Zəngilan Rayon Məhkəməsi Qərardad — İş №2(034)-6/2021

Azərbaycan Respublikası adından QƏRARDAD Zəngilan rayonu İş № 2(034)-6/2021 02.11.2021 ZƏNGİLAN RAYON MƏHKƏMƏSİ Hakim İmanova Gülsarə Kərimovnanın sədrliyi, Məhkəmə iclasının katibi Mahmudov Ağa Alqulu oğlunun katibliyi ilə, İddiaçı Qapalı Səhmdar Cəmiyyətinin cavabdehlər Cavabdeh1, Cavabdeh2 və Cavabdeh3 qarşı «kredit müqaviləsi üzrə borc» tələbinə dair iddia ərizəsi üzrə mülki işə açıq məhkəmə iclasında baxaraq, MÜƏYYƏN ETDİ: İddiaçı QSC-nin cavabdehlər Cavabdeh1, Cavabdeh2 və Cavabdeh3 qarşı «krdit müqaviləsi üzrə borc» tələbinə dair iddia ərizəsi ilə Zəngilan rayon məhkəməsinə müraciət edərək, cavabdehlər Cavabdeh1, Cavabdeh2, Cavabdeh3 müştərək qaydada İddiaçı Qapalı Səhmdar Cəmiyyətinin xeyrinə 002R********** saylı kredit razılaşması üzrə 22663.22 ABŞ dolları məbləğində kredit borcu, 16641.51 ABŞ dolları məbləğində faiz borcu və 7,831.47 ABŞ dolları məbləğində cərimə borcu olmaqla, ümumilikdə cəmi 47136.20 ABŞ dolları məbləğində borcun, 30 manat məbləğində dövlət rüsumunun tutulması barədə qətnamə çıxarılmasını xahiş etmişdir. İddiaçı həmçinin iddia tələbinin dəyişdirilməsi barədə ərizə ilə məhkəməyə müraciət edərək cavabdehlər Cavabdeh1, Cavabdeh2, Cavabdeh3 müştərək qaydada İddiaçı Qapalı Səhmdar Cəmiyyətinin xeyrinə 002R********** saylı kredit razılaşması üzrə 22663.22 ABŞ dolları məbləğində kredit borcu, 16641.51 ABŞ Dolları məbləğində faiz borcu və 7831.47 ABŞ dolları məbləğində cərimə borcu olmaqla, ümumilikdə cəmi 47136 (qırx yeddi min yüz otuz altı) ABŞ dolları 20 (iyirmi) sent məbləğində borcun, məhkəmədə iddia qaldırmaq üçün ödənilmiş 30(otuz) manat məbləğində dövlət rüsumunun, ipoteka predmetinə tutmanın yönəldilməsi barədə bildirişin qeydə alınması üçün ödənilmiş 10 manat dövlət rüsumunun və 20 manat xidmət haqqının tutulması; tələbin Sumqayıt şəhəri 16-cı mikrorayonda xüsusi mülkiyyətində olan 0.01555 ha torpaq sahəsi və üzərindəki 220.0 kv.m ümumi, 115.2 kv.m yaşayış, 104.8 kv.m yardımçı sahədən ibarət 2 mərtəbəli 4 otaqlı 164A saylı fərdi yaşayış evinə yönəldilməsi və həmin fərdi yaşayış evinin açıq hərracdan satılması və 47136.20 ABŞ dolları məbləğində borcun, məhkəmədə iddia qaldırmaq üçün tərəfimizdən ödənilmiş 30 manat dövlət rüsumunun, ipoteka predmetinə tutmanın yönəldilməsi barədə bildirişin qeydə alınması üçün ödənilmiş 10 manat dövlət rüsumunun və 20 manat xidmət haqqının həmin əmlakın hərracdan satışından əldə olunan vəsait hesabına İddiaçı QSC-nə ödənilməsi; hərracdan əldə olunmuş vəsait borcun tam ödənilməsinə kifayət etmədikdə qalan məbləğin Cavabdeh1, Cavabdeh2, Cavabdeh3 ümumi qaydada tutulması; Sumqayıt şəhəri 16-cı mikrorayonda xüsusi mülkiyyətində olan 0.01555 ha torpaq sahəsi və üzərindəki 220.0 kv.m ümumi, 115.2 kv.m yaşayış, 104.8 kv.m yardımçı sahədən ibarət 2 mərtəbəli 4 otaqlı 164A saylı fərdi yaşayış evinə tutma yönəldildikdən və o satıldıqdan 1 (bir) ay sonra Cavabdeh3, X1, X2 və X3 həmin fərdi yaşayış evinə istifadə hüququnun itirilməsi, fərdi yaşayış evindən çıxarılması, fərdi yaşayış evinin boşaldılması və hərracın nəticələri üzrə alıcıya təhvil verilməsi barədə qətnamə çıxarılmasını məhkəmədən xahiş etmişdir. İddiaçı ərizə ilə məhkəməyə müraciət edərək mülki işin baxılmamış saxlanılmasını, iddia əriəzəsi və ona əlavə edilmiş sənədlərin əslinin geri qaytarılmasını xahiş etmişdir. Cavabdehlər isə mülki işə mahiyyəti üzrə baxılmasını tələb etməmişlər. Azərbaycan Respublikası MPM-nin 259.0.11-ci maddəsinə əsasən «iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə» məhkəmə ərizəni baxılmamış saxlayır. Məhkmə qeyd olunanları nəzərə alaraq hesab edir ki, İddiaçı Qapalı Səhmdar Cəmiyyətinin cavabdehlər Cavabdeh1, Cavabdeh2 və Cavabdeh3 qarşı «kredit müqaviləsi üzrə borc» tələbinə dair iddia ərizəsi baxılmamış saxlanmalıdır. Qeyd olunanlara əsasən və Azərbaycan Respublikası MPM-nin 259, 260, 263, 264, 266 – 268-ci maddələrini rəhbər tutaraq, məhkəmə QƏRARA ALDİ: İddiaçı Qapalı Səhmdar Cəmiyyətinin cavabdehlər Cavabdeh1, Cavabdeh2 və Cavabdeh3 qarşı «kredit müqaviləsi üzrə borc» tələbinə dair iddia ərizəsi baxılmamış saxlanılsın. Qərardaddan 10 gün müddətində Zəngilan Rayon Məhkəməsinə şikayət verilə bilər. Sədrlik edən Gülsarə İmanova