Gəncə Şəhəri Nizami Rayon Məhkəməsi Qətnamə — İş №2(044)-1075/2021

Azərbaycan Respublikası adından QƏTNAMƏ Gəncə şəhəri İş № 2(044)-1075/2021 20.05.2021 GƏNCƏ ŞƏHƏRİ NİZAMİ RAYON MƏHKƏMƏSİ Hakim Şirinov Gündüz Əhməd oğlunun sədrliyi, Əlizadə Kamran Mehman oğlunun katibliyi, İddiaçının nümayəndəsi X1 iştirakı ilə, İddiaçı «xxxx» MMC-nin Cavabdeh qarşı «pul» tələbinə dair iddiası üzrə mülki işə Gəncə şəhərində məhkəmənin binasında açıq məhkəmə iclasında baxaraq, MÜƏYYƏN ETDİ: İddiaçı «xxxx» MMC Cavabdeh qarşı «pul» tələbinə dair iddia ərizəsi ilə məhkəməyə müraciət edərək, Cavabdeh 05.07.2018-ci il tarixli müqaviləyə əsasən, Gorenje KAM24FOPHH markalı məişət əşyası üçün 114 manat ödənilməmiş hissə, 34 manat dəbbə pulu, 14.05.2019-cu il tarixli müqaviləyə əsasən LG A18CMH markalı kondisioner üçün 1708 manat ödənilməmiş hissə, 512 manat dəbbə pulu, cəmi 2368 manat və ödənilmiş 30 manat dövlət rüsumu alınaraq «xxxx» MMC-nə ödənilməsi barədə qətnamə çıxarılmasını xahiş etmişdir. İddia ərizəsi onunla əsaslandırılmışdır ki, iddiaçı ilə cavabdeh arasında bağlanmış 05.07.2018-ci il tarixli və 14.05.2019-cu il tarixli müqavilələrə əsasən Gorenje KAM24FOPHH markalı məişət əşyası və LG A18CMH markalı kondisioner almış və nəticədə 2368 manat məbləğində borcu yaranmışdır. Cavabdeh müqavilənin şərtlərini pozmuş, kredit müqavilələri üzrə üzərinə düşən öhdəlikləri vaxtında və lazımınca yerinə yetirməmişdir. Cavabdehin ödədiyi məbləğ cəmi 1404 manat təşkil edir. Cavabdehə borcun ödənilməsi barədə dəfələrlə şifahi və yazılı xəbərdarlıq edilməsinə baxmayaraq, cavabdeh müqavilənin şərtlərini pozmuşdur. İddiaçının nümayəndəsi X2 məhkəmə iclasında iddia ərizəsinə uyğun izahat verdi və məhkəmədən iddia tələbinin təmin olunması barədə qətnamə çıxarılmasını xahiş etdi. Cavabdeh məhkəmə iclasının vaxtı və yeri barədə xəbərdar edilməsinə baxmayaraq gəlməmişdir. Məhkəmə Azərbaycan Respublikası MPM-nin 185.5-ci maddəsinə əsasən işə cavabdehin iştirakı olmadan baxılmasını mümkün hesab etdi. Məhkəmə iddiaçının nümayəndəsinin izahatını dinləyib, iş materiallarını araşdıraraq hesab edir ki, iddia qismən təmin edilməlidir. Belə ki, 14.05.2019-cü il tarixli 00661137 saylı müqavilənin surətindən görünür ki, «xxxx» MMC tərəfindən Cavabdeh LG A18CMH markalı kondisioner satılmışdır. 05.07.2018-ci il tarixli K00201080 saylı müqavilənin surətindən görünür ki, «xxxx» MMC tərəfindən Cavabdeh Gorenje KAM24FOPHH markalı məişət əşyası satılmışdır. Azərbaycan Respublikası Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn, pul ödəməli, xidmətlər göstərməli, əmlak verməli, iş görməli və i.a və ya müəyyən hərəkətdən çəkinməlidir, kreditorun isə borcludan vəzifəsinin icrasının tələb etmək hüququ vardır. Azərbaycan Respublikası Mülki Məcəllənin 467-ci maddəsinə görə, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Məhkəmə hesab edir ki, iddia qismən təmin edilməli, Cavabdeh 05.07.2018-ci il tarixli müqaviləyə əsasən, “Gorenje KAM24FOPHH” markalı məişət əşyası üçün 114 manat ödənilməmiş hissə, 5 manat dəbbə pulu, 14.05.2019-cu il tarixli müqaviləyə əsasən “LG A18CMH” markalı kondisioner üçün 1708 manat ödənilməmiş hissə, 5 manat dəbbə pulu, cəmi 1832 (min səkkiz yüz otuz iki) manat və ödənilmiş 30 manat dövlət rüsumu alınaraq «xxxx» MMC-nə ödənilməlidir. Azərbaycan Respublikası MPM-nin 119.1-ci maddəsinin tələblərinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Şərh olunanlara və Azərbaycan Respublikası MPM-in 119.1, 216-220, 227, 233 və 360-cı maddələrinə əsasən, məhkəmə QƏT ETDİ: İddia qismən təmin edilsin. Cavabdeh 05.07.2018-ci il tarixli müqaviləyə əsasən, “Gorenje KAM24FOPHH” markalı məişət əşyası üçün 114 manat ödənilməmiş hissə, 5 manat dəbbə pulu, 14.05.2019-cu il tarixli müqaviləyə əsasən “LG A18CMH” markalı kondisioner üçün 1708 manat ödənilməmiş hissə, 5 manat dəbbə pulu və ödənilmiş 30 manat dövlət rüsumu alınaraq «xxxx» MMC-nə ödənilsin. İddia tələbi qalan hissədə təmin edilməsin. Qətnamədən bir ay müddətində Gəncə şəhəri Nizami Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Gündüz Şirinov