Gəncə Şəhəri Nizami Rayon Məhkəməsi Qətnamə — İş №2(044)-2385/2020

Azərbaycan Respublikası adından QƏTNAMƏ Gəncə şəhəri İş № 2(044)-2385/2020 29.09.2020 GƏNCƏ ŞƏHƏRİ NİZAMİ RAYON MƏHKƏMƏSİ http://cms.justice.loc/Common/Content.aspx?Id=4685853X6 Rayon Məhkəməsinin hakimi Hüseynov Kənan Zakir oğlu, X4 Təşkilatı İddiaçı Cavabdeh və Zamin qarşı borcun tutulması barədə ərizəsinə məhkəmənin inzibati binasında kiçik iddialara dair işlər üzrə sadələşdirilmiş icraat qaydasında baxaraq MÜƏYYƏN ETDİM: BOKT “xxxxxxxx” MMC Cavabdeh və Zamin qarşı ərizə ilə məhkəməyə müraciət edərək sonunculardan xx xxxxx 2017-ci il tarixli, LD ********** saylı kredit müqaviləsinə əsasən 1657.18 manat əsas borcun və ödənilmiş 30 manat dövlət rüsumunun tutulması barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, BOKT “X3” MMC ilə Cavabdeh arasında bağlanmış xx xxxxx 2017-ci il tarixli, LD ********** saylı kredit müqaviləsinə əsasən sonuncuya 36 ay müddətinə, xx xxxxx 2020-ci il tarixə kimi faizsiz 3577.48 manat, məbləğində kredit verilmişdir. Kredit müqaviləsindən irəli gələn öhdəliyin icrasının təmini üsulu kimi təşkilatla borclu Cavabdeh arasında xx xxxxx 2017-ci il tarixli zaminlik müqaviləsi bağlanmış və müqaviləyə əsasən Zamin kimi kredit müqaviləsindən irəli gələn öhdəliyin icra edilməsinə görə borclu X2 ilə eyni həcmdə məsuliyyəti öz üzərinə götürmüşdür. BOKT “X3” MMC-nin kredit müqaviləsi üzrə bütün hüquqları və tələbləri BOKT “xxxxxxxx” MMC-yə satılmışdır (güzəşt edilmişdir). Cavabdeh kredit müqaviləsinin şərtlərinə əsasən kredit borcunu və faizləri ödəməyi öhdəsinə götürsə də, öhdəliyi tam icra etməmişdir. Cavabdehə öhdəliyin icra edilməsi üçün dəfələrlə müraciət olunmuş, lakin heç bir nəticəsi olmamışdır. Cavabdehlərin xx xxxx 2020-ci il tarixli arayışına əsasən 1657.18 manat əsas borcu yaranmışdır. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən cavabdehlərə rəsmi qaydada bildiriş, iddia ərizəsi və əlavə olunmuş sənədlər göndərilsədə, iddiaya qarşı etiraz daxil olmamışdır. Azərbaycan Respublikası Mülki Prosessual Məcəlləsinin 284.1, 284-5.3-cü maddələrinin tələblərini nəzərə alaraq hesab edirəm ki, təqdim olunmuş sənədlər əsasında işin həllinə dair qətnamə çıxarılması üçün əsaslar vardır. Ərizəyə əlavə olunmuş: - xx.xx.2019-cu il tarixli Hüquqların və tələblərin güzəşti haqqında müqavilədən görünür ki, X4 Təşkilatı “X7” Məhdud Məsuliyyətli Cəmiyyəti Cavabdeh ilə bağladığı kredit müqaviləsi üzrə bütün hüquqları və tələbləri X4 Təşkilatı İddiaçınə güzəşt etmişdir. - xx xxxxx 2017-ci il tarixli kredit müqaviləsinin surətindən görünür ki, BOKT “X7” MMC Cavabdeh xx xxxxx 2015-ci il tarixli LD/15097/00280 saylı kredit müqaviləsi üzrə xx xxxxx 2017-ci il tarixə olan qalığı 910.89 ABŞ dolları faizsiz 36 ay müddətinə ödəmək şərti ilə 3577.48 manata konvertasiya etmiş, sonuncu konvertasiya edilmiş yeni öhdəliyi qəbul edərək krediti qaytarmağı öhdəsinə götürmüşdür. - xx xxxxx 2017-ci il tarixli LD/17111/00021 saylı girov müqaviləsinin surətindən görünür ki, xx xxxxx 2017-ci il tarixli kredit müqaviləsindən irəli gələn öhdəliklərin yerinə yetirilməsinin təminatı kimi Cavabdeh ona məxsus TV LG, soyuducu Poriz, paltaryutan LG, gəvə, mebel dəsti adlı əşyalarını banka girov qoymuşdur. - xx xxxxx 2017-ci il tarixli zaminlik müqaviləsinin surətindən görünür ki, borc alan Cavabdeh öhdəliyi icra etmədikdə və ya lazımınca icra etmədikdən Zamin borc alanla birgə məsuliyyət daşımağı, həmin kredit öhdəliyini tamamilə icra etməyi öhdəsinə götürmüşdür. - xx.xx.2020-ci il tarixli maliyyə arayışdan görünür ki, Cavabdeh xx.xx.2020-ci il tarixə BOKT xxxxxxxx MMC-yə 1657.18 manat məbləğində əsas borcu vardır. Azərbaycan Respublikası Mülki Məcəlləsinin: - 739-cu maddəsinə əsasən borc müqaviləsinə görə, iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. Borc müqaviləsinin predmeti hər hansı pul məbləği olduqda, o, kredit müqaviləsi adlandırılır. - 427.3-ci maddəsinə əsasən əgər öhdəlik onun icrası gününü və ya icra edilməli olduğu vaxt dövrünü nəzərdə tutursa və ya müəyyənləşdirməyə imkan verirsə, öhdəlik həmin gün və ya bu cür dövr ərzində istənilən an icra edilməlidir. - 442.1-ci maddəsinə uyğun olaraq, öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. - 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. - 470.1-ci maddəsinə əsasən zaminlik müqaviləsi üzrə zamin başqa şəxsin kreditoru qarşısında həmin şəxsin öz öhdəliyini tamamilə və ya hissə-hissə icra etməsi üçün məsuliyyəti öz üzərinə götürür. İşin faktiki hallarından görünür ki, Cavabdeh və Zamin müvafiq olaraq kredit və zaminlik müqavilələrinə əsasən Bank tutularaq X4 Təşkilatı İddiaçı qarşısında üzərlərinə götürdükləri öhdəliklərə tam əməl etməmişlər. Azərbaycan Respublikası Mülki Prosessual Məcəlləsinin: - 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. - 77.1-ci maddəsinə əsasən hər bir tərəf öz tələb və etirazlarının əsası kimi istinad etdiyi halları sübut etməlidir. Beləliklə hesab edirəm ki, iddia təmin olunmalı, Azərbaycan Respublikası Mülki Prosessual Məcəlləsinin 119.1-ci maddəsinə əsasən dövlət rüsumu kimi ödənilmiş 30 manat məbləğində pul vəsaiti cavabdehlərdən müştərək qaydada iddiaçının xeyrinə tutulmalıdır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 216-220, 284-5.3, 284-6.1, 358, 360, 362-ci maddələrini rəhbər tutaraq, QƏT ETDİM: İddia təmin edilsin. Cavabdeh və Zamin müştərək qaydada 1657 (bir min altı yüz əlli yeddi) manat 18 (on səkkiz) qəpik məbləğində borc və 30 (otuz) manat dövlət rüsumu tutularaq tutularaq X4 Təşkilatı İddiaçınə ödənilsin. Qətnamədən onun tərəflərə rəsmi qaydada təqdim edildiyi gündən 1 (bir) ay müddətində X6 Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim Kənan Hüseynov