Xaçmaz Rayon Məhkəməsi Qərardad — İş №2(067)-1022/2023

Azərbaycan Respublikası adından QƏRARDAD Xaçmaz şəhəri İş № 2(067)-1022/2023 17.02.2023 XAÇMAZ RAYON MƏHKƏMƏSİ Hakim Sadıqov Anar Böyükkişi oğlu, İddiaçı Cavabdeh qarşı alimentin artırılması və uşaqla ünsiyyətin yaradılması tələbinə dair iddia ərizəsinə baxaraq, müəyyən etdim İddiaçı Cavabdeh qarşı alimentin artırılması və uşaqla ünsiyyətin yaradılması tələbinə dair iddia ərizəsi ilə məhkəməyə müraciət etmişdir. İddia ərizəsini araşdıraraq müəyyən etdim ki, iddia ərizəsi Azərbaycan Respublikasının Mülki Prosessual Məcəlləsinin 152 və 149-cu maddələrinin tələblərinə uyğun olmadığından geri qaytarılmalıdır. Belə ki, iddiaçı ərizəsində uşaqla ünsiyyət hüququnun bərpa edilməsini xahiş etsə də, dövlət rüsumunun ödənilməsi barədə qəbzi iddia ərizəsinə əlavə etməmişdir. Azərbaycan Respublikasının Mülki Prosessual Məcəlləsinin 152.1.5.-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsi və ona əlavə edilmiş sənədləri geri qaytarır. Bundan başqa iddia ərizəsinə və ona əlavə edilmiş sənədləri araşdıraraq müəyyən etdim ki, iddiaçı bir-biri ilə bağlı olan bir neçə tələbi bir iddia ərizəsində birləşdirərək vermişdir. Məhkəmə qeyd edir ki, alimentin artırılması və uşaqla ünsiyyətin yaradılması tələbinə dair iddialara birgə baxılması da məqsədə müvafiq deyil və bu iddialara birgə baxılması alimentə dair iddiaya gec baxılması ilə nəticələnə bilər. Azərbaycan Respublikasının Mülki Prosessual Məcəlləsinin 149.3-cü maddəsinə əsasən iddiaçı bir-biri ilə bağlı olan bir neçə tələbi bir iddia ərizəsində birləşdirməyə haqlıdır. Hesab edirəm ki, dövlət rüsumunun ödənilməsi barədə qəbz ərizəyə əlavə edilmədiyindən iddia ərizəsi geri qaytarılmalıdır. Qeyd olunanlara əsasən və Azərbaycan Respublikasının Mülki Prosessual Məcəlləsinin 152 və 267-268-ci maddələrini rəhbər tutaraq, qərara aldım İddiaçı Cavabdeh qarşı alimentin artırılması və uşaqla ünsiyyətin yaradılması tələbinə dair iddia ərizəsi geri qaytarılsın. İddiaçıya izah olunsun ki, göstərilən nöqsanları aradan qaldırmaqla iddia ərizəsi ilə təkrar məhkəməyə müraciət etmək hüququ vardır. Qərardaddan rəsmi qaydada verildiyi gündən 10 gün müddətində Xaçmaz rayon məhkəməsinə şikayət verilə bilər. Hakim Anar Sadıqov