Naxçıvan MR Naxçıvan Şəhər Məhkəməsi Qərardad — İş №2(078)-545/2021

Azərbaycan Respublikası adından QƏRARDAD Naxçıvan şəhəri İş № 2(078)-545/2021 02.06.2021 NAXÇIVAN MR NAXÇIVAN ŞƏHƏR MƏHKƏMƏSİ Hakim Səfərəliyeva Gülnar Xanlar qızının sədrliyi, Bağırova Nigar Ənvər qızının katibliyi, İddiaçının nümayəndəsi Nümayəndə iştirakı ilə, İddiaçı Cavabdeh qarşı nikahın pozulması və alimentin sabit məbləğdə tutulması tələbinə dair mülki işə Naxçıvan Şəhər Məhkəməsinin inzibati binasında açıq məhkəmə iclasında baxaraq, müəyyən etdi: İddiaçı nümayəndəsi Nümayəndə iddia ərizəsi ilə məhkəməyə müraciət edərək İddiaçı ilə Cavabdeh arasında 27 aprel 2007-ci il tarixdə Naxçıvan şəhər Nikah evində qeydə alınmış nikahın pozulması və Cavabdeh 27 iyun 2009-cu il təvəllüdlü X1 və 17 yanvar 2015-ci il təvəllüdlü X2 yetkinlik yaşına çatana kimi bir uşağın saxlanılmasına 175 (bir yüz yetmiş beş) manat olmaqla, iki uşaq üçün ümumilikdə 350 (üç yüz əlli) manat alimentin tutularaq iddiaçının xeyrinə ödənilməsi barədə qətnamə çıxarılmasını məhkəmədən xahiş etmişdir. 02 iyun 2021-ci il tarixdə saat 10:30-da keçirilən məhkəmə baxış iclası zamanı iddiaçının nümayəndəsi Nümayəndə məhkəməyə ərizə təqdim edərək iddiaçının həyat yoldaşı ilə barışaraq ailəni bərpa etdiyini, buna görə də iddiadan imtina etdiyini bildirmiş və mülki iş üzrə icraata xitam verilməsi barədə qərar qəbul edilməsini məhkəmədən xahiş etmişdir. Azərbaycan Respublikası Mülki-Prosessual Məcəlləsinin 52.1-ci maddəsinə əsasən iddiaçı iddiadan imtina edə bilər. İddiadan imtina etmə yazılı formada ifadə edilməlidir. Məhkəmə İddiaçı iş üzrə icraata xitam verilməsi haqqında müraciətini müzakirə edib belə nəticəyə gəlir ki, işdə imtinanın qəbul edilməməsi üçün əsas verən Azərbaycan Respublikası Mülki-Prosessual Məcəlləsinin 52.5-ci maddəsində göstərilən hallar yoxdur. Bu səbəbdən də İddiaçı iddiadan imtina etməsi məhkəmə tərəfindən qəbul edilməli və Azərbaycan Respublikası Mülki-Prosessual Məcəlləsinin 261.0.4-cü maddəsinə əsasən iş üzrə icraata xitam verilməlidir. Belə ki, həmin maddənin tələbinə əsasən iddiaçı iddiadan imtina etmişsə və bu imtina məhkəmə tərəfindən qəbul olunmuşsa, hakim iş üzrə icraata xitam verir. Azərbaycan Respublikası Mülki Prosessual Məcəlləsinin 114.1.4-cü maddəsinə əsasən, bu Məcəllə ilə nəzərdə tutulmuş əsaslarla iş üzrə icraata xitam verilərsə, ödənilmiş dövlət rüsumu qaytarılır. Odur ki, İddiaçı tərəfindən 21.04.2021-ci il tarixdə “xxxx” ASC Naxçıvan filialına (Çəmən Market) 24636 nömrəli qəbzlə ödənilmiş 20 (iyirmi) manat dövlət rüsumu İddiaçı qaytarılmalıdır. Göstərilən xüsusatları və Azərbaycan Respublikası Mülki-Prosessual Məcəlləsinin 261, 262-264, və 267-268-ci maddələrini rəhbər tutaraq, məhkəmə qərar verdi: İddiaçı Cavabdeh qarşı nikahın pozulması və alimentin sabit məbləğdə tutulması tələbinə dair mülki iş üzrə icraata xitam verilsin. İddiaçı tərəfindən 21.04.2021-ci il tarixdə “xxxx” ASC Naxçıvan filialına (Çəmən Market) 24636 nömrəli qəbzlə ödənilmiş 20 (iyirmi) manat dövlət rüsumu iddiaçıya geri qaytarılsın. Qərardaddan şikayət, qərardad tərəfə rəsmi qaydada verildikdən sonra 10 (on) gün müddətində verilə bilər. Sədrlik edən: Gülnar Səfərəliyeva