Gəncə Şəhəri Nizami Rayon Məhkəməsi Qərardad — İş №2(044)-1152/2021

Azərbaycan Respublikası adından QƏRARDAD Gəncə şəhəri İş № 2(044)-1152/2021 20.04.2021 GƏNCƏ ŞƏHƏRİ NİZAMİ RAYON MƏHKƏMƏSİ Gəncə şəhəri Nizami rayon Məhkəməsinin Hakimi Hünmətov Zaur Adil oğlunun sədrliyi, Əsgərov Yadigar Əsgər oğlunun katibliyi, İddiaçı X1, Cavabdeh- Gəncə şəhəri Qaz İstismar sahəsinin nümayəndəsi X3 iştirakı ilə, İddiaçı X1 cavabdeh Gəncə şəhəri Qaz İstismar sahəsinə qarşı «borcun silinməsi» tələbinə dair iddia ərizəsi üzrə mülki işə açıq məhkəmə iclasında baxaraq, məhkəmə M ü ə y y ə n e t d i: İddiaçı X2 məhkəməyə müraciət edərək Gəncə şəhəri Qaz İstismar sahəsi tərəfindən qaz sərfiyyatına görə Gəncə şəhəri, Q.Ş.Hüseynli küçəsi, ev 16-da quraşdırılan smartkart sayğacına görə qeyri-qanuni yazılmış 2800 manat borcun silinməsi və qazın mənzilə verilməsi barədə qətnamə qəbul edilməsini xahiş etmişdir. İddiaçı X2 xx.xx.2021-ci il tarixdə məhkəməyə ərizə ünvanlayaraq iddia ərizəsini baxılmamış saxlayaraq, ərizə və ona əlavə edilmiş sənədlərin geri qaytarılmasını məhkəmədən xahiş etmişdir. Məhkəmə iclasınında iştirak cavabdeh Gəncə şəhəri Qaz İstismar sahəsinin nümayəndəsi X4 iddianın baxılmamış saxlanılmasına etirazının olmadığını bildirdi. Məhkəmə ərizə və ona əlavə olunmuş sənədləri nəzərdən keçirərək hesab edir ki, ərizə baxılmamış saxlanılmalıdır. Azərbaycan Respublikası Mülki Prosessual Məcəllənin 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. Mülki Prosessual Məcəllənin 260.4-cü maddəsinə əsasən iddianın baxılmamış saxlanılması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Məhkəmə ərizəni və iş materiallarını araşdıraraq hesab edir ki, ərizə baxılmamış saxlanılmalıdır. Yuxarıda göstərilənlərə əsasən və Azərbaycan Respublikası MPM-nin 259, 263-264, 266-268-ci maddələrini rəhbər tutub, məhkəmə Qərara aldı: İddiaçı X1 cavabdeh Gəncə şəhəri Qaz İstismar sahəsinə qarşı «borcun silinməsi» tələbinə dair iddia ərizəsi baxılmamış saxlanılsın. İddia ərizəsi və ona əlavə edilmiş sənədlər iddiaçıya geri qaytarılsın. Qərardaddan rəsmi qaydada verildikdən sonra 10 (on) gün müddətində Gəncə şəhəri Nizami rayon Məhkəməsinə şikayət verilə bilər. Sədrlik edən: Zaur Hünmətov