Balakən Rayon Məhkəməsi Qərardad — İş №2(019)-993/2020

Azərbaycan Respublikası adından QƏRARDAD Balakən Rayonu İş № 2(019)-993/2020 12.11.2020 BALAKƏN RAYON MƏHKƏMƏSİ Balakən Rayon Məhkəməsinin hakimi Tahirov Zamin Cəbrayıl oğlu, İddiaçı1, İddiaçı2 və X1 Cavabdeh qarşı fərdi yaşayış evindən istifadə qaydalarının müəyyən edilməsi və evə köçürmə tələbinə dair məhkəməyə daxil olmuş ərizəsini və ona əlavə edilmiş sənədləri araşdıraraq, müəyyən etdim: İddiaçı1, İddiaçı2 və X3 Cavabdeh qarşı məhkəməyə iddia ərizəsi ilə müraciət edərək, 0.17 ha torpaq sahəsində yerləşən 1981-ci ildə tikilmiş ümumi sahəsi 102 kvm olan, 1 mərtəbəli 4 otaqdan ibarət fərdi yaşayış evindən istifadə qaydalarının müəyyən edilməsi və evin arxa tərəfində yerləşən 23 kvm-dən ibarət otağa İddiaçı1 və İddiaçı2 köçürülməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəllənin (bundan sonra Azərbaycan Respublikası MPM) 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. İddia ərizəsinin məhkəmə icraatının mümkünlüyü yoxlanılarkən müəyyən edilmişdir ki, ərizənin Azərbaycan Respublikası MPM-nin 149-cu maddəsi ilə müəyyən olunmuş formasına və məzmununa riayət olunmamışdır. Belə ki, Azərbaycan Respublikası MPM-nin 149.2.3-cü maddəsinə görə ərizədə iddiaçının və ya ərizəçinin tələbi, onların öz tələblərini əsaslandırdıqları hallar, iddia bir neçə cavabdehə verildikdə isə onların hər birinə qarşı yönələn tələb göstərilməlidir. Lakin hazırki iddia ərizəsində kimin mülkiyyətində olan fərdi yaşayış evindən hansı formada istifadə qaydalarının müəyyən edilməsi göstərilməməklə cavabdehə qarşı yönəldilmiş tələb ərizədə göstərilməmişdir. Bu da yuxarıda göstərilən qanun normalarına əsasən hazırki iddia ərizəsinin qaytarılması üçün əsasdır. Belə ki, Azərbaycan Respublikası MPM-nin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə olunmuş sənədləri geri qaytarır. Azərbaycan Respublikası MPM-nin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə əsasən hesab edirəm ki, İddiaçı1, İddiaçı2 və X1 Cavabdeh qarşı fərdi yaşayış evindən istifadə qaydalarının müəyyən edilməsi və evə köçürmə tələbinə dair iddia ərizəsi və ona əlavə edilmiş sənədlər geri qaytarılmalı və İddiaçı1, İddiaçı2 və X2 iddia ərizəsinin qaytarılmasına səbəb olmuş nöqsanlar aradan qaldırıldıqdan sonra ümumi qaydada ikinci dəfə müraciət etmək hüququ izah edilməlidir. Göstərilənlərə əsasən və Azərbaycan Respublikası MPM-nin 149-152, 263-264 və 266-268-ci maddələrini rəhbər tutub, q ə r a r a a l d ı m: İddiaçı1, İddiaçı2 və X1 Cavabdeh qarşı fərdi yaşayış evindən istifadə qaydalarının müəyyən edilməsi və evə köçürmə tələbinə dair iddia ərizəsi və ona əlavə edilmiş sənədlər geri qaytarılsın; İddiaçı1, İddiaçı2 və X2 iddia ərizəsinin qaytarılmasına səbəb olmuş nöqsanlar aradan qaldırıldıqdan sonra ümumi qaydada ikinci dəfə müraciət etmək hüququ izah edilsin. Qərardaddan surəti tərəfə rəsmi qaydada verildikdən sonra 10 (on) gün müddətində Balakən Rayon Məhkəməsinə şikayət verilə bilər. Hakim: Zamin Tahirov