Gəncə Şəhəri Nizami Rayon Məhkəməsi Qərardad — İş №2(044)-569/2021

Azərbaycan Respublikası adından QƏRARDAD Gəncə şəhəri İş № 2(044)-569/2021 02.02.2021 GƏNCƏ ŞƏHƏRİ NİZAMİ RAYON MƏHKƏMƏSİ Hakim Ələkbərli Roman Nəriman oğlunun sədrliyi, Novruzov Maarif Vidadi oğlunun katibliyi ilə İddiaçı BOKT “xxxx” MMC-nin Cavabdeh qarşı «kredit borcun qaytarılması və tutmanın girov predmetinə yönəldilməsi» tələbinə dair iddiası üzrə mülki işə Gəncə şəhər Nizami Rayon Məhkəməsinin binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı BOKT “xxxx” MMC-nin Cavabdeh qarşı «kredit borcun qaytarılması və tutmanın girov predmetinə yönəldilməsi» tələbinə dair iddia ərizəsi ilə məhkəməyə müraciət edərək, Cavabdeh 3154 manat əsas, 407 manat faiz, 158 manat cərimə olamqla, cəmi 3719 manat borcun və dövlət rüsmu olaraq ödənilmiş 30 manat məbləğində vəsaitin alınaraq BOKT “xxxx” MMC-nin xeyrinə ödənilməsi, tələbin girov predmeti olan 1 ədəd 20 qram çəkidə 583 əyarlı boyunbağı, 1 ədəd 13.89 qram çəkidə 583 əyarlı qolbağı, 2 ədəd 14.42 qram 750 əyyarlı qol bağını, 1 ədəd 14.67 qram çəkidə 583 əyarlı komplekt, 1 ədəd 3.95 qram çəkidə 583 əyarlı klon olmaqla qızıl-zinət əşyalarına yönəldilməsi, həmin əmlakın hərracda satılması və satışından əldə olunmuş vəsaitin cavabdehin təşkilata olan borcu hesabına ödənilməsi barədə qətnamə çıxarılmasını xahiş etmişdir. Məhkəmə iddia ərizəsini və mülki işin materiallarını araşdıraraq hesab edir ki, mülki iş aidiyyəti üzrə baxılması üçün Gəncə şəhəri Kəpəz Rayon Məhkəməsinə göndərilməlidir. Azərbaycan Respublikası Mülki Prosessual Məcəlləsinin 35.1-ci maddəsinə əsasən iddia cavabdehin rəsmi qeydə alındığı yerin məhkəməsinə verilir. Həmin Məcəllənin 45.1-ci maddəsinə əsasən məhkəməyə aidiyyət ilə əlaqədar məsələlər ərizənin məhkəmənin icraatına qəbul edilməsi və ya işin hakim tərəfindən baxılmağa hazırlanması mərhələsində, yaxud da işdə iştirak edən şəxsin əsaslandırılmış vəsatəti üzrə həll oluna bilər. Belə ki, iş materiallarına əlavə olunmuş şəxsiyyət vəsiqəsi məlumatlarından müəyyən olunmuşdur ki, Cavabdeh Gəncə şəhəri Kəpəz Rayonun ərazisində qeydiyyatdadır. Məhkəmə hesab edir ki, hazırki mülki işdə Cavabdeh ünvanı Gəncə şəhəri Kəpəz rayonuna aid olduğundan həmin mülki işə ərazi aidiyyəti üzrə Gəncə şəhəri Kəpəz Rayon Məhkəməsində baxılmalıdır. Məhkəmə göstərilənlərə əsasən və Azərbaycan Respublikası Mülki Prosessual Məcəlləsinin 31, 32, 263-264, 266-268-ci maddələrini rəhbər tutaraq QƏRARA ALDİ : İddiaçı BOKT “xxxx” MMC-nin Cavabdeh qarşı «kredit borcun qaytarılması və tutmanın girov predmetinə yönəldilməsi» tələbinə dair mülki iş baxılması üçün ərazi aidiyyəti üzrə Gəncə şəhəri Kəpəz Rayon Məhkəməsinə göndərilsin. Qərardaddan 10 gün müddətində Gəncə şəhəri Nizami Rayon Məhkəməsinə şikayət verilə bilər. Hakim Roman Ələkbərli