Gəncə Şəhəri Nizami Rayon Məhkəməsi Qətnamə — İş №2(044)-3355/2021

Azərbaycan Respublikası adından QƏTNAMƏ Gəncə şəhəri İş № 2(044)-3355/2021 25.10.2021 GƏNCƏ ŞƏHƏRİ NİZAMİ RAYON MƏHKƏMƏSİ Hakim Şirinov Gündüz Əhməd oğlunun sədrliyi, Yediyarova Zeynəb Fərman qızının katibliyi, İddiaçının nümayəndəsi X1, Cavabdeh iştirakı ilə, İddiaçı "xxxx" KB Açıq Səhmdar Cəmiyyətinin Cavabdeh qarşı «kredit borcu» tələbinə dair iddiası üzrə mülki işə Gəncə şəhəri Nizami Rayon Məhkəməsinin binasında açıq məhkəmə iclasında baxaraq, MÜƏYYƏN ETDİ: İddiaçı "xxxx" KB ASC-ti Cavabdeh qarşı «kredit borcu» tələbinə dair iddia ilə məhkəməyə müraciət edərək, Cavabdeh əsas borc üzrə 3287.94 manat, faiz borcu üzrə 813.37 manat, cərimə 13.92 manat, cəmi 4115.23 manat və ödənilmiş 30 manat dövlət rüsumunun "xxxx" KB ASC-nin xeyrinə tutulması barədə qətnamə çıxarılmasını xahiş etmişdir. İddia ərizəsi onunla əsaslandırılmışdır ki, iddiaçı ilə cavabdeh arasında bağlanmış 07.08.2020-ci il tarixli kredit müqaviləsinə əsasən cavabdehə istehlak məqsədləri üçün 36 ay müddətinə 3288 manat məbləğində kredit verilmişdir. Cavabdeh müqavilənin şərtlərini pozaraq dövri olaraq ödəməli olduğu kreditin ödənilməsinə dair öhdəliyi vaxtında və lazımi qaydada icra etməmiş, nəticədə cavabdehin banka 4115.23 manat məbləğində borcu yaranmışdır. İddiaçının nümayəndəsi X2 məhkəmə iclasında iddia ərizəsinə uyğun izahat verdi və məhkəmədən iddianın təmin olunması barədə qətnamə çıxarılmasını xahiş etdi. Cavabdeh məhkəmə iclasında bildirdi ki, iddiaçı il arasında bağlanmış 07.08.2020-ci il tarixli kredit müqaviləsinə əsasən ona istehlak məqsədləri üçün 36 ay müddətinə 3288 manat məbləğində kredit verilmişdir. O, kredit məbləğini götürdükdən sonra ödənişlər etməyə maddi imkanı olmamış və hazırda rəsmi olaraq Bakı şəhərində yerləşən “Sweet Cendy” şirniyyat sexində fəhlə işləyir. Məhkəmə tərəfindən ona müəyyən vaxt verilərsə o, banka olan borcunu hissə-hissə ödəyə bilər. Məhkəmə iddiaçının nümayəndəsinin və cavabdehin izahatını dinləyib, iş materiallarını araşdıraraq hesab edir ki, iddia təmin edilməlidir. Belə ki, 07.08.2020-ci il tarixli 1366nk İNSH/20 saylı kredit müqaviləsinin surətindən görünür ki, "xxxx" KB ASC-ti təreəfindən Cavabdeh 36 ay müddətinə 3288 manat məbləğində kredit verilmişdir. 03.08.2021-ci il tarixli arayışdan görünür ki, Cavabdeh 03.08.2021-ci il tarixinə banka əsas borc üzrə 3287.94 manat, faiz borcu üzrə 813.37 manat, cərimə 13.92 manat, cəmi 4115.23 manat təşkil edir. Azərbaycan Respublikası Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn, pul ödəməli, xidmətlər göstərməli, əmlak verməli, iş görməli və i.a və ya müəyyən hərəkətdən çəkinməlidir, kreditorun isə borcludan vəzifəsinin icrasının tələb etmək hüququ vardır. Məhkəmə hesab edir ki, iddia təmin edilməli, Cavabdeh əsas borc üzrə 3287.94 (üç min iki yüz səksən yeddi manat doxsan dörd qəpik) manat, faiz borcu üzrə 813.37 (səkkiz yüz on üç manat otuz yeddi qəpik) manat, cərimə 13.92 (on üç manat doxsan iki qəpik) manat, cəmi 4115.23 (dörd min yüz on beş manat iyirmi üç qəpik) manat və ödənilmiş 30 manat dövlət rüsumu iddiaçı "xxxx" KB ASC-nin xeyrinə tutulmalıdır. Azərbaycan Respublikası MPM-nin 119.1-ci maddəsinin tələblərinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Şərh olunanlara və Azərbaycan Respublikası MPM-in 119.1, 216-220, 227, 233 və 360-cı maddələrinə əsasən, məhkəmə QƏT ETDİ: İddia təmin edilsin. Cavabdeh əsas borc üzrə 3287.94 (üç min iki yüz səksən yeddi manat doxsan dörd qəpik) manat, faiz borcu üzrə 813.37 (səkkiz yüz on üç manat otuz yeddi qəpik) manat, cərimə 13.92 (on üç manat doxsan iki qəpik) manat, cəmi 4115.23 (dörd min yüz on beş manat iyirmi üç qəpik) manat və ödənilmiş 30 manat dövlət rüsumu iddiaçı "xxxx" KB ASCnin xeyrinə tutulsun. Qətnamədən bir ay müddətində Gəncə şəhəri Nizami Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Gündüz Şirinov