Gəncə Şəhəri Nizami Rayon Məhkəməsi Qərardad — İş №2(044)-3686/2021

Azərbaycan Respublikası adından QƏRARDAD Gəncə şəhəri İş № 2(044)-3686/2021 08.10.2021 GƏNCƏ ŞƏHƏRİ NİZAMİ RAYON MƏHKƏMƏSİ Hakim Hünmətov Zaur Adil oğlu İddiaçı mənzilə istifadə hüququnun tanınmasına dair ərizəsini nəzərdən keçirərək, müəyyən etdi: Ərizə nəzərdən keçirilərkən müəyyən edilmişdir ki, ərizəçi ərizəsinə ilkin mediasiya sessiyasından sonra prosesin davam etdirilə bilməməsi barədə arayışı və mediasiyada iştirak üçün nəzərdə tutulmuş 50 manat məbləğində dövlət rüsumunun ödənilməsini təsdiq edən qəbzi əlavə etsə qalan rüsumun ödənilməsini təsdiq edən sübut əlavə etməmişdir. Belə ki, Azərbaycan Respublikası MPM-in 108.2-ci maddəsinə əsasən məhkəmələrdə baxılan işlər üzrə dövlət rüsumunun əsasları, ödənilmə qaydaları, məbləği və dövlət rüsumu ödəməkdən azad edilmə hallan qanunla müəyyən edilir. Dövlət rüsumu haqqında Azərbaycan Respublikasının Qanununun 3.1-ci maddəsinə əsasən bu Qanunla nəzərdə tutulmuş işlərin görülməsi, xidmətlərin göstərilməsi və hüquqların əldə edilməsi üçün Azərbaycan Respublikasının vətəndaşları, əcnəbilər, vətəndaşlığı olmayan şəxslər və hüquqi şəxslər dövlət rüsumunun ödəyiciləridirlər. Həmin Qanunun 8.2-ci maddəsinə əsasən qiymətləndirilməyən iddia ərizəsinin verilməsinə görə 100 manat məbləğində dövlət rüsumu ödənilməlidir.Ərizəçi isə həmin rüsumun 50 manatını ödəyərək, əlavə olaraq 50 manat dövlər rüsumu da ödəməli olduğu halda MPM-nin 150.1.2-ci maddəsinin tələblərinə riayət etməmişdir. Mülki Prosessual Məcəllənin 150.1.2-ci maddəsinə əsasən dövlət rüsumunun ödənilməsini təsdiq edən sənə ərizəyə əlavə edilməlidir. Həmin Məcəllənin 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. Qeyd edilən Məcəllənin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. 152.2. İddia ərizəsinin qaytarılması haqqında hakim qərardad çıxarır. 152.3. İddia ərizəsinin qaytarılması haqqında qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi gündən verilmiş hesab edilir. 152.4. İddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Odur ki, hesab edirəm ki, ərizə geri qaytarılmalı, göstərilən nöqsanlar aradan qaldırıldıqdan sonra ərizəçiyə yenidən məhkəməyə müraciət etmək hüququnun olması izah edilməlidir. Şərh olunanlara əsasən və Azərbaycan Respublikası MPM-in 263-264 və 361-364-cü maddələrini rəhbər tutaraq, Qərara aldı: Ərizə geri qaytarılsın. Göstərilmiş hallar aradan qaldırıldıqdan sonra ərizəçiyə yenidən məhkəməyə ümumi qaydada ərizə vermək hüququnun olması izah olunsun. Qərardaddan 10 (on) gün müddətində Gəncə şəhəri Nizami rayon Məhkəməsinə şikayət verilə bilər Hakim: Zaur Hünmətov