Balakən Rayon Məhkəməsi Qərardad — İş №2(019)-877/2021

Azərbaycan Respublikası adından QƏRARDAD Balakən Rayonu İş № 2(019)-877/2021 28.10.2021 BALAKƏN RAYON MƏHKƏMƏSİ Hakim Tahirov Zamin Cəbrayıl oğlunun sədrliyi, məhkəmə iclas katibi Qədirov İbadullah Şamil oğlunun katibliyi ilə, İddiaçılar İddiaçı1 və İddiaçı2 cavabdeh Balakən rayonu Qullar Bələdiyyəsinə qarşı ayrıc aktlarının etibarsız hesab edilməsi tələbinə dair mülki işə açıq məhkəmə iclasında baxaraq, müəyyən etdi: İddiaçılar İddiaçı1 və İddiaçı2 cavabdeh Balakən rayonu Qullar Bələdiyyəsinə qarşı qarşı məhkəməyə iddia ərizəsi ilə müraciət edərək, Balakən rayonu Qullar Bələdiyyəsi tərəfindən İddiaçı1 satılması nəzərədə tutulmuş, lakin X1 istifadəsində olan 0.10 ha torpaq sahəsinə işlənmiş Ayrıc aktının, İddiaçı2 qızma satılması nəzərədə tutulmuş, lakin İddiaçı1 istifadəsində olan 0.10 ha torpaq sahəsinə işlənmiş Ayrıc aktının, İddiaçı2 satılması nəzərədə tutulmuş, lakin X2 istifadəsində olan torpaq sahəsinə işlənmiş ayrıc aktlarının etibarsız hesab edilməsinə dair qətnamə çıxarılmasını xahiş etmişdir. İddiaçılar İddiaçı1, İddiaçı2 cavabdeh Balakən rayonu Qullar Bələdiyyəsinin nümayəndəsi, mübahisə predmeti barəsində müstəqil tələb irəli sürməyən üçüncü şəxslər Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti DƏDRX-nin 18 saylı Zaqatala Ərazi İdarəsinin nümayəndəsi, X3 və X4 məhkəmə iclaslarının vaxtı və yeri barədə lazımi qaydada xəbərdar edilmələrinə baxmayaraq, 12 oktyabr və 28.10.2021-ci il tarixə saat 11.10-a təyin olunmuş məhkəmə iclaslarına gəlməmişlər. Mübahisə predmeti barəsində müstəqil tələb irəli sürməyən üçüncü şəxslər Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti DƏDRX-nin 18 saylı Zaqatala Ərazi İdarəsinin nümayəndəsi məhkəməyə ərizə göndərərək Daşınmaz Əmlakın Dövlət Reyestri Xidmətinin 18 saylı Zaqatala Ərazi İdarəsində daşınmaz əmlak üzərində hüquqların dövlət qeydiyyatı üçün daxil olan müraciətlərlə bağlı görülən iş həcminin artması və eyni zamanda ərazi idarəsinin cavabdeh qismində cəlb edildiyi digər məhkəmə proseslərində nümayəndənin iştirakı ilə əlaqədar olaraq 28 oktyabr 2021-ci il tarixində saat 11:10-da baxılacaq 2(019)-877/2021 saylı mülki işin məhkəmə iclasında nümayəndələrinin iştirakını təmin etməyin mümkün olmayacağını bildirərək, nümayəndələrinin iştirakı olmadan işə baxılmasını xahiş etmişdir. Azərbaycan Respublikası Mülki-Prosessual Məcəlləsinin (bundan sonra Azərbaycan Respublikası MPM) 185.4-cü maddəsinə əsasən tərəflər və yaxud iddiaçı məhkəmə baxışının vaxtı və yeri haqqında lazımi qaydada xəbərdar edilib, lakin məhkəmə iclasına təkrarən gəlmədikdə məhkəmə həmin işə baxmağa haqlıdır. Belə hallarda bu Məcəllənin müvafiq olaraq 259.0.6. və 259.0.7-ci maddələri tətbiq edilir. Azərbaycan Respublikası MPM-nin 259.0.6-cı maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. Azərbaycan Respublikası MPM-nin 260.4-cü maddəsinə əsasən iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Azərbaycan Respublikası MPM-nin 260.3-cü maddəsinə əsasən qərardadda işdə iştirak edən şəxslərin arasında məhkəmə xərclərinin bölünməsi, büdcədən dövlət rüsumunun qaytarılması məsələləri həll edilə bilər. Məhkəmə iş üzrə sənədləri tədqiq edib, yuxarıda şərh edilənlərə əsasən hesab edir ki, tərəflərin iştirakı olmadan işə mahiyyəti üzrə baxmaq mümkün deyildir. Ona görə də iddiaçılar İddiaçı1 və İddiaçı2 cavabdeh Balakən rayonu Qullar Bələdiyyəsinə qarşı ayrıc aktlarının etibarsız hesab edilməsi tələbinə dair iddia ərizəsi baxılmamış saxlanmalı, iddiaçılar İddiaçı1 və İddiaçı2 tərəfindən ödənilmiş 10 manat dövlət rüsumu iddiaçılara qaytarılmalıdr. Həmçinin iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxsin ümumi qaydada ərizə ilə məhkəməyə yenidən müraciət etmək hüququ izah edilməlidir. Göstərilənlərə əsaslanaraq və Azərbaycan Respublikası MPM-nin 259-260, 263-264 və 266-268-ci maddələrini rəhbər tutaraq, məhkəmə q ə r a r a a l d ı: İddiaçılar İddiaçı1 və İddiaçı2 cavabdeh Balakən rayonu Qullar Bələdiyyəsinə qarşı ayrıc aktlarının etibarsız hesab edilməsi tələbinə dair iddia ərizəsi baxılmamış saxlansın; iddiaçılar İddiaçı1 və İddiaçı2 tərəfindən ödənilmiş 10 manat dövlət rüsumu iddiaçılara qaytarılsın. İddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxsin ümumi qaydada ərizə ilə məhkəməyə yenidən müraciət etmək hüququ izah edilsin. Qərardaddan surəti tərəfə rəsmi qaydada verildikdən sonra 10 (on) gün müddətində Balakən Rayon Məhkəməsinə şikayət verilə bilər. Sədrlik edən: Zamin Tahirov