Gəncə Şəhəri Nizami Rayon Məhkəməsi Qətnamə — İş №2(044)-3074/2021

Azərbaycan Respublikası adından QƏTNAMƏ Gəncə şəhəri İş № 2(044)-3074/2021 10.11.2021 GƏNCƏ ŞƏHƏRİ NİZAMİ RAYON MƏHKƏMƏSİ Hakim Şirinov Gündüz Əhməd oğlunun sədrliyi, Yediyarova Zeynəb Fərman qızının katibliyi, İddiaçının nümayəndəsi X4 iştirakı ilə, İddiaçı "xxxx" MMC-nin Cavabdeh qarşı «pul» tələbinə dair iddiası üzrə mülki işə Gəncə şəhərində məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı "xxxx" MMC Cavabdeh qarşı «pul» tələbinə dair iddia ərizəsi ilə məhkəməyə müraciət edərək, Cavabdeh 16.11.2020-ci il tarixli müqaviləyə əsasən, İMEİ kodu **********6631 iPone Xs Max markalı telefon üçün 2495.6 manat ödənilməmiş hissə, 783.4 manat dəbbə,16.01.2020-ci il tarixli müqaviləyə əsasən, İMEİ kodu **********83838 iPone 11 pro Max markalı telefon üçün 1625 manat ödənilməmiş hissə, 487 manat dəbbə, cəmi 5391 manat və ödənilmiş 30 manat dövlət rüsumu alınaraq "xxxx" MMC-nə ödənilməsi barədə qətnamə çıxarılmasını xahiş etmişdir. İddia ərizəsi onunla əsaslandırılmışdır ki, iddiaçı ilə cavabdeh arasında bağlanmış 16.11.2020-ci il tarixli müqaviləyə əsasən, İMEİ kodu **********6631 iPone Xs Max markalı telefon və 16.01.2020-ci il tarixli müqaviləyə əsasən, İMEİ kodu **********83838 iPone 11 pro Max markalı telefon almış və nəticədə 5391manat məbləğində borcu yaranmışdır. Cavabdeh müqavilənin şərtlərini pozmuş, kredit müqavilələri üzrə üzərinə düşən öhdəlikləri vaxtında və lazımınca yerinə yetirməmişdir. Cavabdeh bu günədək heç bir ödəniş etməmiş və borcun ödənilməsi barədə dəfələrlə şifahi və yazılı xəbərdarlıq edilmişdir. İddiaçının nümayəndəsi X6 məhkəmə iclasında iddia ərizəsinə uyğun izahat verdi və məhkəmədən iddia tələbinin təmin olunması barədə qətnamə çıxarılmasını xahiş etdi. Cavabdeh X3 məhkəmə iclasının vaxtı və yeri barədə xəbərdar edilməsinə baxmayaraq gəlməmişdir. Məhkəmə Azərbaycan Respublikası MPM-nin 185.5-ci maddəsinə əsasən işə cavabdehin iştirakı olmadan baxılmasını mümkün hesab etdi. Məhkəmə iddiaçının nümayəndəsinin izahatını dinləyib, iş materiallarını araşdıraraq hesab edir ki, iddia qismən təmin edilməlidir. Belə ki, 06.11.2020-ci il tarixli 20041436 saylı müqavilədən görünür ki, "xxxx" MMC tərəfindən X2 iPone Xs Max markalı telefon satılmışdır. 16.01.2020-ci il tarixli 20041508 saylı müqavilədən görünür ki, "xxxx" MMC tərəfindən X2 İMEİ kodu **********83838 iPone 11 pro Max markalı telefon satılmışdır. Azərbaycan Respublikası Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn, pul ödəməli, xidmətlər göstərməli, əmlak verməli, iş görməli və i.a və ya müəyyən hərəkətdən çəkinməlidir, kreditorun isə borcludan vəzifəsinin icrasının tələb etmək hüququ vardır. Azərbaycan Respublikası Mülki Məcəllənin 467-ci maddəsinə görə, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Məhkəmə hesab edir ki, iddia qismən təmin edilməli, cavabdeh X1 16.11.2020-ci il tarixli müqaviləyə əsasən, İMEİ kodu **********6631 iPone Xs Max markalı telefon üçün 2495.6 manat ödənilməmiş hissə, 5 manat dəbbə, 16.01.2020-ci il tarixli müqaviləyə əsasən, İMEİ kodu **********83838 iPone 11 pro Max markalı telefon üçün 1625 manat ödənilməmiş hissə, 5 manat dəbbə, cəmi 4130.6 manat və ödənilmiş 30 manat dövlət rüsumu alınaraq "xxxx" MMC-nə ödənilməlidir. Azərbaycan Respublikası MPM-nin 119.1-ci maddəsinin tələblərinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Şərh olunanlara və Azərbaycan Respublikası MPM-in 119.1, 216-220, 227, 233 və 360-cı maddələrinə əsasən, məhkəmə QƏT ETDİ: İddia qismən təmin edilsin. Cavabdeh 16.11.2020-ci il tarixli müqaviləyə əsasən, İMEİ kodu **********6631 iPone Xs Max markalı telefon üçün 2495.6 manat ödənilməmiş hissə, 5 manat dəbbə, 16.01.2020-ci il tarixli müqaviləyə əsasən, İMEİ kodu **********83838 iPone 11 pro Max markalı telefon üçün 1625 manat ödənilməmiş hissə, 5 manat dəbbə, cəmi 4130.6 manat və ödənilmiş 30 manat dövlət rüsumu alınaraq "xxxx" MMC-nə ödənilsin. İddia tələbi qalan hissədə təmin edilməsin. Qətnamədən bir ay müddətində Gəncə şəhəri Nizami Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Gündüz Şirinov