır. Azərbaycan Respublikası MPM-nin 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə ərizə baxılmamış saxlanılır. Azərbaycan Respublikası MPM-nin 260.4-cü maddəsinə əsasən iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Məhkəmə iş üzrə sənədləri tədqiq edib, yuxarıda şərh edilənlərə əsasən hesab edir ki, İddiaçı iddia ərizəsinin qaytarılması barəsində ərizə verdiyindən, cavabdeh tərəf işin mahiyyəti üzrə həll olunmasını tələb etmədiyindən, İddiaçı Balakən Regional ASAN Xidmət Mərkəzinin Notariat ofisinə qarşı miras payının müəyyən edilməsi tələbinə dair iddia ərizəsi baxılmamış saxlanmalı, iddia ərizəsinə əlavə edilmiş sənədlər iddiaçıya qaytarılmalı, həmçinin iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxsin ümumi qaydada ərizə ilə məhkəməyə yenidən müraciət etmək hüququ izah edilməlidir. Göstərilənlərə əsaslanaraq və Azərbaycan Respublikası MPM-nin 259, 260, 263-264 və 266-268-ci maddələrini rəhbər tutaraq, məhkəmə, q ə r a r a a l d ı: İddiaçı Balakən Regional ASAN Xidmət Mərkəzinin Notariat ofisinə qarşı miras payının müəyyən edilməsi tələbinə dair iddia ərizəsi baxılmamış saxlansın; iddia ərizəsinə əlavə edilmiş sənədlər İddiaçı qaytarılsın. İddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxsin ümumi qaydada ərizə ilə məhkəməyə yenidən müraciət etmək hüququ izah edilsin. Qərardaddan surəti tərəfə rəsmi qaydada verildikdən sonra 10 (on) gün müddətində Balakən Rayon Məhkəməsinə şikayət verilə bilər. Hakim: Zamin Tahirov