Gəncə Şəhəri Nizami Rayon Məhkəməsi Qətnamə — İş №2(044)-2967/2021

Azərbaycan Respublikası adından QƏTNAMƏ Gəncə şəhəri İş № 2(044)-2967/2021 04.10.2021 GƏNCƏ ŞƏHƏRİ NİZAMİ RAYON MƏHKƏMƏSİ Hakim Şirinov Gündüz Əhməd oğlunun sədrliyi, Yediyarova Zeynəb Fərman qızının katibliyi ilə, İddiaçı Açıq Səhmdar Cəmiyyətinin Cavabdeh qarşı «kredit borcu» tələbinə dair iddiası üzrə mülki işə Gəncə şəhəri Nizami Rayon Məhkəməsinin binasında açıq məhkəmə iclasında baxaraq, MÜƏYYƏN ETDİ: İddiaçı ASC-ti Cavabdeh qarşı «kredit borcu» tələbinə dair iddia ilə məhkəməyə müraciət edərək, kredit müqaviləsinin ləğv edilməsi, Cavabdeh əsas borc üzrə 924.92 manat, 01.06.2021-ci il tarixə faiz borcu üzrə 5.98 manat, cəmi 930.09 manat və ödənilmiş 30 manat dövlət rüsumunun İddiaçı ASC-nin xeyrinə tutulması barədə qətnamə çıxarılmasını xahiş etmişdir. İddia ərizəsi onunla əsaslandırılmışdır ki, iddiaçı ilə cavabdeh arasında bağlanmış 19.09.2019-cu il tarixli kredit müqaviləsinə əsasən cavabdehə istehlak məqsədləri üçün 60 ay müddətinə 931 manat məbləğində kredit verilmişdir. Cavabdeh bank qarşısında üzərinə götürdüyü öhdəlikləri vaxtında və lazımınca icra etməmiş, nəticədə cavabdehin banka 930.09 manat məbləğində borcu yaranmışdır. İddiaçı ASC-ti məhkəmə iclasının vaxtı və yeri barədə xəbərdar edilməsinə baxmayaraq gəlməmişdir. İddiaçının nümayəndəsi X1 məhkəməyə ərizə verərək, nəqliyyat problemi və məsafə uzaqlığı baxımından məhkəmə iclasında iştirakları mümkünsüz olduğunu bildirmiş və işə onların iştirakı olmadan baxılaraq iddia tələbinin təmin olunması barədə qətnamə çıxarılmasını xahiş etmişdir. Məhkəmə iddiaçının nümayəndəsinin iştirakı olmadan işə baxılmasını mümkün hesab etdi. Cavabdeh məhkəmə iclasının vaxtı və yeri barədə xəbərdar edilməsinə baxmayaraq gəlməmişdir. Məhkəmə Azərbaycan Respublikası MPM-nin 185.5-ci maddəsinə əsasən işə cavabdehin iştirakı olmadan baxılmasını mümkün hesab etdi. Məhkəmə, iş materiallarını araşdıraraq hesab edir ki, iddia təmin edilməlidir. Belə ki, 19.08.2019-cu il tarixli ***-*******-1/MK saylı problemli kreditin restrukturizasiya edilməsi ilə əlaqədar kredit müqaviləsinin surətindən görünür ki, İddiaçı ASC-ti ilə Cavabdeh oğluna 60 ay müddətinə 931 manat məbləğində kredit verilmişdir. 01.06.2021-ci il tarixli arayışdan görünür ki, Cavabdeh oğlunun 01.06.2021-ci il tarixinə banka əsas borc üzrə 924.92 manat, faiz borcu üzrə 5.98 manat, cəmi 930.09 manat təşkil edir. Azərbaycan Respublikası Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn, pul ödəməli, xidmətlər göstərməli, əmlak verməli, iş görməli və i.a və ya müəyyən hərəkətdən çəkinməlidir, kreditorun isə borcludan vəzifəsinin icrasının tələb etmək hüququ vardır. Məhkəmə hesab edir ki, iddia təmin edilməli, 19.08.2019-cu il tarixli ***-*******-1/MK saylı problemli kreditin restrukturizasiya edilməsi ilə əlaqədar kredit müqaviləsi ləğv edilməli, Cavabdeh əsas borc üzrə 924.92 manat, 01.06.2021-ci il tarixə faiz borcu üzrə 5.98 manat, cəmi 930.09 manat və ödənilmiş 30 manat dövlət rüsumu İddiaçı ASC-nin xeyrinə tutulmalıdır. Azərbaycan Respublikası MPM-nin 119.1-ci maddəsinin tələblərinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Şərh olunanlara və Azərbaycan Respublikası MPM-in 119.1, 216-220, 227, 233 və 360-cı maddələrinə əsasən, məhkəmə QƏT ETDİ: İddia təmin edilsin. Cavabdeh 19.08.2019-cu il tarixli ***-*******-1/MK saylı problemli kreditin restrukturizasiya edilməsi ilə əlaqədar kredit müqaviləsi ləğv edilsin. Cavabdeh əsas borc üzrə 924.92 manat, faiz borcu üzrə 5.98 manat, cəmi 930.09 manat və ödənilmiş 30 manat dövlət rüsumu İddiaçı ASC-nin xeyrinə tutulsun. Qətnamədən bir ay müddətində Gəncə şəhəri Nizami Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Gündüz Şirinov