Bakı Apellyasiya Məhkəməsi Qərar — İş №2-1(103)-1522/2024

Azərbaycan Respublikası adından QƏRAR Bakı şəhəri İş № 2-1(103)-1522/2024 20.08.2024 BAKI APELLYASİYA MƏHKƏMƏSİ Giriş hissə: X22 Səmədovun sədrliyi və məruzəsi ilə, Xəyalə Adil qızı Cəmilova və X23 ibarət tərkibdə, Eldarzadə Şirazi Elxan oğlunun katibliyi ilə, İddiaçı cavabdeh Daşınmaz Əmlakın Dövlət Kadastrı və Reyestri publik hüquqi şəxsi 1 saylı Bakı Ərazi İdarəsinə qarşı (üçüncü şəxs X7) “mülkiyyət hüququ haqqında arayışın verilməsi” tələbinə dair iddiası üzrə Bakı İnzibati Məhkəməsinin 17 noyabr 2022-ci il tarixli, 2-1(112)-731/2022 saylı qərarından cavabdeh tərəfindən verilmiş apellyasiya şikayətinə əsasən inzibati işə Bakı Apellyasiya Məhkəməsinin binasında, açıq məhkəmə iclasında baxaraq aşağıdakı qərarı qəbul etdi. Təsviri hissə: İddiaçı cavabdeh Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin 1 saylı Bakı Ərazi İdarəsinə (hazırda Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsi 1 saylı Bakı Ərazi İdarəsi, bundan sonra İdarə) qarşı iddia ərizəsi ilə məhkəməyə müraciət edərək, Azərbaycan Respublikası Ədliyyə Nazirliyi Bakı şəhəri 54 saylı notariat ofisinin xx.xx.2020ci il tarixli məktubunun icrası ilə əlaqədar bütün hərəkətlərin edilməsinə dair öhdəliyin cavabdeh inzibati orqanın üzərinə qoyulması barədə qərar qəbul edilməsini xahiş etmişdir. İddiaçının nümayəndəsi və vəkili Vəkil məhkəməyə iddia tələbinin dəqiqləşdirilməsi barədə ərizə təqdim edərək, X14 adına Bakı şəhəri, Ləhiş bağ massivi ünvanında yerləşən 0,12 ha torpaq sahəsi olan 2374 saylı bağ sahəsinə dair mülkiyyət hüququ haqqında arayışın verilməsi öhdəliyinin cavabdehin üzərinə qoyulması barədə qəbul edilməsini xahiş etmiş və həmin ərizə məhkəmə tərəfindən icraata qəbul edilmişdir. Birinci instansiya məhkəməsinin xx.xx.2022-ci il tarixli, 2-1(112)-731/2022 №-li qərardadı ilə X7 üçüncü şəxs qismində inzibati məhkəmə icraatına cəlb olunmuşdur. İddiaçı tələbini onunla əsaslandırmışdır ki, X11 qalmış miras əmlaka dair vərəsəlik hüququ haqqında şəhadətnamənin verilməsi ilə bağlı Bakı şəhəri 54 saylı Notariat Ofisinə müraciət etmiş, xx.xx.2013-cü il tarixdə vərəsələrin dairəsi müəyyən olunmuş və vərəsəlik işi açılmışdır. Bununla əlaqədar olaraq Bakı şəhəri, Ləhiş bağ massivi ünvanında yerləşən 0,12 ha torpaq sahəsi olan 2374 saylı bağ sahəsinə dair çıxarış verilməsi üçün notariat ofisi tərəfindən cavabdehə xx.xx.2020-ci il tarixli məktubla müraciət olunmuş, cavabdeh xx.xx.2021-ci il tarixli məktubla imtina etmişdir. İnzibati orqanın imtina məktubunda qeyd olunanlar əsassız və qanunsuzdur. Belə ki, ilk öncə bağların bölgüsünə dair sxematik xəritənin hansı xəritə olduğu, hansı orqan tərəfindən təsdiq olunduğu, ümumiyyətlə həmin xəritənin hansı hüquqmüəyyənedici sənəd olduğu qeyri-müəyyəndir. İnzibati orqanın belə bir “xəritəyə” istinad edərək bağ sahəsində ölçmə işlərinin aparılmasından imtina edilməsi absurddur. Digər tərəfdən, bağ sahəsinin ümumi hasar daxilində və faktiki olaraq digər bağ sahəsinin ərazisində yerləşməsi imtina üçün əsas ola bilməz. Bu hal əksinə onu təsdiq edir ki, mülkiyyətində olan bağ sahəsi qanunsuz olaraq zəbt edilmişdir və qanunsuz olaraq zəbt edilmə ilə əlaqədar olaraq mülkiyyətində olan torpaq sahəsində ölçmə işlərinin aparılmasından və digər hərəkətlərin edilməsindən imtina olunmamalıdır. Mülkiyyət hüququ haqqında çıxarış alındıqdan sonra həmin şəxslərin torpaq sahəsindən çıxarılması ilə bağlı tərəfindən mülki iddia qaydasında iddia qaldırılacaqdır və bu məsələnin cavabdehə heç bir aidiyyəti yoxdur. İnzibati orqan ona göndərilmiş notariat ofisinin məktubunu icra edərək ölçmə işləri aparmalı və bununla bağlı çıxarış təqdim etməli idi. Lakin cavabdeh inzibati orqan öz səlahiyyətlərinə aid olmayan məsələlərə toxunaraq həmin torpaq sahəsinin ümumi hasar daxilində yerləşdiyini bildirir. İmtina məktubundan görünmüşdür ki, inzibati orqan heç bir hüquqmüəyyənedici sənədə əsaslanmır və bağ sahəsinin faktiki olaraq onun mülkiyyətindəki bağ sahəsinə uyğun olduğunu qeyd etmişdir. Ərizəyə əlavə edilmiş xx.xx.2020-ci il tarixli məktuba əsasən müəyyən olunur ki, Bakı şəhəri, Sabunçu rayonu, Ləhiş bağ massivində yerləşən 2374 saylı bağ sahəsinin daşınmaz əmlakın dövlət reyestrində qeydiyyata alınmasına dair məlumat aşkar olunmamışdır. Azərbaycan SSR Bakı şəhər İcraiyyə Komitəsinin X13 və İstismarı Birliyinin 7 nömrəli orderindən və 184 nömrəli Ləhiş bağ-tikinti kooperativi üzvlərinin siyahısından müəyyən olunur ki, Ləhiş bağlar sahəsi 2374 saylı bağ sahəsi 0,12 ha ölçüdə X18 ayrılmışdır. Bütün bu sənədlər olduğu təqdirdə inzibati orqan orderin arxiv nüsxəsinin aşkarlanmadığını qeyd edir. İnzibati orqana orderin əsli və 184 nömrəli Ləhiş bağ-tikinti kooperativi üzvlərinin siyahısı barədə arxiv çıxarışı təqdim olunmuşdur. Cavabdehin yazılı etirazının dəlilləri iddiaçının tələbindən imtinanın dəlilləri ilə eynilik təşkil edir. Əlavə olaraq bildirilmişdir ki, idarənin mütəxəssisləri tərəfindən xx.xx.2021-ci il tarixdə aparılan yerli baxış zamanı iddiaçı tərəfindən göstərilən bağ sahəsinin ümumi hasar daxilində yerləşdiyi məlum olmuş və həmin bağ sahəsinin çatışmayan 584,5 kv.m hissəsinin isə şimal tərəfdə, qonşu bağın ərazisində olduğu iddiaçı tərəfindən bildirilmişdir. Bu səbəbdən torpaq sahəsinin hüquqmüəyyənedici sənəd üzrə sahəsi 1200 kv.m olsa da, faktiki sahəsi 615,5 kv.m təşkil edir. Bakı İnzibati Məhkəməsinin 2-1(112)-731/2022 nömrəli, xx.xx.2022-ci il tarixli qərarı ilə (hakim Ş.Həsənova) iddia təmin edilmiş, Bakı şəhəri, Sabunçu rayonu, Ləhiş bağ massivi ünvanında yerləşən 0,12 ha torpaq sahəsi olan 2374 nömrəli bağ sahəsi üzərində mülkiyyət hüquqlarının mərhum X18 məxsus olmasına dair arayışın verilməsi öhdəliyi cavabdeh Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsi 1 saylı Bakı Ərazi İdarəsinin üzərinə qoyulmuşdur. Həmin qərardan cavabdeh apellyasiya şikayəti verərək, Bakı İnzibati Məhkəməsinin 2-1(112)-731/2022 nömrəli, xx.xx.2022-ci il tarixli qərarının ləğv edilərək, iddianın təmin edilməməsi barədə yeni qərar qəbul edilməsini xahiş etmişdir. Apellyasiya şikayəti onunla əsaslandırılmışdır ki, İddiaçı müvafiq tələb ilə bağlı xx.xx.2021-ci il tarixdə İdarəyə müraciət etmişdir. Aparılmış araşdırmalar nəticəsində məlum olmuşdur ki, sözügedən bağ sahəsi bağların bölgüsünə dair sxematik xəritəsi ilə uyğunsuzluq təşkil edir. Belə ki, faktiki sahə “2375” saylı bağ sahəsinin yerinə uyğun gəlir. Bundan əlavə, İdarəyə təqdim edilmiş “184” saylı BTK üzvlərinin siyahısında X14 adı aşkar edilsə də, orderin arxiv nüsxəsi aşkar edilməmişdir. İdarənin mütəxəssisləri tərəfindən xx.xx.2021-ci il tarixdə aparılmış yerli baxış zamanı İddiaçı tərəfindən göstərilən bağ sahəsinin ümumi hasar daxilində yerləşdiyi məlum olmuş və həmin bağ sahəsinin çatışmayan 584,5 kv.m hissəsinin isə şimal tərəfdə, qonşu bağın ərazisində olduğu iddiaçı tərəfindən bildirilmişdir. Bu səbəbdən torpaq sahəsinin hüquqmüəyyənedici sənəd üzrə sahəsi 1200 kv.m olsa da, faktiki 615,5 kv.m təşkil edir. Qeyd olunan səbəblərə görə iddiaçının ərizəsinin icrası mümkün olmamış və iddiaçıya qanunamüvafiq qaydada imtina məktubu ünvanlanmışdır. İdarə daşınmaz əmlakın dövlət reyestrində müvafiq qeydiyyatı qanunvericiliklə nəzərdə tutulmuş hüquqmüəyyənedici sənədlər əsasında aparır və “Daşınmaz əmlakın dövlət reyestri haqqında” Azərbaycan Respublikası Qanununun 23-cü maddəsinə əsasən İdarə dövlət reyestrində daşınmaz əmlaka hüquqların qeydiyyatının dəqiqliyinə cavabdehdir. İş materiallarından görünür ki, Bakı İnzibati Məhkəməsi yuxarıda qeyd olunan halları nəzərə almamış, əsassız olaraq iddiaçının iddia tələbini təmin etmişdir. Göstərilənlərə əsasən Bakı İnzibati Məhkəməsinin 2-1(112)-731/2022 nömrəli, xx.xx.2022ci il tarixli qərarının ləğv edilərək, iddianın təmin edilməməsi barədə yeni qərar qəbul edilməsi xahiş edilmişdir. Bakı Apellyasiya Məhkəməsinin İnzibati Kollegiyasının (hakimlər: P.A.Hüseynov /sədrlik edən və məruzəçi/, C.A.Yusifov və Ş.A.Məmmədova) 31 may 2023-cü il tarixli, 2- 1(103)-1560/2023 nömrəli qərarı ilə cavabdehin apellyasiya şikayəti təmin edilməmiş, Bakı İnzibati Məhkəməsinin xx.xx.2022-ci il tarixli, 2-1(112)-731/2022 nömrəli qərarı dəyişdirilmədən saxlanılmışdır. Cavabdeh həmin qərardan kassasiya şikayəti verərək, qərarın ləğv edilməsi və iddianın təmin edilməməsi barədə yeni qərar qəbul edilməsini xahiş etmişdir. Azərbaycan Respublikası Ali Məhkəməsinin İnzibati Kollegiyasının xx.xx.2023-cü il tarixli, 2-1(102)-2464/2023 nömrəli qərarı ilə kassasiya şikayəti qismən təmin edilmiş, Bakı Apellyasiya Məhkəməsinin İnzibati Kollegiyasının 31 may 2023-cü il tarixli, 2-1(103)- 1560/2023 nömrəli qərarı ləğv edilmiş, iş təkrar baxılması üçün həmin məhkəməyə qaytarılmışdır. Həmin qərarda qeyd olunmuşdur ki, cavabdehin təqdim etdiyi bağ sahələrinin yerləşmə sxemində 7-ci sırada 2519 A nömrəli bağ, 5-cı sırada 2374 nömrəli bağ qeyd olunmuşdur. İddiaçı 7-cı sırada olan bağın deyil, 5-ci sırada olan 2374 nömrəli bağın anasına məxsus olmasını bildirmişdir. İddiaçı anasına məxsus bağın 2374 nömrəli olmasını anasının adına tərtib edilmiş orderlə əsaslandırmışdır. Apellyasiya məhkəməsi həmin orderin etibarlılığı ilə bağlı araşdırma aparmamışdır. Orderin verilməsinə əsas kimi 184 nömrəli Ləhiş bağ-tikinti kooperativi üzvlərinə bağ torpaq sahəsi ayrılması barədə Bakı şəhər İcraiyyə Komitəsinin xx.xx.1990-cı il tarixli, 4/134 nömrəli qərarına istinad edilmişdir. Qərarda və qərarla təsdiq edilən siyahıda ayrılan torpaq sahəsi və bağ nömrələri qeyd edilməsə də, orderdə bağın nömrəsi 2374, sahəsi isə 0,12 ha göstərilmişdir. Orderdə onu verən orqan kimi Bakı şəhər İcraiyyə Komitəsinin X13 və X25 bağlar sahəsindəki 184 nömrəli kooperativi göstərilmişdir. Lakin orderdə olan möhürün həmin birlik, yaxud kooperativ tərəfindən vurulması aydın deyildir. Orderin səlahiyyətli dövlət orqanı tərəfindən verilməsi məhkəmə tərəfindən müəyyən edilməmişdir. Qərarda həmçinin qeyd olunmuşdur ki, Dilruba Axundovanın adına tərtib edilmiş cavabdeh inzibati orqan tərəfindən mötəbərliyi mübahisələndirilən və iddianın əsasını təşkil edən 7 nömrəli orderin məhkəməyə təqdim edilmiş, iş materiallarında olan qara və rəngli kserosurətlərində möhür oxunaqlı deyildir. Başqa sözlə, orderin hansı idarənin möhürü ilə təsdiq edildiyini görmək aydın olmamış, işə baxan məhkəmələr tərəfindən bu barədə ümumiyyətlə araşdırma aparılmamışdır. Bundan başqa, iş materiallarında olan xx.xx.2022-ci il tarixli məktubla cavabdeh tərəfindən Bakı İnzibati Məhkəməsinə təqdim edilmiş mütəxəssis rəyindən (1-ci cild, səhifə 202-203) görünür ki, göstərilən bağ sahələri hasar daxilində olmaqla 4983 kv.m təşkil edir. Bağ sahələrinin ara sərhədləri şərtidir. Sözügedən sahə bağların bölgüsünə dair sxematik xəritəyə əsasən 2373, 2374, 2375, 2376 və 2377 saylı bağ sahələrinin ərazilərinə uyğun gəlir. Həmçinin cavabdehin etirazından görünür ki, iddiaçı tərəfindən göstərilən bağ sahəsinin çatışmayan 584,5 kv.m hissəsi şimal tərəfdə qonşu bağın ərazisindədir (iddiaçı tərəfindən yerli baxış zamanı bildirilmişdir). Bu səbəbdən torpaq sahəsinin hüquqmüəyyənedici sənəd üzrə sahəsi 1200 kv.m olsa da, faktiki 615,5 kv.m təşkil edir. İşin 1-ci cild, 203-cü səhifəsində olan yerquruluşu planına görə 2374 nömrəli bağın sahəsi 1044 kv.m-dir. Bu bağın 2375 və 2376 saylı bağların hüdudları daxilində yerləşən hissəsi planda əksini tapmışdır. İşin 1-ci cild 41-ci səhifəsində olan bağların, daha doğrusu iddiaçının iddia etdiyi 2374 nömrəli bağın qonşu nömrələri ilə işin 1-ci cild 203-cü səhifəsindəki planda 2374 nömrəli bağın qonşuluğunda yerləşən bağların nömrələrində müəyyən fərqlər də vardır. Apelyasiya məhkəməsi mübahisənin obyektiv həlli üçün iddiaçının iddia etdiyi bağ torpaq sahəsinin başqalarının torpaq sahələri ilə üst-üstə düşməsini, üst-üstə düşən torpaq sahələrinin başqa şəxslərin qanuni istifadəsində (mülkiyyətlərində) olub-olmamasını yoxlamamış, əsas olarsa, həmin şəxslərin icraata cəlb edilməsini müzakirə etməmişdir. Məhkəmə icraatı iştirakçılarının izahatları: Məhkəmə kollegiyasının əvvəlki iclaslarında iştirak edən cavabdehin nümayəndəsi apelyasiya şikayətini müdafiə edərək təmin edilməsini xahiş etmiş və verdiyi izahatında göstərmişdir ki, nümayəndəsi olduğu idarənin əməkdaşları tərəfindən mübahisələndirilən torpaq sahəsinə baxış keçirilmişdir. Müayinə zamanı torpaq sahəsinin hüquqmüəyyənedici sənəd üzrə sahəsi 1200 kv.m olsa da, faktiki 615,5 kv.m təşkil edir. Torpaq sahəsi ümumi hasar daxilində yerləşir və həmin bağ sahəsinin çatışmayan 584,5 kv.m hissəsinin isə şimal tərəfdə, qonşu bağın, yəni iş üzrə üçüncü şəxs X6 məxsus ərazi daxilindədir. Bu səbəbdən torpaq sahəsinin hüquqmüəyyənedici sənəd üzrə sahəsi 1200 kv.m olsa da faktiki 615,5 kv.m təşkil edir. Torpaq sahəsinin çatışmayan hissəsi X6 məxsus ərazi daxilində yerləşir. Lakin sonuncu həmin hissəyə dair çıxarış almamışdır. Məhkəmə kollegiyasının əvvəlki iclaslarında iştirak edən iddiaçının vəkili apelyasiya şikayətinə etiraz edərək təmin edilməməsini xahiş etmişdir. Məhkəmə kollegiyasının növbəti iclasının vaxtı və yeri barədə tərəflərə lazımi qaydada məlumat verilməsinə baxmayaraq, məhkəmə iclasında iştirak etməmiş, səbəbləri barədə heç bir məlumat verməmişlər. Məhkəmə kollegiyası Azərbaycan Respublikası İPM-nin 62-ci maddəsinə əsasən tərəflərin iştirakları olmadan şikayət üzrə işə baxılmasını mümkün hesab edir. Əsaslandırma hissəsi: Azərbaycan Respublikası İnzibati Prosessual Məcəlləsinin 82-ci maddəsinə əsasən apellyasiya instansiyası məhkəməsi mübahisə ilə bağlı işə şikayət həddində və hüquqi məsələlər, habelə sübutlar və faktlar (faktiki hallar) əsasında mahiyyəti üzrə tam həcmdə baxır. Apellyasiya şikayəti qanunla müəyyən olunmuş tələblərə riayət olunmaqla verilmişdir, şikayətin mümkün sayılmaması üçün əsaslar yoxdur. Məhkəmə kollegiyası apellyasiya şikayətinin dəlillərini iş materialları ilə birlikdə araşdırıb, həmçinin Ali Məhkəmənin xx.xx.2023-cü il tarixli qərarındakı hüquqi mövqeyini nəzərə alaraq hesab edir ki, apellyasiya şikayəti təmin edilməməli, birinci instansiya məhkəməsinin qərarı dəyişdirilmədən saxlanılmalıdır. Belə ki, iş materiallarında olan: - Azərbaycan Respublikası Milli Arxiv İdarəsi Azərbaycan Respublikası Dövlət Arxivinin Bakı Filialının 809 nömrəli, xx.xx.2020-ci il tarixli məktubuna əlavə edilmiş Bakı şəhər X26 İcraiyyə Komitəsinin 13 iyun 1990-cı il tarixli, 4/143 nömrəli qərarından çıxarışın təsdiq edilmiş surətindən görünür ki, 184 №-li bağ tikinti kooperativinin üzvlərinə bağ sahələrinin ayrılması təsdiq edilmiş və həmin siyahıda X14 adı qeyd olunmuşdur. - Azərbaycan SSR Bakı şəhər İcraiyyə Komitəsinin X13 və X25 bağ sahəsindəki 184 №-li kooperativi tərəfindən verilmiş 7 №-li orderin notarial qaydada təsdiq edilmiş surətindən görünür ki, Bakı şəhər İcraiyyə Komitəsinin 13 iyun 1990-cı il tarixli, 4/134 №- li qərarına əsasən X18 Ləhiş bağlar sahəsində 184 №-li BTK nəzdində 0,12 hektar torpaq sahəsi olan 2374 №-li bağ ayrılmışdır. - Bakı şəhəri, Nəsimi rayonu Qeydiyyat Şöbəsi tərəfindən verilmiş 24 may 2008-ci il tarixli ölüm haqqında şəhadətnamənin surətindən görünür ki, X20 (iddiaçının bacısı) 31 iyul 2003-cü il tarixdə ölmüşdür. - Azərbaycan Respublikasının Ədliyyə Nazirliyi ünvan 3 ünvanlanmış Xu-455 №-li, xx.xx.2020-ci il tarixli məktubdan görünür ki, mərhum X11 qalmış miras əmlaka dair vərəsəlik hüququ haqqında şəhədatnamənin verilməsi ilə bağlı İddiaçı tərəfindən Bakı şəhəri 54 saylı notariat ofisinə müraciəti daxil olmuşdur. X14 xx.xx.2003-cü il tarixdə vəfatı ilə əlaqədar vərəsə İddiaçı müraciəti əsasında xx.xx.2013-cü il tarixində vərəsələrin dairəsi müəyyən olunmuş, vərəsəlik işi açılmışdır. Bununla əlaqədar Bakı şəhəri, Ləhiş bağ massivi ünvanında yerləşən 0.12 ha torpaq sahəsi olan 2374 saylı bağ sahəsinə dair çıxarış verilməsi xahiş olunmuşdur. - Cavabdehin xx.xx.2020-ci il tarixli, **********10 nömrəli məktubundan görünür ki, Bakı şəhəri, Sabunçu rayonu, Ləhiş bağ massivində yerləşən 2374 saylı bağ sahəsinin daşınmaz əmlakın dövlət reyestrində qeydiyyata alınmasına dair məlumat aşkar edilməmişdir. - Cavabdeh tərəfindən məhkəməyə təqdim edilmiş daşınmaz əmlakın texniki vəziyyətini əks etdirən xx.xx.2021-ci il tarixli müayinə (baxış) aktının surətindən görünür ki, vətəndaş tərəfindən göstərilən bağ sahəsi digər bağ sahələri ilə birlikdə ümumi hasarlar daxilində yerləşir. Göstərilən bağ sahəsinin üç tərəfi mişar daşından olan hasardır, cənub tərəfi isə şərtidir. Bağ sahəsində tikili yoxdur. Vətəndaş göstərdiyi ərazinin 2374 saylı bağ sahəsi olduğunu iddia edir. Bağın torpaq sahəsinin çatışmayan hissəsinin isə (584,5 kv.m) şimal tərəfdə, qonşu bağın ərazisində olduğunu bildirir. Həmin ərazinin girişi bağlı olduğundan daxili hissəyə keçmək mümkün olmadı. Nəticə etibarı ilə bağ sahəsinin yerləşdiyi ərazi mübahisəlidir. - Cavabdeh tərəfindən iddiaçıya ünvanlanmış xx.xx.2021-ci il tarixli, **********83 nömrəli və xx.xx.2021-ci il tarixli, **********09 nömrəli məktublardan görünür ki, mərhum X11 miras qalmış, Bakı şəhəri, Sabunçu rayonu, Ləhiş bağ massivi ünvanında yerləşən 2374 saylı bağ sahəsi üzərində hüquqların daşınmaz əmlakın dövlət reyestrində qeydiyyata alınması ilə bağlı müraciətlərinə baxılmışdır. Müraciətləri ilə əlaqədar olaraq bildirilir ki, sözügedən ünvanda yerləşən bağ sahəsinə idarənin mütəxəssisləri tərəfindən inventarlaşdırma işlərinin aparılmasına şərait yaradılmamışdır. Sözügedən bağ sahəsi bağların bölgüsünə dair sxematik xəritəsi ilə uyğunsuzluq təşkil edir. Belə ki, göstərilən ərazi digər bağ sahələri ilə birlikdə ümumi hasar daxilində yerləşir, həmçinin faktiki sahə “2375” saylı bağ sahəsinə uyğun gəlir. Bundan əlavə, 1 saylı Bakı Ərazi İdarəsinə təqdim edilmiş “184” BTK üzvlərinin siyahısında adı aşkar edilsə də, orderin arxiv nüsxəsi aşkar edilməmişdir. “Yerli İcra hakimiyyəti orqanlarının nəzdində olan bağ təsərrüfatı idarələrinin ləğv edilməsi barədə” Azərbaycan Respublikası Prezidentinin xx.xx.2007-ci il tarixli sərəncamı ilə yerli İcra hakimiyyəti orqanlarının, o cümlədən Bakı şəhər İcra Hakimiyyətinin nəzdində olan bağ təsərrüfatı idarələri ləğv edilərək, onların yalnız arxivlərinin Azərbaycan Respublikasının Daşınmaz Əmlakın Dövlət Reyestri Xidmətinə verilməsi qərara alınmışdır. Yuxarıda qeyd olunanlar nəzərə alınaraq, “Daşınmaz əmlakın dövlət reyestri haqqında” Azərbaycan Respublikası Qanunun 15-ci maddəsinə əsasən hüquqların qeydiyyatından imtina edilmişdir. - Cavabdeh tərəfindən məhkəməyə ünvanlanmış **********75 nömrəli, xx.xx.2021-ci il tarixli məktubdan görünür ki, Bakı şəhəri, Sabunçu rayonu, Ləhiş bağ massivində yerləşən 2375 saylı bağ sahəsinə sənəd, həmçinin sxematik xəritə İdarənin arxivində aşkar edilməmişdir. Həmin məktuba əlavə edilmiş 184 BTK üzvlərinin siyahısının və yerləşmə sxeminin təsdiq edilmiş surətlərindən görünür ki, Bakı şəhər Soveti İcraiyyə Komitəsinin xx.xx.1990cı il tarixli, 4/143 nömrəli qərarına əsasən 5 №-li əlavə ilə 184 №-li Ləhiş bağ-tikinti kooperativi üzvlərinin siyahısı Komitənin katibi və Birliyin direktoru tərəfindən təsdiq edilmiş, siyahının 7-ci sırasında ünvan 4 ünvanında yaşayan X14 adı qeyd olunmuşdur. BTK-184 Ləhiş massivində bağ sahələrinin yerləşmə sxemində 2098, 2098A, 2099, 2099A, 2374, 2375, 2519A, 2519, 2521A, 2663, 263A, 2664A, 2973A, 2974A, 2975A nömrələri qeyd edilmişdir. “2374” və “2375” nömrələri yanaşı qeyd olunmuşdur. - Cavabdeh tərəfindən məhkəməyə ünvanlanmış xx.xx.2021-ci il tarixli, **********44 nömrəli məktubdan görünür ki, Bakı şəhəri, Sabunçu rayonu, Ləhiş bağ massivində yerləşən 2375, 2374, 2099 və 2099a nömrə ilə daşınmaz əmlakın dövlət reyestrində qeydiyyata alınmış bağ sahələrinə dair məlumat, həmçinin sözügedən bağ sahələrinə dair mövcud bazaya əsasən sənəd idarənin arxivində aşkar edilməmişdir. - Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Kadastrı və Ünvan Reyestr Xidməti tərəfindən məhkəməyə ünvanlanmış 30 sentyabr 2021-ci il tarixli, **********66 nömrəli məktuba əlavə edilmiş mütəxəssis rəyindən və sxemlərdən görünür ki, iddiaçının iddia etdiyi və naturada göstərdiyi mübahisələndirilən əraziyə baxış keçirilib, naturada koordinarları müəyyən edilməklə ölçülmüşdür. Naturada müəyyən edilmiş koordinatlara əsasən “Kadastr və Yerquruluşu Layihə Tədqiqat Mərkəzinin” mütəxəsisləri tərəfindən ölçülmüş ərazinin koordinatlarını, baza məlumatlarını sair texniki parametrləri əks etdirən sxemlər hazırlanmışdır. Bakı və Bakı ətrafı bağ sahələrinə dair Daşınmaz Əmlakın Dövlət Kadastrı və Ünvan Reyestri heç bir məlumatın olmaması və müraciətə əlavə edilmiş sxemin miqyassız, koordinatsız, hər hansı istinad nöqtəsindən məsafənin göstərilməməsi səbəbindən iddiaçının iddia etdiyi torpaq sahəsinin 2374 nömrəli bağ sahəsi olub-olmamasını və hər hansı bağ sahəsi ilə üst-üstə düşüb-düşməməsini müəyyən etmək mümkün olmamışdır. İddiaçının iddia etdiyi və naturada göstərdiyi mübahisələndirilən torpaq sahəsi yaşayış məntəqəsinin hüdudları daxilində yerləşməklə 0,12 hektar hissəsi X2 adına verilmiş reyestr nömrəsi **********48- 11301 olan çıxarışla üst-üstə düşür. Ümumi ölçülən sahə 2520 kv.m-dir. - Cavabdeh tərəfindən məhkəməyə ünvanlanmış xx.xx.2021-ci il tarixli, **********77 nömrəli, xx.xx.2022-ci il tarixli, **********47 nömrəli, xx.xx.2022-ci il tarixli, **********2 nömrəli, xx.xx.2022-ci il tarixli, **********49 nömrəli məktublardan və onlara əlavə edilmiş sənədlərin təsdiq edilmiş surətindən görünür ki, Bakı şəhər X26 İcraiyyə Komitəsinin X16 və İstismarı Birliyi ilə X19 arasında bağlanmış xx.xx.1990-cı il tarixli, 11165 nömrəli müqaviləyə əsasən Ləhiş qəsəbəsindəki 0,25 hektarlıq 2376 nömrəli bağ sahəsi X12 icarəsinə verilmişdir. Müqaviləyə əlavə edilmiş yerləşmə sxemində 2376 nömrəli bağ sahəsinin şimal hissəsində 2375 nömrəli bağ sahəsinin, cənub hissəsində 2377 nömrəli bağ sahəsinin, qərb hissəsində 2231 nömrəli, şərq hissəsində isə 2520 nömrəli bağ sahəsinin yerləşdiyi qeyd olunmuşdur. X19 xx.xx.1992-ci il tarixli ərizə ilə müraciət edərək istifadəsində olan 0,25 ha-dan ibarət 2376 nömrəli bağ sahəsinin oğlu X15 ilə arasında bölünməsini xahiş etmişdir. X16 və İstismarı Birliyi ilə X19 arasında bağlanmış xx.xx.1992cı il tarixli, 11165 nömrəli müqaviləyə əsasən Ləhiş qəsəbəsindəki 0,12 hektarlıq 2376 nömrəli bağ sahəsi və 22,0 kvm. olan 1 otarqan ibarət bina X12 icarəsinə verilmişdir. X19 vəfat etdiyindən arvadı X17 müraciətinə əsasən sonuncu ilə Sabunçu rayonunun Ləhiş ərazisində 0,12 hektar torpaq sahəsi olan 2376 nömrəli bağ sahəsinə 22,0 kv.m yaşayış otağı ilə birlikdə istifadəyə verilməsinə dair 18 may 2007-ci il tarixli, 11165 nömrəli müqavilə bağlanmışdır. Daşınmaz Əmlakın Dövlət Reyestri Xidməti Hüquqların Dövlət qeydiyyatı haqqında daşınmaz əmlakın Dövlət reyestrindən MA seriyalı, ******* nömrəli çıxarışa əsasən ünvan 5 ünvanında yerləşən 0,12 ha torpaq sahəsi və həmin torpaq sahəsindəki ümumi sahəsi 33,0 kv.m olan bağ evi xüsusi mülkiyyət hüququ üzrə X17 adına xx.xx.2010-cu il tarixdə ********** nömrə ilə qeydiyyata alınmışdır. Bakı şəhəri, 4 saylı Dövlət Notariat Kontorunda qeydə alınmış xx.xx.2010-cu il tarixli, AN-İ ******* nömrəli daşınmaz əmlakın alqı-satqı müqaviləsinə əsasən X21 həmin bağ evini və yerləşdiyi torpaq sahəsini tam olaraq X1. Daşınmaz Əmlakın Dövlət Reyestri Xidməti Hüquqların Dövlət qeydiyyatı haqqında daşınmaz əmlakın Dövlət reyestrindən MA seriyalı, ******* nömrəli çıxarışa əsasən ünvan 5 ünvanında yerləşən 0,12 ha torpaq sahəsi və həmin torpaq sahəsindəki ümumi sahəsi 33,0 kv.m olan bağ evi xüsusi mülkiyyət hüququ üzrə X4 adına xx.xx.2010-cu il tarixdə ********** nömrə ilə qeydiyyata alınmışdır. - Cavabdeh tərəfindən məhkəməyə ünvanlanmış xx.xx.2022–ci il tarixli, **********10 nömrəli məktuba əlavə edilmiş mütəxəssis rəyindən və mübahisəli torpaq sahəsinin yerquruluşu planından görünür ki, göstərilən bağ sahələri ümumi hasar daxilində olmaqla 4983,0 kv.m təşkil edir. Bağ sahələrinin ara sərhədləri şərtidir. Sözügedən sahə bağların bölgüsünə dair sxematik xəritəyə əsasən 2373, 2374, 2375, 2376 və 2377 saylı bağ sahələrinin ərazilərinə uyğun gəlir. 2376 saylı bağ sahəsi 2375 saylı bağ sahəsi ilə birlikdə 2556 kv.m-dən ibarətdir. 2377 saylı bağ sahəsi 1227 kv.m-dən ibarətdir. 2374 saylı bağ sahəsi 1044 kv.m-dən, 2374 saylı bağın 2375 və 2376 saylı bağların hüdudları daxilində yerləşən hissəsi isə 156 kv.m-dən ibarətdir. - Cavabdeh tərəfindən məhkəməyə ünvanlanmış xx.xx.2022-ci il tarixli, **********39 nömrəli məktubdan görünür ki, Ləhiş bağ massivində yerləşən 0.25 ha. torpaq sahəsi olan 2373 saylı bağ sahəsinin icarəyə verilməsinə dair keçmiş X13 və İstismarı Birliyi ilə Həcərxanım Məmmədova arasında bağlanmış xx.xx.1970-ci il tarixli, 17941 nömrəli müqavilə İdarənin arxivində mövcuddur. Arxiv qovluğunda mövcud olan 1973-cü il tarixli inventarlaşdırma aktında və cizgidə bağ sahəsinin nömrəsi 2373/2169 kimi qeyd edilmişdir. xx.xx.1970-ci il tarixli 17941 nömrəli müqavilənin, cizginin və aktın təsdiq edilmiş surəti təqdim edilir. Beləliklə işdən müəyyən olunur ki, iddiaçının vərəsəsi olduğu şəxs mərhum X18 (iddiaçının bacısı) Bakı şəhər XDS İcraiyyə Komitəsinin 13 iyun 1990-cı il tarixli, 4/134 №li qərarına əsasən Ləhiş bağlar sahəsində 184 №-li BTK nəzdinə 0,12 hektar torpaq sahəsi olan 2374 №-li bağ ayrılımış və bununla bağlı 184 №-li BTK tərəfindən X18 7 №-li order verilmişdir. X20 31 iyul 2003-cü il tarixdə ölmüşdür. Hazırki iş üzrə iddiaçı vərəsəsi olduğu şəxsə (bacısına) məxsus Bakı şəhəri, Ləhiş bağ massivi ünvanında yerləşən 2374 №-li bağ sahəsi üzərində mülkiyyət hüquqlarının qeydiyyata alınması ilə bağlı cavabdeh inzibati orqana müraciət etmiş, cavabdeh inzibati orqan göstərilən ərazinin digər bağ sahələri ilə birlikdə ümumi hasar daxilində yerləşməsini, həmçinin faktiki sahənin “2375” saylı bağ sahəsinə uyğun gəlməsini, bundan əlavə 1 saylı Bakı Ərazi İdarəsinə təqdim edilmiş “184” BTK üzvlərinin siyahısında X14 adının aşkar edilsə də, orderin arxiv nüsxəsinin aşkar edilməməsini əsas gətirərək müraciətin təmin edilməsindən imtina etmişdir. Hazırda iddiaçı cavabdehin imtinasını inzibati məhkəmə icraatında mübahisələndirir. «İnzibati icraat haqqında» Azərbaycan Respublikası Qanununun: 2.0.6-cı maddəsinə əsasən inzibati icraat - fiziki və ya hüquqi şəxslərin müraciəti əsasında və ya inzibati orqanların öz təşəbbüsü ilə inzibati aktın qəbul edilməsi, icra olunması, dəyişdirilməsi və ya ləğv edilməsi, habelə inzibati şikayətlərə baxılması üzrə müvafiq inzibati orqanlar tərəfindən bu Qanunla müəyyən olunmuş prosedur qaydalar daxilində həyata keçirilən fəaliyyətdir. 15.1-ci maddəsinə əsasən qanunla məcburi şərt kimi nəzərdə tutulmuş hallar istisna olmaqla, yalnız formal tələblərə əməl olunmasını təmin etmək məqsədilə inzibati orqanlar tərəfindən fiziki və hüquqi şəxslərin üzərinə bu və ya başqa öhdəliklərin qoyulması qadağandır. 15.2-ci maddəsinə əsasən qanunda birbaşa nəzərdə tutulmadığı hallarda fiziki və ya hüquqi şəxslər tərəfindən formal tələblərə əməl olunmaması və ya lazımi qaydada əməl olunmaması inzibati orqanlar tərəfindən müvafiq qərarın qəbul olunmasından imtina üçün əsas ola bilməz. 19.1-ci maddəsinə əsasən inzibati icraat zamanı işin faktiki halları ilə əlaqədar fiziki və ya hüquqi şəxslər tərəfindən təqdim olunan sənədlər və dəlillər, onların həqiqətə uyğun olmadığı sübuta yetirilməyibsə, mötəbər hesab olunur. Fiziki və ya hüquqi şəxslərdən həmin sənədlərin və dəlillərin mötəbərliyini təsdiq edən əlavə sənədlərin və ya məlumatların tələb olunması qadağandır. 24.1-ci maddəsinə əsasən inzibati orqan inzibati icraat zamanı işin düzgün həlli üçün əhəmiyyət kəsb edən bütün faktiki halları hərtərəfli, tam və obyektiv araşdırmağa borcludur. 24.2-ci maddəsinə əsasən inzibati orqan maraqlı şəxslərin xeyrinə olan halların araşdırılmasından və nəzərə alınmasından imtina edə bilməz. 24.4-cü maddəsinə əsasən təqdim olunmuş sübutlar yetərli olmadıqda, inzibati orqan öz təşəbbüsü ilə əlavə sübutlar toplamağa borcludur. 45.1-ci maddəsinə əsasən inzibati orqan işin faktiki hallarının müəyyən olunması üçün yararlı və zəruri hesab etdiyi sübutları müstəqil şəkildə toplayır və nəzərə alır. 47.1-ci maddəsinə əsasən inzibati orqan sübutlara iş üçün əhəmiyyət kəsb edən bütün faktiki və hüquqi hallara müvafiq olaraq qiymət verir. 47.2-ci maddəsinə əsasən maraqlı şəxslərin arzusu ilə inzibati orqan qəbul edəcəyi inzibati aktı əsaslandırmaq istədiyi bütün faktlar, dəlillər və ya sübutlar barədə, habelə inzibati aktın qəbulu üçün təklif etdiyi hüquqi əsas barədə onlara izahat və ya şərh verməyə borcludur. «Torpaq islahatı haqqında» Azərbaycan Respublikası Qanununun 9-cu maddəsinə əsasən vətəndaşların qanuni istifadəsindəki fərdi yaşayış evlərinin, həyətyanı sahələrin, fərdi, kollektiv və kooperativ bağların, dövlət bağçılıq təsərrüfatının idarəçiliyindəki bağların altında olan torpaqlar qanunvericiliklə müəyyən olunmuş qaydada əvəzsiz olaraq onların mülkiyyətinə verilir. Həmin Qanunun 10-cu maddəsinə əsasən həyətyanı sahələr və bağlar altında olan torpaqlar vətəndaşların mülkiyyətinə onların qanuni istifadəyə və ya icarəyə götürdükləri ölçüdə verilir. Kollektiv bağlar özəlləşdirilərkən torpaq sahəsi bağçılığın hər üzvünün mülkiyyətinə verilir. Dövlət bağçılıq təsərrüfatının idarəçiliyindəki bağların torpaqları hər bir icarəçinin, kooperativ bağların torpaqları hər bir kooperativ üzvünün mülkiyyətinə verilir. Bağ sahələrinin torpaqları özəlləşdirilərkən onların üzərindəki tikililər, ağaclar və digər obyektlər əvəzsiz olaraq bağ sahiblərinin xüsusi mülkiyyətinə keçir. Fərdi yaşayış evlərinin, həyətyanı sahələrin və bağların altında olan torpaqlar üzərində vətəndaşların mülkiyyət hüququ yerquruluşu işlərinin tərtibi ilə torpaq ayırma qaydasında hazırlanan sənədlər əsasında daşınmaz əmlakın dövlət reyestrindən çıxarışla rəsmiləşdirilir. Torpaq üzərində mülkiyyət hüququnun dövlət qeydiyyatına alınması haqqında çıxarış vətəndaşların ərizələri və həmin torpaqlardan istifadənin qanuniliyini təsdiq edən sənədlər əsasında daşınmaz əmlakın dövlət reyestrini aparan dövlət orqanı tərəfindən verilir. «Yerli icra hakimiyyəti orqanlarının nəzdində olan bağ təsərrüfatı idarələrinin ləğv edilməsi barədə» Azərbaycan Respublikası Prezidentinin xx.xx.2007-ci il tarixli 2186 nömrəli Sərəncamına əsasən yerli icra hakimiyyəti orqanlarının, o cümlədən Bakı Şəhər İcra Hakimiyyətinin nəzdində olan bağ təsərrüfatı idarələri ləğv edilmiş, Azərbaycan Respublikasının Nazirlər Kabinetinə tapşırılmışdır ki, ləğv olunan bağ təsərrüfatı idarələrinin arxivlərinin Azərbaycan Respublikasının Əmlak Məsələləri Dövlət Komitəsinə verilməsini təmin etsin və ləğvetmə ilə bağlı digər məsələləri qanunvericiliyə uyğun olaraq həll etsin, bu Sərəncamın qüvvəyə mindiyi tarixədək vətəndaşların qanuni mülkiyyətində olan bağ sahələrinin "Torpaq islahatı haqqında" Azərbaycan Respublikası Qanununun 9-cu maddəsinə müvafiq olaraq əvəzsiz qaydada onların mülkiyyətinə verilməsinin aidiyyəti dövlət orqanları tərəfindən rəsmiləşdirilməsini təmin edən tədbirlər görsün. «Daşınmaz əmlakın dövlət reyestri haqqında» Azərbaycan Respublikası Qanununun 2.1-ci maddəsinə əsasən daşınmaz əmlaka mülkiyyət və digər əşya hüquqlarının dövlət qeydiyyatı Azərbaycan Respublikasının Mülki Məcəlləsinə uyğun olaraq daşınmaz əmlaka hüquqların əmələ gəlməsinin, məhdudlaşdırılmasının (yüklülüyünün) başqasına keçməsinin və bu hüquqlara xitam verilməsinin dövlət tərəfindən tanınması və təsdiq edilməsi barədə hüquqi aktdır. Həmin Qanununun 2.2-ci maddəsinə əsasən Azərbaycan Respublikasının Mülki Məcəlləsi ilə və bu qanunla müəyyən edilmiş qaydada daşınmaz əmlak üzərində hüquqların qeydiyyatı daşınmaz əmlakın dövlət reyestrində aparılır. Həmin Qanununun 8.0.7-ci maddəsinə əsasən 2007-ci il mayın 22-dək müvafiq icra hakimiyyəti orqanlarının nəzdində olan bağ təsərrüfatı idarələri tərəfindən vətəndaşlara ayrılmış bağ sahələrinə dair verilən icarə müqavilələri, sərəncamlar və orderlər, kollektiv bağçılıq-yoldaşlıq təsərrüfatının üzvlərinin siyahısına müvafiq olaraq verilmiş üzvlük kitabçası və ya üzvlərin iclasının protokolundan çıxarış daşınmaz əmlak üzərində hüquqların əmələ gəlməsinin, başqasına keçməsinin, məhdudlaşdırılmasının (yüklülüyünün) və xitam verilməsinin dövlət qeydiyyatı üçün əsaslardan biri hesab olunur. Həmin Qanunun 10.2-ci maddəsinə əsasən hüquqların dövlət qeydiyyatı üçün qeydiyyat orqanına verilən ərizəyə aşağıdakılar əlavə olunur: 10.2.1. hüquqların dövlət qeydiyyatı üçün bu Qanunun 8-ci maddəsində nəzərdə tutulmuş əsaslardan biri; 10.2.2. torpaq sahəsinin planı və ölçüsü; 10.2.3. torpaq sahəsində yerləşən bina, qurğu, tikililərin və digər daşınmaz əmlakın (onların tərkib hissələrinin) texniki pasportu, plan-cizgisi; 10.2.4. dövlət rüsumunun ödənilməsi barədə sənəd. Həmin Qanunun 12.1-ci maddəsinə əsasən daşınmaz əmlaka mülkiyyət və digər əşya hüquqlarının əmələ gəlməsi və başqasına keçməsi müvafiq icra hakimiyyəti orqanları tərəfindən hazırlanan sənədlər əsasında qeydiyyat orqanı tərəfindən elektron üsulla təqdim olunan dövlət reyestrindən çıxarışla rəsmiləşdirilir. Həmin Qanunun 15.1-ci maddəsinə əsasən hüquqların dövlət qeydiyyatına alınmasından aşağıdakı hallarda imtina edilə bilər: dövlət qeydiyyatı barədə müraciət olunan hüquq bu qanuna əsasən dövlət qeydiyyatına alınmalı deyildirsə; hüquqların dövlət qeydiyyatı üçün notariat qaydasında təsdiqlənməsi tələb olunmayan sənədlərin forması və məzmunu qanunvericiliklə müəyyən edilmiş tələblərə uyğun deyildirsə; hüquqların dövlət qeydiyyatı barədə ərizəni verməyə ixtiyarı olmayan şəxs müraciət etdikdə; daşınmaz əmlaka hüququn tanınması barədə icra hakimiyyəti və ya bələdiyyə orqanının aktı qanunvericiliklə müəyyən edilmiş qaydada etibarsız hesab olunduqda; daşınmaz əmlak barəsində təsdiqləyici sənəd vermiş şəxs həmin əmlak üzərində hüquqa dair sərəncam səlahiyyətinə malik olmadıqda; bu Qanunun 14-cü maddəsində nəzərdə tutulmuş qeydiyyatın dayandırılmasına səbəb olmuş hallar aradan qaldırılmadıqda. Həmin Qanunun 22.2-ci maddəsinə əsasən müqavilə və ya digər əsaslara görə, daşınmaz əmlak üzərində mülkiyyət və ya digər əşya hüququnu əldə etmiş şəxs həmin hüququ təsdiq edən çıxarış almadan öldükdə onun qanun və ya vəsiyyət üzrə vərəsəsinə hüququn ölmüş şəxsə məxsus olması haqqında arayışı qeydiyyat orqanı verir. Hüquqların dövlət qeydiyyatı haqqında çıxarış həmin arayış əsasında verilmiş vərəsəlik sənədləri təqdim edən vərəsənin adına rəsmiləşdirilir. Azərbaycan Respublikası Mülki Məcəlləsinin 139.1-ci maddəsinə görə mülkiyyət hüququ və daşınmaz əmlaka digər hüquqlar, bu hüquqların məhdudlaşdırılması, əmələ gəlməsi, başqasına keçməsi və xitamı dövlət qeydiyyatına alınmalıdır. Həmin Məcəllənin 139.3-cü maddəsinə əsasən daşınmaz əmlaka hüquqların dövlət qeydiyyatı müvafiq icra hakimiyyəti orqanı tərəfindən qanunvericiliklə müəyyən edilmiş qaydada tərtib edilən və aparılan daşınmaz əmlakın dövlət reyestrində həyata keçirilir. Həmin Məcəllənin 139-1.1.7-ci maddəsinə əsasən 2007-ci il mayın 22-dək müvafiq icra hakimiyyəti orqanlarının nəzdində olan bağ təsərrüfatı idarələri tərəfindən vətəndaşlara ayrılmış bağ sahələrinə dair verilən icarə müqavilələri, sərəncamlar və orderlər, kollektiv bağçılıq-yoldaşlıq təsərrüfatının üzvlərinin siyahısına müvafiq olaraq verilmiş üzvlük kitabçası və ya üzvlərin iclasının protokolundan çıxarış daşınmaz əmlak üzərində hüquqların əmələ gəlməsinin, başqasına keçməsinin, məhdudlaşdırılmasının (yüklülüyünün) və xitam verilməsinin dövlət qeydiyyatı üçün əsaslardan biri hesab olunur. «Azərbaycan Respublikası Mülki Məcəlləsinin 178.8-ci maddəsinin şərh edilməsinə dair» Azərbaycan Respublikası Konstitusiya Məhkəməsi Plenumunun 25 oktyabr 2010-cu il tarixli Qərarında göstərilir ki, Azərbaycan Respublikası qanunvericiliyində təsbit edilmiş mülkiyyət hüququnun təminatı mexanizmi məhz daşınmaz əmlakın dövlət reyestrində qeydiyyat əsasında həyata keçirilir. Daşınmaz əmlaka aid olan məlumatların vahid dövlət reyestrində qeydiyyatı həm dövlət, həm də mülkiyyətçilərin mənafelərinin qorunması baxımından vacibdir. Daşınmaz əmlakın dövlət qeydiyyatının nəticəsində şəxsin qanuni əsaslarla əldə etdiyi müvafiq daşınmaz əmlaka mülkiyyət hüququnun tanınması bu hüququn pozulmasının və mübahisə edilməsinin qarşısını alır. Daşınmaz əmlakın dövlət qeydiyyatı əmlaka dair mülkiyyət hüququnu təsdiqləyən sənədlərin həqiqiliyinə və əsaslılığına təminat kimi qiymətləndirilir. Dövlət orqanlarının bu istiqamətdəki fəaliyyətinin əsas məqsədlərindən biri isə hər kəsin hüquq və qanuni mənafelərinin qorunmasıdır. Bu baxımdan qeyd olunan sahədə dövlət orqanlarına həvalə edilmiş səlahiyyətlərin həyata keçirilməsi nəticəsində hər hansı fiziki və ya hüquqi şəxsin hüquqlarının, o cümlədən mülkiyyət hüquqlarının tam həcmdə reallaşdırılmasının əsassız olaraq məhdudlaşdırılmasının yolverilməzliyi də xüsusi əhəmiyyət kəsb edir. Azərbaycan Respublikası Torpaq Məcəlləsini 65-ci maddəsinin 1-ci bəndinə əsasən torpaq sahəsinin yerquruluşu planı torpaq sahəsinin müəyyən miqyasda tərtib edilmiş və planaalma aparılan anda özündə ərazinin bütün vəziyyətini (bitki örtüyü, çaylar, yollar və digər obyektlər), şərti işarələr və nişanələr vasitəsilə əks etdirən xəritədir. Həmin maddənin 2-ci bəndinə əsasən torpaq ayrılması üçün sahə seçildikdə həmin sahənin istifadəyə və icarəyə verilməsi (satılması) barədə müvafiq qərar qəbul edilənə qədər onun sərhədləri yerdə (naturada) və xəritədə müəyyən edilir. Həmin maddənin 3-cü bəndinə əsasən torpaq sahəsinin istifadəyə və ya icarəyə verilməsi (satılması) barədə müvafiq qərar qəbul edildikdən sonra həmin sahənin sərhədləri yerdə (naturada) müəyyən edilir. Torpaq sahələrinin sərhədlərinin yerdə (naturada) müəyyən edilməsi yerquruluşu qaydasında aparılır (1-ci cümlə xx.xx.2008-ci ildə çıxarılmışdır). Həmin maddənin 65-ci maddəsinin 5ci bəndinə görə torpaq sahəsinin planı və ölçüsünün hazırlanması, onun sərhədlərinin yerə (naturaya) keçirilməsi yerquruluşu işlərinin aparılmasına hüququ olan təşkilatlar tərəfindən həyata keçirilir və yerdə yoxlandıqdan sonra müvafiq icra hakimiyyəti orqanı tərəfindən təsdiq edilir. “Azərbaycan Respublikasının 1999-cu il 25 iyun tarixli Qanunu ilə təsdiq edilmiş Azərbaycan Respublikasının Torpaq Məcəlləsinin tətbiq edilməsi barədə” Azərbaycan Respublikası Prezidentinin 176 saylı 4 avqust 1999-cu il tarixli Fərmanının 2.2-ci bəndinə görə Azərbaycan Respublikası Torpaq Məcəlləsinin 65-ci maddəsinin 5-ci bəndində nəzərdə tutulmuş “müvafiq icra hakimiyyəti orqanı”nın səlahiyyətlərini Azərbaycan Respublikasının Əmlak Məsələləri Dövlət Komitəsi (əvvəlki Dövlət Torpaq və Xəritəçəkmə Komitəsi) həyata keçirir. “Dövlət torpaq kadastrı, torpaqların monitorinqi və yerquruluşu haqqında” Azərbaycan Respublikası Qanunun 12-ci maddəsinin birinci hissəsinə əsasən dövlət torpaq kadastrı fonduna Azərbaycan Respublikasının hüdudları daxilində yerləşən torpaqların məqsədli təyinatı, sərhədləri, ölçüləri, coğrafi mövqeyi, hüquqi statusu və torpaq sahələrinin digər kəmiyyət və keyfiyyət göstəriciləri üzrə kadastr məlumatları və materialları daxil edilir. Həmin Qanunun 12-ci maddəsinin ikinci hissəsinə əsasən dövlət torpaq kadastrı fondu müvafiq icra hakimiyyəti orqanının sərəncamında olur. “Dövlət torpaq kadastrı, torpaqların monitorinqi və yerquruluşu haqqında” Azərbaycan Respublikası Qanununun tətbiq edilməsi barədə 12 mart 1999-cu il tarixli 113 nömrəli Azərbaycan Respublikası Fərmanının 2-ci bəndinə əsasən həmin Qanunun 5-ci maddəsinin beşinci hissəsində, 6-cı maddəsinin ikinci hissəsində, 7-ci maddəsinin ikinci hissəsində, 12-ci maddəsinin ikinci hissəsində, 15-ci maddəsinin ikinci hissəsində, 19-cu maddəsinin birinci və ikinci hissələrində nəzərdə tutulmuş “müvafiq icra hakimiyyəti orqanı”nın səlahiyyətlərini Azərbaycan Respublikasının Əmlak Məsələləri Dövlət Komitəsi həyata keçirir. Azərbaycan Respublikası Prezidentinin 2016-cı il 7 mart tarixli 818 nömrəli Fərmanı ilə təsdiq edilmiş “Azərbaycan Respublikasında torpaqların elektron kadastr uçotu informasiya sisteminin yaradılması və rəqəmsal kadastr xəritəsinin tərtib olunması Qaydaları”nın 1.1-ci bəndinə əsasən bu Qaydalar Azərbaycan Respublikasının Torpaq Məcəlləsinə, “Dövlət torpaq kadastrı, torpaqların monitorinqi və yerquruluşu haqqında” Azərbaycan Respublikasının Qanununa, Azərbaycan Respublikası Prezidentinin 2010-cu il 27 iyul tarixli 308 nömrəli Fərmanı ilə təsdiq edilmiş “Azərbaycan Respublikasında daşınmaz əmlakın vahid dövlət kadastrının tərtib edilməsi və aparılması Qaydaları”na və digər qanunvericilik aktlarına uyğun olaraq hazırlanmışdır və dövlət və bələdiyyə mülkiyyətində, habelə xüsusi mülkiyyətdə olan bütün kateqoriyalı torpaqların elektron uçotunu aparmaq məqsədi ilə torpaqların elektron kadastr uçotu informasiya sisteminin yaradılması və rəqəmsal kadastr xəritəsinin tərtib olunması mexanizmini müəyyən edir. Həmin Qaydaların 1.2-ci bəndinə əsasən torpaqların elektron kadastr uçotu informasiya sisteminin yaradılması və rəqəmsal kadastr xəritəsinin tərtibi bu Qaydalara uyğun olaraq Azərbaycan Respublikasının Əmlak Məsələləri Dövlət Komitəsi tərəfindən həyata keçirilir. Azərbaycan Respublikası Prezidentinin 2020-ci il 12 may tarixli 1017 nömrəli Fərmanı ilə təsdiq edilmiş “Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin Əsasnaməsi”nin 3.0.23-cü bəndinə əsasən daşınmaz əmlakla, o cümlədən torpaq sahələri ilə bağlı inventarlaşdırma işlərini aparmaq və texniki sənədləri, torpaq sahələrinin planını və ölçüsünü tərtib etmək, daşınmaz əmlak obyektlərinin və torpaqların yerquruluşu məqsədləri üçün kadastr planlarını hazırlamaq Xidmətin vəzifələrinə aiddir. Azərbaycan Respublikası Prezidentinin xx.xx.1997-ci il tarixli 534 nömrəli Fərmanı ilə təsdiq edilmiş «Vətəndaşların qanuni istifadəsindəki (fərdi yaşayış evlərinin, həyətyanı sahələrin, fərdi, kollektiv və kooperativ bağların, dövlət bağçılıq təsərrüfatının idarəçiliyindəki bağların) torpaqların onların mülkiyyətinə verilməsi haqqında Əsasnamə»nin 1-ci bəndinə görə vətəndaşların qanuni istifadəsində və ya icarəsində olan (fərdi yaşayış evlərinin, həyatyanı sahələrin, fərdi, kollektiv və kooperativ bağların, dövlət bağçılıq təsərrüfatının idarəçiliyindəki bağların) torpaqlar əvəzsiz olaraq onların mülkiyyətinə verilir. “Azərbaycan Respublikasında torpaq münasibətlərinin tənzimlənməsi sahəsində əlavə tədbirlər haqqında” Azərbaycan Respublikası Prezidentinin 07 mart 2016-cı il tarixli Fərmanının 2.3-cü bəndində göstərilmişdir ki, (Azərbaycan Respublikasının İqtisadiyyat Nazirliyi) torpaqların elektron kadastr uçotu informasiya sisteminin yaradılması və rəqəmsal kadastr xəritəsinin tərtib edilməsi zamanı fiziki və hüquqi şəxslərin mülkiyyətindəki və qanuni istifadəsindəki fərdi yaşayış evlərinin, həyətyanı sahələrin, fərdi, kollektiv və kooperativ bağların, dövlət bağçılıq təsərrüfatlarının idarəçiliyində olmuş bağların yerləşdiyi torpaqlarda və torpaq islahatı zamanı verilmiş pay torpaqlarında hüquqi və texniki sənədlərdəki məkan göstəriciləri ilə torpaqlardan faktiki istifadə vəziyyətinin məkan göstəriciləri arasında mövcud olan uyğunsuzluqların (sərhəd, yerləşmə və konfiqurasiya fərqlərinin) Azərbaycan Respublikası Torpaq Məcəlləsinin 43-cü maddəsinə uyğun olaraq yerquruluşu qaydasında aradan qaldırılmasını aşağıdakı tələblərə riayət etməklə həyata keçirsin: ... 2.3.5. ərazi vahidləri üzrə layihələrin, torpaqla bağlı normativ hüquqi aktların tələblərinə zidd olmadığı və digər şəxslərin hüquqlarının pozulmadığı hallarda, torpaqların faktiki istifadə vəziyyəti əsas götürülməklə tərtib edilməsi. Azərbaycan Respublikası Prezidentinin xx.xx.2020-ci il tarixli 1017 nömrəli Fərmanı ilə təsdiq edilmiş “Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin Əsasnaməsi”nin 3.0.50-ci yarımbəndində və Azərbaycan Respublikası iqtisadiyyat nazirinin 28 oktyabr 2021-ci il tarixli F-144 nömrəli əmri ilə təsdiq edilmiş “Daşınmaz Əmlakın Dövlət Kadastrı və Reyestri publik hüquqi şəxsin Nizamnaməsi”nin 3.1.20-ci bəndində isə təsbit edilmişdir ki, Azərbaycan Respublikası vətəndaşlarının qanuni istifadəsindəki yaşayış evlərinin, həyətyanı sahələrin, fərdi, kollektiv və kooperativ bağların, dövlət bağçılıq təsərrüfatlarının idarəçiliyində olmuş bağların yerləşdiyi torpaqların yerquruluşu işləri aparılmaqla və normativ hüquqi aktlarda müəyyən edilmiş qaydada torpaq istifadəçiliyində mövcud uyğunsuzluqlar aradan qaldırılmaqla, onların mülkiyyətinə verilməsini rəsmiləşdirmək cavabdeh inzibati orqanın vəzifəsidir. Məhkəmə kollegiyası qeyd edir ki, qanunverici «Daşınmaz əmlakın dövlət reyestri haqqında» Qanunun 8-ci maddəsində nəzərdə tutulan sənədlərdən hər hansı birinin təqdim olunmasını hüquqların dövlət qeydiyyatı üçün kifayət hesab edir. 2007-ci il mayın 22-dək müvafiq icra hakimiyyəti orqanlarının nəzdində olan bağ təsərrüfatı idarələri tərəfindən vətəndaşlara ayrılmış bağ sahələrinə dair verilən qərarlar və orderlər daşınmaz əmlak üzərində hüquqların qeydiyyatı üçün əsasdır. Bakı şəhər İcraiyyə Komitəsinin X13 və X25 bağ sahəsindəki 184 №-li kooperativi tərəfindən X18 verilmiş 7 №-li orderin əsli iddiaçıda mövcuddur və onun arxiv nüsxəsinin cavabdehdə olmaması iddiaçının iradəsindən asılı olmayan haldır. Həmin orderin verilməsinə əsas olmuş Bakı şəhər XDS İcraiyyə Komitəsinin 13 iyun 1990-cı il tarixli, 4/134 №-li qərarı isə Azərbaycan Respublikası Dövlət Arxivinin Bakı filialında saxlanılır və təsdiq edilmiş surəti məhkəməyə təqdim edilmişdir. İddiaçının vərəsəsi olduğu bacısı X14 184 №-li bağ tikinti kooperativinin üzvü olması işin mübahisəsiz halıdır. Cavabdeh tərəfindən qeyd olunan qərarın həqiqətəuyğun olmadığı sübuta yetirilməmişdir. «İnzibati icraat haqqında» Azərbaycan Respublikası Qanununun 64.1-ci maddəsinə əsasən inzibati akt, ünvanlandığı şəxsə və ya maraqlarına toxunduğu şəxsə bu barədə məlumat verildiyi andan və yaxud bu barədə həmin şəxslərə məlum olduğu andan hüquqi qüvvəyə minir. İnzibati akt məlumat verildiyi məzmunda hüquqi qüvvəyə minir və hüquqi cəhətdən etibarlı sayılır. Həmin Qanunun 64.2-ci maddəsinə əsasən inzibati akt qanunla müəyyən olunmuş qaydada geri çağırılana, ləğv edilənə, dəyişdirilənə, qüvvədə olma müddəti qurtardığına və ya başqa səbəbə görə qüvvədən düşmüş hesab edilənə qədər hüquqi qüvvəsini saxlayır və hüquqi cəhətdən etibarlı sayılır. Qeyd olunduğu kimi, Bakı şəhər XDS İcraiyyə Komitəsinin 13 iyun 1990-cı il tarixli, 4/134 №-li qərarına əsasən X18 Ləhiş bağlar sahəsində 184 №-li BTK nəzdində 0,12 hektar torpaq sahəsi olan 2374 №-li bağ ayrılmışdır. Belə olan halda sonuncu “Torpaq islahatı haqqında” Azərbaycan Respublikası Qanunun 9-cu maddəsinə əsasən həmin torpaq sahəsinə qanuni istifadəçi kimi mülkiyyət hüququ əldə etmişdir. İddia edilən torpaq sahəsinin yerləşməsinin bağların bölgüsünə dair sxematik xəritə ilə uyğunsuzluq təşkil etməsi, orderin arxiv nüsxəsinin aşkar edilməməsi, bağın çatışmayan hissəsinin qonşu bağın ərazisi daxilinə düşməsi hüquqların qeydiyyatından imtina üçün əsas hesab edilə bilməz. Belə ki, inzibati orqan tərəfindən məhkəməyə təqdim edilmiş bağların bölgüsünə dair sxematik xəritədə 2374 nömrəli bağ mövcuddur. Hətta sxematik xəritə ilə hər hansı uyğunsuzluq olsa belə, cavabdehin vəzifəsi sözügedən uyğunsuzluğu qanunvericiliklə müəyyən edilmiş qaydada aradan qaldırmaqla hüquqların qeydiyyatının aparılmasını təmin etməkdən ibarətdir. İddiaçının qanuni istifadəsindəki bağın yerləşdiyi torpağın mülkiyyətinə verilməsini yerquruluşu işləri aparılmaqla və normativ hüquqi aktlarda müəyyən edilmiş qaydada torpaq istifadəçiliyində mövcud olan uyğunsuzluqlar aradan qaldırılmaqla rəsmiləşdirmək və sərhədlərini mərzçəkmə qaydasında müəyyən etmək cavabdehin vəzifəsidir. Eyni zamanda, məhkəməyə təqdim edilmiş mütəxəssis rəyindən də aydın olur ki, 2374 nömrəli bağ sahəsi 1044 kvm.-dən ibarət olmaqla həmin bağın 2375 və 2376 nömrəli bağların hüdudları daxilində yerləşən hissəsi isə 156 kvm.- dən ibarətdir. 2376 nömrəli bağ sahəsi üzrə üçüncü şəxsin 0,12 ha torpaq sahəsinə dair mülkiyyət hüquqları qeydə alınmış olsa da, sonuncu tərəfindən faktiki olaraq 2375 və 2376 nömrəli bağ sahələrinin ümumi sahəsindən istifadə edilir. 2375 nömrəli bağ sahəsi ilə bağlı hər hansı hüquqmüəyyənedici sənədlərin mövcudluğu isə məhkəmə araşdırılması zamanı müəyyən edilməmişdir. Göründüyü kimi, hazırda qeyd olunan qərar və order ləğv edilməmiş və ya etibarsız hesab edilməmişdir, hazırda qüvvədədir. Həmin sənədlər «Daşınmaz əmlakın dövlət reyestri haqqında» Azərbaycan Respublikası Qanununun tələblərinə əsasən daşınmaz əmlak üzərində hüquqların əmələ gəlməsinin dövlət qeydiyyatı üçün əsaslardan biri kimi nəzərdə tutulmuşdur. Bundan başqa, Azərbaycan Respublikası Ali Məhkəməsinin xx.xx.2023-cü il tarixli, 2- 1(102)-2464/2023 nömrəli qərarında qeyd olunan göstərişlərə uyğun olaraq Bakı şəhər İcraiyyə Komitəsinin X13 və X25 bağ sahəsindəki 184 №-li kooperativi tərəfindən X18 verilmiş 7 №-li orderin əsli əldə edilərək məhkəmə kollegiyası tərəfindən müayinə edilmiş və həmin orderin üzərindəki möhürün «Araz A» kiçik müəssisəsinə məxsus olduğu müəyyən edilmişdir. Lakin məhkəmə kollegiyası qeyd edir ki, orderin üzərində olan möhürün səlahiyyəti və aidiyyəti olmayan “Araz A” kiçik müəssisəsinə aid olmasına baxmayaraq, orderin verilməsinə əsas olan Bakı şəhər XDS İcraiyyə Komitəsinin 13 iyun 1990-cı il tarixli, 4/134 №-li qərarı qüvvədə olmaqla mötəbər sənəd kimi qəbul olunur. «İnzibati icraat haqqında» Azərbaycan Respublikası Qanununun 19-cu maddəsində nəzərdə tutulan mötəbərlik prezumpsiyasını və işin hallarını nəzərə alaraq məhkəmə kollegiyası qeyd edir ki, həmin qərarın mötəbərliyi hər hansı şübhə doğurmur. Bundan başqa, məhkəmə kollegiyasının iclasında cavabdehin nümayəndəsi verdiyi izahatında göstərmişdir ki, nümayəndəsi olduğu idarənin əməkdaşları tərəfindən mübahisələndirilən torpaq sahəsinə baxış keçirilmişdir. Müayinə zamanı torpaq sahəsinin hüquqmüəyyənedici sənəd üzrə sahəsi 1200 kv.m olsa da faktiki 615,5 kv.m təşkil edir. Torpaq sahəsi ümumi hasar daxilində yerləşir və həmin bağ sahəsinin çatışmayan 584,5 kv.m hissəsinin isə şimal tərəfdə, qonşu bağın, yəni iş üzrə üçüncü şəxs X3 məxsus ərazi daxilindədir. Bu səbəbdən torpaq sahəsinin hüquqmüəyyənedici sənəd üzrə sahəsi 1200 kv.m olsa da faktiki 615,5 kv.m təşkil edir. Torpaq sahəsinin çatışmayan hissəsi X5 məxsus ərazi daxilində yerləşir. Lakin sonuncuya həmin hissəyə dair çıxarış verilməmişdir. Məhkəmə kollegiyasının iclasının yeri və vaxtı barədə iş üzrə üçüncü şəxs qismində cəlb edilmiş X6 dəfələrlə məlumat verilməsinə baxmayaraq, sonuncu məhkəmə kollegiyasının iclasında iştirak etməmiş, səbəbləri barədə heç bir məlumat verməmişdir. X4 məhkəmə bildirişlərini alması iş materiallarına əlavə edilmiş xəbərnamələrlə təsdiq olunur. Azərbaycan Respublikası İPM-nin 73.1-ci maddəsinə əsasən inzibati aktın qəbulundan imtina olunmasının və ya cavabdehin hərəkətsizliyi nəticəsində inzibati aktın qəbul edilməməsinin qanunazidd olduğu və iddiaçının hüquqlarının pozulmasına səbəb olduğu hallarda, məhkəmə inzibati orqanın üzərinə inzibati aktın qəbul edilməsi barədə öhdəlik qoyur. Azərbaycan Respublikası İnzibati Prosessual Məcəlləsinin 58.7-ci maddəsinə əsasən sübutlar məhkəmə tərəfindən tam və hərtərəfli araşdırıldıqdan sonra qiymətləndirilir. Həmin Məcəllənin 68.1-ci maddəsinin tələbinə görə məhkəmə mübahisə ilə bağlı iş üzrə inzibati məhkəmə icraatı nəticəsində onda yaranmış daxili inam əsasında qərar qəbul edir. Qərarda məhkəmənin mövqeyi üçün əsas olmuş səbəblər göstərilməlidir. Cavabdehin apellyasiya şikayətində qeyd etdiyi digər dəlillərə gəldikdə isə məhkəmə kollegiyası bu barədə bildirir ki, həmin dəlillər iddiaçıya ünvanlanmış imtina məktubu və iddiaya dair yazılı etirazla eyni məzmunlu olub, bu qərarın əsaslandırıcı hissəsində qeyd olunanlarla bağlı əsassızdır və qəbul edilməməlidir. Yuxarıda qeyd olunanlara görə məhkəmə kollegiyası hesab edir ki, apellyasiya şikayəti təmin edilməməli, birinci instansiya məhkəməsinin qərarı Bakı şəhəri, Sabunçu rayonu, Ləhiş bağ massivi ünvanında yerləşən 0,12 ha torpaq sahəsi olan 2374 nömrəli bağ sahəsinin İddiaçı mərhum bacısı X18 məxsus olması (mülkiyyət hüququ ilə) barədə arayışın (elektron çıxarışın) verilməsi öhdəliyinin cavabdeh Daşınmaz Əmlakın Dövlət Kadastrı və Reyestri publik hüquqi şəxsinin 1 saylı Bakı Ərazi İdarəsinə həvalə edilməsi qeyd edilməklə dəyişdirilmədən saxlanılmalıdır. Nəticəvi hissə: Şərh olunanlara əsasən və Azərbaycan Respublikasının İnzibati Prosessual Məcəlləsinin 87, 90, 94-cü maddələrinin tələblərini rəhbər tutaraq, Kollegiya qərara aldı: Cavabdehin apellyasiya şikayəti təmin edilməsin. Bakı İnzibati Məhkəməsinin 17 noyabr 2022-ci il tarixli, 2-1(112)-731/2022 saylı qərarı Bakı şəhəri, Sabunçu rayonu, Ləhiş bağ massivi ünvanında yerləşən 0,12 ha torpaq sahəsi olan 2374 nömrəli bağ sahəsinin İddiaçı mərhum bacısı X18 məxsus olması (mülkiyyət hüququ ilə) barədə arayışın (elektron çıxarışın) verilməsi öhdəliyinin cavabdeh Daşınmaz Əmlakın Dövlət Kadastrı və Reyestri publik hüquqi şəxsinin 1 saylı Bakı Ərazi İdarəsinə həvalə edilməsi qeyd edilməklə dəyişdirilmədən saxlanılsın. Qərardan onun rəsmi qaydada verildiyi gündən 1 (bir) ay müddətində Bakı Apellyasiya Məhkəməsinin İnzibati Kollegiyası vasitəsilə Azərbaycan Respublikasının Ali Məhkəməsinin İnzibati Kollegiyasına kassasiya şikayəti verilə bilər. Sədrlik edən: Rəşid Səmədov Hakimlər: Xəyalə Cəmilova Elvin Əliyev