Mingəçevir Şəhər Məhkəməsi Qərardad — İş №2(051)-433/2021

Azərbaycan Respublikası adından QƏRARDAD Mingəçevir şəhəri İş № 2(051)-433/2021 22.01.2021 MİNGƏÇEVİR ŞƏHƏR MƏHKƏMƏSİ Hakim Hüseynov Ələkbər Məmmədtağı oğlu, Məhkəmə iclas katibi X2 iştirakı ilə, İddiaçı Muxtar oğlunun cavabdeh Mingəçevir şəhər Polis İdarəsinə qarşı mənzildən istifadə hüququna xitam verilməsi və göstərilən mənzildən qeydiyyatdan çıxarılması tələbinə dair iddia ərizəsinə və ona əlavə olunmuş sənədlərə baxaraq Müəyyən etdim: İddiaçı Muxtar oğlu cavabdeh Mingəçevir şəhər Polis İdarəsinə qarşı mənzildən istifadə hüququna xitam verilməsi və göstərilən mənzildən qeydiyyatdan çıxarılması tələbinə dair iddia ərizəsi ilə məhkəməyə müraciət etmişdir. Aşağıda göstərilənlərə əsasən ərizəyə məhkəmə qaydasında baxılmalı olmaması əsası ilə iddianın yolverilməzliyinə görə iddia ərizəsinin qəbul edilməsindən imtina edilməlidir. Belə ki, iddia tələbi və ona əlavə olunmuş sənədlər araşdırılarkən müəyyən olunur ki, sözügedən mənzil iddiaçının xüsusi mülkiyyətindədir. İddia ərizəsində cavabdeh kimi Cavabdeh kimi göstərilmiş və cavabdehin üzrərinə müəyyən öhdəliklər qoyulmuşdur. Azərbaycan Respublikası Konstitusiya Məhkəməsi Plenumunun xx xxxxxxxx 2021ci il tarixli qərarına əsasən “Yaşayış yeri və olduğu yer üzrə qeydiyyat haqqında” Azərbaycan Respublikası Qanununun 9-cu maddəsinin birinci hissəsinin mənasına görə mülkiyyətçinin ərizəsi əsasında qeydiyyata alınmış, lakin həmin yaşayış sahəsində faktiki yaşamayan və ya istifadə hüququ olmayan şəxsin qeydiyyatına mülkiyyətçinin inzibati orqana müraciəti əsasında xitam verilməlidir. Yaşayış sahəsinə əmlak hüquqları mövcud olmayan şəxslərin mülkiyyətçinin tələbi əsasında qeydiyyatdan çıxarılmasından inzibati orqan tərəfindən imtina edildikdə, məhkəmələr bununla bağlı mübahisələrə inzibati məhkəmə icraatı qaydasında baxaraq şəxsin yaşayış yeri üzrə qeydiyyatdan çıxarılması öhdəliyini həmin orqanın üzərinə qoya bilər. İş materiallarından müəyyən olunur ki, əslində iddiaçının irəli sürdüyü tələbdə məqsədi sözügedən mənzildən orada yaşamayan X4 pasport qeydiyyatından çıxarılmasıdır. İddiaçı sözügedən tələblə bağlı aidiyyatı inzibati orqana (Polis Şöbəsinə) müraciət etməlidir (artıq Mingəçevir şəhər Polis İdarəsinə müraciət edilmişdir). Əgər iddiaçının sözügedən şəxsin onun mənzilindən pasport qeydiyyatından çıxarılması tələbindən inzibati orqan imtina edərsə, belə olan halda iddiaçı inzibati orqanın hərəkətlərindən və ya hərəkətsizliyindən həmin inzibati orqanın yuxarı inzibati orqanına və yaxud məhkəmə qaydasında aidiyyəti üzrə Şəki İnzibati Məhkəməsinə şikayət verə bilər. Şərh olunanlara əsasən məhkəmə bu nəticəyə gəlir ki, ərizəyə məhkəmə qaydasında baxılmalı olmadığından iddianın yolverilməzliyinə görə iddia ərizəsini qəbul etməkdən imtina olunmalı və iddiaçıya mənzildən qeydiyyatda olan şəxsin onun mənzilindən pasport qeydiyyatından çıxarılması tələbi ilə Şəki İnzibati Məhkəməsinə müraciət etməli olması izah olunmalıdır. Azərbaycan Respublikası Mülki Prossesual Məcəlləsinin (bundan sonra mətində MPM) 153.2.1-ci maddəsinə görə ərizəyə məhkəmə qaydasında baxılmalı deyildirsə, hakim iddianın yolverilməzliyinə görə iddia ərizəsini qəbul etməkdən imtina edir. Həmin Məcllənin 153.3-cü maddəsinə əsasən, işə məhkəmə qaydasında baxılmalı deyildirsə, iddiaçının hansı orqana müraciət etməli olması qərardadda göstərilməlidir. Azərbaycan Respublikası Mülki Prosessual Məcəllənin 263, 264, 267 və 268-ci maddələrini rəhbər tutaraq Qərara aldım: İddiaçı Muxtar oğlunun cavabdeh Mingəçevir şəhər Polis İdarəsinə qarşı mənzildən istifadə hüququna xitam verilməsi və göstərilən mənzildən qeydiyyatdan çıxarılması tələbinə dair iddia ərizəsinin qəbul olunmasından iddianın yolverilməzliyinə görə imtina edilsin. İddiaçıya cavabdeh X1 onun mənzilindən pasport qeydiyyatından çıxarılması tələbi ilə Cavabdehnə, omtina olunduğu halda Şəki İnzibati Məhkəməsinə müraciət etməli olması izah olunsun. Qərardaddan rəsmi qaydada verildikdən sonra 10 gün müddətində Mingəçevir şəhər məhkəməsinə şikayət verilə bilər. Sədrlik edən: Ələkbər Hüseynov