Bərdə Rayon Məhkəməsi Qətnamə — İş №2(021)-1706/2021

Azərbaycan Respublikası adından QƏTNAMƏ Bərdə rayonu İş № 2(021)-1706/2021 20.05.2021 BƏRDƏ RAYON MƏHKƏMƏSİ Bərdə Rayon Məhkəməsinin hakimi Əhmədov Elsun Məzahir oğlu iddiaçı "xxxx" MMC-nin Cavabdeh qarşı pul tələbinə dair iddia ərizəsi üzrə mülki işə Bərdə Rayon Məhkəməsinin inzibati binasında kiçik iddialara dair işlər üzrə sadələşdirilmiş icraat qaydasında baxaraq, M Ü Ə Y Y Ə N E T D İ: İddiaçı "xxxx" MMC Cavabdeh qarşı pul tələbinə dair kiçik mübahisələr üzrə iddia ərizəsi ilə Bərdə Rayon Məhkəməsinə müraciət etmişdir. İddia tələbi onunla əsaslandırılmışdır ki, tərəflər arasında bağlanmış 13 noyabr 2019-cu il, 07 dekabr 2019-cu il və 03 fevral 2020-ci tarixli saylı müqaviləyə əsasən cavabdeh iddiaçıdan “Samsung Galaxy A40” markalı telefon, MYKRONOZ markalı saat, X3 88 T markalı mobil telefon almışdır. Cavabdeh müqavilənin şərtlərini pozmuş və nəticədə onun iddiaçıya 1523 manat (əsas borc – 1384.4 manat, cərimə - 138.6 manat) borcu yaranmışdır. Azərbaycan Respublikası Mülki Prosessual Məcəlləsinin 284-1-ci maddəsinə əsasən, mülki işlər üzrə iddianın qiyməti iki min manatdan ... az olan iddialar (kiçik iddialar) üzrə işlərə ... sadələşdirilmiş qaydada baxılmasına yol verilir. İddia ərizəsi kiçik iddialara dair işlər üzrə sadələşdirilmiş icraat qaydasında baxılması üçün icraata qəbul edilmiş və cavabdehə bildiriş göndərilərək, bildirişi rəsmi qaydada aldığı gündən 10 iş günü müddətində iddiaya qarşı əsaslandırılmış etirazını və ona əlavə olunmuş sənədləri məhkəməyə göndərmək hüququnun olması izah edilmişdir. Cavabdeh tərəfindən iddiaya qarşı əsaslandırılmış etiraz məhkəməyə daxil olmamış və məhkəmə iddiaçının təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxaraq belə nəticəyə gəlir ki, iddia tələbi aşağıdakı əsaslara görə təmin edilməlidir. İş materiallarında olan 13 noyabr 2019-cu il, 07 dekabr 2019-cu il və 03 fevral 2020-ci il tarixli müqavilədən görünür ki, həmin müqavilə "xxxx" MMC ilə Cavabdeh Fəxrəddin oğlu arasında bağlanmış və müqaviləyə əsasən Cavabdeh Fəxrəddin oğlu "xxxx" MMC-dən “Samsung Galaxy A40” markalı telefon, MYKRONOZ markalı saat, X3 88 T markalı mobil mobil telefon və aksesuar almışdır. İş materiallarında olan 13 noyabr 2019-cu il tarixli ödəniş cədvəlindən görünür ki, Cavabdeh 18 ay ərzində, hər ay 46 manat ödəmək şərti ilə aldığı malın dəyərini 15 iyun 2021-ci il tarixədək "xxxx" MMC-yə ödəməli idi. İş materiallarında olan 07 dekabr 2019-cu il tarixli ödəniş cədvəlindən görünür ki, Cavabdeh oğluna 12 ay ərzində, hər ay 31 manat ödəmək şərti ilə aldığı malın dəyərini 07 dekabr 2020-ci il tarixədək "xxxx" MMC-yə ödəməli idi. İş materiallarında olan 03 fevral 2020-ci il tarixli ödəniş cədvəlindən görünür ki, Cavabdeh oğluna 12 ay ərzində, hər ay 34.7 manat ödəmək şərti ilə aldığı malın dəyərini 03 fevral 2021-ci il tarixədək "xxxx" MMC-yə ödəməli idi. İş materiallarında olan maliyyə arayışında müəyyən olunur ki, Cavabdeh "xxxx" MMCyə 1384.4 manat əsas borc və 138.6 manat cərimə olmaqla, cəmi 1523 manat borcu mövcuddur. İş materiallarında olan 19 avqust 2020-ci il tarixli xəbərdarlıq məktubundan görünür ki, cavabdeh X1 borcun mövcud olması barədə və öhdəlik icra edilmədiyi təqdirdə iddiaçı tərəfindən atılacaq qanunvericilikdə nəzərdə tutulmuş addımlar barədə məlumatlandırılmışdır. Azərbaycan Respublikası Mülki Məcəlləsinin 567-ci maddəsinə əsasən, alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. Mülki Məcəllənin 448.1-ci maddəsinə əsasən, əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Qeyd olunanlara əsasən məhkəmə hesab edir ki, Cavabdeh Fəxrəddin oğlundan 1384.4 manat əsas borc və 138.6 manat cərimə olmaqla, cəmi 1523 manat borc tutularaq iddiaçı "xxxx" MMC-yə ödənilməlidir. Azərbaycan Respublikasının Mülki Prosessual Məcəlləsinin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Şərh olunanlara əsasən və Azərbaycan Respublikası Mülki Prosessual Məcəlləsinin 284-1, 216-220 və 360-cı maddələrini rəhbər tutaraq, məhkəmə QƏT E T D İ: İddia tələbi təmin edilsin. Cavabdeh 1384.4 manat əsas borc və 138.6 manat cərimə olmaqla, cəmi 1523 (min beş yüz iyirmi üç) manat borc və 30 (iyirmi) manat ödənilmiş dövlət rüsumu tutularaq iddiaçı "xxxx" MMC-yə ödənilsin. Qətnamədən onun rəsmi qaydada verildiyi gündən 1 (bir) ay müddətində Bərdə Rayon Məhkəməsi vasitəsi ilə Gəncə Apellyasiya Məhkəməsinin Mülki Kollegiyasına apellyasiya şikayəti verilə bilər. Qətnamədən şikayət verilmədiyi təqdirdə qəbul edildiyi gündən 1 (bir) ay keçdikdən sonra qanuni qüvvəyə minir.