Azərbaycan Respublikası adından QƏRARDAD Bakı şəhəri İş № 2-1(103)-1453/2025 15.04.2025 BAKI APELLYASİYA MƏHKƏMƏSİ İddiaçı cavabdeh Azərbaycan Respublkası Ədliyyə Nazirliyi Sahəsində Xidmətlər Baş İdarəsinə qarşı iş üzrə (Açar sözlər: ictimai birliyi hüquqi şəxsin dövlət qeydiyyatına alınması öhdəliyinin cavabdehə həvalə edilməsi; apellyasiya şikayətinin mümkün sayılmaması) Hakimlər Abbasova Günel Məhərrəm qızının sədrliyi və məruzəsi ilə, Oruczadə Aytən Pənah qızı və Yusifov Cahangir Afər oğlundan ibarət tərkibdə, X3 qızının katibliyi katibliyi ilə, İddiaçı iştirakı ilə, İddiaçı cavabdeh Azərbaycan Respublkası Ədliyyə Nazirliyi Sahəsində Xidmətlər Baş İdarəsinə qarşı iddia ərizəsi ilə məhkəməyə müraciət edərək “ictimai birliyi hüquqi şəxsin dövlət qeydiyyatına alınması öhdəliyinin cavabdehə həvalə edilməsi” tələbinə dair inzibati iş üzrə qərarın icra edilməsinə dair Bakı İnzibati Məhkəməsinin 18 dekabr 2024-cü il tarixli, 2-1(112)-6239/2024 saylı qərardadından iddiaçı tərəfindən verilmiş apellyasiya şikayətinin mümkünlüyü məsələsinə Bakı Apellyasiya Məhkəməsinin məhkəmə iclas zalında, açıq məhkəmə iclasında baxaraq aşağıdakı qərardadı qəbul etdi. İŞİN HALLARİ
1. İddiaçı cavabdeh Azərbaycan Respublkası Ədliyyə Nazirliyi Ədliyyə Sahəsində Xidmətlər Baş İdarəsinə qarşı iddia ərizəsi ilə məhkəməyə müraciət edərək “Polis və X2” ictimai birliyi hüquqi şəxsin dövlət qeydiyyatına alınması öhdəliyinin cavabdehin üzərinə qoyulması barədə qərar qəbul edilməsini xahiş etmişlər.
2. Bakı İnzibati Məhkəməsinin xx.xx.2024-cü il tarixli, 2-1(112)-6239/2021 nömrəli qərarı ilə iddia tələbi qismən təmin edilərək, İddiaçı cavabdeh Azərbaycan Respublkası Ədliyyə Nazirliyi Ədliyyə Sahəsində Xidmətlər Baş İdarəsinə qarşı ictimai birliyin qeydə alınması öhdəliyinin cavabdehə həvalə edilməsi tələbinə dair müraciəti ilə bağlı məhkəmənin hüquqi mövqeyi nəzərə alınmaqla inzibati icraatın aparılması vəzifəsinin Azərbaycan Respublikası Ədliyyə Nazirliyinin Ədliyyə Sahəsində Xidmətlər Baş İdarəsinin üzərinə qoyulması qərara alınmışdır.
3. Bakı İnzibati Məhkəməsinin xx.xx.2024-cü il tarixli məktubu ilə məhkəmənin xx.xx.2024-cü il tarixli qərarı icra edilməsi üçün cavabdehə göndərilmişdir.
4. İddiaçının nümayəndəsi və vəkili elektron kabinet vasitəsilə məhkəməyə müraciət edərək bildirmişdir ki, cavabdeh tərəfindən inzibati icraatın aparılmasından imtina edilir və süründürməçiliyə yol verilir. Cavabdehə bununla bağlı xəbərdarlıq edilməsini xahiş etmişdir.
5. Azərbaycan Respublikasının Ədliyyə Nazirliyi məhkəmənin sorğusuna xx.xx.2024cü il tarixli cavab məktubunda bildirilmişdir ki, “Polis və X1 Dəstək” ictimai birliyinin dövlət qeydiyyatına alınması ilə bağlı sənədlər xx.xx.2024-cü il tarixdə Baş İdarəyə təqdim olunmuş, həmin sənədlərin qanunvericilik aktlarına uyğunluğu yoxlanılarkən ərizənin notariat qaydasında təsdiq edilmədiyi müəyyən edilmiş, bununla əlaqədar “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikası Qanununun 11.3.1-ci maddəsinə müvafiq olaraq sənədlər geri qaytarılmışdır.
6. İddiaçının nümayəndəsi və vəkili elektron kabinet vasitəsilə ilə məhkəməyə müraciət edərək qərarının icrası barədə müvafiq tədbirlərin görülməsini xahiş etmişdir
7. Bakı İnzibati Məhkəməsinin 18 dekabr 2024-cü il tarixli, 2-1(112)-6239/2024 saylı qərardadı ilə ərizə rədd edilmişdir.
8. İddiaçı həmin qərardaddan apellyasiya şikayəti verərək, qərardadın ləğv edilməsini, apellyasiya şikayətinin təmin edilməsini və ərizənin təmin edilməsi barədə yeni qərar qəbul edilməsini xahiş etmişdir.
APELLYASİYA İNSTANSİYASİ MƏHKƏMƏSİNİN MÖVQEYİ
9. Məhkəmə kollegiyası hesab edir ki, apellyasiya şikayəti mümkün sayılmamalıdır.
10. Belə ki, Azərbaycan Respublikası İnzibati Prosessual Мəcəlləsinin: -20.1-ci maddəsinə əsasən müddətin axımının başlanmasına səbəb olan məhkəmə qərarları, qərardadları, sərəncamları (bundan sonra - məhkəmə aktları), eləcə də məhkəmə iclasının tarixinin müəyyən olunması ilə və ya məhkəməyə çağırışla bağlı olan məhkəmə sənədləri proses iştirakçılarına şəxsən və ya digər üsullarla təqdim edilməlidir. Hər bir halda təqdimetmənin təsdiqi barədə müvafiq qeydlər və ya sənədlər iş üzrə materiallara əlavə olunur. - 22.1-ci maddəsinə əsasən bu Məcəllə ilə başqa qayda nəzərdə tutulmamışdırsa, müddətin axımı təqdim edilmə anından, təqdim edilmənin bu Məcəllə ilə məcburi hesab olunmadığı hallarda isə, elan edilmə anından başlanır. -23.1-ci maddəsinə əsasən məhkəmə qərarına (qərardadına) qarşı şikayət verilməsi ilə bağlı bu Məcəllədə nəzərdə tutulmuş müddətin axımı, proses iştirakçısına həmin qərara (qərardada) qarşı şikayət vermənin qaydası və müddəti, şikayətin verilə biləcəyi məhkəmə və onun ünvanı barədə məlumatların nəzərdə tutulduğu məhkəmə aktının və ya bu barədə məhkəmə tərəfindən yazılı məlumatın təqdim edildiyi gündən başlanır. -85.1-ci maddəsinə əsasən şikayət məhkəmə qərardadının tam formada təqdim olunduğu gündən 10 gün müddətində inzibati məhkəmə vasitəsilə verilir. -87.2-ci maddəsinə əsasən apellyasiya instansiyası məhkəməsi apellyasiyanın mümkünlüyü əsaslarını yoxlayır. İnzibati prosessual qanunvericiliyin tələblərinə görə apellyasiya şikayətinin vaxtında verilməsi apellyasiyanın mümkün sayılması üçün əsas şərtlərdən biridir.
11. İş materiallarından görünür ki, Bakı İnzibati Məhkəməsinin 18 dekabr 2024-cü il tarixli, 2-1(112)-6239/2024 saylı qərardadı xx.xx.2024-cü il tarixdə iddiaçının nümayəndəsivəkilinin elektron kabinetinə yerləşdirilmişdir.
12. İddiaçı tərəfin qərardan verilmiş apellyasiya şikayəti xx.xx.2025-ci il tarixdə Bakı İnzibati Məhkəməsinə daxil olmuşdur. Apellyasiya şikayəti qanunla müəyyən edilmiş 10 günlük prosessual müddət ötürməklə verilmişdir. Hazırkı apellyasiya şikayəti üzrə apellyasiyanın mümkünlük məsələsinə baxılması xx.xx.2025-ci il tarixə təyin edilmiş və iddiaçıya xx.xx.2025-ci il tarixli bildirişlə məhkəmə kollegiyası Azərbaycan Respublikası İPM-nin 12-ci maddəsinə uyğun xidməti vəzifəsindən istifadə edərək həmin Məcəllənin 13-cü maddəsində nəzərdə tutulmuş hüquqi yardımı göstərərək, apellyasiya şikayətinin qanunla müəyyən edilmiş müddətdə verildiyinə dair sübutları və ya həmin qərardaddan şikayətin verilməsi üçün prosessual müddət ötürüldüyü təqdirdə həmin müddətin bərpa edilməsinə dair müvafiq ərizənin verilməsini təklif etmişdir. Məhkəmə iclasında İddiaçı apellyasiya şikayətinin mümkün sayılmasını xahiş etdi.
13. Göstərilənlərə əsasən məhkəmə kollegiyası belə nəticəyə gəlir ki, apellyasiya şikayəti Azərbaycan Respublikası İnzibati Prosessual Мəcəlləsinin 85.1-ci maddəsində nəzərdə tutulmuş prosessual müddət ötürülməklə verildiyindən apellyasiyanın mümkünlüyü üçün prosessual əsaslar mövcud deyildir, bu səbəbdən həmin şikayət üzrə apellyasiya mümkün sayılmamalı və şikayətin icraata qəbulundan imtina edilməlidir.
14. Azərbaycan Respublikası İnzibati Prosessual Məcəlləsinin 87.3-cü maddəsinə əsasən apellyasiya mümkün sayılmadıqda apellyasiya instansiyası məhkəməsi şikayəti qəbul etməkdən imtina edir.
15. Azərbaycan Respublikası İnzibati Prosessual Məcəlləsinin 85, 87-ci maddələrini rəhbər tutaraq, məhkəmə kollegiyası
QƏRARA ALDİ:
Bakı İnzibati Məhkəməsinin 18 dekabr 2024-cü il tarixli, 2-1(112)-6239/2024 saylı qərardadından iddiaçı tərəfindən verilmiş apellyasiya şikayəti üzrə apellyasiya mümkün sayılmasın və apellyasiya şikayətinin qəbulundan imtina edilsin. Qərardaddan 10 gün müddətində Azərbaycan Respublikası Ali Məhkəməsinin İnzibati kollegiyasına Bakı Apellyasiya Məhkəməsi vasitəsi ilə kassasiya şikayəti verilə bilər.
Sədrlik edən: Günel Abbasova Hakimlər: Aytən Oruczadə Cahangir Yusifov