Gəncə Şəhəri Kəpəz Rayon Məhkəməsi Qərardad — İş №2(043)-276/2021

Azərbaycan Respublikası adından QƏRARDAD Gəncə şəhəri İş № 2(043)-276/2021 29.03.2021 GƏNCƏ ŞƏHƏRİ KƏPƏZ RAYON MƏHKƏMƏSİ Hakim Tağıyev Cavid Tahir oğlunun sədrliyi, Süleymanlı Süleyman Rəşid oğlunun katibliyi, İddiaçı və onun vəkili X1, cavabdehlər Cavabdeh1 və Cavabdeh2 başçısı yanında qəyyumluq və himayəçilik komissiyasının nümayəndəsi X2 iştirakları ilə, İddiaçı cavabdehlər Cavabdeh1 və Cavabdeh2nə qarşı qəyyum təyin edilməsinə dair xx.xx.2019-cu il tarixli 169 nömrəli sərəncamın ləğv edilməsi və uşaqların nənələrindən alınıb ona verilməsi tələbinə dair iddia ərizəsi üzrə mülki işə məhkəmənin binasında, açıq məhkəmə iclasında baxaraq məhkəmə, müəyyən etdi: İddiaçı cavabdehlər Cavabdeh1 və Cavabdeh2nə qarşı iddia ərizəsi ilə məhkəməyə müraciət edərək Cavabdeh2 başçısının uşaqlarına qəyyum təyin edilməsinə dair xx.xx.2019-cu il tarixli sərəncamını ləğv edib , azyaşlı uşaqları Uğur və Həsrətin nənənləri Cavabdeh1 alınıb ona verilməsinə dair qətnamə çıxarılmasını xahiş etmişdir. Məhkəmə iclasında İddiaçı məhkəməyə ərizə təqdim edərək uşaqların nənələrinin yanında qalmaq istədikləri üçün iddiasından imtina etdiyini göstərdi. Məhkəmə iclasında Cavabdeh1 iddiaçının iddiadan imtina etdiyi üçün iş üzrə icraata xitam verilməsini məhkəmədən xahiş etdi. Məhkəmə iddiaçının ərizəsini və mülki iş materiallarını araşdıraraq hesab edir ki, iş üzrə icraata xitam verilməlidir. Azərbaycan Respublikasının Mülki-Prosessual Məcəlləsinin 261.0.4-cü maddəsinə əsasən, iddiaçı iddiadan imtina etmişsə və bu imtina məhkəmə tərəfindən qəbul olunmuşsa iş üzrə icraata xitam verilməlidir. Həmin Məcəllənin 262.4-cü maddəsinə əsasən işin icraatına xitam verildikdə, eyni tərəflər arasında, eyni predmet haqqında və eyni əsaslar üzrə mübahisə barəsində məhkəməyə müraciət edilməsinə yol verilmir. Göstərilənləri nəzərərə alaraq və Azərbaycan Respublikasının Mülki-Prosessual Məcəlləsinin 261-264, 266, 267 və 268-ci maddələrini rəhbər tutaraq, məhkəmə, q ə r a r a a l d ı: İddiaçı cavabdehlər Cavabdeh1 və Cavabdeh2nə qarşı qəyyum təyin edilməsinə dair xx.xx.2019-cu il tarixli 169 nömrəli sərəncamın ləğv edilməsi və uşaqların nənələrindən alınıb ona verilməsi tələbinə dair mülki iş üzrə icraata iddiaçı iddiasından imtina etdiyindən xitam verilsin. Qərardadın surəti tərəflərə rəsmi qaydada verildikdən sonra 10 (on) gün müddətində Gəncə Şəhəri Kəpəz Rayon Məhkəməsinə şikayət verilə bilər. Hakim Cavid Tağıyev