Gəncə Şəhəri Nizami Rayon Məhkəməsi Qətnamə — İş №2(044)-1424/2021

Azərbaycan Respublikası adından QƏTNAMƏ Gəncə şəhəri İş № 2(044)-1424/2021 06.05.2021 GƏNCƏ ŞƏHƏRİ NİZAMİ RAYON MƏHKƏMƏSİ Gəncə şəhəri Nizami Rayon Məhkəməsinin hakimi Hüseynov Kənan Zakir oğlu, ABC X1 Cəmiyyətinin Cavabdeh qarşı borc tələbi barədə mülki işə məhkəmənin inzibati binasında kiçik iddialara dair işlər üzrə sadələşdirilmiş icraat qaydasında baxaraq MÜƏYYƏN ETDİM: ABC Telecom MMC Cavabdeh qarşı ərizə ilə məhkəməyə müraciət edərək sonuncudan 06.01.2020-ci il tarixli müqaviləsinə əsasən, İMEİ kodu **********97947 Samsung Galaxy A10 markalı telefon üçün 202 manat, 1 qəpik ödənilməmiş hissə, 20 manat 90 qəpik cərimə, 16.05.2020-ci il tarixli müqaviləsinə əsasən, İMEİ kodu **********41562 olan Samsung Galaxy A10 markalı telefon üçün 359 manat, 1 qəpik ödənilməmiş hissə, 35 manat 9 qəpik cərimə, ümumilikdə 618 manat borc, 30 manat dövlət rüsumu, cəmi 648 manat cavabdehdən alınaraq onun xeyrinə ödənilməsi barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, cavabdeh iddiaçı ilə bağladığı 06.01.2020-ci il tarixli və 16.05.2020-ci il tarixli müqavilələrinə əsasən İMEİ kodu **********97947 Samsung Galaxy A10 markalı telefon və İMEİ kodu **********41562 olan Samsung Galaxy A10 markalı telefon almış və nəticədə 618 manat borc yaranmışdır. Cavabdeh müqavilənin şərtlərini pozmuş və nəticədə 06.01.2020-ci il tarixli müqaviləsinə əsasən, alqı-satqı qiyməti 305 manat 1 qəpik (9 ay x 33.9 manat + 0 manat ilkin ödəniş) olan əsasən İMEİ kodu **********97947 Samsung Galaxy A10 markalı telefon üçün 223 manat olmaqla ondan, 202 manat 1 qəpik ödənilməmiş hissə, müştəriyə güzəşt olunaraq 20 manat 90 qəpik cərimə, 16.05.2020-ci il tarixli müqaviləsinə əsasən, alqı-satqı qiyməti 375 manat 1 qəpik (9 ay x 39.9 manat + 16 manat ilkin ödəniş) olan İMEİ kodu **********41562 olan Samsung Galaxy A10 markalı üçün 395 manat olmaqla ondan, 359 manat 1 qəpik ödənilməmiş hissə, müştəriyə güzəşt olunaraq 35 manat 90 qəpik cərimə miqdarında borc yaranmışdır. Cavabdehin cəmi ödədiyi məbləğ 119 manat təşkil edir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən cavabdehə rəsmi qaydada bildiriş, iddia ərizəsi və əlavə olunmuş sənədlər göndərilsə də, iddiaya qarşı etiraz daxil olmamışdır. Azərbaycan Respublikası Mülki Prosessual Məcəlləsinin 284.1, 284-5.3-cü maddələrinin tələblərini nəzərə alaraq hesab edirəm ki, təqdim olunmuş sənədlər əsasında işin həllinə dair qətnamə çıxarılması üçün əsaslar vardır. Ərizəyə əlavə olunmuş: - 16.05.2020-ci il tarixli müqavilənin surətindən görünür ki, Cavabdeh ABC Telecom MMCdən İMEİ kodu **********41562 olan Samsung Galaxy A10 markalı telefon markalı telefonu 375 manat 1 qəpiyə almışdır. - Tərəflər arasında bağlanmış 16.05.2020-ci il tarixli müqavilənin əlavəsində olan ödəniş cədvəlinə əsasən 16.06.2020-ci il tarixdən 16.02.2020-ci il tarixədək 9 ay ərzində hər ay 39 manat 9 qəpik ödənilməsi nəzərdə tutulmuşdur. - 06.01.2020-ci il tarixli müqavilənin surətindən görünür ki, Cavabdeh ABC Telecom MMCdən Samsung Galaxy A10 markalı telefon 305 manat 1 qəpiyə almışdır. - Tərəflər arasında bağlanmış 06.01.2020-ci il tarixli müqavilənin əlavəsində olan ödəniş cədvəlinə əsasən 06.02.2020-ci il tarixdən 06.10.2020-ci il tarixədək 9 ay ərzində hər ay 33 manat 9 qəpik ödənilməsi nəzərdə tutulmuşdur. - 26.02.2021-ci il tarixli maliyyə arayışdan görünür ki, Cavabdeh 06.01.2020-ci il tarixli müqavilə üzrə əsas borca ödənilmiş məbləği 103 manat, ödənilməmiş məbləği 202 manat 1 qəpik, cərimə məbləği 20 manat 90 qəpik, ümumilikdə ödənilməmiş məbləği 223 manat, 16.05.2020-ci il tarixli müqavilə üzrə əsas borca ödənilmiş məbləği 16 manat, ödənilməmiş məbləği 359 manat 1 qəpik, cərimə məbləği 35 manat 9 manat, ümumilikdə ödənilməmiş məbləği 395 manat olmaqla cəmi ödənilməmiş məbləği 618 manat təşkil edir. Azərbaycan Respublikası Mülki Məcəlləsinin: - 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. - 600.4-cü maddəsinə əsasən əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. - 601.1-ci maddəsinə əsasən əşyanın nisyə satılması haqqında müqavilədə onun hissəhissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. - 601.2-ci maddəsinə əsasən hissə-hissə ödəmə şərti ilə malın nisyə satılması haqqında müqaviləyə bu Məcəllənin 600.2-600.5-ci maddələrində nəzərdə tutulan qaydalar tətbiq edilir. İşin faktiki hallarından görünür ki, Cavabdeh müqavilələrə əsasən ABC Telecom MMC qarşısında üzərinə götürdüyü öhdəliklərə tam əməl etməmişdir. Həmçinin Azərbaycan Respublikası Mülki Məcəlləsinin 465.2-ci maddəsinə əsasən, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. Tərəflər arasında bağlanmış 06.01.2020-ci il tarixli və 16.05.2020-ci il tarixli müqavilələrdə ödənişin gecikdirildiyi təqdirdə cərimənin ödənilməsi nəzərdə tutulmuşdur. Buna görə də hesab edirəm ki, iddia təmin olunmalı, Azərbaycan Respublikası Mülki Prosessual Məcəlləsinin 119.1-ci maddəsinə əsasən məhkəməyə ərizə verilərkən dövlət rüsumu kimi ödənilmiş 30 manat məbləğində pul vəsaiti cavabdehdən iddiaçının xeyrinə tutulmalıdır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 216-220, 284-5.3, 284-6.1, 358, 360, 362-ci maddələrini rəhbər tutaraq, QƏT ETDİM: İddia təmin edilsin. Cavabdeh 06.01.2020-ci il tarixli müqavilə üzrə 202 manat 1 qəpik ödənilməmiş hissə, 20 manat 90 qəpik cərimə, 16.05.2020-ci il tarixli müqavilə üzrə 359 manat 1 qəpik ödənilməmiş hissə, 35 manat 9 qəpik cərimə olmaqla ümumilikdə cəmi 618 (altı yüz on səkkiz) manat məbləğində borc və 30 (iyirmi) manat dövlət rüsumu tutularaq ABC X1 Cəmiyyətinə ödənilsin. Qətnamədən onun tərəflərə rəsmi qaydada təqdim edildiyi gündən 1 (bir) ay müddətində Gəncə Şəhəri Nizami Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim Kənan Hüseynov