Gəncə Şəhəri Nizami Rayon Məhkəməsi Qətnamə — İş №2(044)-2998/2021

Azərbaycan Respublikası adından QƏTNAMƏ Gəncə şəhəri İş № 2(044)-2998/2021 05.10.2021 GƏNCƏ ŞƏHƏRİ NİZAMİ RAYON MƏHKƏMƏSİ Hakim Şirinov Gündüz Əhməd oğlunun sədrliyi, Yediyarova Zeynəb Fərman qızının katibliyi, İddiaçının nümayəndəsi X1 iştirakı ilə, İddiaçı "xxxx" MMC-nin Cavabdeh qarşı «pul» tələbinə dair iddiası üzrə mülki işə Gəncə şəhərində məhkəmənin binasında açıq məhkəmə iclasında baxaraq, MÜƏYYƏN ETDİ: İddiaçı "xxxx" MMC Cavabdeh qarşı «pul» tələbinə dair iddia ərizəsi ilə məhkəməyə müraciət edərək, Cavabdeh 25.05.2020-ci il tarixli müqaviləsinə əsasən, “Soft-Yumşaq-Künc-Sol Uzun-Sungerli, Adona” jurnal masa üçün 1177.4 manat ödənilməmiş hissə, 168.6 manat dəbbə, 04.07.2020-ci il tarixli müqaviləyə əsasən, HOFFMANN markalı mini soba, Bosch markalı mikser üçün 52.6 manat ödənilməmiş hissə, 15.4 manat dəbbə, 15.08.2020-ci il tarixli müqaviləyə əsasən, İMEİ kodu **********96396 Samsung Galaxy A51 markalı telefon, HOFFMANN markalı musiqi mərkəzi üçün 1233.6 manat ödənilməmiş hissə, 204.4 manat dəbbə, cəmi 2852 manat və ödənilmiş 30 manat dövlət rüsumu alınaraq "xxxx" MMC-nə ödənilməsi barədə qətnamə çıxarılmasını xahiş etmişdir. İddia ərizəsi onunla əsaslandırılmışdır ki, iddiaçı ilə cavabdeh arasında bağlanmış 25.05.2020-ci il tarixli, 04.07.2020-ci il tarixli, 15.08.2020-ci il tarixli müqavilələrə əsasən, Soft- Yumşaq-Künc-Sol Uzun-Sungerli, Adona jurnal masa, HOFFMANN markalı mini soba, Bosch markalı mikser və İMEİ kodu **********96396 Samsung Galaxy A51 markalı telefon, HOFFMANN markalı musiqi mərkəzi almış və nəticədə 2852 manat məbləğində borcu yaranmışdır. Cavabdeh müqavilənin şərtlərini pozmuş, kredit müqavilələri üzrə üzərinə düşən öhdəlikləri vaxtında və lazımınca yerinə yetirməmişdir. Cavabdehin ödədiyi məbləğ cəmi 311 manat təşkil edir. Cavabdehə borcun ödənilməsi barədə dəfələrlə şifahi və yazılı xəbərdarlıq edilməsinə baxmayaraq, cavabdeh müqavilənin şərtlərini pozmuşdur. İddiaçının nümayəndəsi X2 məhkəmə iclasında iddia ərizəsinə uyğun izahat verdi və məhkəmədən iddia tələbinin təmin olunması barədə qətnamə çıxarılmasını xahiş etdi. Cavabdeh məhkəmə iclasının vaxtı və yeri barədə xəbərdar edilməsinə baxmayaraq gəlməmişdir. Məhkəmə Azərbaycan Respublikası MPM-nin 185.5-ci maddəsinə əsasən işə cavabdehin iştirakı olmadan baxılmasını mümkün hesab etdi. Məhkəmə iddiaçının nümayəndəsinin izahatını dinləyib, iş materiallarını araşdıraraq hesab edir ki, iddia qismən təmin edilməlidir. Belə ki, 25.05.2020-ci il tarixli 20307183 saylı müqavilədən görünür ki, "xxxx" MMC tərəfindən Cavabdeh Soft-Yumşaq-Künc-Sol Uzun-Sungerli mal satılmışdır. 04.07.2020-ci il tarixli 21004808 saylı müqavilədən görünür ki, "xxxx" MMC tərəfindən Cavabdeh HOFFMANN markalı mini soba, Bosch markalı mikser satılmışdır. 15.08.2020-ci il tarixli 21078123 saylı müqavilədən görünür ki, "xxxx" MMC tərəfindən Cavabdeh İMEİ kodu **********96396 Samsung Galaxy A51 markalı telefon, HOFFMANN markalı musiqi mərkəzi satılmışdır. Azərbaycan Respublikası Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn, pul ödəməli, xidmətlər göstərməli, əmlak verməli, iş görməli və i.a və ya müəyyən hərəkətdən çəkinməlidir, kreditorun isə borcludan vəzifəsinin icrasının tələb etmək hüququ vardır. Azərbaycan Respublikası Mülki Məcəllənin 467-ci maddəsinə görə, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Məhkəmə hesab edir ki, iddia qismən təmin edilməli, Cavabdeh 25.05.2020-ci il tarixli müqaviləsinə əsasən, Soft-Yumşaq-Künc-Sol Uzun-Sungerli, Adona jurnal masa üçün 1177.4 manat ödənilməmiş hissə, 5 manat dəbbə, 04.07.2020-ci il tarixli müqaviləyə əsasən, HOFFMANN markalı mini soba, Bosch markalı mikser üçün 52.6 manat ödənilməmiş hissə, 5 manat dəbbə, 15.08.2020-ci il tarixli müqaviləyə əsasən, İMEİ kodu **********96396 Samsung Galaxy A51 markalı telefon, HOFFMANN markalı musiqi mərkəzi üçün 1233.6 manat ödənilməmiş hissə, 5 manat dəbbə, cəmi 2478.6 manat və ödənilmiş 30 manat dövlət rüsumu alınaraq "xxxx" MMC-nə ödənilməlidir. Azərbaycan Respublikası MPM-nin 119.1-ci maddəsinin tələblərinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Şərh olunanlara və Azərbaycan Respublikası MPM-in 119.1, 216-220, 227, 233 və 360-cı maddələrinə əsasən, məhkəmə QƏT ETDİ: İddia qismən təmin edilsin. Cavabdeh 25.05.2020-ci il tarixli müqaviləyə əsasən, Soft-Yumşaq-Künc-Sol Uzun- Sungerli, Adona” jurnal masa üçün 1177.4 manat ödənilməmiş hissə, 5 manat dəbbə, 04.07.2020-ci il tarixli müqaviləyə əsasən, “HOFFMANN” markalı mini soba, Bosch markalı mikser üçün 52.6 manat ödənilməmiş hissə, 5 manat dəbbə, 15.08.2020-ci il tarixli müqaviləyə əsasən, İMEİ kodu **********96396 “Samsung Galaxy A51” markalı telefon, “HOFFMANN” markalı musiqi mərkəzi üçün 1233.6 manat ödənilməmiş hissə, 5 manat dəbbə, cəmi 2478.6 manat və ödənilmiş 30 manat dövlət rüsumu alınaraq "xxxx" MMC-nə ödənilsin. İddia tələbi qalan hissədə təmin edilməsin. Qətnamədən bir ay müddətində Gəncə şəhəri Nizami Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Gündüz Şirinov