Bakı Apellyasiya Məhkəməsi Qərardad — İş №2-1(103)-1279/2020

Azərbaycan Respublikası adından QƏRARDAD Bakı şəhəri İş № 2-1(103)-1279/2020 26.08.2020 BAKI APELLYASİYA MƏHKƏMƏSİ Hakimlər Nuriyeva Afaq Bayram qızı (sədrlik edən və məruzəçi-hakim), Ağayev Valeh Məmməd oğlu və Hüseyn Aida Əli qızından ibarət tərkibdə, X2 oğlunun katibliyi ilə, İddiaçı, Cavabdehin nümayəndəsi X1 iştirakları ilə, İddiaçı cavabdeh Azərbaycan Respublikası Əmək və X3 Nazirliyi yanında Dövlət X5 Bakı şəhəri Binəqədi rayon şöbəsinə qarşı yaşa görə əmək pensiyasının təyin olunması tələbi barədə inzibati mübahisəyə dair iş üzrə Bakı İnzibati Məhkəməsinin xx xxxx 2020-ci il tarixli, 2-1(112)-154/2020 saylı qərarından Azərbaycan Respublikası Əmək və X3 Nazirliyi yanında Dövlət X7 Məhkəmə Mübahisələri ilə İş İdarəsinin nümayəndəsi G.Cavadova tərəfindən verilmiş apellyasiya şikayətinin mümkünlük məsələsinə Bakı Apellyasiya Məhkəməsinin inzibati binasında (Bakı şəhəri, Z.Xəlilov küçəsi, 540-cı məhəllə) şifahi məhkəmə iclasında baxaraq, məhkəmə kollegiyası müəyyən etdi: İddiaçı cavabdeh Azərbaycan Respublikası Əmək və X3 Nazirliyi yanında Dövlət X5 Bakı şəhəri Binəqədi rayon şöbəsinə qarşı iddia ərizəsi ilə məhkəməyə müraciət edərək, yaşa görə əmək pensiyasının təyin olunması” tələbinə dair iddia ərizəsi ilə məhkəməyə müraciət edərək, onun yaşa görə əmək pensiyası hüququnun bərpa edilməsi barədə qərar qəbul edilməsini xahiş etmişdir. Sonradan iddiaçı iddia tələbinə dəqiqləşmə verərək, DSMF Binəqədi rayon şöbəsinin əmək pensiyasının təyin olunmasından imtina edilməsi barədə məktubunda göstərilən xx.xx.1992-ci il tarixdən xx.xx.2003-cü il tarixədək olan dövrün onun iş stajına daxil edilməklə, pensiya hüququnun bərpa edilməsi vəzifəsinin cavabdehin üzərinə qoyulmasını xahiş etmişdir. Daha sonra iddiaçı yenidən məhkəməyə iddia tələbinin dəqiqləşdirilməsi barədə ərizə təqdim edərək, DSMF Binəqədi rayon şöbəsinin “əmək pensiyasının təyin edilməsindən imtina edilməsi barədə” bildirişində göstərilən xx.xx.1992-ci il tarixdən xx.xx.2003-cü il tarixədək olan dövrün iş stajı kimi nəzərə alınmaqla ona xx.xx.2019-cu il tarixdən pensiya təyin edilməsi vəzifəsinin cavabdehin üzərinə qoyulması barədə qərar qəbul edilməsini xahiş etmişdir. Bakı İnzibati Məhkəməsinin xx xxxx 2020-ci il tarixli, 2-1(112)-154/2020 saylı qərarı ilə iddia tələbi təmin edilərək, iddiaçının xx.xx.1992-ci il tarixdən xx.xx.2003-cü il tarixədək N.Nərimanov adına BTİB (“Trikotaj” ATSC)-də işlədiyi dövrlər sığorta stajına daxil edilərək, ona xx.xx.2019-cu il tarixdən yaşa görə əmək pensiyasının təyin edilməsi vəzifəsinin cavabdehə həvalə edilməsi qərara alınmışdır (hakim N.Abiyev). Həmin qərardan Azərbaycan Respublikası Əmək və X3 Nazirliyi yanında Dövlət X7 Məhkəmə Mübahisələri ilə İş İdarəsinin nümayəndəsi G.Cavadova apellyasiya şikayəti vermişdir. Məhkəmə kollegiyasının iclasında izahat verən Azərbaycan Respublikası Əmək və X3 Nazirliyi yanında Dövlət X7 Məhkəmə Mübahisələri ilə İş İdarəsinin nümayəndəsi X4 apellyasiya şikayətini müdafiə edərək, izahatında göstərmişdir ki, birinci instansiya məhkəməsinin qərarı xx.xx.2020-ci il tarixdə poçt vasitəsi ilə DSMF Binəqədi rayon Şöbəsinə daxil olmuşdur. xx.xx.2020-ci il tarixində Azərbaycan Respublikası Əmək və X3 Nazirliyi yanında Dövlət X7 Məhkəmə Mübahisələri ilə İş İdarəsi yaradılıb və idarə öz fəaliyyətinə xx.xx.2020-ci il tarixindən başlamışdır. Cavabdehin birinci və apellyasiya instansiyalarında olan məhkəmə işləri Məhkəmə Mübahisələri ilə İş İdarəsinə xx.xx.2020ci il tarixində təhvil verilmişdir. Bu baxımdan işin araşdırılması,ona aid mülahizələrin hazırlanması ilə əlaqədar vaxt məhdudiyyəti yaranmışdır. Həmçinin, ƏƏSMN tərəfindən şöbələrin əməkdaşlarının işə çıxmasına kvota (limit) qoyulmuşdur (Nazirlər Kabinetinin “Azərbaycan Respublikasının ərazisində xüsusi karantin dövründə iş rejiminin tənzimlənməsi barədə” xx.xx.2020-ci il tarixli Qərar). Nəticədə, müddət üzrlü səbəbdən ötürüldüyü üçün apellyasiya şikayətini vermək mümkün olmamışdır. İddiaçı müddətin ötürülməsi barədə ərizənin təmin edilməməsini xahiş etmişdir. Məhkəmə kollegiyası sədrlik edənin məruzəsini, işdə iştirak edən şəxslərin izahatlarını dinləyib, apellyasiya şikayətinin mümkünlüyünü yoxlayaraq hesab edir ki, apellyasiya şikayəti mümkün sayılmamalı və apellyasiya şikayətinin qəbulundan imtina edilməlidir. Belə ki, Azərbaycan Respublikası İnzibati Prosessual Məcəlləsinin 87.2-ci maddəsinə əsasən apellyasiya instansiya məhkəməsi apellyasiyanın mümkünlüyü əsaslarını yoxlayır. Azərbaycan Respublikası İnzibati Prosessual Məcəlləsinin 85.1-ci maddəsinə əsasən şikayət məhkəmə qərarının tam formada təqdim olunduğu gündən 30 gün, məhkəmə qərardadının isə elan olunduğu gündən 10 gün müddətində inzibati və iqtisadi mübahisələrə dair işlər üzrə məhkəmə vasitəsilə verilir. İş materiallarında olan məhkəmə qərarının göndərilməsi barədə məktubdan görünür ki, Bakı İnzibati Məhkəməsinin xx xxxx 2020-ci il tarixli, 2-1(112)-154/2020 saylı qərarın surəti xx.xx.2020-ci il tarixdə göndərilmiş, xx xxxxx 2020-ci il tarixdə cavabdeh tərəfindən alınmış, xx.xx.2020-ci il tarixdə qanuni qüvvəyə minmiş və məhkəmənin xx.xx.2020-ci il tarixli məktubu ilə icraya yönəldilmişdir. Azərbaycan Respublikası Əmək və X3 Nazirliyi yanında Dövlət X7 Məhkəmə Mübahisələri ilə İş İdarəsinin nümayəndəsi G.Cavadova məhkəmənin qərarından apelyasiya şikayəti və apelyasiya şikayəti üzrə buraxılmış prosessual müddətin bərpasına dair ərizə vermişdir. Həmin şikayət və ərizə xx.xx.2020-ci il tarixdə Bakı İnzibati Məhkəməsinə daxil olmuşdur. Göründüyü kimi qərardan apellyasiya şikayəti verilməsi üçün qanunla müəyyən edilmiş 30 günlük müddətin tamam olmasından sonra, yəni 9 gün otürülməklə təqdim edilmişdir. Azərbaycan Respublikası İnzibati Prosessual Məcəlləsinin 22.1-ci əsasən bu Məcəllə ilə başqa qayda nəzərdə tutulmamışdırsa, müddətin axımı təqdim edilmə anından, təqdim edilməsi məcburi hesab olunmadığı hallarda isə, elan edilmə anından başlanır. Azərbaycan Respublikası İnzibati Prosessual Məcəlləsinin 24.1-ci maddəsinə əsasən bu Məcəllə ilə müəyyən olunmuş müddət proses iştirakçısının təqsiri olmadan buraxıldığı hallarda, məhkəmə həmin şəxsin ərizəsinə əsasən buraxılmış prosessual müddəti bərpa etməlidir. Buraxılmış prosessual müddətin bərpa edilməsi barədə ərizə müddətə əməl olunmasına mane olan hallar aradan qalxdığı gündən 15 gün ərzində verilməlidir. Müddətin buraxılmasına səbəb olmuş hallar ərizədə və ya ərizə üzrə keçirilən məhkəmə iclasında əsaslandırılmalıdır (24.2). Ərizənin verilməsi ilə eyni vaxtda müddəti buraxılmış prosessual hərəkət də edilməlidir (24.3). Ərizə prosessual hərəkətin edilməli olduğu məhkəməyə verilir. Həmin ərizəyə məhkəmə iclasında baxılır. Ərizəçiyə məhkəmə iclasının yeri və vaxtı barədə məlumat verilir (24.5). Buraxılmış prosessual müddətin bərpa edilməsi haqqında qərardad qəbul edən məhkəmə, eyni vaxtda buraxılmış prosessual hərəkətlərə dair məsələni də həll etməlidir (24.6). Məhkəmə kollegiyası cavabdehin ərizəsində göstərilən prosessual müddətin buraxılmasına səbəb olmuş halları qəbul etmir və hesab edir ki, hazırki iş üzrə məhkəmə qərarından apellyasiya şikayəti verməsi üçün cavabdehin kifayət qədər vaxtı olmuş və o, bundan istifadə etməmiş, nəticədə isə prosessual müddət onun özünün təqsiri üzündən üzürsüz səbəbdən buraxılmışdır. Azərbaycan Respublikası İnzibati Prosessual Məcəlləsinin 87.3-cü maddəsinə əsasən apellyasiya mümkün sayılmadıqda apellyasiya instansiyası məhkəməsi şikayəti qəbul etməkdən imtina edir. Həmin Məcəllənin 87.4-cü maddəsinə əsasən apellyasiyanın mümkünlüyü ilə bağlı məhkəmə qərardad çıxarır. Apellyasiyanın mümkün sayılmaması barədə qərardad qəbul edilməmişdən əvvəl proses iştirakçılarının dinlənilmə hüququ təmin edilməlidir. Göstərilənlərə əsasən məhkəmə kollegiyası belə hesab edir ki, cavabdeh tərəfindən Bakı İnzibati Məhkəməsinin xx xxxxxx 2020-ci il tarixli, 2-1(112)-1725/2020 saylı qərarından verdiyi apellyasiya şikayəti mümkün sayılmamalı və apellyasiya şikayətinin qəbulundan imtina edilməlidir. Azərbaycan Respublikası İnzibati Prosessual Məcəlləsinin 80, 87, 89, 94-cü maddələrini rəhbər tutaraq məhkəmə kollegiyası qərara aldı: Azərbaycan Respublikası Əmək və X3 Nazirliyi yanında Dövlət X7 Məhkəmə Mübahisələri ilə İş İdarəsinin nümayəndəsi G.Cavadova tərəfindən Bakı İnzibati Məhkəməsinin xx xxxx 2020-ci il tarixli, 2-1(112)-154/2020 saylı qərarından verilmiş apellyasiya şikayəti mümkün sayılmasın və apellyasiya şikayətinin qəbulundan imtina edilsin. Qərardaddan təqdim edildiyi gündən 10 (on) gün müddətində Bakı Apellyasiya Məhkəməsi vasitəsi ilə Azərbaycan Respublikası Ali Məhkəməsinin İnzibati-İqtisadi Kollegiyasına (Bakı şəhəri, Y.Səfərov küçəsi 14, 1193-cü məhəllə) kassasiya şikayəti verilə bilər. Sədrlik edən: Afaq Nuriyeva Hakimlər: Valeh Ağayev Aida Hüseyn