Naxçıvan MR Naxçıvan Şəhər Məhkəməsi Qətnamə — İş №2(078)-286/2021

Azərbaycan Respublikası adından QƏTNAMƏ Naxçıvan şəhəri İş № 2(078)-286/2021 05.03.2021 NAXÇIVAN MR NAXÇIVAN ŞƏHƏR MƏHKƏMƏSİ Mən, Naxçıvan Şəhər Məhkəməsinin hakimi Məmmədov Qabil Neymət oğlu, Bakı şəhəri, Yasamal rayonu, Moskva prospekti 73 A ünvanında yerləşən iddiaçı «xxxx» Məhdud Məsuliyyətli Cəmiyyətinin Cavabdeh qarşı borcun tutulması tələbi barədə kiçik iddialara dair işlər üzrə ərizəni və ərizəyə əlavə olunmuş sənədləri nəzərdən keçirərək m ü ə y y ə n e t d i m: «xxxx» Məhdud Məsuliyyətli Cəmiyyəti Cavabdeh qarşı ərizə ilə məhkəməyə müraciət edərək, xx xxxxxxx 2019-cu il tarixli müqaviləyə əsasən İMEİ kodu **********90213 olan X1 7 markalı telefon üçün 206 (iki yüz altı) manat ödənilməmiş hissə, 20 (iyirmi) manat cərimə, xx xxxxxx 2019-cu il tarixli müqaviləyə əsasən Lenovo markalı İdeapad üçün 626 (altı yüz iyirmi altı) manat ödənilməmiş hissə, 62 (altmış iki) manat cərimə, ümumilikdə 914 (doqquz yüz on dörd) manat borcun, 30 (otuz) manat ödənilmiş dövlət rüsumunun, cəmi 944 (doqquz yüz qırx dörd) manatın Cavabdeh alınaraq «xxxx» Məhdud Məsuliyyətli Cəmiyyətinə ödənilməsi barədə qətnamə çıxarılmasını xahiş etmişdir. «xxxx» Məhdud Məsuliyyətli Cəmiyyəti ərizəni onunla əsaslandırmışdır ki, cavabdehin «xxxx» MMC ilə xx xxxxxxx 2019-cu il və xx xxxxxx 2019-cu il tarixli müqavilələrə əsasən İMEİ kodu **********90213 olan X1 7 markalı telefon və Lenovo markalı İdeapad aldığını və nəticədə 914 (doqquz yüz on dörd) manat borcunun yarandığını, cavabdehin müqavilənin şərtlərini pozduğunu və nəticədə xx xxxxxxx 2019-cu il tarixli müqaviləyə əsasən alqı-satqı qiyməti 494 (dörd yüz doxsan dörd) manat (12 ay x 41 manat + 2 manat ilkin ödəniş) olan İMEİ kodu **********90213 olan X1 7 markalı telefon üçün ümumilikdə 226 (iki yüz iyirmi altı) manat olmaqla, ondan 206 (iki yüz altı) manat ödənilməmiş hissə, güzəşt olunaraq 20 (iyirmi) manat cərimə, xx xxxxxx 2019-cu il tarixli müqaviləyə əsasən alqı-satqı qiyməti 760 (yeddi yüz altmış) manat (6 ay x 115 manat + 70 manat ilkin ödəniş) olan Lenovo markalı İdeapad üçün ümumilikdə 688 (altı yüz səksən səkkiz) manat olmaqla, ondan 626 (altı yüz iyirmi altı) manat ödənilməmiş hissə, güzəşt olunaraq 62 (altmış iki) manat cərimə pulu borcunun yarandığını, cavabdehin cəmi ödədiyi məbləğin 422 manat təşkil etdiyini, bunları nəzərə alaraq, xx xxxxxxx 2019-cu il tarixli müqaviləyə əsasən İMEİ kodu **********90213 olan X1 7 markalı telefon üçün 206 (iki yüz altı) manat ödənilməmiş hissə, 20 (iyirmi) manat cərimə, xx xxxxxx 2019-cu il tarixli müqaviləyə əsasən Lenovo markalı İdeapad üçün 626 (altı yüz iyirmi altı) manat ödənilməmiş hissə, 62 (altmış iki) manat cərimə, ümumilikdə 914 (doqquz yüz on dörd) manat borcun, 30 (otuz) manat ödənilmiş dövlət rüsumunun, cəmi 944 (doqquz yüz qırx dörd) manatın Cavabdeh alınaraq «xxxx» Məhdud Məsuliyyətli Cəmiyyətinə ödənilməsi barədə qətnamə çıxarılmasını xahiş etmişdir. İş materiallarına əlavə edilmiş: Tərəflər arasında bağlanmış xx xxxxxxx 2019-cu il tarixli, 00967465 nömrəli və xx xxxxxx 2019-cu il tarixli, 01050643 nömrəli Müqavilələrin 2.3, 2.4 və 2.5-ci bəndlərinə əsasən, "xxxx" MMC malı müştəriyə təqdim edir. Müştəri malı qəbul edir və malı istifadə etmək hüququ ona keçir. Müqavilənin bütün şərtləri tam və vaxtında yerinə yetirildiyi təqdirdə mala tam sahiblik hüququ müştəriyə keçir. xx xxxxxx 2021-ci il tarixli maliyyə və ödəniş cədvəlinə əsasən, Cavabdeh xx xxxxxxx 2019-cu il tarixli Müqavilə üzrə alqı-satqı qiyməti 494 manat olan İMEİ kodu **********90213 olan X1 7 markalı telefon üçün 2 manat ilkin ödəniş olmaqla 12 ay müddətinə ayda 41 manat, xx xxxxxx 2019-cu il tarixli Müqavilə üzrə alqı-satqı qiyməti 760 manat olan Lenovo markalı İdeapad üçün 70 manat ilkin ödəniş olmaqla 6 ay müddətinə ayda 115 manat ödəməyi öhdəsinə götürmüşdür. Məhkəmə sübutları obyektiv, qərəzsiz, qanuna uyğun olaraq araşdırıb aşağıdakı nəticəyə gəlir. Azərbaycan Respublikası Mülki Məcəlləsinin: 442-ci maddəsinə əsasən, öhdəliyin icra edilməməsi dedikdə, onun pozulması və ya lazımınca icra edilməməsi başa düşülür. 443.1-ci maddəsinə əsasən, öhdəliyi icra etməyən borclu kreditora dəymiş zərərin əvəzini ödəməyə borcludur. 448.1-ci maddəsinə əsasən, əgər bu Məcəllə ilə və ya müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Azərbaycan Respublikası Mülki-Prosessual Məcəlləsinin: 284-1-ci maddəsinə əsasən, mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. 284-5.1-ci maddəsinə əsasən, ərizənin qəbulundan imtina olunmamışdırsa, onun məhkəməyə daxil olduğu vaxtdan 5 iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. 284-5.2-ci maddəsinə əsasən, cavabdeh bildirişi rəsmi qaydada aldığı gündən 10 iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Məhkəmə xx xxxxxx 2021-ci il tarixdə daxil olmuş ərizə üzrə xx xxxxxx 2021-ci il tarixdə cavabdehə bildiriş göndərmişdir. Lakin cavabdeh 10 iş günü müddətində iddiaya qarşı əsaslandırılmış etirazını və ona əlavə olunmuş sənədləri məhkəməyə göndərməmişdir. Azərbaycan Respublikası Mülki-Prosessual Məcəlləsinin: 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. 284-6.1-ci maddəsinə əsasən, işə mahiyyəti üzrə baxan hakim tərəfindən iddianın təmin və ya rədd edilməsi haqqında qətnamə qəbul edilir. Məhkəmə hesab edir ki, təqdim edilmiş sənədlər iş üzrə yekun qərarın çıxarılması üçün kifayət etdiyindən, əlavə araşdırma aparılmasına zərurət yaranmadığından işə mahiyyəti üzrə baxılaraq qərar verilməlidir. Ərizəni və ərizəyə əlavə olunmuş sənədləri nəzərdən keçirərək belə nəticəyə gəlirəm ki, iddia təmin edilməklə, Cavabdeh xx xxxxxxx 2019-cu il tarixli Müqavilə üzrə 206 (iki yüz altı) manat ödənilməmiş hissə, 20 (iyirmi) manat cərimə, xx xxxxxx 2019-cu il tarixli Müqavilə üzrə 626 (altı yüz iyirmi altı) manat ödənilməmiş hissə, 62 (altmış iki) manat cərimə, cəmi 914 (doqquz yüz on dörd) manat borc və 30 (otuz) manat ödənilmiş dövlət rüsumunun əvəzi olmaqla, ümumilikdə 944 (doqquz yüz qırx dörd) manat məbləğində pul iddiaçı «xxxx» Məhdud Məsuliyyətli Cəmiyyətinin xeyrinə tutulmalıdır. Belə ki, tərəflər arasında bağlanmış xx xxxxxxx 2019-cu il tarixli və xx xxxxxx 2019-cu il tarixli Müqavilələr üzrə "xxxx" MMC malı müştəriyə təqdim etməyi, müştəri isə malı qəbul etməyi, müqavilənin bütün şərtlərini tam və vaxtında yerinə yetirildiyi təqdirdə mala tam sahiblik hüququnun müştəriyə keçməsi barədə razılığa gəlmişlər. xx xxxxxx 2021-ci il tarixli maliyyə və ödəniş cədvəlinə əsasən, Cavabdeh xx xxxxxxx 2019-cu il tarixli Müqavilə üzrə alqı-satqı qiyməti 494 manat olan İMEİ kodu **********90213 olan X1 7 markalı telefon üçün 2 manat ilkin ödəniş olmaqla 12 ay müddətinə ayda 41 manat, xx xxxxxx 2019-cu il tarixli Müqavilə üzrə alqı-satqı qiyməti 760 manat olan Lenovo markalı İdeapad üçün 70 manat ilkin ödəniş olmaqla 6 ay müddətinə ayda 115 manat ödəməyi öhdəsinə götürmüşdür. Lakin Cavabdeh müqavilənin qeyd olunan şərtlərini pozaraq borcunun ödənilməsini təmin etməməklə, müqavilədən irəli gələn öhdəliyi yerinə yetirməmişdir. Azərbaycan Respublikası Mülki-Prosessual Məcəlləsinin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq, işdə iştirak edən şəxslərə aid edilir. Məhkəmə yuxarıda göstərilənlərə əsasən və Azərbaycan Respublikası Mülki- Prosessual Məcəlləsinin 216-220, 284-1, 284-5, 284-6, 358.0.3 və 360-cı maddələrini rəhbər tutaraq q ə t e t d i: İddia təmin edilsin. Cavabdeh xx xxxxxxx 2019-cu il tarixli Müqavilə üzrə 206 (iki yüz altı) manat ödənilməmiş hissə, 20 (iyirmi) manat cərimə, xx xxxxxx 2019-cu il tarixli Müqavilə üzrə 626 (altı yüz iyirmi altı) manat ödənilməmiş hissə, 62 (altmış iki) manat cərimə, cəmi 914 (doqquz yüz on dörd) manat borc və 30 (otuz) manat ödənilmiş dövlət rüsumunun əvəzi olmaqla, ümumilikdə 944 (doqquz yüz qırx dörd) manat məbləğində pul «xxxx» Məhdud Məsuliyyətli Cəmiyyətinin xeyrinə tutulsun. Tərəflər qətnamədən rəsmi qaydada verildiyi gündən 1 ay müddətində Naxçıvan Şəhər Məhkəməsi vasitəsilə Naxçıvan Muxtar Respublikası Ali Məhkəməsinin mülki kollegiyasına apellyasiya şikayəti verə bilərlər. Hakim Qabil Məmmədov.