Bərdə Rayon Məhkəməsi Qərardad — İş №2(021)-1330/2021

Azərbaycan Respublikası adından QƏRARDAD Bərdə rayonu İş № 2(021)-1330/2021 29.04.2021 BƏRDƏ RAYON MƏHKƏMƏSİ Hakim Əbilov Qamət Mehman oğlunun sədrliyi, X2 oğlunun iclas katibliyi ilə, İddiaçı Bərdə rayon Mirzalıbəyli kənd Bələdiyyəsinin Cavabdeh oğluna qarşı “bələdiyyə mülkiyyətində olan yolun açılması və yolun əvvəlki vəziyyətinə gətirilməsi ” tələbinə dair mülki işə Bərdə şəhərində açıq məhkəmə iclasında baxaraq, məhkəmə müəyyən etdi: İddiaçı Bərdə rayon Mirzalıbəyli kənd Bələdiyyəsi iddia ərizəsi ilə məhkəməyə müraciət edərək, Cavabdeh Bərdə rayonu Mirzalıbəyli Bələdiyyəsinin mülkiyyətində və balansında olan Dəhnə yolu adlanan sahələrarası yoldan qanunsuz bağladığı 6.8 metr enində 250 metr uzunluğunda hissəsini açmasına və açdıqdan sonra onu öz hesabına bərpa etməklə əvvəlki vəziyyətinə gətirilməsinə, həmçinin ödənilmiş 10 manatın cavabdehdən tutularaq Bərdə rayon Mirzalıbəyli Bələdiyyəsinə ödənilməsinə dair qətnamə qəbul olunmasını xahiş etmişdir. Tərəflər məhkəmə iclasına çağırılmalarına baxmayaraq gəlməmiş və işə onların iştirakı olmadan baxılmasını məhkəmədən xahiş etməmişlər Azərbaycan Respublikası MPM-nin 259.0.6-cı maddəsinin tələbinə görə işə onların iştirakı olmadan baxmağı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. Məhkəmə işdə olan sənədləri araşdırıb, belə hesab edir ki, iddia ərizəsi Azərbaycan Respublikası MPM-nin 259.0.6-cı maddələrinin tələbinə əsasən baxılmamış saxlanılmalıdır. İddiaçıya həmin Məcəllənin 260.4-cü maddəsinə əsasən ərizənin baxılmamış saxlanması üçün səbəb olan şərait aradan qaldırıldıqdan sonra ümumi qaydada ərizə ilə məhkəməyə yenidən müraciət etmək hüququ izah olunmalıdır. Göstərilənləri nəzərə alaraq və Azərbaycan Respublikasi Mulki Prossesual Məcəlləsinin 259.0.6, 260.4, 263, 264, 266-268-ci maddələrini rəhbər tutaraq, QƏRARA A L D İ: İddiaçı Bərdə rayon Mirzalıbəyli kənd Bələdiyyəsinin Cavabdeh qarşı “bələdiyyə mülkiyyətində olan yolun açılması və yolun əvvəlki vəziyyətinə gətirilməsi ” tələbinə dair iddia ərizəsi baxılmamış saxlanılsın. İddiaçı Bərdə rayon Mirzalıbəyli kənd Bələdiyyəsinə yenidən məhkəməyə müraciət etmək hüququnun olması izah edilsin. Qərardaddan rəsmi qaydada verildiyi gündən 10 gün müddətinə Bərdə rayon məhkəməsinə şikayət vermək olar. ,